ਸ਼ੁੱਕਰ ਦਾ ਮਿਥੁਨ ਰਾਸ਼ੀ 'ਚ ਗੋਚਰ: ਬ੍ਰਿਖ ਸਮੇਤ 3 ਰਾਸ਼ੀਆਂ ਵਾਲਿਆਂ ਦੇ ਸ਼ੁਰੂ ਹੋਣਗੇ 'ਅੱਛੇ ਦਿਨ'

ਧਰਮ ਡੈਸਕ, ਨਵੀਂ ਦਿੱਲੀ: ਵੈਦਿਕ ਜੋਤਿਸ਼ ਸ਼ਾਸਤਰ ਅਨੁਸਾਰ, ਸਾਡੀ ਕਿਸਮਤ ਦਾ ਸਿੱਧਾ ਸਬੰਧ ਗ੍ਰਹਿਆਂ ਦੀ ਚਾਲ ਨਾਲ ਹੁੰਦਾ ਹੈ। ਜਦੋਂ ਵੀ ਕੋਈ ਗ੍ਰਹਿ ਆਪਣਾ ਘਰ (ਰਾਸ਼ੀ) ਬਦਲਦਾ ਹੈ ਤਾਂ ਸਾਡੀ ਰੋਜ਼ਾਨਾ ਜ਼ਿੰਦਗੀ 'ਚ ਵੀ ਵੱਡੀਆਂ ਤਬਦੀਲੀਆਂ ਆਉਂਦੀਆਂ ਹਨ। ਜੋਤਿਸ਼ ਗਣਨਾਵਾਂ (ਪੰਚਾਂਗ) ਮੁਤਾਬਕ, 14 ਮਈ 2026 ਨੂੰ ਇਕ ਬਹੁਤ ਹੀ ਸ਼ਾਨਦਾਰ ਜੋਤਿਸ਼ ਘਟਨਾ ਹੋਣ ਜਾ ਰਹੀ ਹੈ। ਸੁੱਖ, ਦੌਲਤ, ਰੋਮਾਂਸ ਤੇ ਐਸ਼ੋ-ਆਰਾਮ ਦੇ ਕਾਰਕ ਮੰਨੇ ਜਾਣ ਵਾਲੇ 'ਸ਼ੁੱਕਰ' ਗ੍ਰਹਿ ਆਪਣੀ ਚਾਲ ਬਦਲ ਕੇ 'ਮਿਥੁਨ ਰਾਸ਼ੀ' 'ਚ ਗੋਚਰ (ਪ੍ਰਵੇਸ਼) ਕਰਨ ਵਾਲੇ ਹਨ।

ਜੋਤਿਸ਼ ਸ਼ਾਸਤਰ 'ਚ ਸ਼ੁੱਕਰ ਗ੍ਰਹਿ ਨੂੰ ਬਹੁਤ ਹੀ ਸ਼ੁਭ ਫਲ ਦੇਣ ਵਾਲਾ ਗ੍ਰਹਿ ਮੰਨਿਆ ਗਿਆ ਹੈ। ਮਾਨਤਾਵਾਂ ਅਨੁਸਾਰ, ਜਿਸ ਵਿਅਕਤੀ 'ਤੇ ਸ਼ੁੱਕਰ ਦੇਵ ਮਿਹਰਬਾਨ ਹੋ ਜਾਣ, ਉਸ ਨੂੰ ਰੰਕ ਤੋਂ ਰਾਜਾ ਬਣਦਿਆਂ ਦੇਰ ਨਹੀਂ ਲੱਗਦੀ। ਵੈਸੇ ਤਾਂ ਸ਼ੁੱਕਰ ਦੇ ਇਸ ਬਦਲਾਅ ਦਾ ਅਸਰ ਸਾਰੀਆਂ 12 ਰਾਸ਼ੀਆਂ 'ਤੇ ਦੇਖਣ ਨੂੰ ਮਿਲੇਗਾ ਪਰ ਤਿੰਨ ਖਾਸ ਰਾਸ਼ੀਆਂ ਅਜਿਹੀਆਂ ਹਨ, ਜਿਨ੍ਹਾਂ ਦੀ ਜ਼ਿੰਦਗੀ ਵਿਚ ਜ਼ਬਰਦਸਤ ਸਕਾਰਾਤਮਕਤਾ ਆਉਣ ਵਾਲੀ ਹੈ। ਇਹ ਰਾਸ਼ੀਆਂ ਹਨ- ਬ੍ਰਿਖ, ਮਿਥੁਨ ਤੇ ਕੁੰਭ।

ਬ੍ਰਿਖ ਰਾਸ਼ੀ (Taurus)

ਜੋਤਿਸ਼ ਸ਼ਾਸਤਰ ਅਨੁਸਾਰ, ਤੁਹਾਡੇ ਲਈ ਇਹ ਸਮਾਂ ਆਰਥਿਕ ਤਰੱਕੀ ਲੈ ਕੇ ਆ ਰਿਹਾ ਹੈ। ਜੇਕਰ ਤੁਹਾਡਾ ਕੋਈ ਕੰਮ ਕਾਫੀ ਸਮੇਂ ਤੋਂ ਰੁਕਿਆ ਹੋਇਆ ਸੀ ਜਾਂ ਕਿਤੇ ਪੈਸਾ ਫਸਿਆ ਹੋਇਆ ਸੀ ਤਾਂ ਉਹ ਹੁਣ ਵਾਪਸ ਮਿਲ ਸਕਦਾ ਹੈ। ਜੋ ਲੋਕ ਨੌਕਰੀ ਕਰ ਰਹੇ ਹਨ ਉਨ੍ਹਾਂ ਨੂੰ ਦਫਤਰ 'ਚ ਤਾਰੀਫ ਜਾਂ ਕੋਈ ਨਵੀਂ ਜ਼ਿੰਮੇਵਾਰੀ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ ਪਰਿਵਾਰ 'ਚ ਖੁਸ਼ੀਆਂ ਦਾ ਮਾਹੌਲ ਰਹੇਗਾ ਅਤੇ ਜੀਵਨ ਸਾਥੀ ਨਾਲ ਤੁਹਾਡਾ ਰਿਸ਼ਤਾ ਹੋਰ ਵੀ ਮਜ਼ਬੂਤ ਹੋਵੇਗਾ।

ਮਿਥੁਨ ਰਾਸ਼ੀ (Gemini)

ਕਿਉਂਕਿ ਸ਼ੁੱਕਰ ਗ੍ਰਹਿ ਤੁਹਾਡੀ ਹੀ ਰਾਸ਼ੀ 'ਚ ਆ ਰਹੇ ਹਨ, ਇਸ ਲਈ ਸਭ ਤੋਂ ਵੱਧ ਫਾਇਦਾ ਵੀ ਤੁਹਾਨੂੰ ਹੀ ਮਿਲਣ ਵਾਲਾ ਹੈ। ਇਸ ਦੌਰਾਨ ਤੁਹਾਡੇ ਅੰਦਰ ਗਜ਼ਬ ਦਾ ਆਤਮ-ਵਿਸ਼ਵਾਸ (Confidence) ਦੇਖਣ ਨੂੰ ਮਿਲੇਗਾ। ਤੁਹਾਡੀ ਸ਼ਖਸੀਅਤ 'ਚ ਅਜਿਹਾ ਨਿਖਾਰ ਆਵੇਗਾ ਕਿ ਲੋਕ ਤੁਹਾਡੀਆਂ ਗੱਲਾਂ ਤੋਂ ਪ੍ਰਭਾਵਿਤ ਹੋਏ ਬਿਨਾਂ ਨਹੀਂ ਰਹਿ ਸਕਣਗੇ। ਜੇਕਰ ਤੁਸੀਂ ਕੋਈ ਨਵਾਂ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਸੋਚ ਰਹੇ ਹੋ ਜਾਂ ਨੌਕਰੀ ਵਿੱਚ ਬਦਲਾਅ ਚਾਹੁੰਦੇ ਹੋ, ਤਾਂ ਇਹ ਸਮਾਂ ਤੁਹਾਡੇ ਲਈ ਬਿਲਕੁਲ ਸਹੀ ਸਾਬਤ ਹੋ ਸਕਦਾ ਹੈ।

ਕੁੰਭ ਰਾਸ਼ੀ (Aquarius)

ਕੁੰਭ ਰਾਸ਼ੀ ਵਾਲਿਆਂ ਲਈ ਇਹ ਗੋਚਰ ਕਿਸੇ ਖੁਸ਼ਖਬਰੀ ਤੋਂ ਘੱਟ ਨਹੀਂ ਹੈ। ਜੋਤਿਸ਼ ਮਾਨਤਾਵਾਂ ਅਨੁਸਾਰ, ਇਸ ਦੌਰਾਨ ਤੁਹਾਨੂੰ ਅਚਾਨਕ ਧਨ ਲਾਭ ਹੋਣ ਦੇ ਯੋਗ ਬਣ ਰਹੇ ਹਨ। ਤੁਹਾਡੀ ਲਵ ਲਾਈਫ ਵਿੱਚ ਜੋ ਵੀ ਛੋਟੀਆਂ-ਮੋਟੀਆਂ ਪਰੇਸ਼ਾਨੀਆਂ ਜਾਂ ਗਲਤਫਹਿਮੀਆਂ ਚੱਲ ਰਹੀਆਂ ਸਨ, ਉਹ ਹੁਣ ਦੂਰ ਹੋ ਜਾਣਗੀਆਂ। ਵਿਦਿਆਰਥੀਆਂ ਅਤੇ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਨੌਜਵਾਨਾਂ ਲਈ ਵੀ ਇਹ ਸਮਾਂ ਕਾਫੀ ਲੱਕੀ ਰਹਿਣ ਵਾਲਾ ਹੈ, ਤੁਹਾਨੂੰ ਆਪਣੀ ਮਿਹਨਤ ਦਾ ਮਿੱਠਾ ਫਲ ਜ਼ਰੂਰ ਮਿਲੇਗਾ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।