ਸ਼ੁੱਕਰ ਦਾ ਗੋਚਰ ਕਰਵਾਏਗਾ ਧਨ ਲਾਭ ! ਸਿੰਘ ਤੋਂ ਬ੍ਰਿਸ਼ਚਕ ਰਾਸ਼ੀ 'ਤੇ ਕੀ ਪਵੇਗਾ ਪ੍ਰਭਾਵ

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਸ਼ੁੱਕਰਦੇਵ ਨੇ 26 ਮਾਰਚ ਨੂੰ ਮੇਖ ਰਾਸ਼ੀ 'ਚ ਪ੍ਰਵੇਸ਼ ਕੀਤਾ ਹੈ। ਇਹ ਗੋਚਰ ਸਾਨੂੰ ਰਿਸ਼ਤਿਆਂ, ਰਚਨਾਤਮਕ ਕਾਰਜਾਂ ਤੇ ਪੈਸਿਆਂ ਨਾਲ ਜੁੜੇ ਮਾਮਲਿਆਂ 'ਚ ਪਹਿਲ ਕਰਨ ਲਈ ਪ੍ਰੇਰਿਤ ਕਰੇਗਾ। ਹਾਲਾਂਕਿ, ਇਸ ਸਮੇਂ ਧੀਰਜ ਬਣਾਈ ਰੱਖਣਾ ਬਹੁਤ ਜ਼ਰੂਰੀ ਹੈ। ਭਾਵਨਾਵਾਂ 'ਚ ਵਹਿ ਕੇ ਲਏ ਗਏ ਫੈਸਲੇ ਹਮੇਸ਼ਾ ਲੰਬੇ ਸਮੇਂ ਤਕ ਸੁੱਖ ਨਹੀਂ ਦਿੰਦੇ, ਇਸ ਲਈ ਜੋਸ਼ ਦੇ ਨਾਲ ਸਹਿਜਤਾ ਦਾ ਤਾਲਮੇਲ ਬਿਠਾਉਣਾ ਲਾਜ਼ਮੀ ਹੈ। ਅਜਿਹੇ 'ਚ ਆਓ ਐਸਟ੍ਰੋਲੋਜਰ ਆਨੰਦ ਸਾਗਰ ਪਾਠਕ ਤੋਂ ਜਾਣਦੇ ਹਾਂ ਕਿ ਸਿੰਘ ਤੋਂ ਬ੍ਰਿਸ਼ਚਕ ਰਾਸ਼ੀ 'ਤੇ ਸ਼ੁੱਕਰ ਗੋਚਰ ਦਾ ਕੀ ਪ੍ਰਭਾਵ ਪਵੇਗਾ।

ਸਿੰਘ ਰਾਸ਼ੀ (Leo)

ਸ਼ੁੱਕਰਦੇਵ ਤੁਹਾਡੀ ਰਾਸ਼ੀ ਤੋਂ ਨੌਵੇਂ ਭਾਵ 'ਚ ਰਹਿਣਗੇ, ਜੋ ਕਿਸਮਤ ਤੇ ਤਰੱਕੀ ਦਾ ਸਥਾਨ ਹੈ। ਇਹ ਸਮਾਂ ਤੁਹਾਡੇ ਲਈ ਨਵੀਆਂ ਉਮੀਦਾਂ ਤੇ ਪ੍ਰੇਰਨਾ ਲਿਆਵੇਗਾ। ਤੁਹਾਨੂੰ ਕੁਝ ਨਵਾਂ ਸਿੱਖਣ ਜਾਂ ਲੰਬੀ ਯਾਤਰਾ 'ਤੇ ਜਾਣ ਦੇ ਮੌਕੇ ਮਿਲ ਸਕਦੇ ਹਨ। ਤੁਹਾਡੀ ਗੱਲਬਾਤ ਦਾ ਤਰੀਕਾ ਪਹਿਲਾਂ ਨਾਲੋਂ ਬਿਹਤਰ ਹੋਵੇਗਾ, ਜਿਸ ਨਾਲ ਤੁਸੀਂ ਆਪਣੀ ਗੱਲ ਦੂਜਿਆਂ ਨੂੰ ਆਸਾਨੀ ਨਾਲ ਸਮਝਾ ਸਕੋਗੇ। ਪੇਸ਼ੇਵਰ ਜੀਵਨ ਵਿੱਚ ਨਵੇਂ ਰਚਨਾਤਮਕ ਆਇਡੀਆਜ਼ ਨਾਲ ਤੁਹਾਨੂੰ ਫਾਇਦਾ ਹੋ ਸਕਦਾ ਹੈ। ਬੱਸ ਧਿਆਨ ਰੱਖੋ ਕਿ ਕਾਮਯਾਬੀ ਦੇ ਇਸ ਦੌਰ 'ਚ ਜ਼ਮੀਨ ਨਾਲ ਜੁੜੇ ਰਹੋ। ਭੈਣ-ਭਰਾਵਾਂ ਨਾਲ ਤੁਹਾਡੇ ਰਿਸ਼ਤੇ ਹੋਰ ਮਧੁਰ ਹੋਣਗੇ। ਆਪਣੀ ਮਿਹਨਤ 'ਤੇ ਭਰੋਸਾ ਰੱਖੋ ਅਤੇ ਮਿਲਣ ਵਾਲੇ ਮੌਕਿਆਂ ਦਾ ਸਹੀ ਸੰਚਾਲਨ ਕਰੋ।

ਉਪਾਅ: ਸੂਰਜ ਦੇਵ ਨੂੰ ਜਲ ਚੜ੍ਹਾਓ ਅਤੇ ਆਪਣੇ ਗੁਰੂਆਂ ਤੇ ਵੱਡਿਆਂ ਦਾ ਸਤਿਕਾਰ ਕਰੋ।

ਕੰਨਿਆ ਰਾਸ਼ੀ (Virgo)

ਸ਼ੁੱਕਰਦੇਵ ਨੇ ਤੁਹਾਡੇ ਅੱਠਵੇਂ ਭਾਵ 'ਚ ਗੋਚਰ ਕੀਤਾ ਹੈ, ਜੋ ਥੋੜ੍ਹਾ ਸੰਭਲ ਕੇ ਚੱਲਣ ਦਾ ਸੰਕੇਤ ਹੈ। ਇਸ ਦੌਰਾਨ ਆਰਥਿਕ ਮਾਮਲਿਆਂ ਅਤੇ ਨਿਵੇਸ਼ 'ਚ ਕੋਈ ਵੀ ਜੋਖ਼ਮ ਲੈਣ ਤੋਂ ਬਚੋ, ਕਿਉਂਕਿ ਨੁਕਸਾਨ ਦੀ ਸੰਭਾਵਨਾ ਬਣੀ ਰਹਿ ਸਕਦੀ ਹੈ। ਪਰਿਵਾਰ ਦੇ ਮੈਂਬਰਾਂ ਨਾਲ ਗੱਲਬਾਤ ਕਰਦੇ ਸਮੇਂ ਬਾਣੀ 'ਤੇ ਸੰਜਮ ਰੱਖੋ। ਮਾਨਸਿਕ ਤੌਰ 'ਤੇ ਤੁਸੀਂ ਥੋੜ੍ਹੇ ਸੰਵੇਦਨਸ਼ੀਲ ਰਹਿ ਸਕਦੇ ਹੋ। ਇਹ ਸਮਾਂ ਖੁਦ ਨੂੰ ਸਮਝਣ ਤੇ ਪੁਰਾਣੀਆਂ ਗਲਤੀਆਂ ਤੋਂ ਸਿੱਖਣ ਲਈ ਬਹੁਤ ਵਧੀਆ ਹੈ। ਧਨ ਦੇ ਲੈਣ-ਦੇਣ 'ਚ ਪੂਰੀ ਸਪਸ਼ਟਤਾ ਬਣਾਈ ਰੱਖੋ ਤੇ ਕਿਸੇ ਵੀ ਨਵੇਂ ਸਮਝੌਤੇ ਨੂੰ ਚੰਗੀ ਤਰ੍ਹਾਂ ਪੜ੍ਹ ਲਓ। ਆਪਣੀ ਅੰਦਰੂਨੀ ਸ਼ਾਂਤੀ 'ਤੇ ਧਿਆਨ ਦਿਓ ਅਤੇ ਵੱਡੇ ਵਿੱਤੀ ਫੈਸਲੇ ਫਿਲਹਾਲ ਟਾਲ ਦੇਣਾ ਹੀ ਸਮਝਦਾਰੀ ਹੋਵੇਗੀ।

ਉਪਾਅ: ਸ਼ੁੱਕਰਵਾਰ ਨੂੰ ਚਿੱਟੇ ਚੌਲਾਂ ਦਾ ਦਾਨ ਕਰੋ ਅਤੇ ਆਰਥਿਕ ਮਾਮਲਿਆਂ 'ਚ ਪਾਰਦਰਸ਼ਤਾ ਰੱਖੋ।

ਤੁਲਾ ਰਾਸ਼ੀ (Libra)

ਸ਼ੁੱਕਰਦੇਵ ਤੁਹਾਡੇ ਸੱਤਵੇਂ ਭਾਵ 'ਚ ਰਹਿਣਗੇ, ਜਿਸ ਨਾਲ ਤੁਹਾਡਾ ਮੁੱਖ ਧਿਆਨ ਰਿਸ਼ਤਿਆਂ ਤੇ ਸਾਂਝੇਦਾਰੀ 'ਤੇ ਰਹੇਗਾ। ਤੁਸੀਂ ਆਪਣੇ ਜੀਵਨਸਾਥੀ ਜਾਂ ਪਾਰਟਨਰ ਨਾਲ ਡੂੰਘਾ ਜੁੜਾਅ ਮਹਿਸੂਸ ਕਰੋਗੇ ਤੇ ਆਪਸੀ ਤਾਲਮੇਲ ਬਿਹਤਰ ਹੋਵੇਗਾ। ਤੁਹਾਡੀ ਸ਼ਖਸੀਅਤ 'ਚ ਖਿੱਚ ਪੈਦਾ ਹੋਵੇਗੀ, ਜਿਸ ਨਾਲ ਲੋਕ ਤੁਹਾਡੀਆਂ ਗੱਲਾਂ ਨੂੰ ਗੰਭੀਰਤਾ ਨਾਲ ਲੈਣਗੇ। ਵਪਾਰ 'ਚ ਨਵੀਂ ਪਾਰਟਨਰਸ਼ਿਪ ਲਈ ਵੀ ਇਹ ਸਮਾਂ ਅਨੁਕੂਲ ਹੈ। ਬੱਸ ਧਿਆਨ ਰੱਖੋ ਕਿ ਰਿਸ਼ਤਿਆਂ 'ਚ ਲੋੜ ਤੋਂ ਵੱਧ ਨਿਰਭਰਤਾ ਨਾ ਵਧਾਓ। ਸਮਾਜਿਕ ਕਾਰਜਾਂ 'ਚ ਤੁਹਾਡੀ ਭਾਗੀਦਾਰੀ ਵਧੇਗੀ ਅਤੇ ਮਾਣ-ਸਨਮਾਨ ਮਿਲੇਗਾ। ਆਪਣੀ ਅਤੇ ਪਾਰਟਨਰ ਦੀਆਂ ਲੋੜਾਂ ਵਿਚਕਾਰ ਸਹੀ ਸੰਤੁਲਨ ਬਣਾਉਣਾ ਹੀ ਸਫਲਤਾ ਦੀ ਕੁੰਜੀ ਹੋਵੇਗੀ। ਭਵਿੱਖ ਲਈ ਮਿਲ ਕੇ ਸੁਖਦ ਯੋਜਨਾਵਾਂ ਬਣਾਓ।

ਉਪਾਅ: ਮਾਂ ਲਕਸ਼ਮੀ ਦੀ ਪੂਜਾ ਕਰੋ ਅਤੇ ਆਪਣੇ ਰਿਸ਼ਤਿਆਂ ਵਿੱਚ ਹਮੇਸ਼ਾ ਸੰਤੁਲਨ ਬਣਾਈ ਰੱਖੋ।

ਬ੍ਰਿਸ਼ਚਕ ਰਾਸ਼ੀ (Scorpio)

ਸ਼ੁੱਕਰਦੇਵ ਦਾ ਗੋਚਰ ਤੁਹਾਡੇ ਛੇਵੇਂ ਭਾਵ 'ਚ ਹੈ ਜਿਸ ਨਾਲ ਤੁਹਾਨੂੰ ਆਪਣੀ ਰੂਟੀਨ ਤੇ ਕੰਮ ਦੇ ਮਾਹੌਲ 'ਤੇ ਧਿਆਨ ਦੇਣਾ ਹੋਵੇਗਾ। ਦਫ਼ਤਰ 'ਚ ਸਹਿਕਰਮੀਆਂ ਨਾਲ ਕਿਸੇ ਵੀ ਤਰ੍ਹਾਂ ਦੇ ਝਗੜੇ ਤੋਂ ਖੁਦ ਨੂੰ ਦੂਰ ਰੱਖੋ। ਖਰਚਿਆਂ 'ਚ ਵਾਧਾ ਹੋ ਸਕਦਾ ਹੈ, ਇਸ ਲਈ ਧਨ ਦਾ ਸਹੀ ਸੰਚਾਲਨ ਬਹੁਤ ਜ਼ਰੂਰੀ ਹੈ। ਸਿਹਤ ਨੂੰ ਲੈ ਕੇ ਸਾਵਧਾਨੀ ਵਰਤੋ ਤੇ ਇਕ ਅਨੁਸ਼ਾਸਿਤ ਜੀਵਨਸ਼ੈਲੀ ਅਪਣਾਓ। ਰਿਸ਼ਤਿਆਂ 'ਚ ਸੰਵਾਦ ਦੀ ਕਮੀ ਨਾਲ ਥੋੜ੍ਹੀ ਦੂਰੀ ਮਹਿਸੂਸ ਹੋ ਸਕਦੀ ਹੈ, ਇਸ ਲਈ ਆਪਣੀ ਗੱਲ ਸਪਸ਼ਟਤਾ ਨਾਲ ਕਹੋ। ਮਿਹਨਤ ਦਾ ਫਲ ਮਿਲਣ ਵਿੱਚ ਥੋੜ੍ਹਾ ਸਮਾਂ ਲੱਗ ਸਕਦਾ ਹੈ, ਪਰ ਹਾਰ ਨਾ ਮੰਨੋ। ਤੁਹਾਡਾ ਅਨੁਸ਼ਾਸਨ ਹੀ ਤੁਹਾਨੂੰ ਇਸ ਸਮੇਂ ਦੀਆਂ ਚੁਣੌਤੀਆਂ ਵਿੱਚੋਂ ਬਾਹਰ ਕੱਢਣ 'ਚ ਮਦਦਗਾਰ ਸਾਬਤ ਹੋਵੇਗਾ।

ਉਪਾਅ: ਸ਼ੁੱਕਰਵਾਰ ਨੂੰ ਚਿੱਟੀ ਮਠਿਆਈ ਦਾ ਦਾਨ ਕਰੋ ਤੇ ਕਾਰਜਖੇਤਰ 'ਚ ਵਿਵਾਦਾਂ ਤੋਂ ਬਚੋ।

ਲੇਖਕ : ਸ਼੍ਰੀ ਆਨੰਦ ਸਾਗਰ ਪਾਠਕ, astropatri.com, ਫੀਡਬੈਕ ਲਈ ਲਿਖੋਂ: hello@astropatri.com