ਤਣਾਅ ਅਤੇ ਕਲੇਸ਼ ਤੋਂ ਮੁਕਤੀ ਪਾਉਣੀ ਹੈ ? ਗੁਲਾਬ ਦੀਆਂ ਪੰਖੁੜੀਆਂ ਦਾ ਇਹ ਜਾਦੂਈ ਉਪਾਅ ਬਦਲ ਦੇਵੇਗਾ ਤੁਹਾਡੀ ਲਾਈਫ

ਧਰਮ ਡੈਸਕ, ਨਵੀਂ ਦਿੱਲੀ : ਅੱਜ ਦੇ ਆਧੁਨਿਕ ਦੌਰ 'ਚ ਅਸੀਂ ਆਪਣੇ ਘਰਾਂ ਨੂੰ ਮਹਿਕਾਉਣ ਲਈ ਕੈਮੀਕਲ ਵਾਲੇ ਰੂਮ ਫਰੈਸ਼ਨਰਜ਼ ਦੀ ਵਰਤੋਂ ਕਰਦੇ ਹਾਂ। ਪਰ, ਵਾਸਤੂ ਸ਼ਾਸਤਰ ਅਨੁਸਾਰ ਇਹ ਸੁਗੰਧਾਂ ਸਿਰਫ਼ ਗੰਧ ਨੂੰ ਛੁਪਾਉਂਦੀਆਂ ਹਨ, ਘਰ ਦੀ ਊਰਜਾ ਨੂੰ ਨਹੀਂ ਬਦਲਦੀਆਂ। ਜੇਕਰ ਤੁਸੀਂ ਆਪਣੇ ਘਰ ਵਿਚ ਅਸਲੀ ਸਕਾਰਾਤਮਕਤਾ ਅਤੇ ਸ਼ਾਂਤੀ ਚਾਹੁੰਦੇ ਹੋ ਤਾਂ 'ਫੁੱਲਾਂ ਦੇ ਰਾਜੇ' ਗੁਲਾਬ ਦਾ ਸਹਾਰਾ ਲਓ।

ਕੀ ਤੁਹਾਨੂੰ ਮਹਿਸੂਸ ਹੁੰਦਾ ਹੈ ਕਿ ਘਰ ਵਿਚ ਦਾਖਲ ਹੁੰਦੇ ਹੀ ਕਿਸੇ ਤਰ੍ਹਾਂ ਦਾ ਭਾਰੀਪਨ ਜਾਂ ਚਿੜਚਿੜਾਪਨ ਹੋਣ ਲੱਗਦਾ ਹੈ? ਅਕਸਰ ਇਹ ਘਰ ਵਿਚ ਮੌਜੂਦ ਵਾਸਤੂ ਦੋਸ਼ ਜਾਂ ਸਥਿਰ ਊਰਜਾ (Stagnant Energy) ਕਾਰਨ ਹੁੰਦਾ ਹੈ। ਅਜਿਹੇ ਵਿਚ ਗੁਲਾਬ ਦੀਆਂ ਪੰਖੁੜੀਆਂ ਸਾਡੇ ਜੀਵਨ ਵਿਚ ਇੱਕ ਕੁਦਰਤੀ ਹੀਲਰ (Healer) ਦੀ ਤਰ੍ਹਾਂ ਕੰਮ ਕਰਦੀਆਂ ਹਨ।

ਵਾਸਤੂ ਅਤੇ ਗੁਲਾਬ ਦਾ ਡੂੰਘਾ ਸਬੰਧ

ਗੁਲਾਬ ਨਾ ਸਿਰਫ਼ ਸੁੰਦਰਤਾ ਦਾ ਪ੍ਰਤੀਕ ਹੈ, ਸਗੋਂ ਇਸ ਵਿਚ ਦੈਵੀ ਊਰਜਾ ਦਾ ਵਾਸ ਵੀ ਮੰਨਿਆ ਜਾਂਦਾ ਹੈ। ਵਾਸਤੂ ਅਨੁਸਾਰ, ਤਾਜ਼ੇ ਗੁਲਾਬ ਦੀਆਂ ਪੱਤੀਆਂ ਘਰ ਦੇ ਵਾਤਾਵਰਨ 'ਚੋਂ ਨਕਾਰਾਤਮਕਤਾ (Negativity) ਨੂੰ ਸੋਖ ਲੈਂਦੀਆਂ ਹਨ। ਇਕ ਕੱਚ ਦੇ ਕਟੋਰੇ 'ਚ ਸਾਫ਼ ਪਾਣੀ ਭਰ ਕੇ ਉਸ ਵਿਚ ਤਾਜ਼ੇ ਗੁਲਾਬ ਦੀਆਂ ਪੱਤੀਆਂ ਪਾ ਕੇ ਰੱਖਣ ਨਾਲ ਘਰ ਦੀ ਹਵਾ ਸ਼ੁੱਧ ਹੁੰਦੀ ਹੈ ਤੇ ਮਾਨਸਿਕ ਤਣਾਅ ਘੱਟ ਹੁੰਦਾ ਹੈ।

ਸ਼ੁੱਕਰ ਗ੍ਰਹਿ ਦੀ ਕਿਰਪਾ ਬਣੀ ਰਹਿੰਦੀ ਹੈ

ਜੋਤਿਸ਼ ਤੇ ਵਾਸਤੂ 'ਚ ਗੁਲਾਬ ਦਾ ਸਬੰਧ ਸ਼ੁੱਕਰ ਗ੍ਰਹਿ ਨਾਲ ਮੰਨਿਆ ਗਿਆ ਹੈ। ਸ਼ੁੱਕਰ ਦੇਵ ਸੁੱਖ, ਸਮਰਿੱਧੀ ਤੇ ਪਿਆਰ ਦੇ ਕਾਰਕ ਹਨ। ਜੇਕਰ ਤੁਸੀਂ ਇਸ ਨੂੰ ਆਪਣੇ ਘਰ ਦੇ ਮੁੱਖ ਦੁਆਰ ਜਾਂ ਬੈਠਕ (Drawing Room) ਵਿੱਚ ਰੱਖਦੇ ਹੋ ਤਾਂ ਇਸ ਨਾਲ ਘਰ ਵਿਚ ਧਨ ਅਤੇ ਵੈਭਵ ਦਾ ਆਗਮਨ ਹੁੰਦਾ ਹੈ। ਬਸ ਧਿਆਨ ਰਹੇ ਕਿ ਪੱਤੀਆਂ ਸੁੱਕਦੇ ਹੀ ਉਨ੍ਹਾਂ ਨੂੰ ਬਦਲ ਦਿਓ ਕਿਉਂਕਿ ਸੁੱਕੇ ਹੋਏ ਫੁੱਲ ਵਾਸਤੂ ਦੋਸ਼ ਪੈਦਾ ਕਰ ਸਕਦੇ ਹਨ।

ਗੁਲਾਬ ਲਿਆਉਂਦਾ ਹੈ ਰਿਸ਼ਤਿਆਂ ਵਿੱਚ ਮਿਠਾਸ

ਵਾਸਤੂ ਸ਼ਾਸਤਰ ਅਨੁਸਾਰ, ਬੈੱਡਰੂਮ 'ਚ ਤਾਜ਼ੇ ਗੁਲਾਬ ਦੀਆਂ ਪੰਖੁੜੀਆਂ ਰੱਖਣ ਨਾਲ ਪਤੀ-ਪਤਨੀ ਵਿਚਕਾਰ ਝਗੜੇ ਘੱਟ ਹੁੰਦੇ ਹਨ ਅਤੇ ਆਪਸੀ ਪਿਆਰ ਵਧਦਾ ਹੈ। ਇਸ ਦੀ ਕੋਮਲ ਸੁਗੰਧ ਦਿਮਾਗ ਦੇ 'ਸਟ੍ਰੈੱਸ ਹਾਰਮੋਨ' ਨੂੰ ਘੱਟ ਕਰ ਕੇ ਸਕੂਨ ਦੀ ਨੀਂਦ ਲਿਆਉਣ ਵਿੱਚ ਮਦਦ ਕਰਦੀ ਹੈ। ਇਹ ਰੂਮ ਫਰੈਸ਼ਨਰ ਨਾਲੋਂ ਕਿਤੇ ਜ਼ਿਆਦਾ ਅਸਰਦਾਰ ਮੰਨਿਆ ਗਿਆ ਹੈ।

ਸਹੀ ਦਿਸ਼ਾ ਦੀ ਕਰੋ ਚੋਣ

ਵਾਸਤੂ ਅਨੁਸਾਰ, ਉੱਤਰ ਜਾਂ ਪੂਰਬ ਦਿਸ਼ਾ (ਈਸ਼ਾਨ ਕੋਣ) ਵਿਚ ਜਲ ਦੇ ਨਾਲ ਗੁਲਾਬ ਦੀਆਂ ਪੰਖੁੜੀਆਂ ਰੱਖਣਾ ਸਭ ਤੋਂ ਸ਼ੁਭ ਹੈ। ਇਹ ਦਿਸ਼ਾ ਜਲ ਤੱਤ ਅਤੇ ਦੇਵਤਿਆਂ ਦੀ ਮੰਨੀ ਜਾਂਦੀ ਹੈ, ਜਿੱਥੇ ਗੁਲਾਬ ਦੀ ਖੁਸ਼ਬੂ ਰੱਖਣ ਨਾਲ ਘਰ ਦੇ ਮੈਂਬਰਾਂ ਵਿਚਕਾਰ ਤਾਲਮੇਲ ਬਿਹਤਰ ਹੁੰਦਾ ਹੈ ਤੇ ਕਰੀਅਰ 'ਚ ਸਫਲਤਾ ਦੇ ਨਵੇਂ ਰਾਹ ਖੁੱਲ੍ਹਦੇ ਹਨ। ਹਰ ਸਵੇਰ ਇਨ੍ਹਾਂ ਪੰਖੁੜੀਆਂ ਨੂੰ ਬਦਲਣਾ ਇਕ ਨਵੀਂ ਸ਼ੁਰੂਆਤ ਅਤੇ ਉਤਸ਼ਾਹ ਦਾ ਪ੍ਰਤੀਕ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਉਪਦੇਸ਼/ਵਿਸ਼ਵਾਸਾਂ/ਧਾਰਮਿਕ ਗ੍ਰੰਥਾਂ/ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵੇ ਵਜੋਂ ਨਾ ਸਮਝਣ ਅਤੇ ਆਪਣੀ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।