ਰੰਕ ਨੂੰ ਵੀ ਰਾਜਾ ਬਣਾ ਦਿੰਦਾ ਹੈ ਮਹਾਸ਼ਕਤੀਸ਼ਾਲੀ ਗਜਕੇਸਰੀ ਯੋਗ, ਰਾਤੋ-ਰਾਤ ਚਮਕਦੀ ਹੈ ਕਿਸਮਤ !

ਧਰਮ ਡੈਸਕ, ਨਵੀਂ ਦਿੱਲੀ: ਜੋਤਿਸ਼ ਸ਼ਾਸਤਰ 'ਚ ਗਜਕੇਸਰੀ ਯੋਗ ਇਕ ਬਹੁਤ ਹੀ ਸ਼ੁੱਭ ਯੋਗ ਹੈ। ਮੰਨਿਆ ਜਾਂਦਾ ਹੈ ਕਿ ਵਿਅਕਤੀ ਦੀ ਕੁੰਡਲੀ 'ਚ ਗਜਕੇਸਰੀ ਯੋਗ ਦੇ ਬਣਨ ਨਾਲ ਆਰਥਿਕ ਤੰਗੀ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ ਅਤੇ ਧਨ ਲਾਭ ਦੇ ਯੋਗ ਬਣਦੇ ਹਨ। ਨਾਲ ਹੀ ਜੀਵਨ ਵਿਚ ਸਾਰੇ ਸੁੱਖਾਂ ਦੀ ਪ੍ਰਾਪਤੀ ਹੁੰਦੀ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਿਅਕਤੀ ਦੀ ਕੁੰਡਲੀ ਵਿਚ ਕਦੋਂ ਤੇ ਕਿਵੇਂ ਬਣਦਾ ਹੈ ਗਜਕੇਸਰੀ ਯੋਗ। ਜੇਕਰ ਨਹੀਂ ਪਤਾ, ਤਾਂ ਅਜਿਹੇ ਵਿੱਚ ਆਓ ਇਸ ਆਰਟੀਕਲ ਵਿੱਚ ਤੁਹਾਨੂੰ ਦੱਸਦੇ ਹਾਂ ਇਸ ਬਾਰੇ ਵਿਸਥਾਰ ਨਾਲ।

ਕੁੰਡਲੀ 'ਚ ਕਿਵੇਂ ਬਣਦਾ ਹੈ ਗਜਕੇਸਰੀ ਯੋਗ?

ਜੋਤਿਸ਼ ਸ਼ਾਸਤਰ 'ਚ ਦੱਸਿਆ ਗਿਆ ਹੈ ਕਿ ਦੇਵਗੁਰੂ ਬ੍ਰਹਿਸਪਤੀ ਅਤੇ ਚੰਦਰਮਾ ਦੀ ਸਥਿਤੀ ਦੇ ਕਾਰਨ ਹੀ ਗਜਕੇਸਰੀ ਯੋਗ ਬਣਦਾ ਹੈ। ਜਦੋਂ ਵਿਅਕਤੀ ਦੀ ਕੁੰਡਲੀ ਦੇ ਕਿਸੇ ਵੀ ਭਾਵ 'ਚ ਚੰਦਰਮਾ ਅਤੇ ਗੁਰੂ ਇੱਕਠੇ ਬਿਰਾਜਮਾਨ ਹੋਣ ਤਾਂ ਅਜਿਹੀ ਸਥਿਤੀ 'ਚ ਗਜਕੇਸਰੀ ਯੋਗ ਦਾ ਨਿਰਮਾਣ ਹੁੰਦਾ ਹੈ। ਇਸ ਤੋਂ ਇਲਾਵਾ ਜਦੋਂ ਚੰਦਰਮਾ ਤੋਂ ਗੁਰੂ ਪਹਿਲੇ, ਚੌਥੇ, ਸੱਤਵੇਂ ਜਾਂ ਦਸਵੇਂ ਭਾਵ 'ਚ ਬਿਰਾਜਮਾਨ ਹੋਣ। ਜੋਤਿਸ਼ ਸ਼ਾਸਤਰ ਅਨੁਸਾਰ, ਗੁਰੂ ਅਤੇ ਚੰਦਰਮਾ ਦੀ ਸ਼ੁਭ ਦ੍ਰਿਸ਼ਟੀ ਦੇ ਕਾਰਨ ਗਜਕੇਸਰੀ ਯੋਗ ਮਜ਼ਬੂਤ ਹੁੰਦਾ ਹੈ।

ਗਜਕੇਸਰੀ ਯੋਗ ਬਣਨ ਨਾਲ ਮਿਲਦੇ ਹਨ ਇਹ ਅਦਭੁਤ ਲਾਭ

ਧਨ ਵਿਚ ਵਾਧਾ- ਜਦੋਂ ਗਜਕੇਸਰੀ ਯੋਗ ਬਣਦਾ ਹੈ ਤਾਂ ਜਾਤਕ ਨੂੰ ਜੀਵਨ ਵਿਚ ਆਰਥਿਕ ਤੰਗੀ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲਦਾ ਹੈ ਅਤੇ ਆਮਦਨ ਦੇ ਨਵੇਂ ਸਰੋਤ ਬਣਦੇ ਹਨ। ਨਾਲ ਹੀ ਧਨ ਲਾਭ ਦੇ ਯੋਗ ਬਣਦੇ ਹਨ।

ਸਮਾਜ ਵਿਚ ਮਾਣ-ਸਨਮਾਨ- ਗਜਕੇਸਰੀ ਯੋਗ ਦਾ ਨਿਰਮਾਣ ਹੋਣ ਨਾਲ ਵਿਅਕਤੀ ਨੂੰ ਸਮਾਜ ਵਿਚ ਮਾਣ-ਸਨਮਾਨ ਮਿਲਦਾ ਹੈ ਤੇ ਲੋਕ ਉਨ੍ਹਾਂ ਦੇ ਵਿਚਾਰਾਂ ਦਾ ਬਹੁਤ ਸਨਮਾਨ ਕਰਦੇ ਹਨ।

ਲੀਡਰਸ਼ਿਪ ਸਮਰੱਥਾ - ਇਸ ਤੋਂ ਇਲਾਵਾ ਅਗਵਾਈ ਕਰਨ ਦੀ ਸਮਰੱਥਾ 'ਚ ਵਾਧਾ ਹੁੰਦਾ ਹੈ ਅਤੇ ਕਰੀਅਰ ਵਿਚ ਕੋਈ ਨਵਾਂ ਅਹੁਦਾ ਪ੍ਰਾਪਤ ਹੁੰਦਾ ਹੈ।

ਭੌਤਿਕ ਸੁੱਖ-ਸਹੂਲਤਾਂ- ਗਜਕੇਸਰੀ ਯੋਗ ਨੂੰ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ। ਇਸ ਯੋਗ ਦੇ ਬਣਨ ਨਾਲ ਜਾਤਕ ਨੂੰ ਜੀਵਨ ਵਿਚ ਸਾਰੇ ਸੁੱਖਾਂ ਦੀ ਪ੍ਰਾਪਤੀ ਹੁੰਦੀ ਹੈ।

ਦੁਸ਼ਮਣਾਂ 'ਤੇ ਜਿੱਤ- ਗਜਕੇਸਰੀ ਯੋਗ ਦੇ ਬਣਨ ਨਾਲ ਵਿਰੋਧੀ ਜਾਂ ਦੁਸ਼ਮਣ ਕਦੇ ਇਨ੍ਹਾਂ ਦੇ ਸਾਹਮਣੇ ਟਿਕ ਨਹੀਂ ਪਾਉਂਦੇ।

ਅਧਿਆਤਮਕ ਪ੍ਰਗਤੀ- ਇਸ ਤੋਂ ਇਲਾਵਾ ਇਸ ਯੋਗ ਨਾਲ ਜਾਤਕ ਦਾ ਝੁਕਾਅ ਅਧਿਆਤਮ ਵੱਲ ਰਹਿੰਦਾ ਹੈ।

ਸਾਹਸ ਅਤੇ ਨਿਡਰਤਾ- ਗਜਕੇਸਰੀ ਯੋਗ ਨਾਲ ਲੋਕ ਜੀਵਨ ਵਿਚ ਹਮੇਸ਼ਾ ਨਿਡਰ ਹੋ ਕੇ ਅੱਗੇ ਵਧਦੇ ਹਨ ਅਤੇ ਜੀਵਨ ਵਿਚ ਆਉਣ ਵਾਲੀਆਂ ਮੁਸ਼ਕਲ ਚੁਣੌਤੀਆਂ ਦਾ ਸਾਹਮਣਾ ਕਰਦੇ ਹਨ।

ਸੰਕਟਾਂ ਤੋਂ ਬਚਾਅ- ਇਹ ਸ਼ੁਭ ਯੋਗ ਜੀਵਨ ਵਿੱਚ ਆਉਣ ਵਾਲੇ ਸਾਰੇ ਸੰਕਟਾਂ ਨੂੰ ਦੂਰ ਕਰਨ ਦਾ ਕੰਮ ਕਰਦਾ ਹੈ ਅਤੇ ਕਿਸੇ ਵੱਡੇ ਸੰਕਟ ਵਿੱਚੋਂ ਵਿਅਕਤੀ ਨੂੰ ਸੁਰੱਖਿਅਤ ਕੱਢ ਲੈਂਦਾ ਹੈ।