Feng Shui Tips: ਅਜਿਹਾ ਹੋਣਾ ਚਾਹੀਦੈ ਤੁਹਾਡਾ ਮੁੱਖ ਦਰਵਾਜ਼ਾ, ਤਾਂ ਜੋ ਅੰਦਰ ਸਿਰਫ਼ ਸਕਾਰਾਤਮਕਤਾ ਹੀ ਆਵੇ

ਧਰਮ ਡੈਸਕ, ਨਵੀਂ ਦਿੱਲੀ: ਫ਼ੈਂਗ ਸ਼ੂਈ ਇੱਕ ਚੀਨੀ ਵਾਸਤੂ ਸ਼ਾਸਤਰ ਹੈ, ਜਿਸ ਵਿੱਚ ਊਰਜਾ (Chi) ਨੂੰ ਸੰਤੁਲਿਤ ਰੱਖਣ ਬਾਰੇ ਦੱਸਿਆ ਗਿਆ ਹੈ। ਜੇਕਰ ਤੁਸੀਂ ਆਪਣੇ ਘਰ ਵਿੱਚ ਸੁਖ-ਸਮਰਿੱਧੀ ਅਤੇ ਬਰਕਤ ਚਾਹੁੰਦੇ ਹੋ, ਤਾਂ ਫ਼ੈਂਗ ਸ਼ੂਈ ਨਿਯਮਾਂ ਦਾ ਧਿਆਨ ਜ਼ਰੂਰ ਰੱਖੋ। ਆਓ ਜਾਣਦੇ ਹਾਂ ਮੁੱਖ ਦਰਵਾਜ਼ੇ ਨਾਲ ਜੁੜੇ ਕੁਝ ਖ਼ਾਸ ਟਿਪਸ:

ਇਨ੍ਹਾਂ ਗੱਲਾਂ ਦਾ ਜ਼ਰੂਰ ਰੱਖੋ ਧਿਆਨ:

ਫ਼ੈਂਗ ਸ਼ੂਈ ਅਨੁਸਾਰ, ਮੁੱਖ ਦਰਵਾਜ਼ਾ ਘਰ ਦੀ ਉੱਤਰ, ਪੂਰਬ ਜਾਂ ਦੱਖਣ-ਪੂਰਬ ਦਿਸ਼ਾ ਵਿੱਚ ਹੋਣਾ ਸਭ ਤੋਂ ਸ਼ੁਭ ਮੰਨਿਆ ਜਾਂਦਾ ਹੈ। ਤੁਹਾਨੂੰ ਆਪਣੇ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਸਾਫ਼-ਸਫ਼ਾਈ ਦਾ ਖ਼ਾਸ ਖ਼ਿਆਲ ਰੱਖਣਾ ਚਾਹੀਦਾ ਹੈ। ਨਾਲ ਹੀ ਤੁਹਾਡਾ ਮੁੱਖ ਦਰਵਾਜ਼ਾ ਖੁੱਲ੍ਹਾ ਹੋਣਾ ਚਾਹੀਦਾ ਹੈ, ਯਾਨੀ ਇੱਥੇ ਰੋਸ਼ਨੀ ਅਤੇ ਹਵਾ ਦੀ ਪੂਰੀ ਵਿਵਸਥਾ ਹੋਵੇ। ਇਸ ਦੇ ਨਾਲ ਹੀ ਮੁੱਖ ਦਰਵਾਜ਼ੇ 'ਤੇ ਚੌਖਟ ਬਣਾਉਣਾ ਵੀ ਸ਼ੁਭ ਮੰਨਿਆ ਗਿਆ ਹੈ।

ਇਨ੍ਹਾਂ ਚੀਜ਼ਾਂ ਨਾਲ ਕਰੋ ਸਜਾਵਟ:

ਫ਼ੈਂਗ ਸ਼ੂਈ ਮੁਤਾਬਕ ਘਰ ਵਿੱਚ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਬਣਾਈ ਰੱਖਣ ਲਈ ਤੁਸੀਂ ਦਰਵਾਜ਼ੇ (Main Door) 'ਤੇ ਜਾਂ ਖਿੜਕੀਆਂ ਕੋਲ ਵਿੰਡ ਚਾਈਮ (Wind Chimes) ਲਗਾ ਸਕਦੇ ਹੋ। ਇਸ ਨਾਲ ਨਕਾਰਾਤਮਕਤਾ ਘੱਟ ਹੁੰਦੀ ਹੈ। ਨਾਲ ਹੀ ਤੁਸੀਂ ਦਰਵਾਜ਼ੇ ਦੇ ਦੋਵੇਂ ਪਾਸੇ ਤੁਲਸੀ ਦਾ ਪੌਦਾ ਜਾਂ ਮਨੀ ਪਲਾਂਟ ਰੱਖ ਸਕਦੇ ਹੋ। ਫ਼ੈਂਗ ਸ਼ੂਈ ਵਿੱਚ ਲਾਲ, ਭੂਰਾ ਜਾਂ ਸੁਨਹਿਰੀ ਰੰਗ ਮੁੱਖ ਦਰਵਾਜ਼ੇ ਲਈ ਸ਼ੁਭ ਮੰਨਿਆ ਗਿਆ ਹੈ।

ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀਆਂ:

ਫ਼ੈਂਗ ਸ਼ੂਈ ਦੇ ਨਿਯਮਾਂ ਅਨੁਸਾਰ ਤੁਹਾਡਾ ਮੇਨ ਗੇਟ ਖ਼ਸਤਾ ਹਾਲਤ ਵਿੱਚ ਨਹੀਂ ਹੋਣਾ ਚਾਹੀਦਾ ਅਤੇ ਨਾ ਹੀ ਮੇਨ ਗੇਟ ਟੁੱਟਿਆ ਹੋਣਾ ਚਾਹੀਦਾ ਹੈ। ਮੁੱਖ ਦਰਵਾਜ਼ੇ 'ਤੇ ਫਾਲਤੂ ਸਾਮਾਨ ਜਿਵੇਂ ਜੁੱਤੀਆਂ-ਚੱਪਲਾਂ ਦਾ ਢੇਰ ਅਤੇ ਕਬਾੜ ਆਦਿ ਇਕੱਠਾ ਕਰਨ ਤੋਂ ਬਚੋ, ਕਿਉਂਕਿ ਇਹ ਚੀਜ਼ਾਂ ਸਕਾਰਾਤਮਕ ਊਰਜਾ ਨੂੰ ਘਰ ਵਿੱਚ ਪ੍ਰਵੇਸ਼ ਕਰਨ ਤੋਂ ਰੋਕਦੀਆਂ ਹਨ।

ਨਾਲ ਹੀ ਇਸ ਗੱਲ ਦਾ ਵੀ ਧਿਆਨ ਰੱਖੋ ਕਿ ਤੁਹਾਡਾ ਦਰਵਾਜ਼ਾ ਖੁੱਲ੍ਹਦੇ ਅਤੇ ਬੰਦ ਹੁੰਦੇ ਸਮੇਂ ਆਵਾਜ਼ ਨਾ ਕਰੇ। ਇਨ੍ਹਾਂ ਸਾਰੇ ਨਿਯਮਾਂ ਦੀ ਪਾਲਣਾ ਕਰਨ ਨਾਲ ਤੁਹਾਡੇ ਘਰ ਵਿੱਚ ਸਕਾਰਾਤਮਕ ਊਰਜਾ ਦਾ ਸੰਚਾਰ ਵਧਦਾ ਹੈ, ਜਿਸ ਨਾਲ ਘਰ ਵਿੱਚ ਸੁਖ-ਸਮਰਿੱਧੀ ਆਉਂਦੀ ਹੈ।