ਸਵਰਗ ਤੇ ਬੈਕੁੰਠ ਤੋਂ ਵੀ ਖੂਬਸੂਰਤ ਹੈ ਸ਼੍ਰੀਕ੍ਰਿਸ਼ਨ ਦਾ 'ਗੋਲੋਕ'! ਸਿਰਫ਼ ਇਨ੍ਹਾਂ ਖਾਸ ਲੋਕਾਂ ਨੂੰ ਹੀ ਮਿਲਦੀ ਹੈ Entry

ਧਰਮ ਡੈਸਕ, ਨਵੀਂ ਦਿੱਲੀ : ਗੋਲੋਕ ਨੂੰ ਭਗਵਾਨ ਕ੍ਰਿਸ਼ਨ ਅਤੇ ਰਾਧਾ ਰਾਣੀ ਦਾ ਨਿਵਾਸ ਅਸਥਾਨ ਮੰਨਿਆ ਜਾਂਦਾ ਹੈ। ਇਸ ਅਸਥਾਨ ਦਾ ਵਰਣਨ ਬ੍ਰਹਮ-ਵੈਵਰਤ ਪੁਰਾਣ ਦੇ ਨਾਲ-ਨਾਲ ਸ੍ਰੀਮਦ ਭਗਵਦ ਗੀਤਾ ਅਤੇ ਗਰਗ ਸੰਹਿਤਾ ਵਿੱਚ ਵੀ ਮਿਲਦਾ ਹੈ। ਇਸ ਪੁਰਾਣ ਵਿੱਚ ਵਰਣਨ ਹੈ ਕਿ ਗੋਲੋਕ ਵਿੱਚ ਆਤਮਾ ਨੂੰ ਸਦੀਵੀ ਆਨੰਦ ਅਤੇ ਸੇਵਾ ਪ੍ਰਾਪਤ ਹੁੰਦੀ ਹੈ, ਅਤੇ ਉੱਥੋਂ ਵਾਪਸ ਭੌਤਿਕ ਸੰਸਾਰ ਵਿੱਚ ਪੁਨਰ ਜਨਮ ਨਹੀਂ ਹੁੰਦਾ। ਆਓ ਜਾਣਦੇ ਹਾਂ ਇਸ ਦਿਵਯ ਧਾਮ ਦਾ ਸਰੂਪ ਅਤੇ ਵਿਸ਼ੇਸ਼ਤਾਵਾਂ।

ਬ੍ਰਹਮ-ਵੈਵਰਤ ਪੁਰਾਣ 'ਚ ਵਰਣਿਤ ਗੋਲੋਕ ਦਾ ਸਰੂਪ

ਸਾਰੇ ਬੈਕੁੰਠ ਲੋਕ ਕਮਲ ਦੀਆਂ ਪੱਤੀਆਂ ਦੇ ਸਮਾਨ ਹਨ ਤੇ ਗੋਲੋਕ ਉਸ ਕਮਲ ਦਾ ਮੁੱਖ ਭਾਗ ਹੈ।

ਗੋਲੋਕ ਤਿੰਨ ਭਾਗਾਂ - ਗੋਕੁਲ, ਮਥੁਰਾ ਤੇ ਦਵਾਰਕਾ 'ਚ ਵੰਡਿਆ ਹੋਇਆ ਹੈ।

ਗੋਲੋਕ 'ਚ ਦਿਵਯ ਵ੍ਰਿੰਦਾਵਨ ਸਥਿਤ ਹੈ, ਜਿੱਥੇ ਗੋਵਰਧਨ ਪਰਬਤ ਇਸ ਦੀ ਸ਼ੋਭਾ ਵਧਾਉਂਦਾ ਹੈ।

ਇੱਥੇ ਹਰ ਪਾਸੇ ਕਲਪਵ੍ਰਿਕਸ਼ ਦੀ ਹਰਿਆਲੀ ਹੈ ਤੇ ਕਮਲ ਦੇ ਫੁੱਲਾਂ ਨਾਲ ਸਜਿਆ ਹੋਇਆ ਬਗੀਚਾ ਹੈ।

ਇਹ ਅਸਥਾਨ ਰਤਨਾਂ, ਸੋਨੇ ਤੇ ਮਣੀਆਂ ਨਾਲ ਬਣੇ ਮਹਿਲਾਂ ਨਾਲ ਭਰਪੂਰ ਹੈ।

ਇੱਥੇ ਰਾਸ ਮੰਡਲ ਵੀ ਹੈ, ਜਿੱਥੇ ਭਗਵਾਨ ਸ੍ਰੀ ਕ੍ਰਿਸ਼ਨ ਰਾਧਾ ਰਾਣੀ ਅਤੇ ਗੋਪੀਆਂ ਨਾਲ ਰਾਸਲੀਲਾ ਕਰਦੇ ਹਨ।

ਗੋਲੋਕ 'ਚ ਚਾਰੇ ਪਾਸੇ ਦਿਵਯ ਗਊਆਂ ਹਨ, ਜਿਨ੍ਹਾਂ ਵਿੱਚੋਂ ਅੰਮ੍ਰਿਤ ਰੂਪੀ ਦੁੱਧ ਦੀਆਂ ਧਾਰਾਵਾਂ ਵਹਿੰਦੀਆਂ ਹਨ।

ਗੋਲੋਕ 'ਚ ਯਮੁਨਾ ਜੀ ਦਾ ਦਿਵਯ ਜਲ ਪ੍ਰਵਾਹਿਤ ਹੁੰਦਾ ਹੈ, ਜਿਸ ਦੇ ਕਿਨਾਰੇ ਰਤਨਾਂ ਦੀਆਂ ਪੌੜੀਆਂ ਅਤੇ ਕਈ ਮਹਿਲ ਬਣੇ ਹੋਏ ਹਨ।

ਸ਼੍ਰੀਮਦਭਗਵਦ ਗੀਤਾ 'ਚ ਮਿਲਦਾ ਹੈ ਜ਼ਿਕਰ

न तद्भासयते सूर्यो न शशाङ्को न पावक:।

यद्गत्वा न निवर्तन्ते तद्धाम परमं मम ॥ ६ ॥

ਸ਼੍ਰੀਮਦਭਗਵਦ ਗੀਤਾ ਦਾ ਇਹ ਸ਼ਲੋਕ ਭਗਵਾਨ ਕ੍ਰਿਸ਼ਨ ਦੇ ਪਰਮ ਧਾਮ ਯਾਨੀ ਗੋਲੋਕ ਦਾ ਵਰਣਨ ਕਰਦਾ ਹੈ। ਇਹ ਉਹ ਦਿਵਯ ਅਸਥਾਨ ਹੈ ਜਿਸ ਨੂੰ ਸੂਰਜ, ਚੰਦਰਮਾ ਜਾਂ ਅੱਗ ਪ੍ਰਕਾਸ਼ਿਤ ਨਹੀਂ ਕਰਦੇ, ਅਰਥਾਤ ਇਹ ਅਸਥਾਨ ਭੌਤਿਕ ਪ੍ਰਕਾਸ਼ ਤੋਂ ਮੁਕਤ ਆਪਣੇ ਆਪ ਹੀ ਪ੍ਰਕਾਸ਼ਮਾਨ ਹੈ। ਇੱਥੇ ਪਹੁੰਚ ਕੇ ਜੀਵ ਸੰਸਾਰਿਕ ਮੋਹ-ਮਾਇਆ ਅਤੇ ਪੁਨਰ ਜਨਮ ਦੇ ਚੱਕਰ ਤੋਂ ਮੁਕਤ ਹੋ ਜਾਂਦਾ ਹੈ।

ਗੋਲੋਕ ਦੀਆਂ ਵਿਸ਼ੇਸ਼ਤਾਵਾਂ

ਬ੍ਰਹਮਵੈਵਰਤ ਪੁਰਾਣ ਵਿੱਚ ਵਰਣਨ ਮਿਲਦਾ ਹੈ ਕਿ ਗੋਲੋਕ ਭਗਵਾਨ ਸ਼੍ਰੀਕ੍ਰਿਸ਼ਨ ਦਾ ਧਾਮ ਹੈ, ਜੋ ਬੈਕੁੰਠ ਤੋਂ ਵੀ ਉੱਪਰ ਹੈ। ਇਹ ਬੈਕੁੰਠ ਲੋਕ ਤੋਂ 50 ਕਰੋੜ ਯੋਜਨ ਉੱਪਰ ਸਥਿਤ ਹੈ ਅਤੇ 3 ਕਰੋੜ ਯੋਜਨ ਵਿੱਚ ਫੈਲਿਆ ਹੋਇਆ ਹੈ। ਇੱਥੇ ਭਗਵਾਨ ਕ੍ਰਿਸ਼ਨ, ਰਾਧਾ ਰਾਣੀ ਦੇ ਨਾਲ ਨਿਵਾਸ ਕਰਦੇ ਹਨ। ਇਹ ਇੱਕ ਦਿਵਯ ਵ੍ਰਿੰਦਾਵਨ ਹੈ, ਜੋ ਕਰੋੜਾਂ ਸੂਰਜਾਂ ਦੇ ਸਮਾਨ ਚਮਕਦਾਰ ਹੈ।

ਇਹ ਧਾਮ ਰੋਗ-ਮੁਕਤ, ਸ਼ੁੱਧ ਅਤੇ ਪਰਮ ਆਨੰਦ ਦਾ ਅਸਥਾਨ ਮੰਨਿਆ ਗਿਆ ਹੈ, ਜਿੱਥੇ ਨਿਵਾਸ ਕਰਨ ਵਾਲੇ ਲੋਕ ਹਮੇਸ਼ਾ ਜਵਾਨ ਅਤੇ ਦਿਵਯ ਰੂਪ ਵਿੱਚ ਰਹਿੰਦੇ ਹਨ। ਗੋਲੋਕ ਵਿੱਚ ਦਿਵਯ ਗਊ 'ਸੁਰਭੀ' (ਕਾਮਧੇਨੂ) ਵੀ ਹੈ, ਜੋ ਸ੍ਰੀ ਕ੍ਰਿਸ਼ਨ ਦੇ ਸਰੀਰ ਦੇ ਖੱਬੇ ਭਾਗ ਤੋਂ ਪ੍ਰਗਟ ਹੋਈ ਸੀ।

ਕਿਵੇਂ ਹੁੰਦੀ ਹੈ ਗੋਲੋਕ ਦੀ ਪ੍ਰਾਪਤੀ

ਗੋਲੋਕ, ਜੋ ਸ੍ਰੀ ਕ੍ਰਿਸ਼ਨ ਦਾ ਸਰਵਉੱਚ ਧਾਮ ਹੈ, ਦੀ ਪ੍ਰਾਪਤੀ ਅਨੰਨਿਆ ਭਗਤੀ ਤੇ ਪੂਰਨ ਸਮਰਪਣ ਨਾਲ ਹੁੰਦੀ ਹੈ। ਭਗਵਦ ਗੀਤਾ 'ਚ ਗੋਲੋਕ ਦੀ ਪ੍ਰਾਪਤੀ ਦੇ ਮਾਰਗ ਦੱਸੇ ਗਏ ਹਨ, ਜੋ ਇਸ ਪ੍ਰਕਾਰ ਹਨ:

• ਭਗਵਦ ਗੀਤਾ ਅਨੁਸਾਰ, ਜੋ ਭਗਤ ਭਗਵਾਨ ਸ੍ਰੀ ਕ੍ਰਿਸ਼ਨ ਦੀ ਸ਼ਰਨ 'ਚ ਜਾਂਦੇ ਹਨ, ਉਨ੍ਹਾਂ ਨੂੰ ਗੋਲੋਕ ਦੀ ਪ੍ਰਾਪਤੀ ਹੁੰਦੀ ਹੈ।
• ਕਲਯੁਗ 'ਚ ਰੋਜ਼ਾਨਾ 16 ਮਾਲਾ ਹਰੇ ਕ੍ਰਿਸ਼ਨ ਮਹਾਂਮੰਤਰ ਦਾ ਜਾਪ ਕਰਨ ਨਾਲ ਵੀ ਗੋਲੋਕ ਦਾ ਮਾਰਗ ਪੱਧਰਾ ਹੁੰਦਾ ਹੈ ਜੋ ਇਸ ਪ੍ਰਕਾਰ ਹੈ: ਹਰੇ ਕ੍ਰਿਸ਼ਨ, ਹਰੇ ਕ੍ਰਿਸ਼ਨ, ਕ੍ਰਿਸ਼ਨ ਕ੍ਰਿਸ਼ਨ, ਹਰੇ ਹਰੇ- ਹਰੇ ਰਾਮ, ਹਰੇ ਰਾਮ, ਰਾਮ ਰਾਮ, ਹਰੇ ਹਰੇ
• ਭਗਤਾਂ ਦੀ ਸੰਗਤ 'ਚ ਭਗਵਾਨ ਕ੍ਰਿਸ਼ਨ ਦੀਆਂ ਲੀਲਾਵਾਂ ਦਾ ਸ੍ਰਵਣ (ਸੁਣਨਾ) ਅਤੇ ਕੀਰਤਨ ਕਰਨਾ ਚਾਹੀਦਾ ਹੈ।
• ਗੋਲੋਕ ਦੀ ਪ੍ਰਾਪਤੀ ਦੀ ਇੱਛਾ ਰੱਖਣ ਵਾਲੇ ਵਿਅਕਤੀ ਨੂੰ ਮਾਸਾਹਾਰ, ਨਸ਼ਾ ਅਤੇ ਜੂਏ ਦਾ ਤਿਆਗ ਕਰਨਾ ਚਾਹੀਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।