ਰਤਨਾਂ ਤੋਂ ਵੀ ਸ਼ਕਤੀਸ਼ਾਲੀ ਹਨ ਪੌਦਿਆਂ ਦੀਆਂ ਜੜ੍ਹਾਂ, ਕਿਉਂ ਜੋਤਿਸ਼ 'ਚ ਕੇਲੇ ਦੀ ਜੜ੍ਹ ਨੂੰ ਮੰਨਿਆ ਗਿਆ ਹੈ 'ਗੋਲਡਨ ਉਪਾਅ'?

ਧਰਮ ਡੈਸਕ, ਨਵੀਂ ਦਿੱਲੀ: ਜੋਤਿਸ਼ ਦੀ ਦੁਨੀਆ 'ਚ 'ਪੁਖਰਾਜ' (Yellow Sapphire) ਨੂੰ ਰਾਜਾ ਮੰਨਿਆ ਜਾਂਦਾ ਹੈ। ਕਹਿੰਦੇ ਹਨ ਕਿ ਇਸ ਨੂੰ ਪਹਿਨਦੇ ਹੀ ਇਨਸਾਨ ਦੀ ਕਿਸਮਤ ਦੇ ਬੰਦ ਤਾਲੇ ਖੁੱਲ੍ਹ ਜਾਂਦੇ ਹਨ। ਪਰ, ਸੱਚ ਤਾਂ ਇਹ ਹੈ ਕਿ ਅੱਜ ਦੇ ਸਮੇਂ ਵਿੱਚ ਇੱਕ ਚੰਗੀ ਗੁਣਵੱਤਾ (ਕੁਆਲਿਟੀ) ਦਾ ਪੁਖਰਾਜ ਖਰੀਦਣਾ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਹੈ। ਤਾਂ ਕੀ ਅਸੀਂ ਆਪਣੀ ਕਿਸਮਤ ਨੂੰ ਸਿਰਫ਼ ਗੁਰੂ ਬ੍ਰਹਸਪਤੀ ਦੇ ਭਰੋਸੇ ਛੱਡ ਦੇਈਏ?

ਸਾਡੇ ਰਿਸ਼ੀ-ਮੁਨੀਆਂ ਨੇ ਕੁਦਰਤ ਵਿੱਚ ਹੀ ਹਰ ਸਮੱਸਿਆ ਦਾ ਹੱਲ ਛੁਪਾ ਕੇ ਰੱਖਿਆ ਹੈ। ਜੇਕਰ ਤੁਹਾਡੀ ਕੁੰਡਲੀ ਵਿੱਚ 'ਗੁਰੂ' ਕਮਜ਼ੋਰ ਹੈ ਅਤੇ ਤੁਸੀਂ ਪੁਖਰਾਜ ਨਹੀਂ ਖਰੀਦ ਸਕਦੇ, ਤਾਂ 'ਕੇਲੇ ਦੀ ਜੜ੍ਹ' ਤੁਹਾਡੇ ਲਈ ਸਾਖਸ਼ਾਤ ਵਰਦਾਨ ਸਾਬਤ ਹੋ ਸਕਦੀ ਹੈ।

ਕਿਉਂ ਖਾਸ ਹੈ ਕੇਲੇ ਦੀ ਜੜ੍ਹ?

ਸ਼ਾਸਤਰਾਂ ਅਨੁਸਾਰ, ਕੇਲੇ ਦੇ ਰੁੱਖ 'ਚ ਭਗਵਾਨ ਵਿਸ਼ਨੂੰ ਤੇ ਦੇਵਗੁਰੂ ਬ੍ਰਹਸਪਤੀ ਦਾ ਵਾਸ ਹੁੰਦਾ ਹੈ। ਬਨਸਪਤੀ ਤੰਤਰ 'ਚ ਦੱਸਿਆ ਗਿਆ ਹੈ ਕਿ ਗ੍ਰਹਿਆਂ ਦਾ ਸਬੰਧ ਸਿਰਫ਼ ਪੱਥਰਾਂ (ਰਤਨਾਂ) ਨਾਲ ਨਹੀਂ, ਸਗੋਂ ਪੌਦਿਆਂ ਦੀਆਂ ਜੜ੍ਹਾਂ ਨਾਲ ਵੀ ਹੁੰਦਾ ਹੈ। ਕੇਲੇ ਦੀ ਜੜ੍ਹ ਵਿਚ ਉਹੀ ਊਰਜਾ ਤੇ ਤਰੰਗਾਂ ਹੁੰਦੀਆਂ ਹਨ ਜੋ ਪੁਖਰਾਜ ਰਤਨ 'ਚ ਪਾਈਆਂ ਜਾਂਦੀਆਂ ਹਨ।

ਇਸ ਉਪਾਅ ਦੇ ਮੁੱਖ ਫਾਇਦੇ:

ਆਰਥਿਕ ਤੰਗੀ ਤੋਂ ਛੁਟਕਾਰਾ: ਗੁਰੂ ਧਨ ਦੇ ਕਾਰਕ ਹਨ। ਇਸ ਦੀ ਜੜ੍ਹ ਧਾਰਨ ਕਰਨ ਨਾਲ ਆਮਦਨ ਦੇ ਨਵੇਂ ਸਰੋਤ ਖੁੱਲ੍ਹਦੇ ਹਨ।

ਜਲਦੀ ਵਿਆਹ ਦੇ ਸੰਯੋਗ: ਜਿਨ੍ਹਾਂ ਲੜਕੇ-ਲੜਕੀਆਂ ਦੇ ਵਿਆਹ 'ਚ ਰੁਕਾਵਟਾਂ ਆ ਰਹੀਆਂ ਹਨ, ਉਨ੍ਹਾਂ ਲਈ ਇਹ ਜੜ੍ਹ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ।

ਕਰੀਅਰ ਤੇ ਪੜ੍ਹਾਈ 'ਚ ਸਫਲਤਾ: ਜੇਕਰ ਮਿਹਨਤ ਤੋਂ ਬਾਅਦ ਵੀ ਤਰੱਕੀ ਨਹੀਂ ਮਿਲ ਰਹੀ ਜਾਂ ਬੱਚੇ ਪੜ੍ਹਾਈ 'ਚ ਕਮਜ਼ੋਰ ਹਨ ਤਾਂ ਇਹ ਉਪਾਅ ਆਤਮ-ਵਿਸ਼ਵਾਸ ਤੇ ਇਕਾਗਰਤਾ ਵਧਾਉਂਦਾ ਹੈ।

ਜ਼ੀਰੋ ਖਰਚਾ, ਸੌ ਫੀਸਦੀ ਅਸਰ: ਪੁਖਰਾਜ ਜਿੱਥੇ ਹਜ਼ਾਰਾਂ-ਲੱਖਾਂ 'ਚ ਆਉਂਦਾ ਹੈ, ਉੱਥੇ ਹੀ ਕੇਲੇ ਦੀ ਜੜ੍ਹ ਤੁਹਾਨੂੰ ਮੁਫ਼ਤ ਜਾਂ ਨਾਮਮਾਤਰ ਕੀਮਤ ਵਿੱਚ ਮਿਲ ਜਾਂਦੀ ਹੈ।

ਇਸ ਨੂੰ ਧਾਰਨ ਕਰਨ ਦੀ ਸਹੀ ਵਿਧੀ:

ਇਸ ਨੂੰ ਪਹਿਨਣ ਦਾ ਵੀ ਇੱਕ ਖਾਸ ਤਰੀਕਾ ਹੈ: ਕਿਸੇ ਵੀ ਸ਼ੁਕਲ ਪੱਖ ਦੇ ਵੀਰਵਾਰ ਨੂੰ ਸਵੇਰੇ ਜਲਦੀ ਉੱਠ ਕੇ ਕੇਲੇ ਦੇ ਰੁੱਖ ਦੀ ਥੋੜ੍ਹੀ ਜਿਹੀ ਜੜ੍ਹ ਕੱਢ ਲਓ। ਇਸ ਨੂੰ ਗੰਗਾਜਲ ਤੇ ਕੱਚੇ ਦੁੱਧ ਨਾਲ ਧੋ ਕੇ ਸ਼ੁੱਧ ਕਰੋ। ਇਸ ਤੋਂ ਬਾਅਦ ਇਕ ਪੀਲੇ ਕੱਪੜੇ 'ਚ ਬੰਨ੍ਹ ਕੇ ਜਾਂ ਤਾਬੀਜ਼ 'ਚ ਭਰ ਕੇ ਆਪਣੀ ਸੱਜੀ ਬਾਂਹ ਜਾਂ ਗਲੇ ਵਿੱਚ ਧਾਰਨ ਕਰੋ। ਪਹਿਨਦੇ ਸਮੇਂ 'ॐ बृं बृहस्पतये नमः' ਮੰਤਰ ਦਾ ਮਨ ਹੀ ਮਨ ਜਾਪ ਜ਼ਰੂਰ ਕਰੋ।

ਸ਼ਾਸਤਰਾਂ ਦੇ ਕੀ ਨਿਯਮ ਹਨ?

ਇਹ ਕੋਈ ਸੁਣੀ-ਸੁਣਾਈ ਗੱਲ ਨਹੀਂ ਹੈ। ਪ੍ਰਾਚੀਨ ਭਾਰਤੀ ਗ੍ਰੰਥਾਂ 'ਬ੍ਰਿਹਤ ਸੰਹਿਤਾ' ਤੇ 'ਅਗਨੀ ਪੁਰਾਣ' 'ਚ ਬਨਸਪਤੀਆਂ ਦੇ ਜੋਤਿਸ਼ ਮਹੱਤਵ ਦਾ ਵਿਸਥਾਰ ਨਾਲ ਵਰਣਨ ਹੈ। ਇਨ੍ਹਾਂ ਗ੍ਰੰਥਾਂ 'ਚ ਸਪੱਸ਼ਟ ਦੱਸਿਆ ਗਿਆ ਹੈ ਕਿ ਰਤਨਾਂ ਦੀ ਅਣਹੋਂਦ 'ਚ ਗ੍ਰਹਿਆਂ ਨਾਲ ਸਬੰਧਤ ਜੜ੍ਹਾਂ ਨੂੰ ਧਾਰਨ ਕਰਨਾ ਓਨਾ ਹੀ ਫਲਦਾਇਕ ਹੁੰਦਾ ਹੈ।