Ratna Jyotish : ਕਰੀਅਰ 'ਚ ਨਵੀਆਂ ਉਚਾਈਆਂ ਤਕ ਪਹੁੰਚਾ ਸਕਦੇ ਹਨ ਇਹ 3 ਰਤਨ, ਬੱਸ ਰੱਖੋ ਨਿਯਮਾਂ ਦਾ ਖ਼ਿਆਲ

ਧਰਮ ਡੈਸਕ, ਨਵੀਂ ਦਿੱਲੀ: ਰਤਨ ਜੋਤਿਸ਼ ਦੱਸਦਾ ਹੈ ਕਿ ਕਿਸੇ ਰਤਨ ਨੂੰ ਪਹਿਨਣ ਦਾ ਪੂਰਾ ਲਾਭ ਤਾਂ ਹੀ ਮਿਲ ਸਕਦਾ ਹੈ, ਜਦੋਂ ਤੁਸੀਂ ਉਸ ਨਾਲ ਜੁੜੇ ਨਿਯਮਾਂ ਦਾ ਵੀ ਧਿਆਨ ਰੱਖੋ। ਨਹੀਂ ਤਾਂ ਉਹ ਰਤਨ ਤੁਹਾਨੂੰ ਫਾਇਦੇ ਦੀ ਜਗ੍ਹਾ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ, ਅੱਜ ਅਸੀਂ ਤੁਹਾਨੂੰ ਅਜਿਹੇ 3 ਪ੍ਰਭਾਵਸ਼ਾਲੀ ਰਤਨਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਤੁਹਾਨੂੰ ਕਰੀਅਰ ਵਿੱਚ ਲਾਭ ਪਹੁੰਚਾ ਸਕਦੇ ਹਨ। ਪਰ ਇਨ੍ਹਾਂ ਨਾਲ ਜੁੜੇ ਨਿਯਮਾਂ ਦਾ ਧਿਆਨ ਵੀ ਜ਼ਰੂਰ ਰੱਖੋ।

ਪੰਨਾ (Emerald)

ਜੋਤਿਸ਼ ਸ਼ਾਸਤਰ 'ਚ ਪੰਨਾ ਨੂੰ ਬੁੱਧ ਗ੍ਰਹਿ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ ਜੋ ਬੁੱਧੀ, ਸੰਵਾਦ ਕੁਸ਼ਲਤਾ (Communication Skills) ਤੇ ਵਪਾਰ ਦਾ ਪ੍ਰਤੀਨਿਧ ਕਰਦੇ ਹਨ। ਇਸ ਨੂੰ 'ਵਪਾਰੀਆਂ ਦਾ ਰਤਨ' ਵੀ ਕਿਹਾ ਜਾਂਦਾ ਹੈ, ਅਜਿਹੇ 'ਚ ਵਪਾਰ ਨਾਲ ਜੁੜੇ ਲੋਕਾਂ ਲਈ ਪੰਨਾ ਕਾਫ਼ੀ ਫਾਇਦੇਮੰਦ ਸਾਬਿਤ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ 'ਚ ਬੁੱਧ ਗ੍ਰਹਿ ਦੀ ਸਥਿਤੀ ਕਮਜ਼ੋਰ ਹੁੰਦੀ ਹੈ, ਉਨ੍ਹਾਂ ਨੂੰ ਵੀ ਪੰਨਾ ਪਹਿਨਣ ਨਾਲ ਲਾਭ ਮਿਲ ਸਕਦਾ ਹੈ।

ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ:

ਬ੍ਰਿਖ, ਮਿਥੁਨ, ਕੰਨਿਆ, ਤੁਲਾ, ਮਕਰ ਤੇ ਕੁੰਭ ਰਾਸ਼ੀ ਦੇ ਜਾਤਕਾਂ ਲਈ ਪੰਨਾ ਪਹਿਨਣਾ ਸ਼ੁਭ ਮੰਨਿਆ ਗਿਆ ਹੈ।

ਇਸ ਰਤਨ ਨੂੰ ਧਾਰਨ ਕਰਨ ਲਈ ਬੁੱਧਵਾਰ ਦਾ ਦਿਨ ਸਭ ਤੋਂ ਉੱਤਮ ਹੈ।

ਪੰਨਾ ਨੂੰ ਚਾਂਦੀ ਜਾਂ ਸੋਨੇ ਦੀ ਅੰਗੂਠੀ 'ਚ ਜੜਵਾ ਕੇ ਚੀਚੀ ਉਂਗਲ (Little finger) 'ਚ ਪਹਿਨ ਸਕਦੇ ਹੋ।

ਕੁੰਡਲੀ 'ਚ ਬੁੱਧ ਦੀ ਸਥਿਤੀ ਅਨੁਸਾਰ ਅਤੇ ਜੋਤਿਸ਼ੀ ਸਲਾਹ 'ਤੇ ਹੀ ਇਸ ਨੂੰ ਧਾਰਨ ਕਰੋ।

ਮਾਣਕ (Ruby)

ਮਾਣਕ ਰਤਨ ਦਾ ਸਬੰਧ ਸੂਰਜ ਗ੍ਰਹਿ ਨਾਲ ਮੰਨਿਆ ਗਿਆ ਹੈ। ਇਸ ਨੂੰ ਧਾਰਨ ਕਰਨ ਨਾਲ ਆਤਮ-ਵਿਸ਼ਵਾਸ, ਸਿਹਤ, ਪਦ-ਪ੍ਰਤਿਸ਼ਠਾ ਅਤੇ ਅਗਵਾਈ ਕਰਨ ਦੀ ਸਮਰੱਥਾ (Leadership) ਵਿੱਚ ਵਾਧਾ ਹੁੰਦਾ ਹੈ। ਅਜਿਹੇ 'ਚ ਨੌਕਰੀਪੇਸ਼ਾ ਲੋਕਾਂ ਲਈ ਇਹ ਰਤਨ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ ਕਿਉਂਕਿ ਇਸ ਨਾਲ ਕਰੀਅਰ ਵਿੱਚ ਤਰੱਕੀ, ਉੱਚਾ ਅਹੁਦਾ ਅਤੇ ਮਾਣ-ਸਨਮਾਨ 'ਚ ਵਾਧੇ ਵਰਗੇ ਲਾਭ ਮਿਲਦੇ ਹਨ। ਜੇਕਰ ਤੁਸੀਂ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਇਸ ਨੂੰ ਪਹਿਨਦੇ ਹੋ ਤਾਂ ਤੁਹਾਨੂੰ ਕਰੀਅਰ 'ਚ ਨਵੀਆਂ ਉਚਾਈਆਂ ਹਾਸਲ ਹੋ ਸਕਦੀਆਂ ਹਨ।

ਧਾਰਨ ਕਰਨ ਦੇ ਨਿਯਮ (Rules for Wearing Ruby):

ਮੇਖ, ਸਿੰਘ, ਬ੍ਰਿਸ਼ਚਕ ਅਤੇ ਧਨੂੰ ਰਾਸ਼ੀ ਵਾਲਿਆਂ ਲਈ ਮਾਣਕ ਰਤਨ ਉੱਤਮ ਮੰਨਿਆ ਗਿਆ ਹੈ।

ਐਤਵਾਰ ਦੇ ਦਿਨ ਸੂਰਜ ਚੜ੍ਹਨ ਸਮੇਂ ਮਾਣਕ ਧਾਰਨ ਕਰਨ ਲਈ ਸ਼ੁਭ ਮੰਨਿਆ ਗਿਆ ਹੈ।

ਤੁਸੀਂ ਇਸ ਨੂੰ ਤਾਂਬੇ ਜਾਂ ਸੋਨੇ ਦੀ ਅੰਗੂਠੀ 'ਚ ਅਨਾਮਿਕਾ ਉਂਗਲ (Ring Finger) ਵਿੱਚ ਪਹਿਨ ਸਕਦੇ ਹੋ।

ਇਸ ਨੂੰ ਧਾਰਨ ਕਰਨ ਤੋਂ ਪਹਿਲਾਂ ਜੋਤਿਸ਼ੀ ਸਲਾਹ ਜ਼ਰੂਰ ਲਓ।

ਪੁਖਰਾਜ (Yellow Sapphire)

ਪੁਖਰਾਜ ਰਤਨ ਬ੍ਰਹਿਸਪਤੀ (ਗੁਰੂ) ਗ੍ਰਹਿ ਦੀ ਪ੍ਰਤੀਨਿਧਤਾ ਕਰਦਾ ਹੈ ਜੋ ਗਿਆਨ, ਕਿਸਮਤ, ਧਨ ਅਤੇ ਧਰਮ ਦੇ ਕਾਰਕ ਮੰਨੇ ਗਏ ਹਨ। ਇਸ ਰਤਨ ਨੂੰ ਧਾਰਨ ਕਰਨ ਨਾਲ ਜਾਤਕ ਦੀ ਕੁੰਡਲੀ 'ਚ ਬ੍ਰਹਿਸਪਤੀ ਗ੍ਰਹਿ ਦੀ ਸਥਿਤੀ ਮਜ਼ਬੂਤ ਹੋ ਸਕਦੀ ਹੈ। ਜੋ ਲੋਕ ਟੀਚਿੰਗ, ਬੈਂਕਿੰਗ, ਮੈਨੇਜਮੈਂਟ ਅਤੇ ਵਕਾਲਤ ਵਰਗੇ ਖੇਤਰਾਂ ਨਾਲ ਜੁੜੇ ਹੁੰਦੇ ਹਨ, ਉਨ੍ਹਾਂ ਨੂੰ ਪੁਖਰਾਜ ਪਹਿਨਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਹ ਰਤਨ ਆਤਮ-ਵਿਸ਼ਵਾਸ ਵਿੱਚ ਵੀ ਵਾਧਾ ਕਰਦਾ ਹੈ।

ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ:

ਧਨੂੰ ਤੇ ਮੀਨ ਰਾਸ਼ੀ ਲਈ ਵੀ ਪੁਖਰਾਜ ਪਹਿਨਣਾ ਸ਼ੁਭ ਹੈ, ਕਿਉਂਕਿ ਇਨ੍ਹਾਂ ਰਾਸ਼ੀਆਂ ਦੇ ਗ੍ਰਹਿ ਸਵਾਮੀ ਬ੍ਰਹਿਸਪਤੀ ਹਨ।

ਕਿਸੇ ਵੀ ਮਹੀਨੇ ਦੇ ਸ਼ੁਕਲ ਪੱਖ ਦੇ ਵੀਰਵਾਰ ਨੂੰ ਪੁਖਰਾਜ ਧਾਰਨ ਕਰਨਾ ਸਭ ਤੋਂ ਸ਼ੁਭ ਮੰਨਿਆ ਗਿਆ ਹੈ।

ਇਸ ਨੂੰ ਹਮੇਸ਼ਾ ਸੋਨੇ ਜਾਂ ਪੰਚਧਾਤੂ ਦੀ ਅੰਗੂਠੀ ਵਿੱਚ ਜੜਵਾ ਕੇ ਤਰਜਨੀ ਉਂਗਲ (Index finger) ਵਿੱਚ ਪਹਿਨੋ।

ਪੁਖਰਾਜ ਪਹਿਨਣ ਤੋਂ ਪਹਿਲਾਂ ਕਿਸੇ ਚੰਗੇ ਜੋਤਿਸ਼ੀ ਦੀ ਸਲਾਹ ਜ਼ਰੂਰ ਲਓ।

ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ ਹੈ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ/ਦੰਤ ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੀ ਸੂਝ-ਬੂਝ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਅੰਧ-ਵਿਸ਼ਵਾਸ ਦੇ ਵਿਰੁੱਧ ਹੈ।