Puja Success Signs: ਜਦੋਂ ਪੂਜਾ ਦੌਰਾਨ ਮਿਲਣ ਇਹ ਸੰਕੇਤ ਤਾਂ ਸਮਝੋ ਪਰਮਾਤਮਾ ਨੇ ਸੁਣ ਲਈ ਹੈ ਤੁਹਾਡੀ ਪੁਕਾਰ

ਧਰਮ ਡੈਸਕ, ਨਵੀਂ ਦਿੱਲੀ : ਪਰਮਾਤਮਾ ਦੀ ਅਰਾਧਨਾ ਕਰਨਾ ਸਿਰਫ਼ ਇਕ ਪਰੰਪਰਾ ਨਹੀਂ, ਸਗੋਂ ਆਪਣੀ ਆਤਮਾ ਨੂੰ ਪਰਮਾਤਮਾ ਨਾਲ ਜੋੜਨ ਦਾ ਇਕ ਜ਼ਰੀਆ ਵੀ ਹੈ। ਭਗਤ ਆਪਣੀ ਸ਼ਰਧਾ ਤੇ ਮਾਨਤਾਵਾਂ ਅਨੁਸਾਰ ਪੂਜਾ-ਪਾਠ ਕਰਦੇ ਹਨ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਸੰਕੇਤ ਦੱਸਣ ਜਾ ਰਹੇ ਹਾਂ ਜੋ ਇਹ ਦਰਸਾਉਂਦੇ ਹਨ ਕਿ ਪਰਮਾਤਮਾ ਤੁਹਾਡੇ ਤੋਂ ਪ੍ਰਸੰਨ ਹਨ ਤੇ ਤੁਹਾਡੀਆਂ ਮਨੋਕਾਮਨਾਵਾਂ ਜਲਦੀ ਪੂਰੀਆਂ ਹੋਣਗੀਆਂ, ਜਿਸ ਨਾਲ ਤੁਹਾਨੂੰ ਪੂਜਾ ਦਾ ਪੂਰਾ ਫਲ ਪ੍ਰਾਪਤ ਹੋਵੇਗਾ।

ਇਹ ਹਨ ਦਿਵਯ ਸੰਕੇਤ

ਜੇਕਰ ਪੂਜਾ ਤੋਂ ਬਾਅਦ ਤੁਹਾਨੂੰ ਮਨ ਵਿਚ ਸ਼ਾਂਤੀ ਅਤੇ ਹਲਕੇਪਨ ਦਾ ਅਨੁਭਵ ਹੁੰਦਾ ਹੈ ਤਾਂ ਇਸ ਨੂੰ ਇਕ ਸ਼ੁਭ ਸੰਕੇਤ ਵਜੋਂ ਦੇਖਿਆ ਜਾਂਦਾ ਹੈ। ਇਹ ਇਕ ਦਿਵਯ ਸੰਕੇਤ ਹੈ ਜੋ ਦੱਸਦਾ ਹੈ ਕਿ ਤੁਹਾਡੀ ਭਗਤੀ ਸਵੀਕਾਰ ਹੋ ਗਈ ਹੈ ਅਤੇ ਜਲਦੀ ਹੀ ਤੁਹਾਨੂੰ ਆਪਣੀ ਪੂਜਾ ਦਾ ਫਲ ਮਿਲਣ ਵਾਲਾ ਹੈ।

ਕੀ ਸੰਕੇਤ ਦਿੰਦੀ ਹੈ ਦੀਵੇ ਦੀ ਲਾਟ

ਜੇਕਰ ਪੂਜਾ ਦੌਰਾਨ ਦੀਵੇ ਦੀ ਲਾਟ ਬਿਨਾਂ ਹਵਾ ਦੇ ਵੀ ਸ਼ਾਂਤ ਅਤੇ ਸਥਿਰ ਬਣੀ ਰਹਿੰਦੀ ਹੈ ਤਾਂ ਇਸ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ। ਉੱਥੇ ਹੀ ਜੇਕਰ ਤੁਹਾਨੂੰ ਪੂਜਾ ਦੌਰਾਨ ਜਾਂ ਬਾਅਦ ਵਿੱਚ ਬਿਨਾਂ ਕਿਸੇ ਅਗਰਬੱਤੀ ਦੇ ਘਰ ਵਿਚ ਫੁੱਲਾਂ ਜਾਂ ਚੰਦਨ ਵਰਗੀ ਦਿਵਯ ਸੁਗੰਧ ਆਉਣ ਲੱਗੇ, ਤਾਂ ਇਹ ਵੀ ਇੱਕ ਸ਼ੁਭ ਸੰਕੇਤ ਹੈ। ਜਿਸ ਦਾ ਅਰਥ ਹੈ ਕਿ ਦੇਵੀ-ਦੇਵਤਿਆਂ ਦੀ ਕਿਰਪਾ ਤੁਹਾਡੇ ਉੱਪਰ ਬਣੀ ਹੋਈ ਹੈ।

ਜਲਦੀ ਪੂਰੀ ਹੋਵੇਗੀ ਮਨੋਕਾਮਨਾ

ਪ੍ਰਾਰਥਨਾ ਜਾਂ ਪੂਜਾ ਕਰਦੇ ਸਮੇਂ ਜੇਕਰ ਤੁਹਾਡੀਆਂ ਅੱਖਾਂ ਵਿੱਚੋਂ ਆਪਣੇ ਆਪ ਹੀ ਹੰਝੂ ਵਹਿਣ ਲੱਗਣ ਤਾਂ ਇਹ ਇਕ ਦਿਵਯ ਸੰਕੇਤ ਮੰਨਿਆ ਜਾਂਦਾ ਹੈ। ਇਸ ਦਾ ਅਰਥ ਹੈ ਕਿ ਤੁਹਾਡੇ ਉੱਪਰ ਪਰਮਾਤਮਾ ਦੀ ਮਿਹਰ ਭਰੀ ਨਜ਼ਰ ਬਣੀ ਹੋਈ ਹੈ ਅਤੇ ਤੁਹਾਡੀ ਕੋਈ ਵੱਡੀ ਮਨੋਕਾਮਨਾ ਜਲਦੀ ਪੂਰੀ ਹੋਣ ਵਾਲੀ ਹੈ।

ਇਹ ਵੀ ਹਨ ਸ਼ੁਭ ਸੰਕੇਤ

ਪੂਜਾ ਕਰਦੇ ਸਮੇਂ ਜੇਕਰ ਮੂਰਤੀ ਜਾਂ ਤਸਵੀਰ ਤੋਂ ਕੋਈ ਫੁੱਲ ਜਾਂ ਮਾਲਾ ਅਚਾਨਕ ਤੁਹਾਡੇ ਉੱਪਰ ਜਾਂ ਸਾਹਮਣੇ ਆ ਕੇ ਡਿੱਗੇ ਤਾਂ ਇਸ ਨੂੰ ਪਰਮਾਤਮਾ ਦਾ ਆਸ਼ੀਰਵਾਦ ਸਮਝਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਜੇਕਰ ਪੂਜਾ ਸੰਪੰਨ ਹੋਣ ਤੋਂ ਤੁਰੰਤ ਬਾਅਦ ਘਰ ਵਿਚ ਕੋਈ ਮਹਿਮਾਨ ਜਾਂ ਕੋਈ ਵਿਅਕਤੀ ਸ਼ੁਭ ਸਮਾਚਾਰ ਲੈ ਕੇ ਆਵੇ ਤਾਂ ਇਸ ਨੂੰ ਵੀ ਪੂਜਾ ਦੇ ਪੂਰੇ ਫਲ ਦੀ ਪ੍ਰਾਪਤੀ ਦਾ ਸੰਕੇਤ ਮੰਨਿਆ ਜਾਂਦਾ ਹੈ।