ਰਾਜੇ ਵਰਗਾ ਸੁੱਖ ਦਿਵਾਉਂਦੀਆਂ ਹਨ ਸੂਰਜ 'ਚ ਇਨ੍ਹਾਂ 3 ਗ੍ਰਹਿਆਂ ਦੀ ਅੰਤਰਦਸ਼ਾ, ਬਦਲ ਸਕਦੀ ਹੈ ਪੂਰੀ ਜ਼ਿੰਦਗੀ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ 'ਚ ਸੂਰਜ ਨੂੰ ਸਾਰੇ ਗ੍ਰਹਿਆਂ ਦਾ 'ਰਾਜਾ' ਮੰਨਿਆ ਜਾਂਦਾ ਹੈ। ਇਹ ਸਾਡੀ ਆਤਮਾ, ਇੱਛਾ ਸ਼ਕਤੀ, ਮਾਣ-ਸਨਮਾਨ ਤੇ ਪਿਤਾ ਦਾ ਕਾਰਕ ਹੈ। ਜਦੋਂ ਕਿਸੇ ਵਿਅਕਤੀ ਦੀ ਕੁੰਡਲੀ ਵਿੱਚ ਸੂਰਜ ਦੀ ਮਹਾਦਸ਼ਾ ਸ਼ੁਰੂ ਹੁੰਦੀ ਹੈ ਤਾਂ ਇਹ ਉਸਦੇ ਜੀਵਨ 'ਚ ਵੱਡੀਆਂ ਤਬਦੀਲੀਆਂ ਲੈ ਕੇ ਆਉਂਦੀ ਹੈ। ਆਓ ਜਾਣਦੇ ਹਾਂ ਕਿ ਇਹ 6 ਸਾਲਾਂ ਦੀ ਮਿਆਦ ਤੁਹਾਡੇ ਜੀਵਨ 'ਤੇ ਕਿਹੋ ਜਿਹਾ ਅਸਰ ਪਾਉਂਦੀ ਹੈ:

ਕੀ ਹੁੰਦੀ ਹੈ ਸੂਰਜ ਦੀ ਮਹਾਦਸ਼ਾ?

ਸੂਰਜ ਦੀ ਮਹਾਦਸ਼ਾ ਕੁੱਲ 6 ਸਾਲਾਂ ਦੀ ਹੁੰਦੀ ਹੈ। ਜੋਤਿਸ਼ 'ਚ ਇਹ ਸ਼ੁੱਕਰ ਦੀ ਲੰਬੀ ਮਹਾਦਸ਼ਾ ਦੇ ਖ਼ਤਮ ਹੋਣ ਤੋਂ ਬਾਅਦ ਅਤੇ ਚੰਦਰਮਾ ਦੀ ਮਹਾਦਸ਼ਾ ਸ਼ੁਰੂ ਹੋਣ ਤੋਂ ਠੀਕ ਪਹਿਲਾਂ ਆਉਂਦੀ ਹੈ। ਕਿਉਂਕਿ ਸੂਰਜ ਊਰਜਾ ਤੇ ਪ੍ਰਕਾਸ਼ ਦਾ ਸਰੋਤ ਹੈ, ਇਸ ਲਈ ਇਹ ਸਮਾਂ ਵਿਅਕਤੀ ਨੂੰ ਉਸਦੀ ਅਸਲ ਕਾਬਲੀਅਤ ਨਾਲ ਰੂਬਰੂ ਕਰਵਾਉਂਦਾ ਹੈ। ਹਾਲਾਂਕਿ, ਇਸਦੇ ਨਤੀਜੇ ਇਸ ਗੱਲ 'ਤੇ ਨਿਰਭਰ ਕਰਦੇ ਹਨ ਕਿ ਤੁਹਾਡੀ ਕੁੰਡਲੀ ਵਿੱਚ ਸੂਰਜ ਕਿਸ ਸਥਿਤੀ ਵਿੱਚ ਬੈਠਾ ਹੈ।

ਸੂਰਜ ਮਹਾਦਸ਼ਾ ਦੇ ਸ਼ੁੱਭ ਫਲ

ਜੇਕਰ ਤੁਹਾਡੀ ਕੁੰਡਲੀ 'ਚ ਸੂਰਜ ਮਜ਼ਬੂਤ ਸਥਿਤੀ 'ਚ ਹੈ ਤਾਂ ਇਹ 6 ਸਾਲ ਤੁਹਾਡੇ ਲਈ 'ਗੋਲਡਨ ਪੀਰੀਅਡ' ਸਾਬਤ ਹੋ ਸਕਦੇ ਹਨ। ਖਾਸ ਕਰਕੇ, ਜੇਕਰ ਸੂਰਜ ਦੇ ਨਾਲ ਬੁੱਧ ਅਤੇ ਸ਼ੁੱਕਰ ਦਾ ਵੀ ਪ੍ਰਭਾਵ ਹੋਵੇ ਤਾਂ ਅਚਾਨਕ ਵੱਡੇ ਲਾਭ ਮਿਲਦੇ ਹਨ।

ਕਰੀਅਰ 'ਚ ਤਰੱਕੀ: ਨੌਕਰੀ ਤੇ ਬਿਜ਼ਨੈੱਸ 'ਚ ਜ਼ਬਰਦਸਤ ਉਛਾਲ ਆਉਂਦਾ ਹੈ।

ਸਰਕਾਰੀ ਲਾਭ: ਸਰਕਾਰੀ ਨੌਕਰੀ ਮਿਲਣ ਦੇ ਯੋਗ ਬਣਦੇ ਹਨ ਜਾਂ ਸਰਕਾਰ ਵੱਲੋਂ ਕੋਈ ਵੱਡਾ ਫਾਇਦਾ ਮਿਲ ਸਕਦਾ ਹੈ।

ਸਮਾਜ 'ਚ ਮਾਣ-ਸਨਮਾਨ: ਤੁਹਾਡੀ ਲੀਡਰਸ਼ਿਪ ਕੁਆਲਿਟੀ ਨਿਖਰਦੀ ਹੈ ਅਤੇ ਸਮਾਜ ਵਿੱਚ ਤੁਹਾਡੀਆਂ ਗੱਲਾਂ ਨੂੰ ਅਹਿਮੀਅਤ ਦਿੱਤੀ ਜਾਂਦੀ ਹੈ।

ਪੁਸ਼ਤੈਨੀ ਜਾਇਦਾਦ: ਪਿਤਾ ਨਾਲ ਸਬੰਧ ਸੁਧਰਦੇ ਹਨ ਤੇ ਪੁਰਾਣੀ ਜਾਇਦਾਦ ਨਾਲ ਜੁੜਿਆ ਲਾਭ ਮਿਲਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।

ਸੂਰਜ ਦੀ 6 ਸਾਲ ਦੀ ਮਿਆਦ 'ਚ 3 ਸ਼ੁੱਭ ਗ੍ਰਹਿਆਂ ਦੀ ਅੰਤਰਦਸ਼ਾ

1. ਸੂਰਜ 'ਚ ਗੁਰੂ (ਬ੍ਰਹਿਸਪਤੀ)

ਮਿਆਦ: 9 ਮਹੀਨੇ 18 ਦਿਨ

ਸੰਭਾਵੀ ਫਲ: ਇਹ ਕਾਲ ਸੂਰਜ ਦੀ ਮਹਾਦਸ਼ਾ 'ਚ ਸਭ ਤੋਂ ਉੱਤਮ ਮੰਨਿਆ ਜਾਂਦਾ ਹੈ। ਇਸ ਦੌਰਾਨ ਜਾਤਕ ਨੂੰ ਗਿਆਨ, ਅਧਿਆਤਮਕ ਉੱਨਤੀ ਅਤੇ ਕਿਸਮਤ ਦਾ ਪੂਰਾ ਸਾਥ ਮਿਲਦਾ ਹੈ। ਘਰ-ਪਰਿਵਾਰ ਵਿੱਚ ਮੰਗਲਿਕ ਅਤੇ ਧਾਰਮਿਕ ਕੰਮ ਸੰਪੰਨ ਹੋਣ ਦੇ ਪ੍ਰਬਲ ਯੋਗ ਬਣਦੇ ਹਨ।

2. ਸੂਰਜ ਵਿੱਚ ਬੁੱਧ

ਮਿਆਦ: 10 ਮਹੀਨੇ 6 ਦਿਨ

ਸੰਭਾਵੀ ਫਲ: ਇਸ ਸਮੇਂ ਵਿਅਕਤੀ ਦੀ ਫੈਸਲਾ ਲੈਣ ਦੀ ਸਮਰੱਥਾ ਤੇ ਬੁੱਧੀ ਬਹੁਤ ਤੇਜ਼ ਹੋ ਜਾਂਦੀ ਹੈ। ਵਿਸ਼ੇਸ਼ ਤੌਰ 'ਤੇ ਵਪਾਰ, ਲੇਖਣੀ, ਸੰਪਾਦਨ ਤੇ ਬੈਂਕਿੰਗ ਖੇਤਰ ਨਾਲ ਜੁੜੇ ਲੋਕਾਂ ਨੂੰ ਇਸ ਮਿਆਦ 'ਚ ਵੱਡਾ ਲਾਭ ਅਤੇ ਮਾਣ-ਸਨਮਾਨ ਪ੍ਰਾਪਤ ਹੁੰਦਾ ਹੈ।

3. ਸੂਰਜ ਵਿਚ ਸ਼ੁੱਕਰ

ਮਿਆਦ: 12 ਮਹੀਨੇ (1 ਸਾਲ)

ਸੰਭਾਵੀ ਫਲ: ਇਹ ਮਿਆਦ ਜੀਵਨ ਵਿਚ ਭੌਤਿਕ ਸੁੱਖ-ਸਹੂਲਤਾਂ ਵਧਾਉਂਦੀ ਹੈ। ਹਾਲਾਂਕਿ, ਜੇਕਰ ਕੁੰਡਲੀ 'ਚ ਗ੍ਰਹਿ ਦੀ ਸਥਿਤੀ ਅਨੁਕੂਲ ਨਾ ਹੋਵੇ ਤਾਂ ਵਿਆਹੁਤਾ ਜੀਵਨ 'ਚ ਵਿਚਾਰਕ ਮਤਭੇਦ ਜਾਂ ਤਣਾਅ ਪੈਦਾ ਹੋ ਸਕਦਾ ਹੈ।

ਸੂਰਜ ਮਹਾਦਸ਼ਾ ਦੇ ਪ੍ਰਭਾਵ: ਸਕਾਰਾਤਮਕ ਤੇ ਨਕਾਰਾਤਮਕ

ਸਕਾਰਾਤਮਕ ਪ੍ਰਭਾਵ:

• ਆਤਮ-ਵਿਸ਼ਵਾਸ (Self-confidence) 'ਚ ਭਾਰੀ ਵਾਧਾ ਹੁੰਦਾ ਹੈ।
• ਪ੍ਰਸ਼ਾਸਨਿਕ ਕੰਮਾਂ ਅਤੇ ਰਾਜਨੀਤੀ ਨਾਲ ਜੁੜੇ ਲੋਕਾਂ ਨੂੰ ਉੱਚਾ ਅਹੁਦਾ ਮਿਲਦਾ ਹੈ।
• ਇਨਸਾਨ ਦੇ ਅੰਦਰ ਫੈਸਲਾ ਲੈਣ ਦੀ ਅਦਭੁਤ ਸਮਰੱਥਾ ਪੈਦਾ ਹੁੰਦੀ ਹੈ।

ਨਕਾਰਾਤਮਕ ਪ੍ਰਭਾਵ:

• ਸੂਰਜ ਦੇ ਪ੍ਰਭਾਵ ਨਾਲ ਵਿਅਕਤੀ ਦੇ ਅੰਦਰ 'ਹੰਕਾਰ' (Ego) ਵੱਧ ਸਕਦਾ ਹੈ, ਜਿਸ ਨਾਲ ਬਣੇ-ਬਣਾਏ ਰਿਸ਼ਤੇ ਵਿਗੜ ਸਕਦੇ ਹਨ।
• ਹੱਡੀਆਂ, ਅੱਖਾਂ ਜਾਂ ਦਿਲ ਨਾਲ ਜੁੜੀਆਂ ਤਕਲੀਫ਼ਾਂ ਪਰੇਸ਼ਾਨ ਕਰ ਸਕਦੀਆਂ ਹਨ।
• ਜੇਕਰ ਸੂਰਜ ਕਮਜ਼ੋਰ ਹੈ, ਤਾਂ ਪਿਤਾ ਨਾਲ ਵਿਚਾਰਕ ਮਤਭੇਦ ਵੱਧ ਸਕਦੇ ਹਨ ਜਾਂ ਸਰਕਾਰੀ ਕੰਮਾਂ ਵਿੱਚ ਰੁਕਾਵਟਾਂ ਆ ਸਕਦੀਆਂ ਹਨ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।