ਕੀ ਤੁਹਾਡੇ ਵੀ ਘਰ ਵਿਚ ਹੈ ਕਬੂਤਰਾਂ ਦਾ ਵਸੇਬਾ ? ਰਾਹੂ ਦਾ ਸੰਕੇਤ ਜਾਂ ਲਕਸ਼ਮੀ ਦੀ ਕਿਰਪਾ ? ਦੂਰ ਕਰ ਲਓ ਆਪਣੀ ਦੁਬਿਧਾ

ਧਰਮ ਡੈਸਕ, ਨਵੀਂ ਦਿੱਲੀ : ਘਰ ਵਿਚ ਕਬੂਤਰ ਦਾ ਆਉਣਾ ਤੇ ਉਨ੍ਹਾਂ ਦਾ ਵਸੇਬਾ ਹੋਣਾ ਅਜਿਹੀ ਘਟਨਾ ਹੈ ਜਿਸ ਨੂੰ ਭਾਰਤੀ ਜੋਤਿਸ਼ ਤੇ ਵਾਸਤੂ ਸ਼ਾਸਤਰ 'ਚ ਬਹੁਤ ਗਹਿਰਾਈ ਨਾਲ ਦੇਖਿਆ ਜਾਂਦਾ ਹੈ। ਅਕਸਰ ਲੋਕ ਇਸ ਗੱਲ ਨੂੰ ਲੈ ਕੇ ਕਾਫੀ ਦੁਵਿਧਾ 'ਚ ਰਹਿੰਦੇ ਹਨ ਕਿ ਇਹ ਸੁੱਖ-ਸਮਰਿੱਧੀ ਦਾ ਸੰਕੇਤ ਹੈ ਜਾਂ ਕਿਸੇ ਆਉਣ ਵਾਲੀ ਮੁਸੀਬਤ ਵੱਲ ਇਸ਼ਾਰਾ। ਜੇਕਰ ਤੁਸੀਂ ਵੀ ਕਬੂਤਰ ਦੇ ਵਸੇਬੇ ਨੂੰ ਲੈ ਕੇ ਅਸਮੰਜਸ ਵਿਚ ਹੋ ਤਾਂ ਆਓ ਜਾਣਦੇ ਹਾਂ ਇਸ ਨਾਲ ਜੁੜੇ ਸ਼ੁੱਭ-ਅਸ਼ੁੱਭ ਸੰਕੇਤ ਕੀ ਹਨ ਅਤੇ ਇਸ ਦਾ ਅਸਲ ਅਰਥ ਕੀ ਹੈ।

ਘਰ ਵਿਚ ਕਬੂਤਰ ਦਾ ਆਉਣਾ: ਸੁੱਖ ਜਾਂ ਸਮੱਸਿਆ?

1. ਸ਼ਾਂਤੀ ਤੇ ਸਕਾਰਾਤਮਕਤਾ ਦਾ ਪ੍ਰਤੀਕ ਧਾਰਮਿਕ ਮਾਨਤਾਵਾਂ ਅਨੁਸਾਰ ਕਬੂਤਰਾਂ ਨੂੰ ਮਾਤਾ ਲਕਸ਼ਮੀ ਦਾ ਭਗਤ ਮੰਨਿਆ ਜਾਂਦਾ ਹੈ। ਜੇਕਰ ਕੋਈ ਵੀ ਕਬੂਤਰ ਤੁਹਾਡੇ ਘਰ ਦੀ ਬਾਲਕੋਨੀ ਜਾਂ ਛੱਤ 'ਤੇ ਆ ਕੇ ਰੁਕਦਾ ਹੈ ਅਤੇ ਦਾਣਾ ਚੁਗ ਕੇ ਉੱਡ ਜਾਂਦਾ ਹੈ ਤਾਂ ਇਹ ਬਹੁਤ ਹੀ ਸ਼ੁਭ ਸੰਕੇਤ ਹੈ। ਇਸ ਦਾ ਅਰਥ ਹੈ ਕਿ ਘਰ ਵਿੱਚ ਸਕਾਰਾਤਮਕ ਊਰਜਾ (Positive Energy) ਦਾ ਸੰਚਾਰ ਹੋ ਰਿਹਾ ਹੈ ਅਤੇ ਇਹ ਪਰਿਵਾਰ 'ਚ ਸੁੱਖ-ਸ਼ਾਂਤੀ ਦਾ ਸੰਕੇਤ ਹੈ।

2. ਘਰ ਵਿਚ ਆਲ੍ਹਣਾ ਬਣਾਉਣਾ ਵਾਸਤੂ ਸ਼ਾਸਤਰ ਅਨੁਸਾਰ, ਘਰ ਦੇ ਅੰਦਰ ਜਾਂ ਬਾਲਕੋਨੀ 'ਚ ਕਬੂਤਰ ਦਾ ਆਲ੍ਹਣਾ ਬਣਾਉਣਾ ਸ਼ੁੱਭ ਨਹੀਂ ਮੰਨਿਆ ਜਾਂਦਾ। ਇਹ ਗੱਲ ਤੁਹਾਨੂੰ ਹੈਰਾਨ ਕਰ ਸਕਦੀ ਹੈ ਪਰ ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਆਲ੍ਹਣਾ ਬਣਾਉਣ ਨਾਲ ਘਰ ਵਿਚ ਅਸਥਿਰਤਾ ਆਉਂਦੀ ਹੈ। ਇਹ ਪਰਿਵਾਰਕ ਮੈਂਬਰਾਂ ਦੀ ਤਰੱਕੀ 'ਚ ਰੁਕਾਵਟ ਪੈਦਾ ਕਰ ਸਕਦਾ ਹੈ ਤੇ ਆਰਥਿਕ ਸਥਿਤੀ ਨੂੰ ਵੀ ਕਮਜ਼ੋਰ ਕਰ ਸਕਦਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਘਰ ਵਿੱਚ ਕਬੂਤਰ ਦਾ ਪੱਕਾ ਵਸੇਬਾ ਦਰਿਦਰਤਾ ਨੂੰ ਸੱਦਾ ਦੇ ਸਕਦਾ ਹੈ।

3. ਅੰਡੇ ਦੇਣ ਦਾ ਸੰਕੇਤ ਸ਼ਕੁਨ ਸ਼ਾਸਤਰ ਅਨੁਸਾਰ, ਜੇਕਰ ਤੁਹਾਡੇ ਘਰ ਵਿਚ ਕਬੂਤਰ ਨੇ ਅੰਡਾ ਦਿੱਤਾ ਹੈ ਤਾਂ ਇਸ ਨੂੰ ਸਾਵਧਾਨੀ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਇਸ ਦਾ ਮਤਲਬ ਹੈ ਕਿ ਤੁਸੀਂ ਆਉਣ ਵਾਲੀ ਕਿਸੇ ਸਮੱਸਿਆ ਲਈ ਸੁਚੇਤ ਹੋ ਜਾਓ। ਇਹ ਘਰ ਵਿਚ ਆਰਥਿਕ ਤੰਗੀ ਜਾਂ ਕਰਜ਼ਾ ਵਧਣ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਪਰਿਵਾਰ 'ਚ ਕਲੇਸ਼ ਜਾਂ ਸਿਹਤ ਸਬੰਧੀ ਸਮੱਸਿਆਵਾਂ ਵਰਗੀਆਂ ਪਰੇਸ਼ਾਨੀਆਂ ਵੀ ਆ ਸਕਦੀਆਂ ਹਨ।

4. ਸਿਹਤ ਅਤੇ ਸਫ਼ਾਈ ਜੋਤਿਸ਼ ਦੇ ਨਾਲ-ਨਾਲ ਵਿਹਾਰਕ ਨਜ਼ਰੀਏ ਤੋਂ ਵੀ ਕਬੂਤਰਾਂ ਦੀ ਗੰਦਗੀ (ਬਿੱਠਾਂ) ਨੂੰ ਘਰ ਵਿਚ ਜਮ੍ਹਾਂ ਨਹੀਂ ਹੋਣ ਦੇਣਾ ਚਾਹੀਦਾ। ਇਸ ਨਾਲ ਨਾ ਸਿਰਫ਼ ਬਿਮਾਰੀਆਂ ਫੈਲਦੀਆਂ ਹਨ, ਸਗੋਂ ਵਾਸਤੂ ਅਨੁਸਾਰ ਗੰਦਗੀ ਨਕਾਰਾਤਮਕ ਊਰਜਾ ਨੂੰ ਸੋਖਦੀ ਹੈ ਜੋ ਘਰ ਦੇ ਮਾਹੌਲ ਨੂੰ ਭਾਰੀ ਕਰ ਦਿੰਦੀ ਹੈ।

ਜੋਤਿਸ਼ ਉਪਾਅ ਤੇ ਸੁਝਾਅ

ਪੁੰਨ ਦਾ ਕਾਰਜ: ਕਬੂਤਰਾਂ ਨੂੰ ਦਾਣਾ ਖੁਆਉਣਾ ਬਹੁਤ ਸ਼ੁਭ ਹੁੰਦਾ ਹੈ ਪਰ ਕੋਸ਼ਿਸ਼ ਕਰੋ ਕਿ ਉਨ੍ਹਾਂ ਨੂੰ ਘਰ ਦੇ ਮੁੱਖ ਹਿੱਸੇ ਤੋਂ ਦੂਰ ਕਿਸੇ ਪਾਰਕ ਜਾਂ ਜਨਤਕ ਸਥਾਨ 'ਤੇ ਦਾਣਾ ਪਾਓ। ਇਸ ਨਾਲ ਬੁੱਧ ਤੇ ਗੁਰੂ ਗ੍ਰਹਿ ਦੇ ਦੋਸ਼ ਦੂਰ ਹੁੰਦੇ ਹਨ।

ਸਾਫ਼-ਸਫ਼ਾਈ : ਜੇਕਰ ਤੁਹਾਡੇ ਘਰ ਵਿੱਚ ਕਬੂਤਰ ਆਉਂਦੇ ਹਨ ਤਾਂ ਉਸ ਜਗ੍ਹਾ ਨੂੰ ਨਿਯਮਤ ਰੂਪ ਵਿੱਚ ਸਾਫ਼ ਰੱਖੋ।

ਬਚਾਅ: ਜੇਕਰ ਕਬੂਤਰ ਤੁਹਾਡੇ ਘਰ ਵਿਚ ਆਲ੍ਹਣਾ ਬਣਾਉਣ ਲੱਗਣ ਤਾਂ ਉਨ੍ਹਾਂ ਨੂੰ ਪਿਆਰ ਨਾਲ ਉੱਥੋਂ ਹਟਾ ਦਿਓ ਤਾਂ ਜੋ ਉਹ ਕਿਸੇ ਦਰੱਖ਼ਤ ਜਾਂ ਸੁਰੱਖਿਅਤ ਕੁਦਰਤੀ ਥਾਂ 'ਤੇ ਆਪਣਾ ਘਰ ਬਣਾ ਸਕਣ। ਇਸ ਨਾਲ ਤੁਸੀਂ ਕਿਸੇ ਪਾਪ ਦੇ ਭਾਗੀ ਨਹੀਂ ਬਣੋਗੇ ਅਤੇ ਜੀਵ ਦੀ ਰੱਖਿਆ ਵੀ ਹੋਵੇਗੀ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਉਪਦੇਸ਼/ਵਿਸ਼ਵਾਸਾਂ/ਧਾਰਮਿਕ ਗ੍ਰੰਥਾਂ/ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵੇ ਵਜੋਂ ਨਾ ਸਮਝਣ ਅਤੇ ਆਪਣੀ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।