Numerology : ਦਿਮਾਗ ਨਾਲ ਨਿਭਾਉਂਦੀਆਂ ਹਨ ਰਿਸ਼ਤਾ ! ਇਸ ਤਰੀਕ ਨੂੰ ਜਨਮੀਆਂ ਕੁੜੀਆਂ ਇਸ਼ਕ ਵਿਚ ਵੀ ਰਹਿੰਦੀਆਂ ਹਨ 'ਪ੍ਰੈਕਟੀਕਲ'

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ (Numerology) ਦੀ ਦੁਨੀਆ ਬੜੀ ਦਿਲਚਸਪ ਹੈ। ਕਹਿੰਦੇ ਹਨ ਕਿ ਤੁਹਾਡੀ ਜਨਮ ਤਰੀਕ ਸਿਰਫ਼ ਇਕ ਨੰਬਰ ਨਹੀਂ, ਸਗੋਂ ਤੁਹਾਡੇ ਸੁਭਾਅ ਦਾ ਸ਼ੀਸ਼ਾ ਹੁੰਦੀ ਹੈ। ਕੁਝ ਲੋਕ ਪਿਆਰ 'ਚ ਪੂਰੀ ਤਰ੍ਹਾਂ ਡੁੱਬ ਜਾਂਦੇ ਹਨ ਤਾਂ ਕੁਝ ਪਿਆਰ 'ਚ ਹੁੰਦੇ ਹੋਏ ਵੀ ਆਪਣੀਆਂ ਭਾਵਨਾਵਾਂ 'ਤੇ ਕਾਬੂ ਰੱਖਣਾ ਜਾਣਦੇ ਹਨ।

ਨਿਊਮਰੋਲੋਜੀ ਦੀ ਦੁਨੀਆ 'ਚ ਕੁਝ ਅਜਿਹੇ ਮੁਲਾਂਕ ਵੀ ਹਨ ਜਿਸ 'ਤੇ ਜਨਮੀਆਂ ਕੁੜੀਆਂ ਰਿਸ਼ਤਿਆਂ ਦੇ ਮਾਮਲੇ 'ਚ ਦਿਲ ਨਾਲੋਂ ਵੱਧ ਆਪਣੇ ਦਿਮਾਗ ਦੀ ਸੁਣਦੀਆਂ ਹਨ।

ਕਿਹੜਾ ਹੈ ਉਹ ਖਾਸ ਮੁਲਾਂਕ?

ਅੰਕ ਜੋਤਿਸ਼ ਅਨੁਸਾਰ, ਜਿਨ੍ਹਾਂ ਕੁੜੀਆਂ ਦਾ ਮੁਲਾਂਕ 4 ਹੁੰਦਾ ਹੈ, ਉਨ੍ਹਾਂ ਦਾ ਸੁਭਾਅ ਦੂਜਿਆਂ ਨਾਲੋਂ ਕਾਫ਼ੀ ਵੱਖਰਾ ਅਤੇ 'ਹਟ ਕੇ' ਹੁੰਦਾ ਹੈ। ਜੇਕਰ ਤੁਹਾਡਾ ਜਨਮ ਕਿਸੇ ਵੀ ਮਹੀਨੇ ਦੀ 4, 13, 22 ਜਾਂ 31 ਤਰੀਕ ਨੂੰ ਹੋਇਆ ਹੈ ਤਾਂ ਤੁਹਾਡਾ ਮੂਲਾਂਕ 4 ਹੈ।

ਇਸ ਮੁਲਾਂਕ ਦਾ ਸਵਾਮੀ 'ਰਾਹੂ' (Rahu) ਗ੍ਰਹਿ ਹੈ, ਜੋ ਇਨਸਾਨ ਨੂੰ ਤੇਜ਼ ਦਿਮਾਗ ਤੇ ਭੀੜ ਤੋਂ ਹਟ ਕੇ ਸੋਚਣ ਦੀ ਸ਼ਕਤੀ ਦਿੰਦਾ ਹੈ।

ਇਨ੍ਹਾਂ ਲੋਕਾਂ ਦਾ ਦਿਲ ਨਹੀਂ, ਦਿਮਾਗ ਚੱਲਦਾ ਹੈ

• ਮੁਲਾਂਕ 4 ਵਾਲੀਆਂ ਕੁੜੀਆਂ ਬਾਰੇ ਅਕਸਰ ਇਹ ਕਿਹਾ ਜਾਂਦਾ ਹੈ ਕਿ ਉਹ ਪਿਆਰ ਅਤੇ ਰਿਸ਼ਤਿਆਂ ਦੇ ਮਾਮਲੇ 'ਚ ਕਾਫ਼ੀ 'ਕੈਲਕੂਲੇਟਿਵ' ਜਾਂ ਪ੍ਰੈਕਟੀਕਲ ਹੁੰਦੀਆਂ ਹਨ। ਇਸ ਦਾ ਮਤਲਬ ਇਹ ਬਿਲਕੁਲ ਨਹੀਂ ਹੈ ਕਿ ਉਨ੍ਹਾਂ ਵਿਚ ਭਾਵਨਾਵਾਂ ਨਹੀਂ ਹੁੰਦੀਆਂ, ਸਗੋਂ ਉਹ ਆਪਣੀਆਂ ਭਾਵਨਾਵਾਂ ਨੂੰ ਵਹਿਣ ਨਹੀਂ ਦਿੰਦੀਆਂ। ਇਨ੍ਹਾਂ ਨੂੰ ਫ਼ਿਲਮੀ ਸਟਾਈਲ ਵਾਲੇ ਰੋਮਾਂਸ 'ਚ ਬਹੁਤਾ ਯਕੀਨ ਨਹੀਂ ਹੁੰਦਾ। ਇਹ ਅਸਲੀਅਤ 'ਚ ਜੀਵਨ ਜਿਊਣਾ ਪਸੰਦ ਕਰਦੀਆਂ ਹਨ।
• ਇਹ ਕਿਸੇ ਦੇ ਪਿਆਰ 'ਚ ਪਾਗਲ ਹੋ ਕੇ ਆਪਣੀ ਸੁੱਧ-ਬੁੱਧ ਨਹੀਂ ਗੁਆਉਂਦੀਆਂ। ਕੋਈ ਵੀ ਰਿਸ਼ਤਾ ਸ਼ੁਰੂ ਕਰਨ ਤੋਂ ਪਹਿਲਾਂ ਇਹ ਪਾਰਟਨਰ ਦੀ ਕਾਬਲੀਅਤ, ਉਸ ਦਾ ਭਵਿੱਖ ਤੇ ਉਸ ਦੀ ਸੋਚ ਨੂੰ ਚੰਗੀ ਤਰ੍ਹਾਂ ਪਰਖਦੀਆਂ ਹਨ।
• ਰਾਹੂ ਦੇ ਪ੍ਰਭਾਵ ਕਾਰਨ ਇਹ ਕੁੜੀਆਂ ਕਾਫ਼ੀ ਸਪੱਸ਼ਟਵਾਦੀ ਹੁੰਦੀਆਂ ਹਨ। ਜੋ ਮਨ ਵਿਚ ਹੁੰਦਾ ਹੈ, ਉਹੀ ਜ਼ਬਾਨ 'ਤੇ ਹੁੰਦਾ ਹੈ। ਪਾਰਟਨਰ ਨੂੰ ਇਨ੍ਹਾਂ ਦੀ ਇਹ ਬੇਬਾਕੀ ਕਦੇ-ਕਦੇ ਕੌੜੀ ਲੱਗ ਸਕਦੀ ਹੈ, ਪਰ ਇਹ ਰਿਸ਼ਤਿਆਂ 'ਚ ਝੂਠ ਪਸੰਦ ਨਹੀਂ ਕਰਦੀਆਂ।

ਰਿਸ਼ਤੇ 'ਚ ਕੀ ਚਾਹੁੰਦੀਆਂ ਹਨ ਇਹ ਕੁੜੀਆਂ?

ਅਜਿਹੀਆਂ ਕੁੜੀਆਂ ਇਕ ਅਜਿਹਾ ਪਾਰਟਨਰ ਚਾਹੁੰਦੀਆਂ ਹਨ ਜੋ ਉਨ੍ਹਾਂ ਵਰਗਾ ਹੀ ਬੁੱਧੀਮਾਨ ਅਤੇ ਸਮਝਦਾਰ ਹੋਵੇ। ਇਨ੍ਹਾਂ ਲਈ 'ਲੌਜਿਕ' (ਤਰਕ) ਸਭ ਤੋਂ ਉੱਪਰ ਹੁੰਦਾ ਹੈ। ਜੇਕਰ ਰਿਸ਼ਤੇ ਵਿੱਚ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਇਹ ਰੋਣ-ਧੋਣ ਦੇ ਬਜਾਏ ਉਸ ਦਾ ਵਿਹਾਰਕ ਹੱਲ (Practical Solution) ਲੱਭਣ ਵਿੱਚ ਯਕੀਨ ਰੱਖਦੀਆਂ ਹਨ।

ਇਨ੍ਹਾਂ ਬਾਰੇ ਕੀ ਕਹਿੰਦੇ ਹਨ ਸ਼ਾਸਤਰ?

ਅੰਕ ਸ਼ਾਸਤਰ ਅਨੁਸਾਰ, ਮੁਲਾਂਕ 4 ਵਾਲੇ ਵਿਅਕਤੀ ਕ੍ਰਾਂਤੀਕਾਰੀ ਵਿਚਾਰਧਾਰਾ ਦੇ ਹੁੰਦੇ ਹਨ। ਰਾਹੂ ਦਾ ਪ੍ਰਭਾਵ ਹੋਣ ਕਾਰਨ ਇਨ੍ਹਾਂ ਵਿਚ ਅਨੁਸ਼ਾਸਨ ਤੇ ਤਰਕ ਕਰਨ ਦੀ ਸਮਰੱਥਾ ਕੁੱਟ-ਕੁੱਟ ਕੇ ਭਰੀ ਹੁੰਦੀ ਹੈ। ਇਹੀ ਵਜ੍ਹਾ ਹੈ ਕਿ ਨਿੱਜੀ ਸਬੰਧਾਂ 'ਚ ਵੀ ਇਹ ਭਾਵਨਾਵਾਂ ਦੀ ਬਜਾਏ ਤਰਕ (Logic) ਨੂੰ ਜ਼ਿਆਦਾ ਮਹੱਤਵ ਦਿੰਦੀਆਂ ਹਨ।

ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ (ਸੂਝ-ਬੂਝ) ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।