ਮਹਿਜ਼ ਇਤਫ਼ਾਕ ਨਹੀਂ, ਰਿਤੇਸ਼ ਤੇ ਜੇਨੇਲੀਆ ਦੀ ਜੋੜੀ ਦਾ Numerology ਕੁਨੈਕਸ਼ਨ ਹੈ ਬੇਹੱਦ ਖ਼ਾਸ

ਧਰਮ ਡੈਸਕ, ਨਵੀਂ ਦਿੱਲੀ : ਬਾਲੀਵੁੱਡ ਦੀਆਂ ਸਭ ਤੋਂ ਪਿਆਰੀਆਂ ਜੋੜੀਆਂ 'ਚ ਰਿਤੇਸ਼ ਦੇਸ਼ਮੁਖ ਅਤੇ ਜੇਨੇਲੀਆ ਡਿਸੂਜ਼ਾ ਦਾ ਨਾਂ ਸਭ ਤੋਂ ਉੱਪਰ ਆਉਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦੀ ਮਸਤੀ ਭਰੀ ਕੈਮਿਸਟਰੀ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਲੱਗਦਾ ਹੈ ਕਿ ਇਹ ਸਭ ਸਿਰਫ਼ ਪਿਆਰ ਦਾ ਜਾਦੂ ਹੈ, ਪਰ ਅੰਕ ਸ਼ਾਸਤਰ (Numerology) ਦੀ ਨਜ਼ਰ ਨਾਲ ਦੇਖੀਏ ਤਾਂ ਇਸ ਰਿਸ਼ਤੇ ਦੇ ਪਿੱਛੇ ਅੰਕਾਂ ਦਾ ਡੂੰਘਾ ਤਾਲਮੇਲ ਛਿਪਿਆ ਹੋਇਆ ਹੈ। ਆਓ ਜਾਣਦੇ ਹਾਂ ਕਿਵੇਂ ਰਿਤੇਸ਼ (ਮੁਲਾਂਕ 8) ਤੇ ਜੇਨੇਲੀਆ (ਮੁਲਾਂਕ 5) ਦੇ ਨੰਬਰ ਇਕ-ਦੂਜੇ ਨੂੰ ਮੁਕੰਮਲ ਕਰਦੇ ਹਨ?

ਜੇਨੇਲੀਆ ਦਾ ਮੁਲਾਂਕ 5

ਜੇਨੇਲੀਆ ਦਾ ਜਨਮ 5 ਅਗਸਤ ਨੂੰ ਹੋਇਆ ਹੈ, ਇਸ ਲਈ ਉਨ੍ਹਾਂ ਦਾ ਮੁਲਾਂਕ 5 ਹੈ। ਮੁਲਾਂਕ 5 ਦਾ ਸੁਆਮੀ ਬੁੱਧ ਹੈ। ਬੁੱਧ ਗ੍ਰਹਿ ਬੁੱਧੀ ਤੇ ਸੰਚਾਰ (Communication) ਦਾ ਕਾਰਕ ਹੈ। ਜੇਨੇਲੀਆ ਦੀ ਸ਼ਖ਼ਸੀਅਤ ਉਨ੍ਹਾਂ ਦੇ ਅੰਕ ਦੀ ਤਰ੍ਹਾਂ ਹੀ ਚੰਚਲ, ਉਤਸ਼ਾਹੀ ਤੇ ਮਿਲਣਸਾਰ ਹੈ। ਮੁਲਾਂਕ 5 ਵਾਲੇ ਲੋਕ ਕਿਸੇ ਵੀ ਸਥਿਤੀ 'ਚ ਢਲਣ ਦੀ ਅਦਭੁਤ ਸਮਰੱਥਾ ਰੱਖਦੇ ਹਨ, ਜੋ ਇੱਕ ਸਫਲ ਰਿਸ਼ਤੇ ਲਈ ਬਹੁਤ ਜ਼ਰੂਰੀ ਹੈ।

ਰਿਤੇਸ਼ ਦਾ ਮੁਲਾਂਕ 8

ਰਿਤੇਸ਼ ਦਾ ਜਨਮ 17 ਦਸੰਬਰ ਨੂੰ ਹੋਇਆ ਹੈ। 1+7 ਨੂੰ ਜੋੜਨ 'ਤੇ ਉਨ੍ਹਾਂ ਦਾ ਮੁਲਾਂਕ 8 ਆਉਂਦਾ ਹੈ, ਜਿਸ ਦੇ ਸਵਾਮੀ ਸ਼ਨੀਦੇਵ ਹਨ। ਮੁਲਾਂਕ 8 ਵਾਲੇ ਲੋਕ ਬੇਹੱਦ ਮਿਹਨਤੀ, ਅਨੁਸ਼ਾਸਿਤ ਅਤੇ ਵਫ਼ਾਦਾਰ ਹੁੰਦੇ ਹਨ। ਰਿਤੇਸ਼ ਦਾ ਸ਼ਾਂਤ ਤੇ ਗੰਭੀਰ ਸੁਭਾਅ ਉਨ੍ਹਾਂ ਦੇ ਮੁਲਾਂਕ ਦੀ ਹੀ ਦੇਣ ਹੈ। ਸ਼ਨੀ ਦਾ ਪ੍ਰਭਾਵ ਉਨ੍ਹਾਂ ਨੂੰ ਇਕ ਸ਼ਾਨਦਾਰ ਫੈਮਿਲੀ ਮੈਨ ਬਣਾਉਂਦਾ ਹੈ, ਜੋ ਆਪਣੇ ਰਿਸ਼ਤਿਆਂ ਨੂੰ ਲੈ ਕੇ ਬਹੁਤ ਸਪੱਸ਼ਟ ਅਤੇ ਸਮਰਪਿਤ ਰਹਿੰਦੇ ਹਨ।

ਕਿਉਂ ਖ਼ਾਸ ਹੈ 5 ਅਤੇ 8 ਦਾ ਇਹ ਕੁਨੈਕਸ਼ਨ?

ਅੰਕ ਜੋਤਿਸ਼ 'ਚ ਮੁਲਾਂਕ 5 ਅਤੇ ਮੁਲਾਂਕ 8 ਦੇ ਰਿਸ਼ਤੇ ਬਹੁਤ ਪਿਆਰ ਭਰੇ ਹੁੰਦੇ ਹਨ। ਜਿੱਥੇ ਜੇਨੇਲੀਆ ਆਪਣੀ ਊਰਜਾ ਨਾਲ ਘਰ ਦੇ ਮਾਹੌਲ ਨੂੰ ਖੁਸ਼ਨੁਮਾ ਰੱਖਦੀ ਹੈ, ਉੱਥੇ ਹੀ ਰਿਤੇਸ਼ ਆਪਣੀ ਪਰਿਪੱਕਤਾ (Maturity) ਨਾਲ ਰਿਸ਼ਤੇ ਵਿੱਚ ਸਥਿਰਤਾ ਲਿਆਉਂਦੇ ਹਨ। ਬੁੱਧ (5) ਦੇ ਕਾਰਨ ਇਨ੍ਹਾਂ ਵਿਚਕਾਰ ਗੱਲਬਾਤ ਅਤੇ ਸਮਝ ਬਿਹਤਰੀਨ ਰਹਿੰਦੀ ਹੈ। ਸ਼ਨੀ (8) ਰਿਸ਼ਤੇ 'ਚ ਸਥਿਰਤਾ ਅਤੇ ਮਜ਼ਬੂਤੀ ਲਿਆਉਂਦੇ ਹਨ। ਜਦੋਂ ਇਕ ਸਾਥੀ ਥੋੜ੍ਹਾ ਚੰਚਲ ਹੁੰਦਾ ਹੈ ਤਾਂ ਦੂਜਾ ਉਸਨੂੰ ਸੰਭਾਲ ਲੈਂਦਾ ਹੈ। ਇਹੀ ਇਸ ਜੋੜੀ ਦੀ ਸਭ ਤੋਂ ਵੱਡੀ ਤਾਕਤ ਹੈ।

ਮੁਲਾਂਕ 5 ਅਤੇ 8: ਇੱਕ ਸੰਤੁਲਿਤ ਜੋੜੀ

ਜੇਕਰ ਇਨ੍ਹਾਂ ਦੇ ਸੁਭਾਅ ਦੀ ਗੱਲ ਕਰੀਏ ਤਾਂ ਰਿਤੇਸ਼ ਦਾ ਅੰਕ ਉਨ੍ਹਾਂ ਨੂੰ ਸਾਹਸੀ ਬਣਾਉਂਦਾ ਹੈ ਅਤੇ ਜੇਨੇਲੀਆ ਦਾ ਅੰਕ ਉਨ੍ਹਾਂ ਨੂੰ ਭਾਵੁਕ ਅਤੇ ਸਰਲ ਬਣਾਉਂਦਾ ਹੈ। ਇਹ ਮੇਲ ਇਨ੍ਹਾਂ ਦੇ ਰਿਸ਼ਤੇ 'ਚ ਪਿਆਰ ਅਤੇ ਸਤਿਕਾਰ ਦਾ ਇੱਕ ਸ਼ਾਨਦਾਰ ਸੰਤੁਲਨ (Balance) ਬਣਾਉਂਦਾ ਹੈ।

ਹੋਰ ਕਿਨ੍ਹਾਂ ਨਾਲ ਚੰਗੀ ਬਣਦੀ ਹੈ ਜੋੜੀ?

ਮੁਲਾਂਕ 8: ਇਹ ਲੋਕ ਰਿਸ਼ਤਿਆਂ 'ਚ ਵਫ਼ਾਦਾਰੀ ਨੂੰ ਸਭ ਤੋਂ ਉੱਪਰ ਰੱਖਦੇ ਹਨ। ਮੁਲਾਂਕ 8 ਦੀ ਜੋੜੀ ਨੰਬਰ 6 ਅਤੇ 4 ਦੇ ਨਾਲ ਵੀ ਬਹੁਤ ਵਧੀਆ ਸਾਬਤ ਹੁੰਦੀ ਹੈ।

ਮੁਲਾਂਕ 5: ਬੁੱਧ ਦੇਵ ਇਨ੍ਹਾਂ ਨੂੰ ਗੱਲਬਾਤ ਦੀ ਕਲਾ 'ਚ ਮਾਹਰ ਬਣਾਉਂਦੇ ਹਨ। ਇਨ੍ਹਾਂ ਨੂੰ ਬੋਰੀਅਤ ਪਸੰਦ ਨਹੀਂ ਹੁੰਦੀ। ਇਸ ਮੁਲਾਂਕ ਦੀ ਜੋੜੀ ਨੰਬਰ 1 ਅਤੇ 5 ਦੇ ਨਾਲ ਵੀ ਜ਼ਬਰਦਸਤ ਰਹਿੰਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।