- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Mangal Gochar 2026 : ਮੰਗਲ ਦਾ ਮਕਰ ਰਾਸ਼ੀ 'ਚ ਪ੍ਰਵੇਸ਼, ਇਨ੍ਹਾਂ 4 ਰਾਸ਼ੀਆਂ ਲਈ ਖੁੱਲ੍ਹਣਗੇ ਖੁਸ਼ੀਆਂ ਦੇ ਦੁਆਰ
Mars Transit : ਮੰਗਲ ਦੇਵ ਦੇ ਮਕਰ ਰਾਸ਼ੀ 'ਚ ਜਾਣ ਨਾਲ ਜਾਤਕਾਂ ਨੂੰ ਮਿਹਨਤ ਦਾ ਚੰਗਾ ਨਤੀਜਾ ਮਿਲ ਸਕਦਾ ਹੈ ਤੇ ਅਧਿਆਤਮਕ ਕਾਰਜਾਂ 'ਚ ਮਨ ਲੱਗੇਗਾ। ਇਸ ਲਈ, ਆਓ ਜਾਣਦੇ ਹਾਂ ਮੰਗਲ ਦੇ ਇਸ ਗੋਚਰ ਨਾਲ ਕਿਸ ਰਾਸ਼ੀ ਨੂੰ ਕੀ ਲਾਭ ਮਿਲੇਗਾ?
Posted By Seema Anand
Publish Date: Tue, 13 Jan 2026 04:51 PM (IST)
Updated Date: Tue, 13 Jan 2026 04:59 PM (IST)
ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : 16 ਜਨਵਰੀ 2026 ਨੂੰ ਮੰਗਲ (Mangal Gochar 2026) ਦਾ ਮਕਰ ਰਾਸ਼ੀ 'ਚ ਗੋਚਰ ਕੰਟਰੋਲਡ ਐਨਰਜੀ, ਮਜ਼ਬੂਤ ਇਰਾਦਿਆਂ ਤੇ ਸਮਾਰਟ ਐਕਸ਼ਨ ਦਾ ਸਮਾਂ ਲੈ ਕੇ ਆਉਂਦਾ ਹੈ। ਮੰਗਲ ਦੇਵ ਦੇ ਮਕਰ ਰਾਸ਼ੀ 'ਚ ਜਾਣ ਨਾਲ ਜਾਤਕਾਂ ਨੂੰ ਮਿਹਨਤ ਦਾ ਚੰਗਾ ਨਤੀਜਾ ਮਿਲ ਸਕਦਾ ਹੈ ਤੇ ਅਧਿਆਤਮਕ ਕਾਰਜਾਂ 'ਚ ਮਨ ਲੱਗੇਗਾ। ਇਸ ਲਈ, ਆਓ ਜਾਣਦੇ ਹਾਂ ਮੰਗਲ ਦੇ ਇਸ ਗੋਚਰ ਨਾਲ ਕਿਸ ਰਾਸ਼ੀ ਨੂੰ ਕੀ ਲਾਭ ਮਿਲੇਗਾ?
ਮੇਖ (Aries)
ਮੇਖ ਰਾਸ਼ੀ ਵਾਲਿਆਂ ਲਈ ਮੰਗਲ ਦਾ ਇਹ ਗੋਚਰ ਦਸਵੇਂ ਭਾਵ 'ਚ ਹੋਵੇਗਾ, ਜੋ ਕਰੀਅਰ, ਪੁਜ਼ੀਸ਼ਨ ਤੇ ਲੀਡਰਸ਼ਿਪ ਨੂੰ ਮਜ਼ਬੂਤ ਕਰਦਾ ਹੈ। ਇਸ ਸਮੇਂ ਮਿਹਨਤ ਦਾ ਚੰਗਾ ਨਤੀਜਾ ਮਿਲ ਸਕਦਾ ਹੈ ਤੇ ਕੰਮ ਵਿਚ ਪਛਾਣ ਵੀ ਵਧੇਗੀ। ਮੰਗਲ ਦੀ ਦ੍ਰਿਸ਼ਟੀ ਪਹਿਲੇ, ਚੌਥੇ ਤੇ ਪੰਜਵੇਂ ਭਾਵ 'ਤੇ ਵੀ ਪਵੇਗੀ ਜਿਸ ਨਾਲ ਆਤਮਵਿਸ਼ਵਾਸ ਵਧੇਗਾ, ਘਰ ਦੀਆਂ ਜ਼ਿੰਮੇਵਾਰੀਆਂ ਵਧ ਸਕਦੀਆਂ ਹਨ ਤੇ ਰਚਨਾਤਮਕ ਕੰਮਾਂ 'ਚ ਜੋਸ਼ ਰਹੇਗਾ। ਬਸ ਧਿਆਨ ਰੱਖੋ ਕਿ ਇਮੋਸ਼ਨਲ ਬੈਲੇਂਸ ਬਣਿਆ ਰਹੇ।
ਉਪਾਅ : ਕੰਮ ਦੌਰਾਨ ਸਬਰ ਰੱਖੋ ਤੇ ਬੇਵਜ੍ਹਾ ਬਹਿਸ ਤੋਂ ਬਚੋ। ਮੰਗਲਵਾਰ ਨੂੰ ਹਨੂਮਾਨ ਜੀ ਨੂੰ ਲਾਲ ਫੁੱਲ ਚੜ੍ਹਾਓ।
ਬ੍ਰਿਖ (Taurus)
ਬ੍ਰਿਖ ਰਾਸ਼ੀ ਵਾਲਿਆਂ ਲਈ ਇਹ ਗੋਚਰ ਨੌਵੇਂ ਭਾਵ 'ਚ ਹੋਵੇਗਾ। ਇਸ ਨਾਲ ਕਿਸਮਤ ਮਿਹਨਤ ਦੇ ਨਾਲ-ਨਾਲ ਸਾਥ ਦੇਣ ਲੱਗੇਗੀ। ਪੜ੍ਹਾਈ, ਸਕਿੱਲ ਡਿਵੈਲਪਮੈਂਟ ਤੇ ਅਧਿਆਤਮਕ ਕੰਮਾਂ 'ਚ ਮਨ ਲੱਗੇਗਾ। ਪੜ੍ਹਾਈ ਜਾਂ ਕੰਮ ਨਾਲ ਜੁੜੀ ਯਾਤਰਾ ਫਾਇਦੇਮੰਦ ਹੋ ਸਕਦੀ ਹੈ। ਮੰਗਲ ਦੀ ਦ੍ਰਿਸ਼ਟੀ ਬਾਰ੍ਹਵੇਂ, ਤੀਜੇ ਤੇ ਚੌਥੇ ਭਾਵ 'ਤੇ ਪਵੇਗੀ, ਜਿਸ ਨਾਲ ਖਰਚ ਵਧ ਸਕਦਾ ਹੈ, ਹਿੰਮਤ ਆਵੇਗੀ ਤੇ ਘਰ ਨਾਲ ਜੁੜੀਆਂ ਜ਼ਿੰਮੇਵਾਰੀਆਂ ਵੀ ਵਧਣਗੀਆਂ।
ਉਪਾਅ: ਜਲਦਬਾਜ਼ੀ ਵਿਚ ਯਾਤਰਾ ਦਾ ਫੈਸਲਾ ਨਾ ਲਓ। ਨਿਯਮਿਤ ਰੂਪ 'ਚ ਹਨੂਮਾਨ ਚਾਲੀਸਾ ਦਾ ਪਾਠ ਕਰੋ।
ਮਿਥੁਨ (Gemini)
ਮਿਥੁਨ ਰਾਸ਼ੀ ਵਾਲਿਆਂ ਲਈ ਮੰਗਲ ਦਾ ਗੋਚਰ ਅੱਠਵੇਂ ਭਾਵ 'ਚ ਹੋਵੇਗਾ। ਇਹ ਸਮਾਂ ਅੰਦਰੂਨੀ ਬਦਲਾਅ, ਖੋਜ (Research) ਅਤੇ ਅਚਾਨਕ ਹੋਣ ਵਾਲੀਆਂ ਘਟਨਾਵਾਂ ਦਾ ਹੈ। ਫਾਈਨੈਂਸ਼ੀਅਲ ਪਲਾਨਿੰਗ ਤੇ ਆਪਣੀ ਛੁਪੀ ਹੋਈ ਤਾਕਤ ਨੂੰ ਪਛਾਣਨ 'ਚ ਇਹ ਸਮਾਂ ਮਦਦ ਕਰੇਗਾ। ਮੰਗਲ ਦੀ ਦ੍ਰਿਸ਼ਟੀ ਗਿਆਰ੍ਹਵੇਂ, ਦੂਜੇ ਤੇ ਤੀਜੇ ਭਾਵ 'ਤੇ ਪਵੇਗੀ, ਜਿਸ ਨਾਲ ਕਮਾਈ, ਪੈਸੇ ਤੇ ਗੱਲਬਾਤ 'ਤੇ ਅਸਰ ਪਵੇਗਾ। ਬੋਲਚਾਲ ਵਿਚ ਸੰਜਮ ਰੱਖਣਾ ਬੇਹੱਦ ਜ਼ਰੂਰੀ ਰਹੇਗਾ।
ਉਪਾਅ: ਜੋਖ਼ਮ ਭਰੇ ਨਿਵੇਸ਼ (Risky Investment) ਤੋਂ ਬਚੋ। ਸ਼ਾਂਤ ਅਤੇ ਸੋਚ-ਸਮਝ ਕੇ ਗੱਲ ਕਰੋ।
ਕਰਕ (Cancer)
ਕਰਕ ਰਾਸ਼ੀ ਵਾਲਿਆਂ ਲਈ ਇਹ ਗੋਚਰ ਸੱਤਵੇਂ ਭਾਵ 'ਚ ਹੋਵੇਗਾ ਜੋ ਰਿਸ਼ਤਿਆਂ, ਵਿਆਹ ਅਤੇ ਬਿਜ਼ਨੈੱਸ ਪਾਰਟਨਰਸ਼ਿਪ ਨੂੰ ਪ੍ਰਭਾਵਿਤ ਕਰੇਗਾ। ਜੇਕਰ ਗੁੱਸੇ 'ਤੇ ਕਾਬੂ ਨਹੀਂ ਰੱਖਿਆ ਤਾਂ ਰਿਸ਼ਤਿਆਂ 'ਚ ਤਣਾਅ ਆ ਸਕਦਾ ਹੈ। ਮੰਗਲ ਦੀ ਦ੍ਰਿਸ਼ਟੀ ਦਸਵੇਂ, ਪਹਿਲੇ ਤੇ ਦੂਜੇ ਭਾਵ 'ਤੇ ਪਵੇਗੀ, ਜਿਸ ਨਾਲ ਕਰੀਅਰ ਨੂੰ ਲੈ ਕੇ ਜੋਸ਼ ਵਧੇਗਾ, ਆਤਮਵਿਸ਼ਵਾਸ ਆਵੇਗਾ ਅਤੇ ਪੈਸਾ ਕਮਾਉਣ ਦੀ ਇੱਛਾ ਵੀ ਮਜ਼ਬੂਤ ਹੋਵੇਗੀ।
ਉਪਾਅ: ਰਿਸ਼ਤਿਆਂ 'ਚ ਸਮਝਦਾਰੀ ਅਤੇ ਨਰਮੀ ਰੱਖੋ। ਰੋਜ਼ਾਨਾ ਸੂਰਜ ਦੇਵਤਾ ਨੂੰ ਜਲ ਚੜ੍ਹਾਓ, ਇਸ ਨਾਲ ਮਨ ਦਾ ਸੰਤੁਲਨ ਬਣਿਆ ਰਹੇਗਾ।
ਲੇਖਕ: ਸ੍ਰੀ ਆਨੰਦ ਸਾਗਰ ਪਾਠਕ, Astropatri.com, ਫੀਡਬੈਕ ਲਈ ਲਿਖੋ: hello@astropatri.com