Mahabharata : ਅਰਜੁਨ ਲਈ ਕਿਵੇਂ ਵਰਦਾਨ ਬਣਿਆ ਇਕ ਅਪਸਰਾ ਦਾ ਸਰਾਪ, ਅਗਿਆਤਵਾਸ 'ਚ ਇਸ ਤਰ੍ਹਾਂ ਆਇਆ ਕੰਮ

ਧਰਮ ਡੈਸਕ, ਨਵੀਂ ਦਿੱਲੀ : ਜਦੋਂ ਪਾਂਡਵਾਂ ਨੂੰ ਚੌਸਰ 'ਚ ਹਾਰਨ ਤੋਂ ਬਾਅਦ ਵਨਵਾਸ ਮਿਲਿਆ ਤਾਂ ਉਸ ਵਿਚ ਉਨ੍ਹਾਂ ਨੂੰ 12 ਸਾਲ ਦਾ ਵਨਵਾਸ ਤੇ ਇਕ ਸਾਲ ਦਾ ਅਗਿਆਤਵਾਸ ਮਿਲਿਆ ਸੀ। ਆਪਣਾ 12 ਸਾਲ ਦਾ ਵਨਵਾਸ ਖ਼ਤਮ ਕਰਨ ਤੋਂ ਬਾਅਦ ਪਾਂਡਵ ਵਿਰਾਟ ਨਗਰੀ 'ਚ ਚਲੇ ਗਏ। ਰਾਜਾ ਵਿਰਾਟ ਦੇ ਮਹਿਲ 'ਚ ਦ੍ਰੋਪਦੀ ਸਮੇਤ ਸਾਰੇ ਪਾਂਡਵਾਂ ਨੇ ਵੱਖ-ਵੱਖ ਜ਼ਿੰਮੇਵਾਰੀਆਂ ਨਿਭਾਈਆਂ। ਅਗਿਆਤਵਾਸ ਦੌਰਾਨ ਅਰਜੁਨ ਨੇ ਇਕ ਕਿੰਨਰ ਦਾ ਭੇਸ ਧਾਰਨ ਕੀਤਾ ਜੋ ਉਨ੍ਹਾਂ ਨੂੰ ਇਕ ਸਰਾਪ ਦੇ ਰੂਪ 'ਚ ਮਿਲਿਆ ਸੀ। ਚਲੋ ਜਾਣਦੇ ਹਾਂ ਇਹ ਕਥਾ।

ਇਸ ਲਈ ਮਿਲਿਆ ਸਰਾਪ

1 ਸਾਲ ਦੇ ਅਗਿਆਤਵਾਸ ਦੌਰਾਨ ਅਰਜੁਨ ਬ੍ਰਿਹਨਲਾ ਦੇ ਰੂਪ 'ਚ ਨ੍ਰਿਤ ਅਧਿਆਪਕ ਬਣ ਗਏ ਅਤੇ ਰਾਜਕੁਮਾਰੀ ਉੱਤਰਾ ਨੂੰ ਨ੍ਰਿਤ ਸਿਖਾਉਣ ਲੱਗੇ। ਅਰਜੁਨ ਨੂੰ ਕਿੰਨਰ ਬਣਨ ਦਾ ਸਰਾਪ ਅਪਸਰਾ ਉਰਵਸ਼ੀ ਤੋਂ ਮਿਲਿਆ ਸੀ। ਕਥਾ ਅਨੁਸਾਰ, ਇਕ ਵਾਰ ਅਰਜੁਨ ਆਪਣੇ ਪਿਤਾ ਦੇਵਰਾਜ ਇੰਦਰ ਨੂੰ ਮਿਲਣ ਇੰਦਰਲੋਕ ਗਏ ਸਨ। ਅਰਜੁਨ ਦਾ ਤੇਜ ਅਤੇ ਬਹਾਦਰੀ ਦੇਖ ਕੇ ਉਰਵਸ਼ੀ ਉਨ੍ਹਾਂ 'ਤੇ ਮੋਹਿਤ ਹੋ ਗਈ।

ਉਨ੍ਹਾਂ ਅਰਜੁਨ ਸਾਹਮਣੇ ਪ੍ਰੇਮ ਦਾ ਪ੍ਰਸਤਾਵ ਰੱਖਿਆ, ਪਰ ਅਰਜੁਨ ਨੇ ਇਹ ਕਹਿ ਕੇ ਇਸ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਕਿ ਉਹ ਉਰਵਸ਼ੀ ਨੂੰ ਮਾਤਾ ਸਮਾਨ ਮੰਨਦੇ ਹਨ। ਕਿਉਂਕਿ ਉਰਵਸ਼ੀ ਪਾਂਡਵਾਂ ਦੇ ਪੂਰਵਜ ਪੁਰੂਰਵਾ ਦੀ ਪਤਨੀ ਰਹਿ ਚੁੱਕੀ ਸੀ। ਇਸ ਨੂੰ ਅਪਸਰਾ ਉਰਵਸ਼ੀ ਨੇ ਆਪਣਾ ਅਪਮਾਨ ਸਮਝਿਆ ਤੇ ਅਰਜੁਨ ਨੂੰ ਸਰਾਪ ਦਿੱਤਾ ਕਿ ਉਹ ਨਪੁੰਸਕ ਯਾਨੀ ਕਿੰਨਰ ਬਣ ਜਾਣਗੇ।

ਇਸ ਤਰ੍ਹਾਂ ਸਰਾਪ ਬਣਿਆ ਵਰਦਾਨ

ਜਦੋਂ ਅਰਜੁਨ ਨੇ ਸਾਰੀ ਵਿਥਿਆ ਦੇਵਰਾਜ ਇੰਦਰ ਨੂੰ ਦੱਸੀ ਤਾਂ ਇੰਦਰ ਨੇ ਸਰਾਪ ਦੀ ਮਿਆਦ ਨੂੰ ਇਕ ਸਾਲ ਤਕ ਸੀਮਤ ਕਰ ਦਿੱਤਾ ਅਤੇ ਕਿਹਾ ਕਿ ਉਹ ਜਦੋਂ ਚਾਹੁਣ, ਆਪਣੀ ਪੁਰਾਣੀ ਅਵਸਥਾ 'ਚ ਪਰਤ ਸਕਦੇ ਹਨ। ਨਾਲ ਹੀ ਇੰਦਰਦੇਵ ਨੇ ਅਰਜੁਨ ਨੂੰ ਦੱਸਿਆ ਕਿ ਭਵਿੱਖ ਵਿਚ ਇਹ ਸਰਾਪ ਉਨ੍ਹਾਂ ਦੇ ਬਹੁਤ ਕੰਮ ਆਉਣ ਵਾਲਾ ਹੈ। ਇਹ ਸਰਾਪ ਵਰਦਾਨ ਇਸ ਤਰ੍ਹਾਂ ਸਾਬਤ ਹੋਇਆ ਕਿਉਂਕਿ 13ਵੇਂ ਸਾਲ ਦੇ ਅਗਿਆਤਵਾਸ 'ਚ ਇਸ ਸਰਾਪ ਰਾਹੀਂ ਉਨ੍ਹਾਂ ਨੂੰ ਰੂਪ ਬਦਲ ਕੇ ਛਿਪਣ 'ਚ ਮਦਦ ਮਿਲੀ ਅਤੇ ਉਨ੍ਹਾਂ ਸਫਲਤਾਪੂਰਵਕ ਆਪਣਾ ਅਗਿਆਤਵਾਸ ਪੂਰਾ ਕਰ ਲਿਆ।

ਹੋਰ ਲੋਕਾਂ ਨੇ ਨਿਭਾਈਆਂ ਇਹ ਭੂਮਿਕਾਵਾਂ

ਅਗਿਆਤਵਾਸ ਦੇ ਦੌਰਾਨ ਹੋਰ ਪਾਂਡਵਾਂ ਅਤੇ ਦ੍ਰੋਪਦੀ ਨੇ ਹੇਠ ਲਿਖੇ ਰੂਪ ਧਾਰਨ ਕੀਤੇ:

ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ (ਸੂਝ-ਬੂਝ) ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।