ਪੂਜਾ ਲਈ ਕਿਹੜਾ ਆਸਣ ਹੈ ਸਭ ਤੋਂ ਉੱਤਮ ਤੇ ਕਿਉਂ ਜ਼ਰੂਰੀ ਹੈ ਸਹੀ ਸਰੀਰਕ ਮੁਦਰਾ? ਜਾਣੋ ਸ਼ਾਸਤਰਾਂ ਅਨੁਸਾਰ ਸਹੀ ਨਿਯਮ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਪੂਜਾ ਸਿਰਫ਼ ਭਗਵਾਨ ਦੇ ਮੰਤਰਾਂ ਦੇ ਜਾਪ ਤੇ ਭਗਤੀ ਤਕ ਹੀ ਸੀਮਤ ਨਹੀਂ ਹੈ, ਬਲਕਿ ਪੂਜਾ ਦੌਰਾਨ ਸਹੀ ਆਸਣ 'ਤੇ ਬੈਠਣਾ ਵੀ ਬੇਹੱਦ ਜ਼ਰੂਰੀ ਮੰਨਿਆ ਜਾਂਦਾ ਹੈ ਜਿਸ ਨੂੰ ਬਹੁਤ ਸਾਰੇ ਹਿੰਦੂ ਲੋਕ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਵਾਸਤੂ ਤੇ ਹਿੰਦੂ ਧਰਮ ਸ਼ਾਸਤਰਾਂ ਅਨੁਸਾਰ, ਪੂਜਾ ਦੌਰਾਨ ਬੈਠਣ ਦੇ ਸਹੀ ਤਰੀਕੇ ਤੋਂ ਲੈ ਕੇ ਆਸਣ ਤਕ ਵਿਅਕਤੀ ਦੀ ਊਰਜਾ, ਇਕਾਗਰਤਾ ਅਤੇ ਪੂਜਾ ਦੇ ਫਲ 'ਤੇ ਅਸਰ ਪੈਂਦਾ ਹੈ।

ਜ਼ਿਆਦਾਤਰ ਲੋਕ ਇਸ ਵੱਲ ਧਿਆਨ ਨਹੀਂ ਦਿੰਦੇ ਤੇ ਗਲਤ ਆਸਣ ਦੀ ਵਰਤੋਂ ਕਰਦੇ ਹਨ, ਜਿਸ ਨਾਲ ਉਨ੍ਹਾਂ ਦੀ ਪੂਜਾ ਦਾ ਪ੍ਰਭਾਵ ਘੱਟ ਹੋ ਜਾਂਦਾ ਹੈ। ਆਓ ਜਾਣਦੇ ਹਾਂ ਪੂਜਾ ਦੌਰਾਨ ਸਹੀ ਆਸਣ ਅਤੇ ਬੈਠਣ ਦਾ ਤਰੀਕਾ ਕੀ ਹੋਣਾ ਚਾਹੀਦਾ ਹੈ?

ਪੂਜਾ ਦੌਰਾਨ ਰੱਖੋ ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ?

ਘਰ ਜਾਂ ਮੰਦਰ 'ਚ ਪੂਜਾ ਦੌਰਾਨ ਹਮੇਸ਼ਾ ਸੁੱਖਆਸਣ (ਚੌਂਕੜੀ ਮਾਰ ਕੇ ਬੈਠਣਾ), ਪਦਮਆਸਣ ਜਾਂ ਵਜਰਆਸਣ ਦੀ ਮੁਦਰਾ 'ਚ ਬੈਠਣਾ ਚਾਹੀਦਾ ਹੈ। ਇਸ ਦੌਰਾਨ ਤੁਹਾਡੀ ਕਮਰ ਸਿੱਧੀ ਹੋਣ ਦੇ ਨਾਲ-ਨਾਲ ਸਿਰ ਉੱਪਰ ਵੱਲ ਹੋਣਾ ਸਹੀ ਮੰਨਿਆ ਜਾਂਦਾ ਹੈ।

ਪੂਜਾ ਲਈ ਕਿਹੜਾ ਆਸਣ ਬੈਸਟ?

ਕੁਸ਼ਆਸਣ (ਕੁਸ਼ ਘਾਹ ਦਾ ਬਣਿਆ ਆਸਣ): ਸ਼ਾਸਤਰਾਂ 'ਚ ਪੂਜਾ ਕਰਨ ਲਈ ਕੁਸ਼ ਦਾ ਆਸਣ ਸਰਬੋਤਮ ਦੱਸਿਆ ਗਿਆ ਹੈ। ਕੁਸ਼ ਘਾਹ ਨੂੰ ਪਵਿੱਤਰ ਮੰਨਿਆ ਜਾਂਦਾ ਹੈ ਤੇ ਇਹ ਨੈਗੇਟਿਵ ਐਨਰਜੀ ਨੂੰ ਦੂਰ ਕਰਨ 'ਚ ਮਦਦ ਕਰਦਾ ਹੈ।

ਉੱਨ ਦੀ ਚਟਾਈ: ਉੱਨ ਦੀ ਚਟਾਈ ਸਰੀਰ ਨੂੰ ਗਰਮੀ ਪ੍ਰਦਾਨ ਕਰਦੀ ਹੈ। ਸਰਦੀਆਂ 'ਚ ਭਗਵਾਨ ਦੀ ਪੂਜਾ ਲਈ ਉੱਨ ਤੋਂ ਬਣਿਆ ਆਸਣ ਸਭ ਤੋਂ ਉੱਤਮ ਹੈ।

ਰੇਸ਼ਮ ਜਾਂ ਸੂਤੀ ਦਾ ਆਸਣ: ਰੇਸ਼ਮ ਦੀ ਵੇਦੀ ਨੂੰ ਦੇਵੀ ਲਕਸ਼ਮੀ ਨਾਲ ਜੋੜਿਆ ਜਾਂਦਾ ਹੈ ਜਿਸ ਕਾਰਨ ਪੂਜਾ ਦੌਰਾਨ ਰੇਸ਼ਮ ਦੇ ਬਣੇ ਆਸਣ ਦੀ ਵਰਤੋਂ ਕਰਨਾ ਸ਼ੁੱਭ ਮੰਨਿਆ ਜਾਂਦਾ ਹੈ। ਸਾਧਾਰਨ ਸੰਧਿਆ ਪੂਜਾ-ਪਾਠ ਲਈ ਸੂਤੀ ਦਾ ਆਸਣ ਸ਼ੁੱਭ ਹੈ।

ਕਾਲੀਨ ਜਾਂ ਪਲਾਸਟਿਕ ਦੀ ਚਟਾਈ: ਪੂਜਾ ਦੌਰਾਨ ਕਾਲੀਨ ਜਾਂ ਪਲਾਸਟਿਕ ਦੀ ਚਟਾਈ ਊਰਜਾ ਦੇ ਪ੍ਰਵਾਹ 'ਚ ਰੁਕਾਵਟ ਦਾ ਕਾਰਨ ਬਣ ਸਕਦੀ ਹੈ ਅਤੇ ਸ਼ਾਸਤਰਾਂ 'ਚ ਇਸ ਨੂੰ ਅਣਉਚਿਤ ਮੰਨਿਆ ਗਿਆ ਹੈ।

ਪੂਜਾ ਦੌਰਾਨ ਸਹੀ ਸਰੀਰਕ ਮੁਦਰਾ ਕਿਉਂ ਜ਼ਰੂਰੀ ਹੈ?

ਪੂਜਾ ਦੌਰਾਨ ਸਰੀਰ ਦੀ ਸਹੀ ਮੁਦਰਾ ਧਿਆਨ ਭਟਕਣ ਤੋਂ ਰੋਕਣ ਦੇ ਨਾਲ-ਨਾਲ ਊਰਜਾ ਦੇ ਪ੍ਰਵਾਹ ਨੂੰ ਬਣਾਈ ਰੱਖਣ 'ਚ ਮਦਦ ਕਰਦੀ ਹੈ। ਇਹ ਇਕਾਗਰਤਾ ਨੂੰ ਵਧਾਉਣ ਦੇ ਨਾਲ-ਨਾਲ ਮਨ ਨੂੰ ਆਤਮ-ਚਿੰਤਨ ਲਈ ਤਿਆਰ ਕਰਦੀ ਹੈ।

ਗਲਤ ਮੁਦਰਾ 'ਚ ਪੂਜਾ ਕਰਨ ਦੇ ਨੁਕਸਾਨ

ਜਿਹੜਾ ਵੀ ਵਿਅਕਤੀ ਗਲਤ ਮੁਦਰਾ 'ਚ ਭਗਵਾਨ ਦੀ ਪੂਜਾ-ਅਰਚਨਾ ਕਰਦਾ ਹੈ, ਉਸ ਦਾ ਧਿਆਨ ਭਟਕਣ ਦੇ ਨਾਲ-ਨਾਲ ਊਰਜਾ ਦਾ ਪ੍ਰਵਾਹ ਵੀ ਅਸੰਤੁਲਿਤ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਪੂਜਾ ਦੌਰਾਨ ਆਸਣ ਸਾਫ਼ ਹੋਣੇ ਚਾਹੀਦੇ ਹਨ। ਪੂਜਾ ਪੂਰੀ ਹੋਣ ਤੋਂ ਬਾਅਦ ਇਸ ਨੂੰ ਤਰੀਕੇ ਨਾਲ ਸੁਰੱਖਿਅਤ ਥਾਂ 'ਤੇ ਰੱਖ ਦਿਓ। ਇੱਕੋ ਆਸਣ ਦੀ ਵਾਰ-ਵਾਰ ਵਰਤੋਂ ਕਰਨੀ ਚਾਹੀਦੀ ਹੈ।

ਪੂਜਾ ਸਿਰਫ਼ ਮੰਤਰਾਂ ਅਤੇ ਭਗਤੀ 'ਤੇ ਹੀ ਨਿਰਭਰ ਨਹੀਂ ਕਰਦੀ, ਬਲਕਿ ਸਹੀ ਆਸਣ ਵੀ ਮਾਅਨੇ ਰੱਖਦਾ ਹੈ। ਇਸ ਲਈ ਅਗਲੀ ਵਾਰ ਪੂਜਾ ਕਰਦੇ ਸਮੇਂ ਕੁਸ਼, ਉੱਨ ਜਾਂ ਰੇਸ਼ਮ ਦੇ ਆਸਣ ਦਾ ਹੀ ਇਸਤੇਮਾਲ ਕਰੋ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।