ਖੰਡ ਦੇ ਇਨ੍ਹਾਂ ਉਪਾਵਾਂ ਨਾਲ ਦੂਰ ਹੋ ਸਕਦੇ ਹਨ ਸ਼ਨੀ ਤੇ ਪਿੱਤਰ ਦੋਸ਼, ਜੋਤਿਸ਼ 'ਚ ਦੱਸਿਆ ਗਿਆ ਹੈ ਖਾਸ ਮਹੱਤਵ

ਧਰਮ ਡੈਸਕ, ਨਵੀਂ ਦਿੱਲੀ : ਸਾਡੀ ਰਸੋਈ 'ਚ ਮੌਜੂਦ ਖੰਡ ਸਿਰਫ਼ ਖਾਣੇ ਦਾ ਸੁਆਦ ਵਧਾਉਣ ਲਈ ਹੀ ਨਹੀਂ ਹੁੰਦੀ ਬਲਕਿ ਜੋਤਿਸ਼ ਸ਼ਾਸਤਰ 'ਚ ਵੀ ਇਸ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ। ਮਾਨਤਾ ਹੈ ਕਿ ਖੰਡ ਦਾ ਸੰਬੰਧ ਸਕਾਰਾਤਮਕ ਊਰਜਾ ਤੇ ਕੁਝ ਗ੍ਰਹਿਆਂ ਦੀ ਸ਼ੁੱਭਤਾ ਨਾਲ ਜੁੜਿਆ ਹੁੰਦਾ ਹੈ। ਇਹੀ ਕਾਰਨ ਹੈ ਕਿ ਕਈ ਜੋਤਿਸ਼ੀ ਉਪਾਵਾਂ 'ਚ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਜੋਤਿਸ਼ ਸ਼ਾਸਤਰ ਅਨੁਸਾਰ, ਜੇਕਰ ਕਿਸੇ ਵਿਅਕਤੀ ਨੂੰ ਨੌਕਰੀ ਜਾਂ ਕਰੀਅਰ 'ਚ ਲਗਾਤਾਰ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਇਹ ਸੂਰਜ ਗ੍ਰਹਿ ਦੀ ਕਮਜ਼ੋਰੀ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ ਤਾਂਬੇ ਦੇ ਬਰਤਨ 'ਚ ਪਾਣੀ ਅਤੇ ਥੋੜ੍ਹੀ ਜਿਹੀ ਖੰਡ ਮਿਲਾ ਕੇ ਉਸ ਦਾ ਸੇਵਨ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਮਾਨਤਾ ਹੈ ਕਿ ਇਸ ਨਾਲ ਸੂਰਜ ਗ੍ਰਹਿ ਮਜ਼ਬੂਤ ਹੁੰਦਾ ਹੈ ਅਤੇ ਆਤਮ-ਵਿਸ਼ਵਾਸ 'ਚ ਵਾਧਾ ਹੁੰਦਾ ਹੈ।

ਸਫ਼ਲਤਾ ਮਿਲਣ ਦੀ ਸੰਭਾਵਨਾ ਕਿਵੇਂ ਵਧੇਗੀ?

ਜੇਕਰ ਤੁਸੀਂ ਕਿਸੇ ਮਹੱਤਵਪੂਰਨ ਕੰਮ ਲਈ ਘਰ ਤੋਂ ਬਾਹਰ ਜਾ ਰਹੇ ਹੋ ਤੇ ਚਾਹੁੰਦੇ ਹੋ ਕਿ ਉਸ ਵਿਚ ਸਫ਼ਲਤਾ ਮਿਲੇ ਤਾਂ ਇਕ ਸਰਲ ਉਪਾਅ ਕੀਤਾ ਜਾ ਸਕਦਾ ਹੈ। ਰਾਤ ਨੂੰ ਤਾਂਬੇ ਦੇ ਪਾਤਰ 'ਚ ਪਾਣੀ ਅਤੇ ਖੰਡ ਮਿਲਾ ਕੇ ਰੱਖ ਦਿਓ। ਅਗਲੇ ਦਿਨ ਘਰੋਂ ਨਿਕਲਣ ਤੋਂ ਪਹਿਲਾਂ ਇਸ ਜਲ ਦਾ ਸੇਵਨ ਕਰੋ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਸ ਨਾਲ ਕੰਮ ਵਿਚ ਸਫ਼ਲਤਾ ਮਿਲਣ ਦੀ ਸੰਭਾਵਨਾ ਵਧਦੀ ਹੈ।

ਸ਼ਨੀ ਦੋਸ਼ ਤੋਂ ਪਰੇਸ਼ਾਨ ਲੋਕਾਂ ਲਈ ਵੀ ਖੰਡ ਦਾ ਵਿਸ਼ੇਸ਼ ਉਪਾਅ ਦੱਸਿਆ ਗਿਆ ਹੈ। ਇਸ ਦੇ ਲਈ ਖੰਡ ਨੂੰ ਬਾਰੀਕ ਪੀਹ ਕੇ ਉਸ ਵਿਚ ਨਾਰੀਅਲ ਦੇ ਛੋਟੇ-ਛੋਟੇ ਟੁਕੜੇ ਮਿਲਾ ਲਓ। ਫਿਰ ਇਸਨੂੰ ਕੀੜੀਆਂ ਨੂੰ ਖੁਆਓ। ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਸ਼ਨੀ ਦੀ ਅਸ਼ੁਭਤਾ ਘੱਟ ਹੁੰਦੀ ਹੈ ਅਤੇ ਜ਼ਿੰਦਗੀ 'ਚ ਆਉਣ ਵਾਲੀਆਂ ਰੁਕਾਵਟਾਂ ਹੌਲੀ-ਹੌਲੀ ਦੂਰ ਹੋਣ ਲੱਗਦੀਆਂ ਹਨ।

ਪਿੱਤਰ ਦੋਸ਼ ਤੇ ਰਾਹੂ ਤੋਂ ਮੁਕਤੀ

ਉੱਥੇ ਹੀ, ਪਿੱਤਰ ਦੋਸ਼ ਦੀ ਸ਼ਾਂਤੀ ਲਈ ਆਟੇ 'ਚ ਖੰਡ ਮਿਲਾ ਕੇ ਕਾਂਵਾਂ ਨੂੰ ਖੁਆਉਣ ਦੀ ਪਰੰਪਰਾ ਪ੍ਰਚੱਲਿਤ ਹੈ। ਧਾਰਮਿਕ ਮਾਨਤਾ ਹੈ ਕਿ ਕਾਂਵਾਂ ਨੂੰ ਭੋਜਨ ਕਰਵਾਉਣ ਨਾਲ ਪਿੱਤਰਾਂ ਦੀ ਕਿਰਪਾ ਪ੍ਰਾਪਤ ਹੁੰਦੀ ਹੈ ਤੇ ਪਿੱਤਰ ਦੋਸ਼ ਨਾਲ ਜੁੜੀਆਂ ਪਰੇਸ਼ਾਨੀਆਂ 'ਚ ਰਾਹਤ ਮਿਲ ਸਕਦੀ ਹੈ।

ਰਾਹੂ ਦੋਸ਼ ਨੂੰ ਸ਼ਾਂਤ ਕਰਨ ਲਈ ਵੀ ਖੰਡ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਦੇ ਲਈ ਥੋੜ੍ਹੀ ਜਿਹੀ ਖੰਡ ਨੂੰ ਲਾਲ ਕੱਪੜੇ 'ਚ ਬੰਨ੍ਹ ਕੇ ਰਾਤ ਨੂੰ ਸੌਂਦੇ ਸਮੇਂ ਸਿਰਹਾਣੇ ਹੇਠਾਂ ਰੱਖਣ ਦੀ ਮਾਨਤਾ ਹੈ। ਕਿਹਾ ਜਾਂਦਾ ਹੈ ਕਿ ਨਿਯਮਤ ਰੂਪ 'ਚ ਇਹ ਉਪਾਅ ਕਰਨ ਨਾਲ ਨਕਾਰਾਤਮਕ ਪ੍ਰਭਾਵ ਘੱਟ ਹੋਣ ਲੱਗਦੇ ਹਨ।

ਹਾਲਾਂਕਿ, ਇਹ ਸਾਰੇ ਉਪਾਅ ਧਾਰਮਿਕ ਅਤੇ ਜੋਤਿਸ਼ ਸ਼ਾਸਤਰ ਦੀਆਂ ਮਾਨਤਾਵਾਂ 'ਤੇ ਅਧਾਰਤ ਹਨ। ਇਨ੍ਹਾਂ ਨੂੰ ਆਸਥਾ ਦੇ ਰੂਪ 'ਚ ਅਪਣਾਇਆ ਜਾਂਦਾ ਹੈ ਅਤੇ ਇਨ੍ਹਾਂ ਦੇ ਨਤੀਜੇ ਵਿਅਕਤੀ ਦੀ ਸ਼ਰਧਾ ਅਤੇ ਵਿਸ਼ਵਾਸ 'ਤੇ ਨਿਰਭਰ ਮੰਨੇ ਜਾਂਦੇ ਹਨ।