ਦੁਸ਼ਮਣਾਂ 'ਤੇ ਪਾਉਣੀ ਹੈ ਜਿੱਤ? ਤਾਂ ਬਗਲਾਮੁਖੀ ਜੈਅੰਤੀ 'ਤੇ ਇਸ ਵਿਧੀ ਨਾਲ ਕਰੋ ਪੂਜਾ, ਜਾਣੋ ਤਾਰੀਖ ਤੇ ਮਹੱਤਵ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਦਸ ਮਹਾਵਿਦਿਆਵਾਂ ਦਾ ਵਿਸ਼ੇਸ਼ ਮਹੱਤਵ ਹੈ ਜਿਨ੍ਹਾਂ ਵਿੱਚੋਂ ਮਾਂ ਬਗਲਾਮੁਖੀ ਅੱਠਵੀਂ ਮਹਾਵਿਦਿਆ ਮੰਨੀ ਜਾਂਦੀ ਹੈ। ਮਾਂ ਬਗਲਾਮੁਖੀ ਨੂੰ 'ਪੀਤਾਂਬਰਾ' ਵੀ ਕਿਹਾ ਜਾਂਦਾ ਹੈ ਅਤੇ ਉਨ੍ਹਾਂ ਨੂੰ ਦੁਸ਼ਮਣਾਂ 'ਤੇ ਜਿੱਤ ਪ੍ਰਾਪਤ ਕਰਨ ਵਾਲੀ ਸ਼ਕਤੀ ਵਜੋਂ ਪੂਜਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਇਸੇ ਦਿਨ ਮਾਤਾ ਪ੍ਰਗਟ ਹੋਈ ਸੀ, ਇਸ ਲਈ ਇਸ ਨੂੰ ਉਨ੍ਹਾਂ ਦੇ ਜਨਮ ਉਤਸਵ ਵਜੋਂ ਮਨਾਇਆ ਜਾਂਦਾ ਹੈ। ਆਓ ਇਸ ਪਵਿੱਤਰ ਤਾਰੀਖ ਨਾਲ ਜੁੜੀਆਂ ਮੁੱਖ ਗੱਲਾਂ ਨੂੰ ਜਾਣਦੇ ਹਾਂ, ਜੋ ਇਸ ਪ੍ਰਕਾਰ ਹਨ।

ਬਗਲਾਮੁਖੀ ਜੈਅੰਤੀ ਤਾਰੀਖ (Baglamukhi Jayanti 2026 Date And Time)

ਵੈਦਿਕ ਪੰਚਾਂਗ ਅਨੁਸਾਰ, ਵੈਸਾਖ ਸ਼ੁਕਲ ਅਸ਼ਟਮੀ ਤਾਰੀਖ 23 ਅਪ੍ਰੈਲ 2026 ਨੂੰ ਰਾਤ 8 ਵਜ ਕੇ 49 ਮਿੰਟ 'ਤੇ ਸ਼ੁਰੂ ਹੋਵੇਗੀ। ਉੱਥੇ ਹੀ, ਇਸ ਦੀ ਸਮਾਪਤੀ 24 ਅਪ੍ਰੈਲ ਨੂੰ ਸ਼ਾਮ 7 ਵਜ ਕੇ 21 ਮਿੰਟ 'ਤੇ ਹੋਵੇਗੀ। ਅਜਿਹੇ 'ਚ ਬਗਲਾਮੁਖੀ ਜੈਅੰਤੀ 24 ਅਪ੍ਰੈਲ ਨੂੰ ਮਨਾਈ ਜਾਵੇਗੀ। ਪੂਜਾ ਦਾ ਸਭ ਤੋਂ ਸ਼ੁਭ ਸਮਾਂ ਰਾਤ ਦਾ ਸਮਾਂ ਮੰਨਿਆ ਜਾਂਦਾ ਹੈ ਕਿਉਂਕਿ ਮਹਾਵਿਦਿਆਵਾਂ ਦੀ ਸਾਧਨਾ ਅਕਸਰ ਰਾਤ ਦੇ ਸਮੇਂ ਵਧੇਰੇ ਪ੍ਰਭਾਵਸ਼ਾਲੀ ਹੁੰਦੀ ਹੈ।

ਪੂਜਾ ਵਿਧੀ (Baglamukhi Jayanti 2026 Puja Vidhi)

• ਪੂਜਾ ਦੌਰਾਨ ਪੀਲੇ ਕੱਪੜੇ ਧਾਰਨ ਕਰੋ।
• ਮਾਤਾ ਨੂੰ ਪੀਲੇ ਫੁੱਲ, ਪੀਲਾ ਚੰਦਨ ਤੇ ਹਲਦੀ ਅਰਪਿਤ ਕਰੋ।
• ਮਾਂ ਨੂੰ ਪੀਲੇ ਰੰਗ ਦੀਆਂ ਚੀਜ਼ਾਂ ਜਾਂ ਵੇਸਣ ਦੇ ਲੱਡੂਆਂ ਦਾ ਭੋਗ ਲਗਾਓ।
• ਹਲਦੀ ਦੀ ਮਾਲਾ ਨਾਲ ਮਾਂ ਬਗਲਾਮੁਖੀ ਦੇ ਮੰਤਰਾਂ ਦਾ ਜਾਪ ਕਰਨਾ ਬਹੁਤ ਲਾਭਕਾਰੀ ਮੰਨਿਆ ਜਾਂਦਾ ਹੈ।
• ਅਜਿਹੇ 'ਚ ਇਸ ਮੰਤਰ "ॐ ह्लीं बगलामुखी सर्वदुष्टानां वाचं मुखं पदं स्तम्भय जिह्वां कीलय बुद्धिं विनाशय ह्लीं ओम् स्वाहा" ਦਾ ਜਾਪ ਕਰੋ। ਇਸ ਨਾਲ ਦੁਸ਼ਮਣ ਸ਼ਾਂਤ ਹੋਣਗੇ।
• ਪੂਜਾ ਦੇ ਸਮੇਂ ਸ਼ੁੱਧ ਘਿਓ ਜਾਂ ਤਿਲਾਂ ਦੇ ਤੇਲ ਦਾ ਦੀਵਾ ਜਗਾਓ।
• ਅਖੀਰ 'ਚ ਆਰਤੀ ਕਰੋ।

ਮਾਂ ਬਗਲਾਮੁਖੀ ਦਾ ਮਹੱਤਵ (Baglamukhi Jayanti 2026 Significance)

ਮਾਂ ਬਗਲਾਮੁਖੀ ਨੂੰ ਗੁਪਤ ਸਾਧਨਾ (ਤੰਤਰ-ਮੰਤਰ) ਦੀ ਦੇਵੀ ਕਿਹਾ ਜਾਂਦਾ ਹੈ। ਇਸ ਦਾ ਮਤਲਬ ਹੈ ਕਿਸੇ ਵੀ ਬੁਰੀ ਸ਼ਕਤੀ ਜਾਂ ਦੁਸ਼ਮਣ ਤੋਂ ਰੱਖਿਆ ਕਰਨਾ। ਇਨ੍ਹਾਂ ਦਾ ਸਰੂਪ ਸੋਨੇ ਵਾਂਗ ਚਮਕਦਾ ਹੋਇਆ ਹੈ। ਧਾਰਮਿਕ ਗ੍ਰੰਥਾਂ ਅਨੁਸਾਰ, ਬ੍ਰਹਿਮੰਡ ਦੀ ਰੱਖਿਆ ਲਈ ਭਗਵਾਨ ਵਿਸ਼ਨੂੰ ਨੇ ਦੇਵੀ ਦੀ ਤਪੱਸਿਆ ਕੀਤੀ ਸੀ ਜਿਸ ਤੋਂ ਪ੍ਰਸੰਨ ਹੋ ਕੇ ਮਾਤਾ ਪ੍ਰਗਟ ਹੋਈ ਸੀ। ਮੰਨਿਆ ਜਾਂਦਾ ਹੈ ਕਿ ਦੇਵੀ ਦੀ ਪੂਜਾ ਨਾਲ ਗੁਪਤ ਦੁਸ਼ਮਣਾਂ ਤੋਂ ਰੱਖਿਆ ਹੁੰਦੀ ਹੈ।

ਸਾਵਧਾਨੀ

ਬਗਲਾਮੁਖੀ ਮਾਤਾ ਦੀ ਪੂਜਾ ਕਰਦੇ ਸਮੇਂ ਮਨ ਦੀ ਪਵਿੱਤਰਤਾ ਤੇ ਇਕਾਗਰਤਾ ਬਹੁਤ ਜ਼ਰੂਰੀ ਹੈ। ਕਿਸੇ ਦਾ ਬੁਰਾ ਕਰਨ ਦੀ ਨੀਅਤ ਨਾਲ ਕਦੇ ਵੀ ਇਹ ਪੂਜਾ ਨਹੀਂ ਕਰਨੀ ਚਾਹੀਦੀ। ਸਿਰਫ਼ ਰੁਕਾਵਟਾਂ ਨੂੰ ਦੂਰ ਕਰਨ ਲਈ ਹੀ ਦੇਵੀ ਦੀ ਪੂਜਾ ਕਰਨੀ ਚਾਹੀਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।