- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਪ੍ਰੈਲ 2026 'ਚ ਕਦੋਂ ਤੋਂ ਕਦੋਂ ਤਕ ਰਹੇਗਾ 'ਰਾਜ ਪੰਚਕ' ਦਾ ਅਸਰ, ਇਨ੍ਹਾਂ ਗੱਲਾਂ ਦਾ ਰੱਖਣਾ ਹੋਵੇਗਾ ਖਿਆਲ?
Jyotish Shastra ਅਨੁਸਾਰ, ਪੰਚਕ ਜਿਸ ਦਿਨ ਸ਼ੁਰੂ ਹੁੰਦਾ ਹੈ, ਉਸੇ ਦੇ ਆਧਾਰ 'ਤੇ ਉਸਦਾ ਨਾਂ ਤੇ ਪ੍ਰਭਾਵ ਤੈਅ ਹੁੰਦਾ ਹੈ। ਕਿਉਂਕਿ ਇਸ ਵਾਰ ਪੰਚਕ ਦੀ ਸ਼ੁਰੂਆਤ ਸੋਮਵਾਰ ਨੂੰ ਹੋਈ ਹੈ, ਇਸ ਲਈ ਇਸਨੂੰ 'ਰਾਜ ਪੰਚਕ' ਕਿਹਾ ਜਾਂਦਾ ਹੈ।
Posted By Seema Anand
Publish Date: Tue, 14 Apr 2026 01:52 PM (IST)
Updated Date: Tue, 14 Apr 2026 01:55 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਸਮੇਂ ਦੀ ਗਣਨਾ ਦਾ ਬਹੁਤ ਮਹੱਤਵ ਹੈ ਤੇ ਇਸੇ ਗਣਨਾ 'ਚ 'ਪੰਚਕ' ਵੀ ਸ਼ਾਮਲ ਹੈ। ਬਹੁਤ ਸਾਰੇ ਲੋਕ ਪੰਚਕ ਦਾ ਨਾਂ ਸੁਣਦਿਆਂ ਹੀ ਘਬਰਾ ਜਾਂਦੇ ਹਨ ਕਿ ਹੁਣ 5 ਦਿਨਾਂ ਤਕ ਸਾਰੇ ਸ਼ੁਭ ਕੰਮ ਰੁਕ ਜਾਣਗੇ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਹਰ ਪੰਚਕ ਅਸ਼ੁਭ ਨਹੀਂ ਹੁੰਦਾ?
ਕਦੋਂ ਤੋਂ ਕਦੋਂ ਤਕ ਹੈ ਪੰਚਕ?
ਹਿੰਦੂ ਪੰਚਾਂਗ ਅਨੁਸਾਰ, ਅਪ੍ਰੈਲ ਮਹੀਨੇ ਦੇ ਪੰਚਕ ਦੀ ਸ਼ੁਰੂਆਤ ਸੋਮਵਾਰ 13 ਅਪ੍ਰੈਲ 2026 ਨੂੰ ਸਵੇਰੇ ਲਗਪਗ 03:44 ਵਜੇ ਤੋਂ ਹੋ ਚੁੱਕੀ ਹੈ। ਇਹ ਪੰਚਕ ਸ਼ੁੱਕਰਵਾਰ, 17 ਅਪ੍ਰੈਲ 2026 ਨੂੰ ਦੁਪਹਿਰ 12:02 ਵਜੇ ਸਮਾਪਤ ਹੋਵੇਗਾ।
ਜੋਤਿਸ਼ ਸ਼ਾਸਤਰ ਅਨੁਸਾਰ, ਪੰਚਕ ਜਿਸ ਦਿਨ ਸ਼ੁਰੂ ਹੁੰਦਾ ਹੈ, ਉਸੇ ਦੇ ਆਧਾਰ 'ਤੇ ਉਸਦਾ ਨਾਂ ਤੇ ਪ੍ਰਭਾਵ ਤੈਅ ਹੁੰਦਾ ਹੈ। ਕਿਉਂਕਿ ਇਸ ਵਾਰ ਪੰਚਕ ਦੀ ਸ਼ੁਰੂਆਤ ਸੋਮਵਾਰ ਨੂੰ ਹੋਈ ਹੈ, ਇਸ ਲਈ ਇਸਨੂੰ 'ਰਾਜ ਪੰਚਕ' ਕਿਹਾ ਜਾਂਦਾ ਹੈ।
ਜੋਤਿਸ਼ ਸ਼ਾਸਤਰ ਦੇ ਨਿਯਮ: ਸ਼ਾਸਤਰਾਂ ਅਨੁਸਾਰ, ਪੰਚਕ ਦੇ ਨਕਸ਼ਤਰਾਂ (ਧਨਿਸ਼ਠਾ, ਸ਼ਤਭਿਸ਼ਾ, ਪੂਰਵਭਾਦਰਪਦ, ਉੱਤਰਭਾਦਰਪਦ ਅਤੇ ਰੇਵਤੀ) ਦਾ ਮੇਲ ਜਦੋਂ ਸੋਮਵਾਰ ਨਾਲ ਹੁੰਦਾ ਹੈ ਤਾਂ ਉਹ ਸ਼ੁਭ ਫਲਦਾਇਕ ਬਣ ਜਾਂਦਾ ਹੈ।
ਇਸ ਦੌਰਾਨ ਕਿਹੜੇ ਕੰਮ ਕਰਨਾ ਹੋਵੇਗਾ ਫਾਇਦੇਮੰਦ?
ਰਾਜ ਪੰਚਕ ਦੌਰਾਨ ਕੁਝ ਖਾਸ ਕੰਮ ਕਰਨਾ ਤੁਹਾਡੀ ਕਿਸਮਤ ਬਦਲ ਸਕਦਾ ਹੈ:
ਸਰਕਾਰੀ ਕੰਮ: ਜੇਕਰ ਤੁਹਾਡਾ ਕੋਈ ਕੰਮ ਸਰਕਾਰੀ ਦਫ਼ਤਰ ਜਾਂ ਅਦਾਲਤ ਵਿੱਚ ਅਟਕਿਆ ਹੋਇਆ ਹੈ, ਤਾਂ ਉਸਨੂੰ ਇਸ ਦੌਰਾਨ ਅੱਗੇ ਵਧਾਓ। ਸਫ਼ਲਤਾ ਮਿਲਣ ਦੇ ਯੋਗ ਜ਼ਿਆਦਾ ਹੁੰਦੇ ਹਨ।
ਪ੍ਰਾਪਰਟੀ ਅਤੇ ਜ਼ਮੀਨ: ਨਵਾਂ ਘਰ ਖਰੀਦਣਾ, ਜ਼ਮੀਨ ਦੀ ਰਜਿਸਟਰੀ ਕਰਵਾਉਣੀ ਜਾਂ ਕਿਸੇ ਵੱਡੀ ਡੀਲ 'ਤੇ ਦਸਤਖਤ ਕਰਨ ਲਈ ਇਹ ਸਮਾਂ ਬਹੁਤ ਚੰਗਾ ਮੰਨਿਆ ਜਾਂਦਾ ਹੈ।
ਕਰੀਅਰ ਤੇ ਪ੍ਰਮੋਸ਼ਨ: ਨਵੀਂ ਨੌਕਰੀ ਜੁਆਇਨ ਕਰਨਾ ਜਾਂ ਆਫਿਸ ਵਿੱਚ ਕਿਸੇ ਵੱਡੀ ਜ਼ਿੰਮੇਵਾਰੀ ਨੂੰ ਹੱਥ ਵਿੱਚ ਲੈਣਾ ਤੁਹਾਨੂੰ ਭਵਿੱਖ ਵਿੱਚ ਵੱਡਾ ਫਾਇਦਾ ਦੇ ਸਕਦਾ ਹੈ।
ਪੰਚਕ ਵਿਚ ਕੀ ਨਾ ਕਰੀਏ?
ਭਾਵੇਂ ਇਹ 'ਰਾਜ ਪੰਚਕ' ਹੈ, ਪਰ ਪਰੰਪਰਾਵਾਂ ਤੇ ਸ਼ਾਸਤਰਾਂ (ਜਿਵੇਂ ਕਿ ਭਵਿੱਖ ਪੁਰਾਣ) 'ਚ ਪੰਚਕ ਦੌਰਾਨ 5 ਵਿਸ਼ੇਸ਼ ਕੰਮਾਂ ਨੂੰ ਵਰਜਿਤ ਮੰਨਿਆ ਗਿਆ ਹੈ:
ਦੱਖਣ ਦਿਸ਼ਾ ਦੀ ਯਾਤਰਾ: ਦੱਖਣ ਨੂੰ ਯਮ ਦੀ ਦਿਸ਼ਾ ਮੰਨਿਆ ਜਾਂਦਾ ਹੈ, ਇਸ ਲਈ ਇਨ੍ਹਾਂ 5 ਦਿਨਾਂ ਵਿੱਚ ਦੱਖਣ ਵੱਲ ਲੰਬੀ ਯਾਤਰਾ ਕਰਨ ਤੋਂ ਬਚਣਾ ਚਾਹੀਦਾ ਹੈ।
ਘਰ ਦੀ ਛੱਤ ਪਾਉਣੀ: ਜੇਕਰ ਤੁਸੀਂ ਨਵਾਂ ਘਰ ਬਣਵਾ ਰਹੇ ਹੋ ਤਾਂ ਪੰਚਕ ਦੇ ਦੌਰਾਨ ਛੱਤ (ਲੈਂਟਰ) ਪਾਉਣ ਦਾ ਕੰਮ ਟਾਲ ਦੇਣਾ ਬਿਹਤਰ ਹੁੰਦਾ ਹੈ।
ਬਾਲਣ ਇਕੱਠਾ ਕਰਨਾ: ਘਾਹ, ਲੱਕੜ ਜਾਂ ਹੋਰ ਜਲਣਸ਼ੀਲ ਚੀਜ਼ਾਂ ਇਕੱਠੀਆਂ ਕਰਨਾ ਅਸ਼ੁਭ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਸ ਨਾਲ ਅੱਗ ਦਾ ਡਰ ਬਣਿਆ ਰਹਿੰਦਾ ਹੈ।
ਨਵਾਂ ਬਿਸਤਰਾ ਜਾਂ ਮੰਜਾ: ਇਨ੍ਹਾਂ ਦਿਨਾਂ 'ਚ ਪਲੰਗ ਨੂੰ ਖੋਲ੍ਹਣਾ ਜਾਂ ਬੁਣਨਾ (ਬੰਨ੍ਹਣਾ) ਵੀ ਚੰਗਾ ਨਹੀਂ ਮੰਨਿਆ ਜਾਂਦਾ।
ਅੰਤਿਮ ਸੰਸਕਾਰ ਦੇ ਨਿਯਮ: ਜੇਕਰ ਇਸ ਦੌਰਾਨ ਕਿਸੇ ਦੀ ਮੌਤ ਹੋ ਜਾਂਦੀ ਹੈ ਤਾਂ ਪੰਚਕ ਦੋਸ਼ (Panchak Dosh) ਤੋਂ ਬਚਣ ਲਈ ਅੰਤਿਮ ਸੰਸਕਾਰ ਦੇ ਨਾਲ 'ਪੰਚਕ ਸ਼ਾਂਤੀ' ਜ਼ਰੂਰ ਕਰਵਾਉਣੀ ਚਾਹੀਦੀ ਹੈ।