ਕੀ ਤੁਹਾਨੂੰ ਵੀ ਸੜਕ 'ਤੇ ਮਿਲਿਆ ਹੈ ਸੋਨੇ ਦਾ ਕੋਈ ਗਹਿਣਾ? ਸ਼ਕੁਨ ਸ਼ਾਸਤਰ ਅਨੁਸਾਰ ਇਸਨੂੰ ਘਰ ਲਿਆਉਣਾ ਚਾਹੀਦਾ ਹੈ ਜਾਂ ਨਹੀਂ? ਜਾਣੋ

ਧਰਮ ਡੈਸਕ, ਨਵੀਂ ਦਿੱਲੀ : ਸ਼ਕੁਨ ਸ਼ਾਸਤਰ ਅਨੁਸਾਰ ਸੋਨਾ ਮਿਲਣਾ ਜਾਂ ਗੁਆਚਣਾ ਦੋਵੇਂ ਹੀ ਕੋਈ ਆਮ ਘਟਨਾਵਾਂ ਨਹੀਂ ਹਨ, ਬਲਕਿ ਇਹ ਕੁਝ ਸੰਕੇਤ ਦਿੰਦੀਆਂ ਹਨ। ਹਿੰਦੂ ਧਰਮ 'ਚ ਸੋਨੇ ਨੂੰ ਦੇਵੀ ਲਕਸ਼ਮੀ ਅਤੇ ਦੇਵ ਗੁਰੂ ਬ੍ਰਹਿਸਪਤੀ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ ਆਓ ਜਾਣਦੇ ਹਾਂ ਕਿ ਸੋਨੇ ਦੇ ਗੁਆਚਣ ਜਾਂ ਮਿਲਣ 'ਤੇ ਤੁਹਾਨੂੰ ਕੀ ਕਰਨਾ ਚਾਹੀਦਾ ਹੈ।

ਕੀ ਕਹਿੰਦਾ ਹੈ ਸ਼ਕੁਨ ਸ਼ਾਸਤਰ?

ਹਿੰਦੂ ਧਰਮ 'ਚ ਸੋਨੇ ਨੂੰ ਦੇਵੀ ਲਕਸ਼ਮੀ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਉੱਥੇ ਹੀ ਜੋਤਿਸ਼ ਸ਼ਾਸਤਰ 'ਚ ਪੀਲੇ ਰੰਗ ਦੇ ਕਾਰਨ ਸੋਨੇ ਨੂੰ ਦੇਵ ਗੁਰੂ ਬ੍ਰਹਿਸਪਤੀ ਨਾਲ ਸਬੰਧਤ ਮੰਨਿਆ ਗਿਆ ਹੈ। ਅਜਿਹੇ 'ਚ ਸ਼ਕੁਨ ਸ਼ਾਸਤਰ ਮੁਤਾਬਕ ਸੋਨੇ ਦਾ ਗੁਆਚਣਾ ਜਾਂ ਮਿਲਣਾ ਦੋਵੇਂ ਹੀ ਅਸ਼ੁਭ ਸੰਕੇਤ ਮੰਨੇ ਗਏ ਹਨ। ਇਹ ਦੋਵੇਂ ਹੀ ਸਥਿਤੀਆਂ ਧਨ ਦੀ ਹਾਨੀ ਦਾ ਸੰਕੇਤ ਮੰਨੀਆਂ ਜਾਂਦੀਆਂ ਹਨ। ਇਸ ਲਈ ਇਸਨੂੰ ਸੌਭਾਗ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ।

ਕਿਵੇਂ ਦਾ ਹੁੰਦੈ ਸੋਨੇ ਦਾ ਮਿਲਣਾ?

ਜੇਕਰ ਤੁਹਾਨੂੰ ਸੜਕ 'ਤੇ ਸੋਨੇ ਦੀ ਕੋਈ ਵਸਤੂ ਪਈ ਮਿਲਦੀ ਹੈ ਤਾਂ ਇਸਨੂੰ ਚੁੱਕਣ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਸ਼ਕੁਨ ਸ਼ਾਸਤਰ ਮੁਤਾਬਕ ਇਸਨੂੰ ਅਸ਼ੁਭ ਸੰਕੇਤ ਵਜੋਂ ਦੇਖਿਆ ਜਾਂਦਾ ਹੈ। ਡਿੱਗਿਆ ਹੋਇਆ ਸੋਨਾ ਕਿਸੇ ਹੋਰ ਵਿਅਕਤੀ ਦੀ ਬਦਕਿਸਮਤੀ ਜਾਂ ਨਕਾਰਾਤਮਕ ਊਰਜਾ ਦਾ ਪ੍ਰਤੀਕ ਹੁੰਦਾ ਹੈ। ਅਜਿਹੇ ਵਿੱਚ ਜੇਕਰ ਤੁਸੀਂ ਇਸ ਸੋਨੇ ਨੂੰ ਆਪਣੇ ਘਰ ਲੈ ਕੇ ਆਉਂਦੇ ਹੋ ਤਾਂ ਇਹ ਆਪਣੇ ਘਰ ਵਿੱਚ ਨਕਾਰਾਤਮਕ ਊਰਜਾ ਨੂੰ ਸੱਦਾ ਦੇਣ ਵਾਂਗ ਹੈ।

ਸੋਨੇ ਦਾ ਗੁਆਚਣਾ ਇਸ ਗੱਲ ਦਾ ਹੈ ਸੰਕੇਤ

ਸੋਨੇ ਨੂੰ ਦੇਵੀ ਲਕਸ਼ਮੀ ਨਾਲ ਜੋੜ ਕੇ ਦੇਖਿਆ ਗਿਆ ਹੈ, ਅਜਿਹੇ 'ਚ ਸੋਨਾ ਗੁਆਚਣਾ ਮਾਂ ਲਕਸ਼ਮੀ ਦੇ ਨਾਰਾਜ਼ ਹੋਣ ਦਾ ਸੰਕੇਤ ਮੰਨਿਆ ਜਾਂਦਾ ਹੈ, ਜਿਸ ਕਾਰਨ ਆਰਥਿਕ ਨੁਕਸਾਨ ਵੀ ਸੰਭਵ ਹੈ। ਨਾਲ ਹੀ ਇਹ ਬ੍ਰਹਿਸਪਤੀ ਦੇ ਕਮਜ਼ੋਰ ਹੋਣ ਦਾ ਵੀ ਸੰਕੇਤ ਮੰਨਿਆ ਜਾਂਦਾ ਹੈ। ਉੱਥੇ ਹੀ ਜੇਕਰ ਸੋਨੇ ਦੀ ਅੰਗੂਠੀ ਗੁਆਚਦੀ ਹੈ ਤਾਂ ਇਹ ਸਿਹਤ ਅਤੇ ਵਿਆਹੁਤਾ ਜੀਵਨ 'ਚ ਸਮੱਸਿਆਵਾਂ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਜੇਕਰ ਤੁਹਾਡੇ ਨੱਕ ਜਾਂ ਕੰਨ ਦਾ ਸੋਨੇ ਦਾ ਕੋਈ ਗਹਿਣਾ ਗੁਆਚਿਆ ਹੈ ਤਾਂ ਇਹ ਵੀ ਇੱਕ ਸ਼ੁਭ ਸੰਕੇਤ ਨਹੀਂ ਮੰਨਿਆ ਜਾਂਦਾ। ਅਜਿਹੇ ਵਿੱਚ ਤੁਹਾਨੂੰ ਸਤਰਕ ਰਹਿਣ ਦੀ ਲੋੜ ਹੈ।

ਉੱਥੇ ਹੀ ਸੋਨੇ ਦਾ ਚੋਰੀ ਹੋ ਜਾਣਾ ਵੀ ਆਪਣੇ ਆਪ 'ਚ ਇਕ ਅਸ਼ੁਭ ਸੰਕੇਤ ਹੈ। ਸ਼ਕੁਨ ਸ਼ਾਸਤਰ ਵਿੱਚ ਮੰਨਿਆ ਗਿਆ ਹੈ ਕਿ ਇਹ ਦੇਵ ਗੁਰੂ ਬ੍ਰਹਿਸਪਤੀ ਦੇ ਰੁਸ਼ਟ ਹੋਣ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਨਾਲ ਤੁਹਾਡੇ ਵਿਆਹੁਤਾ ਜੀਵਨ 'ਚ ਮੁਸ਼ਕਲਾਂ ਵਧ ਸਕਦੀਆਂ ਹਨ।

ਕਰੋ ਇਹ ਉਪਾਅ

ਜੋਤਿਸ਼ ਮਾਨਤਾ ਅਨੁਸਾਰ, ਜੇਕਰ ਕੋਈ ਸੋਨੇ ਦੀ ਵਸਤੂ ਤੁਹਾਡੇ ਤੋਂ ਜਾਂ ਤੁਹਾਡੇ ਪਰਿਵਾਰ ਵਿੱਚ ਕਿਸੇ ਤੋਂ ਗੁਆਚ ਜਾਂਦੀ ਹੈ ਤਾਂ ਅਜਿਹੇ ਦੋਸ਼ ਤੋਂ ਬਚਣ ਲਈ ਤੁਹਾਨੂੰ ਆਪਣੀ ਸਮਰੱਥਾ ਅਨੁਸਾਰ ਸੋਨੇ ਦਾ ਦਾਨ ਕਰਨਾ ਚਾਹੀਦਾ ਹੈ। ਤੁਸੀਂ ਕਿਸੇ ਗਰੀਬ ਜਾਂ ਲੋੜਵੰਦ ਵਿਅਕਤੀ ਨੂੰ ਸੋਨੇ ਦਾ ਇੱਕ ਛੋਟਾ ਜਿਹਾ ਟੁਕੜਾ ਜਾਂ ਤਾਰ ਦਾਨ ਕਰ ਸਕਦੇ ਹੋ। ਉੱਥੇ ਹੀ ਜੇਕਰ ਤੁਹਾਨੂੰ ਸੋਨਾ ਮਿਲਦਾ ਹੈ, ਤਾਂ ਇਸਨੂੰ ਵੇਚ ਕੇ ਤੁਸੀਂ ਕਿਸੇ ਗਰੀਬ ਦੀ ਸਹਾਇਤਾ ਕਰ ਸਕਦੇ ਹੋ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।