ਕੀ ਤੁਹਾਡੀ ਤਰੱਕੀ ਨੂੰ ਵੀ ਲੱਗ ਗਈ ਹੈ ਬਰੇਕ? ਤਾਂ ਆਟੇ ’ਚ ਮਿਲਾਓ ਇਹ 2 ਚੀਜ਼ਾਂ ਤੇ ਫਿਰ ਦੇਖੋ ਚਮਤਕਾਰ
ਜੋਤਿਸ਼ ਅਤੇ ਵਾਸਤੂ ਸ਼ਾਸਤਰ ਵਿੱਚ ਆਟੇ ਨੂੰ ਘਰ ਦੀ ਬਰਕਤ, ਸੁੱਖ-ਸਮ੍ਰਿਧੀ ਅਤੇ ਧਨ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਰੋਜ਼ਾਨਾ ਆਟਾ ਗੁੰਨ੍ਹਦੇ ਸਮੇਂ ਉਸ ਵਿੱਚ ਨਮਕ ਤੋਂ ਇਲਾਵਾ ਕੁਝ ਖ਼ਾਸ ਚੀਜ਼ਾਂ ਮਿਲਾ ਕੇ ਗੁੰਨ੍ਹਣ ਨਾਲ ਨਾ ਸਿਰਫ਼ ਰੋਟੀਆਂ ਸੁਆਦੀ ਬਣਦੀਆਂ ਹਨ, ਸਗੋਂ ਇਹ ਤੁਹਾਡੀ ਕਿਸਮਤ ਨੂੰ ਵੀ ਚਮਕਾ ਸਕਦਾ ਹੈ। ਨਾਲ ਹੀ ਇਹ ਜੋਤਿਸ਼ ਉਪਾਅ ਗ੍ਰਹਿਆਂ ਦੇ ਦੋਸ਼ਾਂ ਨੂੰ ਘੱਟ ਕਰਨ ਵਿੱਚ ਵੀ ਮਦਦ ਕਰਦੇ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ।
Posted By Anuradha Bains
Publish Date: Sun, 10 May 2026 10:50 AM (IST)
Updated Date: Sun, 10 May 2026 10:56 AM (IST)
ਧਰਮ ਡੈਸਕ, ਨਵੀਂ ਦਿੱਲੀ। ਜੋਤਿਸ਼ ਅਤੇ ਵਾਸਤੂ ਸ਼ਾਸਤਰ ਵਿੱਚ ਆਟੇ ਨੂੰ ਘਰ ਦੀ ਬਰਕਤ, ਸੁੱਖ-ਸਮ੍ਰਿਧੀ ਅਤੇ ਧਨ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਰੋਜ਼ਾਨਾ ਆਟਾ ਗੁੰਨ੍ਹਦੇ ਸਮੇਂ ਉਸ ਵਿੱਚ ਨਮਕ ਤੋਂ ਇਲਾਵਾ ਕੁਝ ਖ਼ਾਸ ਚੀਜ਼ਾਂ ਮਿਲਾ ਕੇ ਗੁੰਨ੍ਹਣ ਨਾਲ ਨਾ ਸਿਰਫ਼ ਰੋਟੀਆਂ ਸੁਆਦੀ ਬਣਦੀਆਂ ਹਨ, ਸਗੋਂ ਇਹ ਤੁਹਾਡੀ ਕਿਸਮਤ ਨੂੰ ਵੀ ਚਮਕਾ ਸਕਦਾ ਹੈ। ਨਾਲ ਹੀ ਇਹ ਜੋਤਿਸ਼ ਉਪਾਅ ਗ੍ਰਹਿਆਂ ਦੇ ਦੋਸ਼ਾਂ ਨੂੰ ਘੱਟ ਕਰਨ ਵਿੱਚ ਵੀ ਮਦਦ ਕਰਦੇ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ।
ਦਿਨ ਦੇ ਅਨੁਸਾਰ ਮਿਲਾਓ ਇਹ ਚੀਜ਼ਾਂ:
ਸ਼ਾਸਤਰਾਂ ਵਿੱਚ ਮੰਨਿਆ ਗਿਆ ਹੈ ਕਿ ਹਰ ਦਿਨ ਦਾ ਸਬੰਧ ਇੱਕ ਵਿਸ਼ੇਸ਼ ਗ੍ਰਹਿ ਨਾਲ ਹੁੰਦਾ ਹੈ। ਉਸ ਦਿਨ ਆਟੇ ਵਿੱਚ ਸਬੰਧਤ ਸਮੱਗਰੀ ਮਿਲਾਉਣ ਨਾਲ ਗ੍ਰਹਿਆਂ ਦੇ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ:
ਸੋਮਵਾਰ (ਚੰਦਰ ਗ੍ਰਹਿ): ਇਸ ਦਿਨ ਤੁਸੀਂ ਆਟਾ ਗੁੰਨ੍ਹਦੇ ਸਮੇਂ ਥੋੜ੍ਹਾ ਜਿਹਾ ਦੁੱਧ ਮਿਲਾਓ। ਇਸ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ ਅਤੇ ਘਰ ਦਾ ਕਲੇਸ਼ ਦੂਰ ਹੁੰਦਾ ਹੈ।
ਮੰਗਲਵਾਰ (ਮੰਗਲ ਗ੍ਰਹਿ): ਇਸ ਦਿਨ ਤੁਸੀਂ ਆਟਾ ਗੁੰਨ੍ਹਦੇ ਸਮੇਂ ਉਸ ਵਿੱਚ ਥੋੜ੍ਹਾ ਜਿਹਾ ਗੁੜ ਦਾ ਚੂਰਾ ਮਿਲਾ ਸਕਦੇ ਹੋ। ਇਸ ਨਾਲ ਮਾਂਗਲਿਕ ਕੰਮਾਂ ਵਿੱਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ। ਨਾਲ ਹੀ ਐਤਵਾਰ ਦੇ ਦਿਨ ਵੀ ਆਟੇ ਵਿੱਚ ਗੁੜ ਮਿਲਾਉਣ ਨਾਲ ਚੰਗੇ ਨਤੀਜੇ ਮਿਲਦੇ ਹਨ।
ਬੁੱਧਵਾਰ (ਬੁੱਧ ਗ੍ਰਹਿ): ਇਸ ਦਿਨ ਤੁਸੀਂ ਆਟੇ ਵਿੱਚ ਧਨੀਆ ਜਾਂ ਪਾਲਕ ਬਾਰੀਕ ਕੱਟ ਕੇ ਮਿਲਾ ਸਕਦੇ ਹੋ। ਇਸ ਨਾਲ ਬੁੱਧ ਗ੍ਰਹਿ ਮਜ਼ਬੂਤ ਹੁੰਦਾ ਹੈ, ਜਿਸ ਨਾਲ ਵਪਾਰ ਅਤੇ ਬੁੱਧੀ ਵਿੱਚ ਵਾਧਾ ਹੁੰਦਾ ਹੈ।
ਵੀਰਵਾਰ (ਗੁਰੂ ਗ੍ਰਹਿ): ਇਸ ਦਿਨ ਆਟੇ ਵਿੱਚ ਚੁਟਕੀ ਭਰ ਹਲਦੀ ਮਿਲਾਓ। ਹਲਦੀ ਦਾ ਸਬੰਧ ਬ੍ਰਹਸਪਤੀ ਨਾਲ ਹੈ, ਜੋ ਭਾਗ ਉਦੈ ਕਰਨ ਅਤੇ ਸੌਭਾਗਿਆ ਲਿਆਉਣ ਵਿੱਚ ਸਹਾਇਕ ਹੁੰਦਾ ਹੈ।
ਸ਼ੁੱਕਰਵਾਰ (ਸ਼ੁੱਕਰ ਗ੍ਰਹਿ): ਸ਼ੁੱਕਰਵਾਰ ਦੇ ਦਿਨ ਤੁਸੀਂ ਆਟੇ ਵਿੱਚ ਥੋੜ੍ਹੀ ਜਿਹੀ ਖੰਡ ਜਾਂ ਘਿਓ ਮਿਲਾ ਸਕਦੇ ਹੋ। ਇਸ ਨਾਲ ਸ਼ੁੱਕਰ ਗ੍ਰਹਿ ਬਲਵਾਨ ਹੁੰਦਾ ਹੈ, ਜੋ ਜੀਵਨ ਵਿੱਚ ਭੌਤਿਕ ਸੁੱਖ, ਐਸ਼ੋ-ਆਰਾਮ ਅਤੇ ਪ੍ਰੇਮ ਵਧਾਉਂਦਾ ਹੈ।
ਸ਼ਨਿੱਚਰਵਾਰ (ਸ਼ਨਿ ਗ੍ਰਹਿ): ਸ਼ਨਿੱਚਰਵਾਰ ਯਾਨੀ ਸ਼ਨਿ ਦੇਵ ਨੂੰ ਸਮਰਪਿਤ ਦਿਨ 'ਤੇ ਆਟੇ ਵਿੱਚ 2-3 ਬੂੰਦਾਂ ਸਰ੍ਹੋਂ ਦਾ ਤੇਲ ਮਿਲਾਓ। ਇਸ ਨਾਲ ਸ਼ਨਿ ਦੋਸ਼ ਦਾ ਪ੍ਰਭਾਵ ਘੱਟ ਹੁੰਦਾ ਹੈ ਅਤੇ ਜੀਵਨ ਵਿੱਚ ਅਨੁਸ਼ਾਸਨ ਤੇ ਸਥਿਰਤਾ ਆਉਂਦੀ ਹੈ।
ਤੁਸੀਂ ਇਹ ਕੰਮ ਵੀ ਕਰ ਸਕਦੇ ਹੋ:
ਰੋਜ਼ਾਨਾ ਜਾਂ ਫਿਰ ਸ਼ਨਿੱਚਰਵਾਰ ਦੇ ਦਿਨ ਆਟੇ ਵਿੱਚ ਸ਼ੱਕਰ ਮਿਲਾ ਕੇ ਕੀੜੀਆਂ ਨੂੰ ਪਾਉਣ ਨਾਲ ਪਿਤਰ ਪ੍ਰਸੰਨ ਹੁੰਦੇ ਹਨ ਅਤੇ ਧਨ ਵਿੱਚ ਵਾਧਾ ਹੁੰਦਾ ਹੈ।
ਤੁਸੀਂ ਆਟੇ ਵਿੱਚ ਥੋੜ੍ਹਾ ਜਿਹਾ ਗੁੜ ਮਿਲਾ ਕੇ ਕੀੜੀਆਂ ਨੂੰ ਖੁਆ ਸਕਦੇ ਹੋ, ਜਿਸ ਨਾਲ ਚੰਗੇ ਨਤੀਜੇ ਮਿਲਣ ਲੱਗਦੇ ਹਨ।
ਵੀਰਵਾਰ ਨੂੰ ਹਲਦੀ ਮਿਲੇ ਆਟੇ ਦੇ ਪੇੜੇ (ਲੋਈ) ਬਣਾ ਕੇ ਗਊ ਮਾਤਾ ਨੂੰ ਖੁਆਉਣ ਨਾਲ ਜਾਤਕ ਦੇ ਸੌਭਾਗਿਆ ਵਿੱਚ ਵਾਧਾ ਹੁੰਦਾ ਹੈ।
ਖਾਣਾ ਬਣਾਉਣ ਲਈ ਹਮੇਸ਼ਾ ਤਾਜ਼ੇ ਆਟੇ ਦੀ ਹੀ ਵਰਤੋਂ ਕਰੋ। ਇਸ ਨਾਲ ਪਰਿਵਾਰ ਵਿੱਚ ਸਫੂਰਤੀ, ਸਿਹਤ ਅਤੇ ਸਕਾਰਾਤਮਕਤਾ ਬਣੀ ਰਹਿੰਦੀ ਹੈ।
ਮੰਨਿਆ ਜਾਂਦਾ ਹੈ ਕਿ ਬਾਸੀ ਆਟੇ ਦੀ ਵਰਤੋਂ ਕਰਨ ਨਾਲ ਘਰ ਵਿੱਚ ਆਲਸ ਅਤੇ ਨਕਾਰਾਤਮਕਤਾ ਆਉਂਦੀ ਹੈ।
ਬੇਦਾਅਵਾ : ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਅਸੀਂ ਇੱਥੇ ਲਿਖੀਆਂ ਗਈਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ। ਇਸ ਲੇਖ ਵਿੱਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਅਸੀਂ ਅੰਧਵਿਸ਼ਵਾਸ ਦੇ ਵਿਰੁੱਧ ਹਾਂ।