8 ਜੂਨ ਤੋਂ ਇਨ੍ਹਾਂ ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ, ਸੂਰਜ ਦੇ ਮ੍ਰਿਗਸ਼ਿਰਾ ਨਕਸ਼ਤਰ 'ਚ ਜਾਂਦੇ ਹੀ ਬਿਜ਼ਨੈੱਸ 'ਚ ਮਿਲੇਗੀ ਵੱਡੀ ਕਾਮਯਾਬੀ

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਸੂਰਜ ਦੇਵਤਾ ਦਾ ਇਹ ਗੋਚਰ (ਰਾਸ਼ੀ ਬਦਲਾਅ) ਦੋ ਮੁੱਖ ਪੜਾਵਾਂ ਵਿੱਚ ਵੰਡਿਆ ਹੋਇਆ ਹੈ। ਪਹਿਲਾ ਪੜਾਅ 8 ਜੂਨ 2026 ਤੋਂ 15 ਜੂਨ 2026 ਤੱਕ ਰਹੇਗਾ, ਜਿਸ ਦੌਰਾਨ ਸੂਰਜ ਦੇਵਤਾ ਬ੍ਰਿਖ (ਵ੍ਰਿਸ਼ਭ) ਰਾਸ਼ੀ 'ਚ ਸਥਿਤ ਰਹਿਣਗੇ। ਇਹ ਸਮਾਂ ਸਥਿਰਤਾ, ਆਰਥਿਕ ਚਿੰਤਨ ਅਤੇ ਵਿਹਾਰਕ ਕੰਮਾਂ ਲਈ ਬਹੁਤ ਢੁਕਵਾਂ ਹੈ।

ਦੂਜਾ ਪੜਾਅ 15 ਜੂਨ 2026 ਤੋਂ ਸ਼ੁਰੂ ਹੋਵੇਗਾ, ਜਦੋਂ ਸੂਰਜ ਦੇਵਤਾ ਮਿਥੁਨ ਰਾਸ਼ੀ ਵਿੱਚ ਪ੍ਰਵੇਸ਼ ਕਰਨਗੇ। ਮਿਥੁਨ ਰਾਸ਼ੀ ਵਿੱਚ ਸੂਰਜ ਦੇਵਤਾ ਦਾ ਆਗਮਨ ਸੰਚਾਰ (Communication), ਨੈੱਟਵਰਕਿੰਗ, ਸਿੱਖਣ ਦੀ ਸਮਰੱਥਾ ਅਤੇ ਨਵੀਂ ਪਹਿਲਕਦਮੀ ਕਰਨ ਦੀ ਸ਼ਕਤੀ ਨੂੰ ਵਧਾਉਂਦਾ ਹੈ। ਮ੍ਰਿਗਸ਼ਿਰਾ ਨਕਸ਼ਤਰ 'ਚ ਹੋਣ ਕਰਕੇ ਇਹ ਪੂਰੇ ਮਹੀਨੇ ਦਾ ਸਮਾਂ ਖੋਜ ਅਤੇ ਪੜਤਾਲ ਲਈ ਸਮਰਪਿਤ ਰਹੇਗਾ। ਅਜਿਹੇ 'ਚ ਆਓ ਐਸਟ੍ਰੋਲੋਜਰ ਆਨੰਦ ਸਾਗਰ ਪਾਠਕ ਤੋਂ ਜਾਣਦੇ ਹਾਂ ਕਿ ਇਸ ਗੋਚਰ ਦਾ ਮੇਖ ਤੋਂ ਕੰਨਿਆ ਰਾਸ਼ੀ 'ਤੇ ਕੀ ਪ੍ਰਭਾਵ ਪਵੇਗਾ।

1. ਮੇਖ ਰਾਸ਼ੀ (Aries): ਸੂਰਜ ਦੇਵਤਾ ਦਾ ਗੋਚਰ ਤੁਹਾਡੇ ਦੂਜੇ ਭਾਵ ਤੋਂ ਸ਼ੁਰੂ ਹੋ ਕੇ ਤੀਜੇ ਭਾਵ ਤਕ ਜਾਵੇਗਾ। ਪਹਿਲੇ ਪੜਾਅ 'ਚ ਤੁਹਾਡਾ ਧਿਆਨ ਪਰਿਵਾਰ ਦੀਆਂ ਲੋੜਾਂ ਅਤੇ ਇਕੱਠੇ ਕੀਤੇ ਧਨ ਦੀ ਸੁਰੱਖਿਆ 'ਤੇ ਰਹੇਗਾ। 15 ਜੂਨ ਤੋਂ ਬਾਅਦ ਸੂਰਜ ਦੇਵਤਾ ਤੁਹਾਡੇ ਤੀਜੇ ਭਾਵ 'ਚ ਆਉਣਗੇ ਜਿਸ ਨਾਲ ਤੁਹਾਡੇ ਸਾਹਸ ਤੇ ਪਰਾਕ੍ਰਮ 'ਚ ਵਾਧਾ ਹੋਵੇਗਾ। ਤੁਹਾਡੀ ਗੱਲਬਾਤ ਦੀ ਸ਼ੈਲੀ 'ਚ ਵੱਖਰੀ ਚਮਕ ਦੇਖਣ ਨੂੰ ਮਿਲੇਗੀ।

ਉਪਾਅ: ਰੋਜ਼ਾਨਾ ਸਵੇਰੇ ਸੂਰਜ ਦੇਵਤਾ ਨੂੰ ਜਲ ਅਰਪਣ ਕਰੋ ਅਤੇ "ॐ घृणि सूर्याय नमः" ਦਾ ਜਾਪ ਕਰੋ।

2. ਬ੍ਰਿਖ ਰਾਸ਼ੀ (Taurus): ਇਹ ਗੋਚਰ ਤੁਹਾਡੇ ਪਹਿਲੇ ਭਾਵ ਤੋਂ ਸ਼ੁਰੂ ਹੋ ਕੇ ਦੂਜੇ ਭਾਵ ਤਕ ਜਾ ਰਿਹਾ ਹੈ। ਪਹਿਲੇ ਪੜਾਅ 'ਚ ਤੁਹਾਡਾ ਆਤਮਵਿਸ਼ਵਾਸ ਉੱਚੇ ਪੱਧਰ 'ਤੇ ਰਹੇਗਾ। 15 ਜੂਨ ਤੋਂ ਬਾਅਦ ਸੂਰਜ ਦੇਵਤਾ ਤੁਹਾਡੇ ਦੂਜੇ ਭਾਵ 'ਚ ਪ੍ਰਵੇਸ਼ ਕਰਨਗੇ ਜਿਸ ਨਾਲ ਆਰਥਿਕ ਮੁੱਦਿਆਂ ਅਤੇ ਪਾਰਿਵਾਰਿਕ ਜਾਇਦਾਦ 'ਤੇ ਚਰਚਾਵਾਂ ਵਧ ਸਕਦੀਆਂ ਹਨ।

ਉਪਾਅ: ਆਪਣੇ ਕੰਮਾਂ 'ਚ ਨਿਮਰਤਾ ਰੱਖੋ। ਐਤਵਾਰ ਦੇ ਦਿਨ ਕਿਸੇ ਲੋੜਵੰਦ ਵਿਅਕਤੀ ਨੂੰ ਗੁੜ ਦਾ ਦਾਨ ਕਰੋ।

3. ਮਿਥੁਨ ਰਾਸ਼ੀ (Gemini): ਸੂਰਜ ਦੇਵਤਾ ਦਾ ਗੋਚਰ ਬਾਰ੍ਹਵੇਂ (ਦੁਆਦਸ਼) ਭਾਵ ਤੋਂ ਸ਼ੁਰੂ ਹੋ ਕੇ ਤੁਹਾਡੇ ਪਹਿਲੇ ਭਾਵ 'ਚ ਹੋਵੇਗਾ। ਪਹਿਲੇ ਪੜਾਅ 'ਚ ਤੁਸੀਂ ਆਤਮ-ਚਿੰਤਨ (ਸੈਲਫ-ਰਿਫਲੈਕਸ਼ਨ) ਦੀ ਸਥਿਤੀ 'ਚ ਰਹੋਗੇ। 15 ਜੂਨ ਤੋਂ ਬਾਅਦ ਸੂਰਜ ਦੇਵਤਾ ਤੁਹਾਡੀ ਰਾਸ਼ੀ 'ਚ ਪ੍ਰਵੇਸ਼ ਕਰਨਗੇ ਜਿਸ ਨਾਲ ਤੁਹਾਡੀ ਸ਼ਖ਼ਸੀਅਤ 'ਚ ਇਕ ਵੱਖਰਾ ਹੀ ਤੇਜ਼ ਅਤੇ ਲੀਡਰਸ਼ਿਪ ਦੀ ਸਮਰੱਥਾ ਦਿਖਾਈ ਦੇਵੇਗੀ।

ਉਪਾਅ: ਨਿਯਮਿਤ ਰੂਪ 'ਚ ਮੈਡੀਟੇਸ਼ਨ ਦਾ ਅਭਿਆਸ ਕਰੋ। ਐਤਵਾਰ ਦੇ ਦਿਨ ਤਾਂਬੇ ਦੇ ਬਰਤਨ ਦਾ ਦਾਨ ਕਰੋ।

4. ਕਰਕ ਰਾਸ਼ੀ (Cancer): ਸੂਰਜ ਦੇਵਤਾ ਦਾ ਗੋਚਰ ਗਿਆਰ੍ਹਵੇਂ (ਏਕਾਦਸ਼) ਭਾਵ ਤੋਂ ਸ਼ੁਰੂ ਹੋ ਕੇ ਬਾਰ੍ਹਵੇਂ ਭਾਵ 'ਚ ਹੋਵੇਗਾ। ਪਹਿਲੇ ਪੜਾਅ 'ਚ ਤੁਹਾਡੇ ਲਾਭ ਦੇ ਨਵੇਂ ਰਸਤੇ ਖੁੱਲ੍ਹਣਗੇ ਤੇ ਸਮਾਜਿਕ ਦਾਇਰੇ 'ਚ ਵਾਧਾ ਹੋਵੇਗਾ। 15 ਜੂਨ ਤੋਂ ਬਾਅਦ ਸੂਰਜ ਦੇਵਤਾ ਬਾਰ੍ਹਵੇਂ ਭਾਵ 'ਚ ਜਾਣਗੇ, ਜਿੱਥੇ ਤੁਹਾਨੂੰ ਆਪਣੇ ਖਰਚਿਆਂ ਦੀ ਯੋਜਨਾਬੰਦੀ 'ਤੇ ਧਿਆਨ ਦੇਣਾ ਹੋਵੇਗਾ।

ਉਪਾਅ: ਐਤਵਾਰ ਦੇ ਦਿਨ ਕਣਕ ਦਾ ਦਾਨ ਕਰੋ ਅਤੇ ਸੂਰਜ ਦੇਵਤਾ ਦੇ ਮੰਤਰ ਦਾ ਜਾਪ ਕਰੋ।

5. ਸਿੰਘ ਰਾਸ਼ੀ (Leo): ਸੂਰਜ ਦੇਵਤਾ ਦਾ ਗੋਚਰ ਦਸਵੇਂ ਭਾਵ ਤੋਂ ਸ਼ੁਰੂ ਹੋ ਕੇ ਗਿਆਰ੍ਹਵੇਂ ਭਾਵ 'ਚ ਹੋਵੇਗਾ। ਨੌਕਰੀ/ਕਾਰੋਬਾਰ 'ਚ ਤੁਹਾਡਾ ਮਾਣ-ਸਤਿਕਾਰ ਅਤੇ ਪ੍ਰਭਾਵ ਵਧੇਗਾ। 15 ਜੂਨ ਤੋਂ ਬਾਅਦ ਸੂਰਜ ਦੇਵਤਾ ਗਿਆਰ੍ਹਵੇਂ ਭਾਵ 'ਚ ਪ੍ਰਵੇਸ਼ ਕਰਨਗੇ, ਜਿਸ ਨਾਲ ਤੁਹਾਡੀਆਂ ਇੱਛਾਵਾਂ ਪੂਰੀਆਂ ਹੋਣਗੀਆਂ।

ਉਪਾਅ: ਚੜ੍ਹਦੇ ਹੋਏ ਸੂਰਜ ਦੇਵਤਾ ਨੂੰ ਜਲ ਦਾ ਅਰਘ ਦਿਓ। ਐਤਵਾਰ ਨੂੰ ਲਾਲ ਫੁੱਲ ਅਰਪਣ ਕਰਨਾ ਸ਼ੁਭ ਰਹੇਗਾ।

6. ਕੰਨਿਆ ਰਾਸ਼ੀ (Virgo): ਸੂਰਜ ਦੇਵਤਾ ਨਵੇਂ (ਨਵਮ) ਭਾਵ ਤੋਂ ਗੋਚਰ ਕਰਦੇ ਹੋਏ ਦਸਵੇਂ ਭਾਵ ਵਿਚ ਪ੍ਰਵੇਸ਼ ਕਰਨਗੇ। ਪਹਿਲੇ ਪੜਾਅ 'ਚ ਤੁਹਾਨੂੰ ਆਪਣੇ ਗੁਰੂਆਂ ਤੋਂ ਸਿੱਖਣ ਦਾ ਮੌਕਾ ਮਿਲੇਗਾ। 15 ਜੂਨ ਤੋਂ ਬਾਅਦ ਦਸਵੇਂ ਭਾਵ 'ਚ ਸੂਰਜ ਦੇਵਤਾ ਦਾ ਆਉਣਾ ਤੁਹਾਡੇ ਕਰੀਅਰ ਨੂੰ ਨਵੀਂ ਰਫ਼ਤਾਰ ਪ੍ਰਦਾਨ ਕਰੇਗਾ।

ਉਪਾਅ: ਆਪਣੇ ਗੁਰੂਆਂ ਤੇ ਮਾਰਗਦਰਸ਼ਕਾਂ ਦਾ ਆਸ਼ੀਰਵਾਦ ਲਓ। ਐਤਵਾਰ ਨੂੰ ਗੁੜ ਅਤੇ ਛੋਲਿਆਂ ਦੀ ਦਾਲ ਦਾ ਦਾਨ ਕਰੋ।

ਲੇਖਕ: ਸ਼੍ਰੀ ਆਨੰਦ ਸਾਗਰ ਪਾਠਕ, astropatri.com, ਫੀਡਬੈਕ ਲਈ ਲਿਖੋ: hello@astropatri.com