ਪੰਨਾ, ਲੈਪਿਸ ਜਾਂ ਰੋਜ਼ ਕੁਆਰਟਜ਼? ਜਾਣੋ ਤੁਹਾਡੀ ਕਿਸਮਤ ਤੇ ਜੀਵਨ ਲਈ ਕਿਹੜੇ ਰਤਨ ਦੀ ਗਣੇਸ਼ ਮੂਰਤੀ ਹੈ ਸਭ ਤੋਂ ਉੱਤਮ

ਧਰਮ ਡੈਸਕ, ਨਵੀਂ ਦਿੱਲੀ : ਭਗਵਾਨ ਗਣੇਸ਼ ਦੀ ਦੈਵੀ ਹਾਜ਼ਰੀ ਸਾਡੇ ਜੀਵਨ ਵਿਚ ਆਉਣ ਵਾਲੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਦੇ ਨਾਲ-ਨਾਲ ਨਵੀਂ ਸ਼ੁਰੂਆਤ ਦੀ ਗਵਾਹ ਵੀ ਬਣਦੀ ਹੈ। ਕਈ ਲੋਕਾਂ ਨੂੰ ਆਪਣੇ ਘਰ, ਆਫ਼ਿਸ ਅਤੇ ਕਾਰ 'ਚ ਬੱਪਾ ਦੀ ਮੂਰਤੀ ਰੱਖਣ ਦਾ ਸ਼ੌਕ ਹੁੰਦਾ ਹੈ। ਗਣੇਸ਼ ਜੀ ਦੀਆਂ ਰਵਾਇਤੀ ਮੂਰਤੀਆਂ ਲੰਬੇ ਸਮੇਂ ਤੋਂ ਘਰਾਂ ਦਾ ਹਿੱਸਾ ਰਹੀਆਂ ਹਨ, ਪਰ ਰਤਨਾਂ ਤੋਂ ਬਣੀਆਂ ਗਣੇਸ਼ ਜੀ ਦੀਆਂ ਮੂਰਤੀਆਂ ਦਾ ਵੀ ਅਧਿਆਤਮਕ ਮਹੱਤਵ ਹੁੰਦਾ ਹੈ। ਆਓ ਜਾਣਦੇ ਹਾਂ ਗਣੇਸ਼ ਜੀ ਦੀਆਂ ਵੱਖ-ਵੱਖ ਰਤਨਾਂ ਤੋਂ ਬਣੀਆਂ ਮੂਰਤੀਆਂ ਦੀ ਵਿਸ਼ੇਸ਼ਤਾ ਬਾਰੇ।

ਰਤਨ ਜੜਿਤ ਗਣੇਸ਼ ਜੀ ਦੀਆਂ ਮੂਰਤੀਆਂ

ਹਿੰਦੂ ਧਰਮ 'ਚ ਰਤਨਾਂ ਨੂੰ ਸਦੀਆਂ ਤੋਂ ਉਨ੍ਹਾਂ ਦੇ ਰਹੱਸਮਈ ਗੁਣਾਂ ਤੇ ਸੁੰਦਰਤਾ ਲਈ ਖਾਸ ਮਹੱਤਵ ਦਿੱਤਾ ਜਾਂਦਾ ਹੈ। ਭਗਵਾਨ ਗਣੇਸ਼ ਦੀ ਮੂਰਤੀ ਨੂੰ ਰਤਨ ਨਾਲ ਸਜਾਉਣ 'ਤੇ ਉਨ੍ਹਾਂ ਦੀ ਕੁਦਰਤੀ ਊਰਜਾ ਵਧਦੀ ਹੈ ਜੋ ਅਧਿਆਤਮ ਦਾ ਇਕ ਸ਼ਕਤੀਸ਼ਾਲੀ ਸਾਧਨ ਮੰਨਿਆ ਜਾਂਦਾ ਹੈ। ਰਤਨਾਂ ਨਾਲ ਸੁਸੱਜਿਤ ਗਣੇਸ਼ ਜੀ ਦੀਆਂ ਮੂਰਤੀਆਂ ਸਿਰਫ਼ ਸੁੰਦਰਤਾ ਹੀ ਨਹੀਂ ਵਧਾਉਂਦੀਆਂ, ਬਲਕਿ ਅਧਿਆਤਮਕ ਸਾਧਨਾ ਨੂੰ ਵੀ ਅਮੀਰ ਕਰਦੀਆਂ ਹਨ।

ਐਵੇਂਟਿਊਰਿਨ (Aventurine) ਤੋਂ ਬਣੀ ਗਣੇਸ਼ ਪ੍ਰਤਿਮਾ

ਚੰਗੀ ਕਿਸਮਤ ਤੇ ਖੁਸ਼ਹਾਲੀ ਪ੍ਰਾਪਤ ਕਰਨ ਲਈ ਐਵੇਂਟਿਊਰਿਨ ਤੋਂ ਬਣੀ ਗਣੇਸ਼ ਜੀ ਦੀ ਮੂਰਤੀ ਸਹੀ ਮੰਨੀ ਜਾਂਦੀ ਹੈ। ਰਤਨ ਸ਼ਾਸਤਰ 'ਚ ਐਵੇਂਟਿਊਰਿਨ ਨੂੰ ਅਵਸਰ ਦਾ ਪੱਥਰ ਵੀ ਕਹਾ ਜਾਂਦਾ ਹੈ ਤੇ ਮੰਨਿਆ ਜਾਂਦਾ ਹੈ ਕਿ ਇਹ ਧਨ ਅਤੇ ਖੁਸ਼ਹਾਲੀ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦਾ ਹੈ। ਦਿਖਣ 'ਚ ਸੁੰਦਰ ਐਵੇਂਟਿਊਰਿਨ ਹਰੇ ਰੰਗ ਦਾ ਪੱਥਰ ਹੁੰਦਾ ਹੈ, ਜੋ ਸੌਭਾਗ ਤੇ ਖੁਸ਼ਹਾਲੀ ਦੇ ਨਵੇਂ ਦੁਆਰ ਖੋਲ੍ਹਦਾ ਹੈ।

ਨੀਲੇ ਰੰਗ ਦੀ ਲੈਪਿਸ (Lapis Lazuli) ਗਣੇਸ਼ ਮੂਰਤੀ

ਜੇਕਰ ਤੁਸੀਂ ਵੀ ਆਪਣੇ ਜੀਵਨ ਵਿਚ ਸ਼ਾਂਤੀ ਤੇ ਸਕੂਨ ਚਾਹੁੰਦੇ ਹੋ ਤਾਂ ਨੀਲੇ ਲੈਪਿਸ ਪੱਥਰ ਤੋਂ ਬਣੀਆਂ ਗਣੇਸ਼ ਜੀ ਦੀਆਂ ਮੂਰਤੀਆਂ ਤੁਹਾਡੇ ਲਈ ਬਿਹਤਰ ਵਿਕਲਪ ਸਾਬਿਤ ਹੋ ਸਕਦੀਆਂ ਹਨ। ਨੀਲਾ ਲੈਪਿਸ ਪੱਥਰ ਸ਼ਾਂਤ ਕਰਨ ਵਾਲੇ ਗੁਣਾਂ ਲਈ ਜਾਣਿਆ ਜਾਂਦਾ ਹੈ। ਇਸ ਪੱਥਰ ਦਾ ਗੂੜ੍ਹਾ ਨੀਲਾ ਰੰਗ ਸਮੁੰਦਰ ਦੀ ਯਾਦ ਦਿਵਾਉਂਦਾ ਹੈ ਜੋ ਸ਼ਾਂਤੀ ਅਤੇ ਸਕੂਨ ਦੀ ਭਾਵਨਾ ਨੂੰ ਜਗਾਉਂਦਾ ਹੈ।

ਟਾਈਗਰ ਆਈ ਨਾਲ ਬਣੀ ਗਣੇਸ਼ ਪ੍ਰਤਿਮਾ

ਜਿਨ੍ਹਾਂ ਵੀ ਲੋਕਾਂ ਨੂੰ ਸਾਹਸ ਤੇ ਸ਼ਕਤੀ ਦੀ ਲੋੜ ਹੁੰਦੀ ਹੈ, ਉਨ੍ਹਾਂ ਲਈ ਟਾਈਗਰ ਆਈ ਨਾਲ ਜੜਿਆ ਗਣੇਸ਼ ਜੀ ਦਾ ਇਹ ਰਤਨ ਸ਼ਕਤੀਸ਼ਾਲੀ ਸਹਿਯੋਗੀ ਹੈ। ਟਾਈਗਰ ਆਈ ਇਕ ਸੁਰੱਖਿਆਤਮਕ ਪੱਥਰ ਹੈ ਜੋ ਆਪਣੇ ਸੁਨਹਿਰੀ-ਭੂਰੇ ਰੰਗ ਤੇ ਚਮਕਦਾਰ ਧਾਰੀਆਂ ਲਈ ਜਾਣਿਆ ਜਾਂਦਾ ਹੈ।

ਪੰਨਾ (Emerald) ਗਣੇਸ਼ ਪ੍ਰਤਿਮਾ

ਜਿਹੜੇ ਲੋਕ ਵਿਕਾਸ ਤੇ ਨਵੀਨੀਕਰਨ ਦੀ ਖੋਜ ਵਿਚ ਹਨ, ਉਨ੍ਹਾਂ ਲਈ ਪੰਨਾ ਰਤਨ ਤੋਂ ਬਣੀ ਗਣੇਸ਼ ਪ੍ਰਤਿਮਾ ਇਕ ਖਾਸ ਵਿਕਲਪ ਹੈ। ਪੰਨਾ ਇਕ ਚਮਕਦਾਰ ਹਰਾ ਰਤਨ ਹੈ ਜੋ ਵਿਕਾਸ, ਨਵੀਨੀਕਰਨ ਤੇ ਖੁਸ਼ਹਾਲੀ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਪੰਨੇ ਤੋਂ ਬਣੀ ਗਣੇਸ਼ ਜੀ ਦੀ ਮੂਰਤੀ ਘਰ ਵਿਚ ਸਥਾਪਿਤ ਕਰਨ ਨਾਲ ਸਕਾਰਾਤਮਕ ਬਦਲਾਅ ਆਉਂਦੇ ਹਨ।

ਰੋਜ਼ ਕੁਆਰਟਜ਼ (Rose Quartz) ਗਣੇਸ਼ ਪ੍ਰਤਿਮਾ

ਅਜਿਹੇ ਵਿਅਕਤੀ ਜੋ ਪ੍ਰੇਮ ਅਤੇ ਸ਼ਾਂਤੀ ਦੀ ਖੋਜ ਵਿਚ ਹਨ, ਉਨ੍ਹਾਂ ਨੂੰ ਆਪਣੇ ਘਰ ਵਿਚ ਰੋਜ਼ ਕੁਆਰਟਜ਼ ਤੋਂ ਬਣੀ ਗਣੇਸ਼ ਪ੍ਰਤਿਮਾ ਜ਼ਰੂਰ ਲਿਆਉਣੀ ਚਾਹੀਦੀ ਹੈ। ਰੋਜ਼ ਕੁਆਰਟਜ਼ ਇਕ ਅਜਿਹਾ ਸਰਬਵਿਆਪੀ ਰਤਨ ਹੈ ਜੋ ਭਾਵਨਾਤਮਕ ਸ਼ਾਂਤੀ ਅਤੇ ਰਿਸ਼ਤਿਆਂ ਨੂੰ ਮਜ਼ਬੂਤ ਬਣਾਉਣ 'ਚ ਮਦਦ ਕਰਦਾ ਹੈ। ਇਸ ਦਾ ਹਲਕਾ ਗੁਲਾਬੀ ਰੰਗ ਜੀਵਨ 'ਚ ਸਨੇਹ ਤੇ ਦਯਾ ਦਾ ਸੰਚਾਰ ਕਰਦਾ ਹੈ।