ਕੀ ਤੁਸੀਂ ਵੀ ਜੁੱਤੇ-ਚੱਪਲਾਂ ਪਾ ਕੇ ਬਣਾਉਂਦੇ ਹੋ ਖਾਣਾ? ਘਰ ਵਿਚ ਆ ਸਕਦੀ ਹੈ ਕੰਗਾਲੀ, ਜਾਣੋ ਕੀ ਕਹਿੰਦਾ ਹੈ ਵਾਸਤੂ
ਵਾਸਤੂ ਸ਼ਾਸਤਰ ਅਨੁਸਾਰ, ਜੁੱਤੇ-ਚੱਪਲਾਂ ਨਾਲ ਰਾਹੂ-ਕੇਤੂ (ਨਕਾਰਾਤਮਕ ਊਰਜਾ) ਦਾ ਪ੍ਰਭਾਵ ਜੁੜਿਆ ਹੁੰਦਾ ਹੈ। ਜਦੋਂ ਇਹ ਨਕਾਰਾਤਮਕ ਊਰਜਾ ਰਸੋਈ 'ਚ ਪਹੁੰਚਦੀ ਹੈ ਤਾਂ ਖਾਣੇ ਰਾਹੀਂ ਪੂਰੇ ਪਰਿਵਾਰ ਦੇ ਸਰੀਰ 'ਚ ਪ੍ਰਵੇਸ਼ ਕਰ ਜਾਂਦੀ ਹੈ। ਇਸ ਨਾਲ ਘਰ ਵਿਚ ਬਿਮਾਰੀਆਂ ਵਧਦੀਆਂ ਹਨ, ਬਿਨਾਂ ਵਜ੍ਹਾ ਦੇ ਝਗੜੇ ਹੁੰਦੇ ਹਨ ਅਤੇ ਘਰ ਦੀ ਬਰਕਤ (ਧਨ) ਰੁਕ ਜਾਂਦੀ ਹੈ।
Posted By Seema Anand
Publish Date: Tue, 17 Mar 2026 01:32 PM (IST)
Updated Date: Tue, 17 Mar 2026 02:42 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਭਾਰਤੀ ਸੱਭਿਆਚਾਰ 'ਚ ਰਸੋਈ ਨੂੰ ਘਰ ਦਾ ਸਭ ਤੋਂ ਪਵਿੱਤਰ ਹਿੱਸਾ ਮੰਨਿਆ ਜਾਂਦਾ ਹੈ। ਆਖ਼ਰ ਕਿਉਂ ਸਾਡੇ ਵੱਡੇ-ਬਜ਼ੁਰਗ ਹਮੇਸ਼ਾ ਰਸੋਈ 'ਚ ਚੱਪਲਾਂ ਲਿਜਾਣ ਤੋਂ ਮਨ੍ਹਾ ਕਰਦੇ ਸਨ ਤੇ ਵਾਸਤੂ ਸ਼ਾਸਤਰ ਇਸ ਬਾਰੇ ਕੀ ਚਿਤਾਵਨੀ ਦਿੰਦਾ ਹੈ, ਆਓ ਜਾਣਦੇ ਹਾਂ। ਰਸੋਈ ਸਿਰਫ਼ ਖਾਣਾ ਪਕਾਉਣ ਦੀ ਜਗ੍ਹਾ ਨਹੀਂ ਹੈ, ਸਗੋਂ ਇੱਥੇ ਧਨ ਅਤੇ ਅੰਨ ਦੀ ਦੇਵੀ ਮਾਂ ਅੰਨਪੂਰਨਾ ਦਾ ਵਾਸ ਹੁੰਦਾ ਹੈ। ਜਦੋਂ ਅਸੀਂ ਬਾਹਰੋਂ ਗੰਦੇ ਜੁੱਤੇ-ਚੱਪਲ ਪਾ ਕੇ ਰਸੋਈ 'ਚ ਜਾਂਦੇ ਹਾਂ ਤਾਂ ਅਸੀਂ ਅਣਜਾਣੇ 'ਚ ਦੇਵੀ ਦਾ ਅਪਮਾਨ ਕਰ ਰਹੇ ਹੁੰਦੇ ਹਾਂ।
ਕੀ ਕਹਿੰਦਾ ਹੈ ਵਾਸਤੂ ਸ਼ਾਸਤਰ? (Vastu Shastra)
ਪ੍ਰਾਚੀਨ ਵਾਸਤੂ ਗ੍ਰੰਥਾਂ 'ਚ ਘਰ ਦੇ ਦੋ ਹਿੱਸਿਆਂ ਨੂੰ ਹਮੇਸ਼ਾ ਸਭ ਤੋਂ ਸ਼ੁੱਧ ਰੱਖਣ 'ਤੇ ਜ਼ੋਰ ਦਿੱਤਾ ਗਿਆ ਹੈ- ਪਹਿਲਾ ਪੂਜਾ ਘਰ ਅਤੇ ਦੂਜਾ ਰਸੋਈ।
ਵਾਸਤੂ ਸ਼ਾਸਤਰ ਅਨੁਸਾਰ, ਜੁੱਤੇ-ਚੱਪਲਾਂ ਨਾਲ ਰਾਹੂ-ਕੇਤੂ (ਨਕਾਰਾਤਮਕ ਊਰਜਾ) ਦਾ ਪ੍ਰਭਾਵ ਜੁੜਿਆ ਹੁੰਦਾ ਹੈ। ਜਦੋਂ ਇਹ ਨਕਾਰਾਤਮਕ ਊਰਜਾ ਰਸੋਈ 'ਚ ਪਹੁੰਚਦੀ ਹੈ ਤਾਂ ਖਾਣੇ ਰਾਹੀਂ ਪੂਰੇ ਪਰਿਵਾਰ ਦੇ ਸਰੀਰ 'ਚ ਪ੍ਰਵੇਸ਼ ਕਰ ਜਾਂਦੀ ਹੈ। ਇਸ ਨਾਲ ਘਰ ਵਿਚ ਬਿਮਾਰੀਆਂ ਵਧਦੀਆਂ ਹਨ, ਬਿਨਾਂ ਵਜ੍ਹਾ ਦੇ ਝਗੜੇ ਹੁੰਦੇ ਹਨ ਅਤੇ ਘਰ ਦੀ ਬਰਕਤ (ਧਨ) ਰੁਕ ਜਾਂਦੀ ਹੈ।
ਵਿਗਿਆਨਕ ਨਜ਼ਰੀਆ ਕੀ ਹੈ?
ਜੇਕਰ ਧਾਰਮਿਕ ਨਜ਼ਰੀਏ ਤੋਂ ਹਟ ਕੇ ਦੇਖੀਏ ਤਾਂ ਵੀ ਇਹ ਆਦਤ ਬਹੁਤ ਨੁਕਸਾਨਦਾਇਕ ਹੈ। ਸਾਡੇ ਜੁੱਤਿਆਂ 'ਚ ਬਾਹਰ ਦੀਆਂ ਸੜਕਾਂ ਦੀ ਗੰਦਗੀ, ਕਿਟਾਣੂ ਤੇ ਬੈਕਟੀਰੀਆ ਚਿਪਕੇ ਹੁੰਦੇ ਹਨ। ਜਦੋਂ ਉਹੀ ਚੱਪਲਾਂ ਰਸੋਈ 'ਚ ਜਾਂਦੀਆਂ ਹਨ ਤਾਂ ਉਹੀ ਗੰਦਗੀ ਸਾਡੇ ਖਾਣੇ ਤਕ ਪਹੁੰਚ ਸਕਦੀ ਹੈ ਜਿਸ ਨਾਲ ਪਰਿਵਾਰ ਦੀ ਸਿਹਤ ਵਿਗੜ ਸਕਦੀ ਹੈ।
ਜੇਕਰ ਪਹਿਨਣਾ ਮਜਬੂਰੀ ਹੋਵੇ ਤਾਂ ਕੀ ਕਰੀਏ?
ਕਈ ਵਾਰ ਸਰਦੀਆਂ ਦੇ ਮੌਸਮ 'ਚ ਫਰਸ਼ ਬਹੁਤ ਠੰਢਾ ਹੁੰਦਾ ਹੈ ਜਾਂ ਕਿਸੇ ਨੂੰ ਜੋੜਾਂ ਦੇ ਦਰਦ (ਮੈਡੀਕਲ ਸਮੱਸਿਆ) ਕਾਰਨ ਚੱਪਲ ਪਾਉਣੀ ਜ਼ਰੂਰੀ ਹੁੰਦੀ ਹੈ। ਅਜਿਹੇ 'ਚ ਵਾਸਤੂ ਦਾ ਇੱਕ ਆਸਾਨ ਉਪਾਅ ਹੈ:
ਆਪਣੀ ਰਸੋਈ ਲਈ ਇਕ ਵੱਖਰੀ ਤੇ ਸਾਫ਼ 'ਕੱਪੜੇ ਜਾਂ ਉੱਨ ਦੀ ਚੱਪਲ' ਰੱਖੋ।
ਇਸ ਚੱਪਲ ਨੂੰ ਪਾ ਕੇ ਘਰ ਦੇ ਬਾਹਰ ਜਾਂ ਬਾਥਰੂਮ 'ਚ ਬਿਲਕੁਲ ਨਾ ਜਾਓ।
ਰਸੋਈ 'ਚ ਦੇਵੀ ਅੰਨਪੂਰਨਾ ਅਤੇ ਅਗਨੀ ਦੇਵ ਦਾ ਵਾਸ ਹੁੰਦਾ ਹੈ, ਅਸ਼ੁੱਧ ਪੈਰਾਂ ਨਾਲ ਉੱਥੇ ਜਾਣਾ ਉਨ੍ਹਾਂ ਦਾ ਸਿੱਧਾ ਅਪਮਾਨ ਹੈ।
ਬਾਹਰ ਦੀਆਂ ਚੱਪਲਾਂ ਰਸੋਈ 'ਚ ਲਿਜਾਣ ਨਾਲ ਘਰ ਵਿਚ ਨਕਾਰਾਤਮਕ ਊਰਜਾ ਵਧਦੀ ਹੈ, ਜਿਸ ਨਾਲ ਆਰਥਿਕ ਤੰਗੀ (ਪੈਸੇ ਦੀ ਕਮੀ) ਆ ਸਕਦੀ ਹੈ।
ਡਿਸਕਲੇਮਰ : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ ਹਨ। ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ (ਸੂਝ-ਬੂਝ) ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।