ਸ਼ਨੀਵਾਰ ਨੂੰ ਪਿੱਪਲ ਹੇਠਾਂ ਸਿਰਫ਼ ਦੀਵਾ ਨਹੀਂ, ਨਾਲ ਜ਼ਰੂਰ ਕਰੋ ਇਹ ਕੰਮ, ਚਮਕ ਜਾਵੇਗੀ ਸੁੱਤੀ ਹੋਈ ਕਿਸਮਤ

ਧਰਮ ਡੈਸਕ, ਨਵੀਂ ਦਿੱਲੀ: ਸ਼ਨੀਵਾਰ ਦਾ ਦਿਨ ਨਿਆਂ ਦੇ ਦੇਵਤਾ ਸ਼ਨੀਦੇਵ ਨੂੰ ਸਮਰਪਿਤ ਹੈ। ਸ਼ਨੀਦੇਵ ਨੂੰ ਪ੍ਰਸੰਨ ਕਰਨ ਤੇ ਉਨ੍ਹਾਂ ਦੀ ਕਿਰਪਾ ਪਾਉਣ ਲਈ ਪਿੱਪਲ ਦੇ ਰੁੱਖ ਦੀ ਪੂਜਾ ਨੂੰ ਸਭ ਤੋਂ ਸ਼ੁਭ ਮੰਨਿਆ ਗਿਆ ਹੈ। ਅਕਸਰ ਲੋਕ ਸ਼ਨੀਵਾਰ ਸ਼ਾਮ ਨੂੰ ਪਿੱਪਲ ਹੇਠਾਂ ਦੀਵਾ ਤਾਂ ਜਗਾਉਂਦੇ ਹਨ ਪਰ ਕੁਝ ਵਿਸ਼ੇਸ਼ ਕੰਮ ਕਰਨਾ ਭੁੱਲ ਜਾਂਦੇ ਹਨ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਪਿੱਪਲ ਹੇਠਾਂ ਦੀਵਾ ਜਗਾਉਣ ਦੇ ਨਾਲ-ਨਾਲ ਜੇਕਰ ਕੁਝ ਵਿਸ਼ੇਸ਼ ਉਪਾਅ (Shaniwar Upay) ਕੀਤੇ ਜਾਣ ਤਾਂ ਸੁੱਤੀ ਹੋਈ ਕਿਸਮਤ ਵੀ ਚਮਕ ਸਕਦੀ ਹੈ।

ਪਿੱਪਲ 'ਚ ਦੇਵਤਿਆਂ ਦਾ ਵਾਸ

अश्वत्थः सर्ववृक्षाणां देवर्षीणां च नारदः।

गन्धर्वाणां चित्ररथः सिद्धानां कपिलो मुनिः॥

ਸ਼ਾਸਤਰਾਂ 'ਚ ਪਿੱਪਲ ਨੂੰ 'ਦੇਵ ਰੁੱਖ' ਮੰਨਿਆ ਗਿਆ ਹੈ। ਸ਼੍ਰੀਮਦਭਗਵਦ ਗੀਤਾ 'ਚ ਖੁਦ ਭਗਵਾਨ ਕ੍ਰਿਸ਼ਨ ਨੇ ਕਿਹਾ ਹੈ ਕਿ 'ਰੁੱਖਾਂ ਵਿਚ ਮੈਂ ਪਿੱਪਲ ਹਾਂ।' ਸ਼ਨੀਵਾਰ ਦੇ ਦਿਨ ਪਿੱਪਲ ਦੇ ਰੁੱਖ ਵਿਚ ਬ੍ਰਹਮਾ, ਵਿਸ਼ਨੂੰ ਅਤੇ ਮਹੇਸ਼ ਦੇ ਨਾਲ-ਨਾਲ ਸ਼ਨੀ ਦੇਵ ਦਾ ਵੀ ਵਾਸ ਮੰਨਿਆ ਜਾਂਦਾ ਹੈ। ਇਸ ਲਈ ਇਸ ਦਿਨ ਕੀਤੀ ਗਈ ਪੂਜਾ ਦਾ ਫਲ ਅਕਸ਼ੈ (ਕਦੇ ਨਾ ਖ਼ਤਮ ਹੋਣ ਵਾਲਾ) ਹੁੰਦਾ ਹੈ।

ਦੀਵੇ ਦੇ ਨਾਲ ਕਰੋ ਇਹ ਕੰਮ

ਪਰਿਕਰਮਾ ਦਾ ਮਹੱਤਵ: ਪਿੱਪਲ ਹੇਠਾਂ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਉਣ ਤੋਂ ਬਾਅਦ ਰੁੱਖ ਦੀ ਸੱਤ ਵਾਰ ਪਰਿਕਰਮਾ ਜ਼ਰੂਰ ਕਰੋ। ਪਰਿਕਰਮਾ ਕਰਦੇ ਸਮੇਂ 'ॐ शं शनैश्चराय नमः' ਮੰਤਰ ਦਾ ਜਾਪ ਕਰੋ। ਇਹ ਸ਼ਨੀ ਦੋਸ਼ ਦੇ ਪ੍ਰਭਾਵ ਨੂੰ ਘੱਟ ਕਰਦਾ ਹੈ।

ਜਲ ਚੜ੍ਹਾਉਣਾ: ਸ਼ਨੀਵਾਰ ਦੀ ਸਵੇਰ ਤਾਂਬੇ ਦੇ ਲੋਟੇ ਵਿੱਚ ਜਲ, ਥੋੜ੍ਹਾ ਜਿਹਾ ਕੱਚਾ ਦੁੱਧ, ਕਾਲੇ ਤਿਲ ਅਤੇ ਚੀਨੀ ਮਿਲਾ ਕੇ ਪਿੱਪਲ ਦੀ ਜੜ੍ਹ ਵਿਚ ਅਰਪਿਤ ਕਰੋ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਪਿੱਤਰ ਪ੍ਰਸੰਨ ਹੁੰਦੇ ਹਨ ਅਤੇ ਘਰ ਵਿੱਚ ਸੁੱਖ-ਸ਼ਾਂਤੀ ਆਉਂਦੀ ਹੈ।

ਕਾਲੇ ਤਿਲ ਅਤੇ ਗੁੜ: ਦੀਵਾ ਜਗਾਉਣ ਦੇ ਨਾਲ-ਨਾਲ ਪਿੱਪਲ ਦੀ ਜੜ੍ਹ ਦੇ ਕੋਲ ਥੋੜ੍ਹੇ ਜਿਹੇ ਕਾਲੇ ਤਿਲ ਅਤੇ ਗੁੜ ਦੇ ਟੁਕੜੇ ਰੱਖੋ। ਇਹ ਕੀੜੀਆਂ ਤੇ ਛੋਟੇ ਜੀਵਾਂ ਲਈ ਭੋਜਨ ਦਾ ਕੰਮ ਕਰਦਾ ਹੈ, ਜੋ ਕੁੰਡਲੀ ਦੇ ਰਾਹੂ-ਕੇਤੂ ਦੋਸ਼ ਨੂੰ ਸ਼ਾਂਤ ਕਰਨ ਵਿੱਚ ਮਦਦ ਕਰਦਾ ਹੈ।

ਹਨੂਮਾਨ ਚਾਲੀਸਾ ਦਾ ਪਾਠ: ਸ਼ਨੀਦੇਵ ਨੇ ਹਨੂਮਾਨ ਜੀ ਨੂੰ ਵਚਨ ਦਿੱਤਾ ਸੀ ਕਿ ਜੋ ਉਨ੍ਹਾਂ ਦੀ ਪੂਜਾ ਕਰੇਗਾ, ਉਸ ਨੂੰ ਉਹ ਕਦੇ ਪਰੇਸ਼ਾਨ ਨਹੀਂ ਕਰਨਗੇ। ਇਸ ਲਈ ਪਿੱਪਲ ਦੇ ਹੇਠਾਂ ਬੈਠ ਕੇ ਹਨੂਮਾਨ ਚਾਲੀਸਾ ਦਾ ਪਾਠ ਕਰਨਾ ਬਹੁਤ ਮੰਗਲਕਾਰੀ ਮੰਨਿਆ ਜਾਂਦਾ ਹੈ।

ਸਾੜ੍ਹਸਤੀ ਤੇ ਢਈਏ ਤੋਂ ਰਾਹਤ

ਜਿਨ੍ਹਾਂ ਜਾਤਕਾਂ 'ਤੇ ਸ਼ਨੀ ਦੀ ਸਾੜ੍ਹਸਤੀ ਜਾਂ ਢਈਆ ਚੱਲ ਰਿਹਾ ਤਾਂ ਉਨ੍ਹਾਂ ਨੂੰ ਸ਼ਨੀਵਾਰ ਦੀ ਸ਼ਾਮ ਪਿੱਪਲ ਦੇ ਹੇਠਾਂ ਚੌਮੁਖੀ ਦੀਵਾ ਜਗਾਉਣਾ ਚਾਹੀਦਾ ਹੈ। ਦੀਵਾ ਜਗਾਉਣ ਤੋਂ ਬਾਅਦ ਪਿੱਛੇ ਮੁੜ ਕੇ ਨਾ ਦੇਖੋ ਅਤੇ ਸਿੱਧਾ ਘਰ ਆ ਜਾਓ। ਇਸ ਉਪਾਅ ਨੂੰ ਕਰਨ ਨਾਲ ਰੁਕੇ ਹੋਏ ਕੰਮ ਬਣਨ ਲੱਗਦੇ ਹਨ।

ਨਾ ਕਰੋ ਇਹ ਗਲਤੀ

ਧਿਆਨ ਰੱਖੋ ਕਿ ਐਤਵਾਰ ਦੇ ਦਿਨ ਪਿੱਪਲ ਦੇ ਰੁੱਖ ਨੂੰ ਨਾ ਛੂਹੋ। ਨਾਲ ਹੀ, ਪਿੱਪਲ ਦੇ ਸਾਹਮਣੇ ਦੀਵਾ ਸੂਰਜ ਚੜ੍ਹਨ ਅਤੇ ਸੂਰਜ ਡੁੱਬਣ ਵੇਲੇ ਹੀ ਜਗਾਉਣਾ ਫਲਦਾਇਕ ਮੰਨਿਆ ਜਾਂਦਾ ਹੈ।