Chaitra Navratri 2026: ਮਾਂ ਦੁਰਗਾ ਦੀਆਂ ਚਹੇਤੀਆਂ ਰਾਸ਼ੀਆਂ 'ਤੇ ਹੋਵੇਗੀ ਮਿਹਰ, ਜਾਣੋ ਕਿਤੇ ਤੁਹਾਡੀ ਰਾਸ਼ੀ ਵੀ ਤਾਂ ਨਹੀਂ?

ਧਰਮ ਡੈਸਕ, ਨਵੀਂ ਦਿੱਲੀ: ਚੇਤ ਦੇ ਨਰਾਤੇ (Chaitra Navratri 2026) ਦਾ ਪਵਿੱਤਰ ਤਿਉਹਾਰ ਮਾਂ ਦੁਰਗਾ ਦੀ ਪੂਜਾ ਨੂੰ ਸਮਰਪਿਤ ਹੈ। ਇਸ ਸਾਲ ਇਹ ਨਰਾਤੇ ਕੁਝ ਖਾਸ ਰਾਸ਼ੀਆਂ ਲਈ ਬਹੁਤ ਹੀ ਮੰਗਲਕਾਰੀ ਸਾਬਤ ਹੋਣ ਵਾਲੇ ਹਨ। ਜੋਤਿਸ਼ ਸ਼ਾਸਤਰ ਅਨੁਸਾਰ, ਗ੍ਰਹਿਆਂ ਦੀ ਵਿਸ਼ੇਸ਼ ਸਥਿਤੀ ਕਾਰਨ ਇਨ੍ਹਾਂ ਰਾਸ਼ੀਆਂ ਦੇ ਜੀਵਨ ਵਿੱਚ ਚਮਤਕਾਰੀ ਬਦਲਾਅ ਦੇਖਣ ਨੂੰ ਮਿਲਣਗੇ। ਆਓ ਜਾਣਦੇ ਹਾਂ ਉਨ੍ਹਾਂ ਕਿਸਮਤ ਵਾਲੀਆਂ ਰਾਸ਼ੀਆਂ ਬਾਰੇ:

1. ਮੇਖ ਰਾਸ਼ੀ (Aries)

ਮੇਖ ਰਾਸ਼ੀ ਦੇ ਸੁਆਮੀ ਮੰਗਲ ਦੇਵ ਹਨ, ਜੋ ਹਿੰਮਤ ਅਤੇ ਸ਼ਕਤੀ ਦੇ ਪ੍ਰਤੀਕ ਮੰਨੇ ਜਾਂਦੇ ਹਨ। ਮਾਂ ਦੁਰਗਾ ਖ਼ੁਦ ਸ਼ਕਤੀ ਦਾ ਰੂਪ ਹਨ, ਇਸ ਲਈ ਮੇਖ ਰਾਸ਼ੀ ਦੇ ਜਾਤਕ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ 'ਤੇ ਪਿਆਰੇ ਹੁੰਦੇ ਹਨ। ਇਸ ਵਾਰ ਦੇ ਨਰਾਤਿਆਂ ਦੌਰਾਨ ਤੁਹਾਡਾ ਆਤਮ-ਵਿਸ਼ਵਾਸ ਸਿਖਰਾਂ 'ਤੇ ਹੋਵੇਗਾ। ਤੁਹਾਡੀ ਫੈਸਲੇ ਲੈਣ ਦੀ ਸਮਰੱਥਾ ਤੁਹਾਨੂੰ ਭੀੜ ਤੋਂ ਵੱਖਰਾ ਖੜ੍ਹਾ ਕਰੇਗੀ ਅਤੇ ਮਾਂ ਦੀ ਕਿਰਪਾ ਨਾਲ ਮਾਨ-ਸਨਮਾਨ ਵਧੇਗਾ।

2. ਸਿੰਘ ਰਾਸ਼ੀ (Leo)

ਸਿੰਘ ਰਾਸ਼ੀ ਦਾ ਪ੍ਰਤੀਕ ਹੀ 'ਸ਼ੇਰ' ਹੈ ਅਤੇ ਮਾਂ ਦੁਰਗਾ ਖ਼ੁਦ 'ਸਿੰਘ ਵਾਹਿਨੀ' (ਸ਼ੇਰ ਦੀ ਸਵਾਰੀ ਕਰਨ ਵਾਲੀ) ਹਨ। ਇਹੀ ਕਾਰਨ ਹੈ ਕਿ ਸਿੰਘ ਰਾਸ਼ੀ ਵਾਲਿਆਂ 'ਤੇ ਮਾਤਾ ਰਾਣੀ ਦੀ ਵਿਸ਼ੇਸ਼ ਮਿਹਰ ਰਹਿੰਦੀ ਹੈ। ਇਨ੍ਹਾਂ ਨਰਾਤਿਆਂ ਵਿੱਚ ਤੁਹਾਡੀ ਅਗਵਾਈ (Leadership) ਕਰਨ ਦੀ ਸਮਰੱਥਾ ਨਿਖਰ ਕੇ ਸਾਹਮਣੇ ਆਵੇਗੀ। ਦਫ਼ਤਰ ਵਿੱਚ ਤੁਹਾਡਾ ਦਬਦਬਾ ਵਧੇਗਾ ਅਤੇ ਤੁਹਾਡੀ ਸ਼ਖ਼ਸੀਅਤ ਵਿੱਚ ਇੱਕ ਵੱਖਰਾ ਹੀ ਤੇਜ਼ ਦਿਖਾਈ ਦੇਵੇਗਾ।

3. ਬ੍ਰਿਸ਼ਚਕ ਰਾਸ਼ੀ (Scorpio)

ਬ੍ਰਿਸ਼ਚਕ ਰਾਸ਼ੀ ਦੇ ਲੋਕ ਆਪਣੀ ਮਜ਼ਬੂਤ ਇੱਛਾ ਸ਼ਕਤੀ ਲਈ ਜਾਣੇ ਜਾਂਦੇ ਹਨ। ਮਾਂ ਦੁਰਗਾ ਮਿਹਨਤ ਅਤੇ ਤਿਆਗ ਤੋਂ ਪ੍ਰਸੰਨ ਹੁੰਦੀ ਹੈ । ਨਰਾਤਿਆਂ ਦੇ ਨੌਂ ਦਿਨਾਂ ਦੌਰਾਨ ਤੁਹਾਨੂੰ ਕੋਈ ਵੱਡੀ ਪ੍ਰਾਪਤੀ ਮਿਲ ਸਕਦੀ ਹੈ। ਤੁਹਾਡਾ ਸਮਾਜਿਕ ਰੁਤਬਾ ਵਧੇਗਾ ਅਤੇ ਤੁਸੀਂ ਆਪਣੇ ਦੁਸ਼ਮਣਾਂ 'ਤੇ ਜਿੱਤ ਪ੍ਰਾਪਤ ਕਰਨ ਵਿੱਚ ਸਫਲ ਰਹੋਗੇ।

4. ਧਨੁ ਰਾਸ਼ੀ (Sagittarius)

ਬ੍ਰਹਿਸਪਤੀ (ਗੁਰੂ) ਦੀ ਇਹ ਰਾਸ਼ੀ ਧਰਮ ਅਤੇ ਗਿਆਨ ਦਾ ਪ੍ਰਤੀਕ ਹੈ। ਧਨੁ ਰਾਸ਼ੀ ਦੇ ਲੋਕ ਜਦੋਂ ਮਾਂ ਦੁਰਗਾ ਦੀ ਭਗਤੀ ਕਰਦੇ ਹਨ, ਤਾਂ ਉਨ੍ਹਾਂ ਨੂੰ ਬਹੁਤ ਜਲਦੀ ਸ਼ੁਭ ਫਲ ਮਿਲਦਾ ਹੈ। ਇਨ੍ਹਾਂ ਨਰਾਤਿਆਂ ਵਿੱਚ ਤੁਹਾਡੀ ਆਰਥਿਕ ਸਥਿਤੀ ਮਜ਼ਬੂਤ ਹੋਵੇਗੀ। ਤੁਸੀਂ ਆਪਣੀ ਹਰ ਜ਼ਿੰਮੇਵਾਰੀ ਨੂੰ ਬਾਖ਼ੂਬੀ ਨਿਭਾਓਗੇ ਅਤੇ ਪਰਿਵਾਰ ਵਿੱਚ ਖੁਸ਼ਹਾਲੀ ਆਵੇਗੀ।