- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Budh Gochar 2026: ਬੁੱਧ ਗੋਚਰ ਨਾਲ ਕਿਹੜੀਆਂ ਰਾਸ਼ੀਆਂ ਦੇ ਜੀਵਨ 'ਚ ਆਉਣਗੇ ਵੱਡੇ ਬਦਲਾਅ? ਜ਼ਰੂਰ ਰੱਖਿਓ ਇਨ੍ਹਾਂ ਗੱਲਾਂ ਦਾ ਧਿਆਨ
ਬਿਜ਼ਨੈੱਸ ਪਾਰਟਨਰਸ਼ਿਪ ਹੋਵੇ ਜਾਂ ਨਿੱਜੀ ਰਿਸ਼ਤਿਆਂ ਨਾਲ ਜੁੜੀ ਸਮੱਸਿਆ, ਸਭ ਦੂਰ ਹੋਵੇਗੀ। ਆਓ ਜਾਣਦੇ ਹਾਂ ਕਿ ਬੁੱਧ ਗੋਚਰ (Mercury transit in Aquarius) ਦਾ ਸਮਾਂ ਸਿੰਘ ਤੋਂ ਬ੍ਰਿਸ਼ਚਕ ਰਾਸ਼ੀ ਲਈ ਕਿਹੋ ਜਿਹਾ ਰਹੇਗਾ।
Posted By Seema Anand
Publish Date: Sun, 01 Feb 2026 03:59 PM (IST)
Updated Date: Sun, 01 Feb 2026 04:05 PM (IST)
ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਬੁੱਧ ਦੇਵ 3 ਫਰਵਰੀ ਦੀ ਰਾਤ 09 ਵੱਜ ਕੇ 42 ਮਿੰਟ 'ਤੇ ਕੁੰਭ ਰਾਸ਼ੀ ਦੀ ਯਾਤਰਾ ਸ਼ੁਰੂ ਕਰ ਰਹੇ ਹਨ ਜੋ 11 ਅਪ੍ਰੈਲ 2026 ਦੀ ਦੇਰ ਰਾਤ 01 ਵੱਜ ਕੇ 16 ਮਿੰਟ ਤਕ ਜਾਰੀ ਰਹੇਗੀ। ਇਸ ਗੋਚਰ ਨਾਲ ਕਈ ਰਾਸ਼ੀਆਂ ਦੇ ਜਾਤਕਾਂ ਦੀ ਕਿਸਮਤ ਚਮਕ ਸਕਦੀ ਹੈ। ਨਾਲ ਹੀ ਕਈ ਗੱਲਾਂ ਦਾ ਧਿਆਨ ਰੱਖਣਾ ਹੋਵੇਗਾ। ਬਿਜ਼ਨੈੱਸ ਪਾਰਟਨਰਸ਼ਿਪ ਹੋਵੇ ਜਾਂ ਨਿੱਜੀ ਰਿਸ਼ਤਿਆਂ ਨਾਲ ਜੁੜੀ ਸਮੱਸਿਆ, ਸਭ ਦੂਰ ਹੋਵੇਗੀ। ਆਓ ਜਾਣਦੇ ਹਾਂ ਕਿ ਬੁੱਧ ਗੋਚਰ (Mercury transit in Aquarius) ਦਾ ਸਮਾਂ ਸਿੰਘ ਤੋਂ ਬ੍ਰਿਸ਼ਚਕ ਰਾਸ਼ੀ ਲਈ ਕਿਹੋ ਜਿਹਾ ਰਹੇਗਾ।
ਸਿੰਘ (Leo)
ਬੁੱਧ ਦੇਵ ਤੁਹਾਡੇ ਸੱਤਵੇਂ ਭਾਵ (ਭਾਈਵਾਲੀ ਅਤੇ ਵਿਆਹ ਦਾ ਖੇਤਰ) 'ਚ ਗੋਚਰ ਕਰ ਰਹੇ ਹਨ। ਬਿਜ਼ਨੈੱਸ ਪਾਰਟਨਰਸ਼ਿਪ ਹੋਵੇ ਜਾਂ ਨਿੱਜੀ ਰਿਸ਼ਤਾ, ਗੱਲਬਾਤ ਹੀ ਹਰ ਸਮੱਸਿਆ ਦਾ ਹੱਲ ਬਣੇਗੀ। ਬੁੱਧ ਦੇਵ ਦੀ ਤੁਹਾਡੇ ਪਹਿਲੇ ਭਾਵ (ਲਗਨ ਅਤੇ ਸੁਭਾਅ ਦਾ ਖੇਤਰ) 'ਤੇ ਦ੍ਰਿਸ਼ਟੀ ਤੁਹਾਡੀ ਸ਼ਖਸੀਅਤ ਨੂੰ ਹੋਰ ਨਿਖਾਰੇਗੀ, ਪਰ ਧਿਆਨ ਰਹੇ ਕਿ ਤੁਸੀਂ ਦੂਜਿਆਂ 'ਤੇ ਭਾਰੂ ਹੋਣ ਦੀ ਕੋਸ਼ਿਸ਼ ਨਾ ਕਰੋ।
ਉਪਾਅ: ਦੂਜਿਆਂ ਦੀ ਰਾਏ ਨੂੰ ਵੀ ਅਹਿਮੀਅਤ ਦਿਓ। ਗੱਲਬਾਤ 'ਚ ਨਿਮਰ ਰਹੋ।
ਕੰਨਿਆ (Virgo)
ਬੁੱਧ ਦੇਵ ਤੁਹਾਡੇ ਛੇਵੇਂ ਭਾਵ (ਨੌਕਰੀ ਤੇ ਚੁਣੌਤੀਆਂ ਦਾ ਖੇਤਰ) ਨੂੰ ਸਰਗਰਮ ਕਰਨਗੇ। ਆਫਿਸ ਦੀ ਮੁਸ਼ਕਲ ਤੋਂ ਮੁਸ਼ਕਲ ਸਮੱਸਿਆ ਨੂੰ ਤੁਸੀਂ ਆਪਣੀ ਤਰਕਸ਼ੀਲ (logical) ਸੋਚ ਨਾਲ ਹੱਲ ਕਰ ਲਵੋਗੇ। ਬੁੱਧ ਦੇਵ ਦੀ ਬਾਰ੍ਹਵੇਂ ਭਾਵ (ਖਰਚ ਅਤੇ ਦੂਰ ਦੇ ਸਬੰਧਾਂ ਦਾ ਖੇਤਰ) 'ਤੇ ਦ੍ਰਿਸ਼ਟੀ ਹੋਣ ਨਾਲ ਤੁਹਾਡੀ ਮਾਨਸਿਕ ਸਰਗਰਮੀ ਵਧੇਗੀ। ਇਹ ਸਮਾਂ ਭਵਿੱਖ ਦੀ ਕਿਸੇ ਵੱਡੀ ਯੋਜਨਾ 'ਤੇ ਪਰਦੇ ਦੇ ਪਿੱਛੇ ਰਹਿ ਕੇ ਕੰਮ ਕਰਨ ਦਾ ਹੈ।
ਉਪਾਅ: ਆਪਣਾ ਰੋਜ਼ਾਨਾ ਦਾ ਰੁਟੀਨ ਸਹੀ ਰੱਖੋ। ਤਣਾਅ ਤੋਂ ਬਚਣ ਲਈ ਯੋਗਾ ਅਪਣਾਓ।
ਤੁਲਾ (Libra)
ਤੁਲਾ ਰਾਸ਼ੀ ਵਾਲਿਆਂ ਲਈ ਬੁੱਧ ਦੇਵ ਪੰਜਵੇਂ ਭਾਵ (ਰਚਨਾਤਮਕਤਾ ਅਤੇ ਸਿੱਖਿਆ ਦਾ ਖੇਤਰ) 'ਚ ਆ ਰਹੇ ਹਨ। ਵਿਦਿਆਰਥੀਆਂ ਤੇ ਕਲਾਕਾਰਾਂ (Artists) ਲਈ ਇਹ ਸੁਨਹਿਰੀ ਸਮਾਂ (Golden Period) ਹੈ। ਤੁਹਾਡੀ ਬੁੱਧੀ ਕਾਫ਼ੀ ਤੇਜ਼ ਰਹੇਗੀ। ਬੁੱਧ ਦੇਵ ਦੀ ਗਿਆਰ੍ਹਵੇਂ ਭਾਵ (ਲਾਭ ਦਾ ਖੇਤਰ) 'ਤੇ ਦ੍ਰਿਸ਼ਟੀ ਹੋਣ ਨਾਲ ਤੁਹਾਨੂੰ ਆਪਣੇ ਦੋਸਤਾਂ ਅਤੇ ਨੈੱਟਵਰਕ ਰਾਹੀਂ ਚੰਗੀ ਆਮਦਨ ਦੇ ਮੌਕੇ ਮਿਲ ਸਕਦੇ ਹਨ।
ਉਪਾਅ: ਆਪਣੀ ਰਚਨਾਤਮਕਤਾ (Creativity) ਨੂੰ ਕਿਸੇ ਚੰਗੇ ਕੰਮ 'ਚ ਲਗਾਓ। ਪੜ੍ਹਾਈ ਵਿੱਚ ਮਨ ਭਟਕਣ ਨਾ ਦਿਓ।
ਬ੍ਰਿਸ਼ਚਕ (Scorpio)
ਬੁੱਧ ਦੇਵ ਤੁਹਾਡੇ ਚੌਥੇ ਭਾਵ (ਘਰ ਅਤੇ ਸੁਖ-ਸ਼ਾਂਤੀ ਦਾ ਖੇਤਰ) ਵਿੱਚ ਗੋਚਰ ਕਰਨਗੇ। ਘਰ ਦੇ ਮਾਹੌਲ ਨੂੰ ਲੈ ਕੇ ਕੋਈ ਅਹਿਮ ਚਰਚਾ ਹੋ ਸਕਦੀ ਹੈ। ਜਾਇਦਾਦ (Property) ਜਾਂ ਗੱਡੀ ਖਰੀਦਣ ਦਾ ਮਨ ਬਣਾ ਸਕਦੇ ਹੋ। ਬੁੱਧ ਦੇਵ ਦੀ ਦਸਵੇਂ ਭਾਵ (ਕਰੀਅਰ ਦਾ ਖੇਤਰ) 'ਤੇ ਦ੍ਰਿਸ਼ਟੀ ਤੁਹਾਡੇ ਕੰਮ ਕਰਨ ਦੇ ਤਰੀਕੇ ਅਤੇ ਰਣਨੀਤੀ (Strategy) ਨੂੰ ਹੋਰ ਬਿਹਤਰ ਬਣਾਏਗੀ।
ਉਪਾਅ: ਘਰ ਵਿਚ ਸ਼ਾਂਤੀ ਨਾਲ ਗੱਲ ਕਰੋ। ਰਿਸ਼ਤਿਆਂ ਵਿੱਚ ਅੜੀਅਲ ਵਤੀਰਾ ਨਾ ਅਪਣਾਓ।