ਟੈਲੇਂਟ ਨਾਲ ਭਰਪੂਰ, ਪਰ ਗੁੱਸਾ ਬਣ ਸਕਦੈ ਤਰੱਕੀ 'ਚ ਰੁਕਾਵਟ; ਮੁਲਾਂਕ 9 ਵਾਲੇ ਅੱਜ ਹੀ ਕਰਨ ਇਹ ਉਪਾਅ

ਧਰਮ ਡੈਸਕ, ਨਵੀਂ ਦਿੱਲੀ: ਅੰਕ ਜੋਤਿਸ਼ ਸ਼ਾਸਤਰ ਵਿੱਚ ਮੰਨਿਆ ਗਿਆ ਹੈ ਕਿ ਵਿਅਕਤੀ ਦੇ ਮੁਲਾਂਕ ਤੋਂ ਉਸ ਦੇ ਕਰੀਅਰ ਤੋਂ ਲੈ ਕੇ ਲਵ ਲਾਈਫ ਤੱਕ ਦੇ ਬਾਰੇ ਜਾਣਿਆ ਜਾ ਸਕਦਾ ਹੈ। ਅੱਜ ਅਸੀਂ ਗੱਲ ਕਰ ਰਹੇ ਹਾਂ ਮੁਲਾਂਕ 9 (Mulank 9) ਦੇ ਜਾਤਕਾਂ ਦੀ, ਜਿਨ੍ਹਾਂ ਦੇ ਸੁਆਮੀ ਗ੍ਰਹਿ ਮੰਗਲ ਦੇਵ ਹਨ। ਅੱਜ ਅਸੀਂ ਤੁਹਾਨੂੰ ਇਸ ਮੁਲਾਂਕ ਨਾਲ ਜੁੜੀਆਂ ਕੁਝ ਖ਼ਾਸ ਗੱਲਾਂ ਦੱਸਣ ਜਾ ਰਹੇ ਹਾਂ।

ਕਿਸਦਾ ਹੁੰਦਾ ਹੈ ਮੁਲਾਂਕ 9?

ਅੰਕ ਜੋਤਿਸ਼ ਵਿੱਚ ਮੰਨਿਆ ਗਿਆ ਹੈ ਕਿ ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 9, 18 ਜਾਂ 27 ਤਾਰੀਖ਼ ਨੂੰ ਹੁੰਦਾ ਹੈ, ਉਨ੍ਹਾਂ ਦਾ ਮੁਲਾਂਕ 9 ਹੋਵੇਗਾ। ਇਹ ਸੰਖਿਆ ਮੰਗਲ ਗ੍ਰਹਿ ਨਾਲ ਸਬੰਧ ਰੱਖਦੀ ਹੈ। ਇਨ੍ਹਾਂ ਦੇ ਪ੍ਰਭਾਵ ਨਾਲ ਮੁਲਾਂਕ 9 ਦੇ ਜਾਤਕ ਊਰਜਾ ਅਤੇ ਸਾਹਸ ਨਾਲ ਭਰਪੂਰ ਹੁੰਦੇ ਹਨ।

ਇਹ ਗੱਲਾਂ ਬਣਾਉਂਦੀਆਂ ਹਨ ਖ਼ਾਸ

ਲੀਡਰਸ਼ਿਪ: ਸਾਹਸੀ ਹੋਣ ਦੇ ਨਾਲ-ਨਾਲ ਮੁਲਾਂਕ 9 ਦੇ ਲੋਕਾਂ ਦੀ ਅਗਵਾਈ ਕਰਨ ਦੀ ਸਮਰੱਥਾ (Leadership) ਵੀ ਬਹੁਤ ਚੰਗੀ ਹੁੰਦੀ ਹੈ।

ਨਿਡਰ ਅਤੇ ਮਿਹਨਤੀ: ਇਹ ਲੋਕ ਹਰ ਮੁਸ਼ਕਿਲ ਪਰਿਸਥਿਤੀ ਦਾ ਡਟ ਕੇ ਸਾਹਮਣਾ ਕਰਦੇ ਹਨ। ਇਹ ਸੁਭਾਅ ਤੋਂ ਨਿਡਰ ਹੁੰਦੇ ਹਨ ਅਤੇ ਉਦੋਂ ਤੱਕ ਹਾਰ ਨਹੀਂ ਮੰਨਦੇ, ਜਦੋਂ ਤੱਕ ਸਫ਼ਲਤਾ ਹਾਸਲ ਨਾ ਕਰ ਲੈਣ।

ਕਰੀਅਰ: ਇਹ ਲੋਕ ਫੈਸਲੇ ਲੈਣ ਵਾਲੇ ਕੰਮਾਂ ਵਿੱਚ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਦੇ ਹਨ। ਇਨ੍ਹਾਂ ਲਈ ਸੈਨਾ (ਆਰਮੀ), ਪੁਲਿਸ, ਇੰਜੀਨੀਅਰਿੰਗ, ਪ੍ਰਸ਼ਾਸਨਿਕ ਸੇਵਾਵਾਂ, ਕਾਨੂੰਨ, ਸਮਾਜਿਕ ਸੇਵਾ ਅਤੇ ਬੈਂਕਿੰਗ ਨਾਲ ਜੁੜੇ ਖੇਤਰ ਅਨੁਕੂਲ ਮੰਨੇ ਜਾਂਦੇ ਹਨ।

ਹੁੰਦੀਆਂ ਹਨ ਇਹ ਕਮੀਆਂ

ਜੇਕਰ ਕਮੀਆਂ ਦੀ ਗੱਲ ਕੀਤੀ ਜਾਵੇ, ਤਾਂ ਮੁਲਾਂਕ 9 ਦੇ ਜਾਤਕਾਂ ਨੂੰ ਗੁੱਸਾ ਬਹੁਤ ਜਲਦੀ ਆਉਂਦਾ ਹੈ। ਇਹ ਲੋਕ ਗੁੱਸੇ ਵਿੱਚ ਬੇਕਾਬੂ ਹੋ ਜਾਂਦੇ ਹਨ ਅਤੇ ਫਿਰ ਕਿਸੇ ਦੀ ਨਹੀਂ ਸੁਣਦੇ। ਇਸ ਤੋਂ ਇਲਾਵਾ:

ਇਹ ਥੋੜ੍ਹੇ ਝਗੜਾਲੂ ਸੁਭਾਅ ਦੇ ਵੀ ਮੰਨੇ ਜਾਂਦੇ ਹਨ।

ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਦਿਲ 'ਤੇ ਲਗਾ ਲੈਂਦੇ ਹਨ ਅਤੇ ਨਾਰਾਜ਼ ਹੋ ਜਾਂਦੇ ਹਨ।

ਇਹ ਕਾਫ਼ੀ 'ਮੂਡੀ' ਅਤੇ ਆਲਸੀ ਵੀ ਹੋ ਸਕਦੇ ਹਨ, ਜਿਸ ਕਾਰਨ ਕਈ ਵਾਰ ਰਿਸ਼ਤਿਆਂ ਅਤੇ ਕਰੀਅਰ ਵਿੱਚ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਇਹ ਉਪਾਅ ਆ ਸਕਦੇ ਹਨ ਤੁਹਾਡੇ ਕੰਮ

ਮੁਲਾਂਕ 9 ਦੇ ਜਾਤਕਾਂ ਨੂੰ ਆਪਣੀ ਤਰੱਕੀ ਲਈ ਇਹ ਉਪਾਅ ਜ਼ਰੂਰ ਕਰਨੇ ਚਾਹੀਦੇ ਹਨ:

ਮੰਗਲਵਾਰ ਦੇ ਦਿਨ ਹਨੂਮਾਨ ਚਾਲੀਸਾ ਦਾ ਪਾਠ ਕਰੋ।

ਆਪਣੇ ਪਰਸ ਵਿੱਚ ਲਾਲ ਰੰਗ ਦਾ ਰੁਮਾਲ ਜਾਂ ਛੋਟਾ ਜਿਹਾ ਲਾਲ ਕੱਪੜਾ ਜ਼ਰੂਰ ਰੱਖੋ।

ਮੰਗਲਵਾਰ ਨੂੰ ਹਨੂਮਾਨ ਜੀ ਦੇ ਮੰਦਰ ਜਾ ਕੇ ਗੁੜ ਅਤੇ ਲਾਲ ਮਸਰਾਂ ਦੀ ਦਾਲ ਦਾ ਦਾਨ ਕਰੋ।

ਧੀਰਜ (Patience) ਬਣਾਈ ਰੱਖਣਾ ਤੁਹਾਡੇ ਲਈ ਸਫ਼ਲਤਾ ਦੀ ਕੁੰਜੀ ਹੈ।