ਪਹਿਲੀ ਵਾਰ ਰੱਖਣ ਜਾ ਰਹੇ ਹੋ ਮੋਹਿਨੀ ਇਕਾਦਸ਼ੀ ਦਾ ਵਰਤ? ਤਾਂ ਜ਼ਰੂਰ ਪੜ੍ਹ ਲਓ ਇਹ 3 ਜ਼ਰੂਰੀ ਨਿਯਮ

ਧਰਮ ਡੈਸਕ, ਨਵੀਂ ਦਿੱਲੀ : ਭਗਵਾਨ ਵਿਸ਼ਨੂੰ ਦੀ ਅਰਾਧਨਾ ਲਈ ਇਕਾਦਸ਼ੀ ਤਿਥੀ ਨੂੰ ਇਕ ਬਹੁਤ ਹੀ ਪਵਿੱਤਰ ਤਿਥੀ ਮੰਨਿਆ ਜਾਂਦਾ ਹੈ। ਇਸ ਦਿਨ ਵਰਤ ਰੱਖਣ ਨਾਲ ਨਾ ਸਿਰਫ਼ ਭਗਵਾਨ ਵਿਸ਼ਨੂੰ ਦੀ ਕਿਰਪਾ ਮਿਲਦੀ ਹੈ, ਸਗੋਂ ਮਨੋਕਾਮਨਾਵਾਂ ਦੀ ਵੀ ਪੂਰਤੀ ਹੁੰਦੀ ਹੈ।

ਪੰਚਾਂਗ ਅਨੁਸਾਰ, ਵੈਸਾਖ ਮਹੀਨੇ ਆਉਣ ਵਾਲੀ ਸ਼ੁਕਲ ਪੱਖ ਦੀ ਇਕਾਦਸ਼ੀ 'ਤੇ ਮੋਹਿਨੀ ਇਕਾਦਸ਼ੀ ਦਾ ਵਰਤ ਰੱਖਿਆ ਜਾਂਦਾ ਹੈ, ਜੋ ਇਸ ਵਾਰ 27 ਅਪ੍ਰੈਲ ਨੂੰ ਰੱਖਿਆ ਜਾਵੇਗਾ। ਜੇਕਰ ਤੁਸੀਂ ਪਹਿਲੀ ਵਾਰ ਇਕਾਦਸ਼ੀ ਦਾ ਵਰਤ ਕਰ ਰਹੇ ਹੋ ਤਾਂ ਇਸ ਨਾਲ ਜੁੜੇ ਜ਼ਰੂਰੀ ਨਿਯਮਾਂ ਦਾ ਧਿਆਨ ਜ਼ਰੂਰ ਰੱਖੋ ਤਾਂ ਜੋ ਤੁਹਾਡੇ ਵਰਤ ਵਿਚ ਕੋਈ ਰੁਕਾਵਟ ਨਾ ਆਵੇ।

ਇਸ ਤਰ੍ਹਾਂ ਕਰਨੀ ਚਾਹੀਦੀ ਹੈ ਭਗਵਾਨ ਵਿਸ਼ਨੂੰ ਦੀ ਪੂਜਾ

1. ਸਵੇਰੇ ਜਲਦੀ ਉੱਠ ਕੇ ਇਸ਼ਨਾਨ ਆਦਿ ਤੋਂ ਵਿਹਲੇ ਹੋ ਜਾਓ ਅਤੇ ਸਾਫ਼-ਸੁਥਰੇ ਕੱਪੜੇ ਪਹਿਨੋ।
2. ਭਗਵਾਨ ਵਿਸ਼ਨੂੰ ਦਾ ਧਿਆਨ ਕਰਦੇ ਹੋਏ ਵਰਤ ਦਾ ਸੰਕਲਪ ਲਓ।
3. ਇਸ ਤੋਂ ਬਾਅਦ ਪੂਜਾ ਸਥਾਨ ਦੀ ਸਾਫ਼-ਸਫ਼ਾਈ ਕਰਕੇ ਗੰਗਾਜਲ ਦਾ ਛਿੜਕਾਅ ਕਰੋ।
4. ਇੱਕ ਚੌਕੀ 'ਤੇ ਲਾਲ ਕੱਪੜਾ ਵਿਛਾ ਕੇ ਭਗਵਾਨ ਵਿਸ਼ਨੂੰ ਦੀ ਮੂਰਤੀ ਜਾਂ ਤਸਵੀਰ ਸਥਾਪਿਤ ਕਰੋ।
5. ਵਿਸ਼ਨੂੰ ਜੀ ਨੂੰ ਪੰਚਾਮ੍ਰਿਤ ਨਾਲ ਇਸ਼ਨਾਨ ਕਰਾਓ ਅਤੇ ਚੰਦਨ, ਰੋਲੀ ਤੇ ਫੁੱਲਾਂ ਨਾਲ ਸ਼ਿੰਗਾਰ ਕਰੋ।
6. ਨੈਵੇਦਿਆ ਅਰਪਿਤ ਕਰੋ ਅਤੇ ਪ੍ਰਭੂ ਸ਼੍ਰੀ ਹਰੀ ਦੀ ਮੂਰਤੀ ਅੱਗੇ ਧੂਫ ਅਤੇ ਦੀਪ ਜਗਾਓ।
7. ਸ਼ਰਧਾਪੂਰਵਕ ਭਗਵਾਨ ਵਿਸ਼ਨੂੰ ਦੇ ਮੰਤਰਾਂ ਦਾ ਜਾਪ ਕਰੋ।
8. ਅੰਤ ਵਿੱਚ ਆਰਤੀ ਕਰਦੇ ਹੋਏ ਪ੍ਰਸ਼ਾਦ ਸਾਰੇ ਲੋਕਾਂ ਵਿੱਚ ਵੰਡੋ।

ਇਕਾਦਸ਼ੀ ਵਰਤ ਦੇ ਜ਼ਰੂਰੀ ਨਿਯਮ

• ਇਕਾਦਸ਼ੀ ਦੇ ਦਿਨ ਤੁਲਸੀ ਨੂੰ ਜਲ ਦੇਣ ਤੋਂ ਬਚਣਾ ਚਾਹੀਦਾ ਹੈ।
• ਇਕਾਦਸ਼ੀ ਦੇ ਦਿਨ ਵਾਲ ਧੋਣ, ਨਹੁੰ ਅਤੇ ਵਾਲ ਕੱਟਣ ਦੀ ਮਨਾਹੀ ਹੁੰਦੀ ਹੈ।
• ਇਕਾਦਸ਼ੀ ਦੇ ਦਿਨ ਚੌਲ ਖਾਣਾ ਵੀ ਸ਼ੁਭ ਨਹੀਂ ਮੰਨਿਆ ਜਾਂਦਾ।
• ਇਕਾਦਸ਼ੀ ਵਰਤ ਦੇ ਦਿਨ ਬ੍ਰਹਮਚਾਰੀ ਦਾ ਪਾਲਣ ਕਰੋ ਅਤੇ ਜੇਕਰ ਸੰਭਵ ਹੋਵੇ ਤਾਂ ਜ਼ਮੀਨ 'ਤੇ ਸੌਂਵੋ।
• ਦੁਆਦਸ਼ੀ ਦੇ ਦਿਨ ਸਵੇਰੇ ਇਸ਼ਨਾਨ ਤੋਂ ਬਾਅਦ ਬ੍ਰਾਹਮਣ ਜਾਂ ਲੋੜਵੰਦ ਨੂੰ ਭੋਜਨ ਕਰਾਉਣ ਤੋਂ ਬਾਅਦ ਵਰਤ ਦਾ ਪਾਰਣ (ਵਰਤ ਖੋਲ੍ਹਣਾ) ਕਰਨਾ ਚਾਹੀਦਾ ਹੈ।

ਇਨ੍ਹਾਂ ਕੰਮਾਂ ਤੋਂ ਬਿਨਾਂ ਅਧੂਰੀ ਹੈ ਇਕਾਦਸ਼ੀ ਦੀ ਪੂਜਾ

ਧਾਰਮਿਕ ਮਾਨਤਾ ਹੈ ਕਿ ਤੁਲਸੀ ਤੋਂ ਬਿਨਾਂ ਭਗਵਾਨ ਵਿਸ਼ਨੂੰ ਦਾ ਭੋਗ ਅਧੂਰੀ ਹੁੰਦਾ ਹੈ। ਅਜਿਹੇ ਵਿਚ ਇਕਾਦਸ਼ੀ ਦੀ ਪੂਜਾ 'ਚ ਸ਼੍ਰੀ ਹਰਿ ਦੇ ਭੋਗ 'ਚ ਤੁਲਸੀ ਦਲ ਜ਼ਰੂਰ ਸ਼ਾਮਲ ਕਰੋ। ਪੂਜਾ ਤੋਂ ਬਾਅਦ ਇਕਾਦਸ਼ੀ ਵਰਤ ਦੀ ਕਥਾ ਜ਼ਰੂਰ ਸੁਣਨੀ ਜਾਂ ਪੜ੍ਹਨੀ ਚਾਹੀਦੀ ਹੈ, ਕਿਉਂਕਿ ਇਸ ਤੋਂ ਬਿਨਾਂ ਵਰਤ ਦਾ ਪੂਰਾ ਫਲ ਤੁਹਾਨੂੰ ਨਹੀਂ ਮਿਲਦਾ।

ਦਿਨ ਭਰ ਭਗਵਾਨ ਵਿਸ਼ਨੂੰ ਦੇ ਮੰਤਰਾਂ ਜਿਵੇਂ 'ॐ ਨਮੋ ਭਗਵਤੇ ਵਾਸੁਦੇਵਾਯ' ਦਾ ਜਾਪ ਤੇ ਕੀਰਤਨ ਕਰਨਾ ਚਾਹੀਦਾ ਹੈ। ਨਾਲ ਹੀ ਇਕਾਦਸ਼ੀ ਦਾ ਪੂਰਨ ਫਲ ਪ੍ਰਾਪਤ ਕਰਨ ਲਈ ਇਹ ਵੀ ਜ਼ਰੂਰੀ ਹੈ ਕਿ ਤੁਸੀਂ ਮਾਨਸਿਕ ਸੰਜਮ ਰੱਖੋ ਅਤੇ ਕਿਸੇ ਵੀ ਤਰ੍ਹਾਂ ਦਾ ਬੁਰਾ ਵਿਚਾਰ ਆਪਣੇ ਮਨ ਵਿੱਚ ਨਾ ਲਿਆਓ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।