ਪੱਟੀ 'ਚ ਚੋਣ ਹਿੰਸਾ : AAP ਸਮਰਥਕ ਦੇ ਸਿਰ 'ਤੇ ਤਾਣੀ ਪਿਸਤੋਲ, ਕੱਪੜੇ ਪਾੜੇ ਤੇ ਲਾਇਸੰਸੀ ਰਿਵਾਲਵਰ ਖੋਹ ਕੇ ਆਜ਼ਾਦ ਉਮੀਦਵਾਰ ਫਰਾਰ

ਰਾਜਬੀਰ ਸੰਘ ਪੁੱਤਰ ਗੁਰਮੇਹਰ ਸਿੰਘ ਸਾਬਕਾ ਸਰਪੰਚ ਮਾਹਣੇਕੇ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਦੱਸਿਆ ਕਿ ਉਸਦਾ ਦੋਸਤ ਵਕੀਲ ਮਨਦੀਪ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਰਡ ਨੰਬਰ 17 ਤੋਂ ਆਮ ਆਦਮੀ ਪਾਰਟੀ ਵੱਲੋਂ ਕੌਸਲਰ ਦੀ ਚੋਣ ਲੜ ਰਿਹਾ ਹੈ। ਉਹ ਉਸ ਨੂੰ ਮਿਲ ਕੇ ਸਵੇਰੇ ਕਰੀਬ 9 ਵਜੇ ਵਾਪਸ ਆ ਰਿਹਾ ਸੀ। ਜਦੋਂ ਉਹ ਡਾਕਟਰ ਕੋਮਲ ਵਾਲੀ ਗਲੀ ਤੋਂ ਜੇਲ੍ਹ ਰੋਡ ’ਤੇ ਪੁੱਜਾ ਤਾਂ 17 ਵਾਰਡ ਤੋਂ ਹੀ ਅਜ਼ਾਦ ਚੋਣ ਲੜ ਰਹੇ। ਜੋਧਬੀਰ ਸਿੰਘ ਪੁੁੱਤਰ ਪਰਮਜੀਤ ਸਿੰਘ ਵਾਸੀ ਪੱਟੀ ਨੇ ਪਿਸਟਲਾਂ ਤੇ ਰਿਵਾਲਵਰਾਂ ਨਾਲ ਲੈਸ ਆਪਣੇ ਦਸ ਦੇ ਕਰੀਬ ਸਾਥੀਆਂ ਸਮੇਤ ਉਸਦੀ ਕਾਰ ਪੀਬੀ 46 ਏਜੀ 5790 ਨੂੰ ਰੋਕ ਲਿਆ ਅਤੇ ਉਸਦੀ ਕੁੱਟਮਾਰ ਕਰਨ ਲੱਗੇ।