ਬਰਨਾਲਾ 'ਚ ਸਿਆਸੀ ਧਮਾਕਾ: ਵਿਧਾਇਕ ਕਾਲਾ ਢਿੱਲੋਂ ਦਾ ਵੱਡਾ ਇਲਜ਼ਾਮ— 'ਆਪ' ਦੀ ਮਦਦ ਲਈ ਪਹੁੰਚੇ ਗੈਂਗਸਟਰ; ਚੋਣਾਂ ਜਿੱਤਣ ਨਹੀਂ, ਲੁੱਟਣ 'ਤੇ ਆਈ ਸੱਤਾ ਧਿਰ ਪਾਰਟੀ

ਸੱਤਾਧਿਰ ਪਾਰਟੀ ਨੇ ਵਾਰਡਬੰਦੀ ’ਚ ਵੱਡੀ ਘਪਲੇਬਾਜ਼ੀ ਕੀਤੀ ਹੈ ਤੇ ਹੋਰਨਾਂ ਪਾਰਟੀਆਂ ਦੇ ਸਮਰਥਕ ਵੋਟਰਾਂ ਦੀਆਂ ਵੱਡੀ ਗਿਣਤੀ ’ਚ ਵੋਟਾਂ ਨੂੰ ਕੱਟਿਆ ਗਿਆ ਹੈ ਤੇ ਵੋਟਰ ਸੂਚੀਆਂ ’ਚ ਵੀ ਫੇਰ ਬਦਲ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਚੋਣਾਂ ’ਚ ਸੱਤਾਧਿਰ ਪਾਰਟੀ ਨੇ ਵੱਖ ਵੱਖ ਥਾਵਾਂ ਤੋਂ ਗੈਂਗਸਟਰਾਂ ਨੂੰ ਬੁਲਾਇਆ ਤੇ ਉਮੀਦਵਾਰਾਂ ਨੂੰ ਧਮਕਾਉਂਣ ਦੀ ਕੋਸਿਸ ਕੀਤੀ ਤੇ ਉਮੀਦਵਾਰਾਂ ’ਤੇ ਦਬਾਅ ਪਾਉਣ ਦੀ ਵੀ ਕੋਸਿਸ਼ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਜੋ ਆਮ ਆਦਮੀ ਪਾਰਟੀ ਕਹਿੰਦੀ ਸੀ ਕਿ ਅਸੀ ਆਮ ਘਰਾਂ ਦੇ ਮੁੰਡੇ ਅੱਗੇ ਲੈ ਕੇ ਆਵਾਂਗੇ ਅੱਜ ਉਹ ਪਾਰਟੀ ਡਰਾਵੇ ਦੀ ਰਾਜਨੀਤੀ ’ਤੇ ਉੱਤਰ ਆਈ ਹੈ ਤੇ ਸ਼ਰੇਆਮ ਧੱਕੇਸ਼ਾਹੀ ਕਰ ਰਹੀ ਹੈ। ਉਨ੍ਹਾ ਕਿਹਾ ਕਿ ਸੱਤਾਧਿਰ ਪਾਰਟੀ ਵਲੋਂ ਜਿਸ ਤਰ੍ਹਾਂ ਦੀ ਕਾਰਵਾਈ ਕੀਤੀ ਜਾਵੇਗੀ ਉਸੇ ਤਰ੍ਹਾਂ ਦਾ ਮੂੰਹ ਤੋੜਵਾਂ ਜਵਾਬ ਦਿੱਤਾ ਜਾਵੇਗਾ। ਇਸ ਮੌਕੇ ਉਨ੍ਹਾਂ ਨਾਲ ਵਾਰਡ ਨੰ.44 ਤੋਂ ਕਾਂਗਰਸ ਦੇ ਬਿੱਟੂ ਢਿੱਲੋਂ ਤੇ ਹੋਰ ਕਾਂਗਰਸੀ ਆਗੂ ਤੇ ਵਰਕਰ ਹਾਜਰ ਸਨ।