ਹੋਲੀ ਲਈ ਬਾਜ਼ਾਰਾਂ ’ਚ ਉਤਸ਼ਾਹ, ਰੰਗਾਂ ਦੇ ਨਾਲ ਮਠਿਆਈਆਂ ਦੀ ਵਧੀ ਮੰਗ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਬਰਨਾਲਾ : ਰੰਗਾਂ ਦਾ ਤਿਉਹਾਰ ਹੋਲੀ ਕੱਲ੍ਹ 4 ਮਾਰਚ ਬੁੱਧਵਾਰ ਨੂੰ ਮਨਾਇਆ ਜਾਵੇਗਾ, ਜਿਸ ਲਈ ਬਾਜ਼ਾਰ ਰੰਗਾਂ, ਪਿਚਕਾਰੀ, ਗੁਲਾਲ ਆਦਿ ਨਾਲ ਸਜਾਏ ਜਾਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਇਸ ਵਾਰ ਚੀਨੀ ਉਤਪਾਦਾਂ ਤੇ ਦੇਸੀ ਵਸਤੂਆਂ ਦੀ ਮੰਗ ਅਚਾਨਕ ਵੱਧ ਗਈ ਹੈ। ਥੋਕ ਤੇ ਪ੍ਰਚੂਨ ਬਾਜ਼ਾਰਾਂ ’ਚ ਗਾਹਕਾਂ ਦੀ ਭੀੜ ਦੇਖਣ ਨੂੰ ਮਿਲ ਰਹੀ ਹੈ। ਥੋਕ ਵਪਾਰੀਆਂ ਨੇ ਦੱਸਿਆ ਕਿ ਇਸ ਵਾਰ ਬਾਜ਼ਾਰ ’ਚ ਚੀਨੀ ਉਤਪਾਦਾਂ ਦੀ ਵੱਡੀ ਗਿਣਤੀ ’ਚ ਵਿਕਰੀ ਹੋ ਰਹੀ ਹੈ। ਭਾਰਤ ’ਚ ਦੇਸੀ ਤੌਰ ਤੇ ਬਣਾਏ ਗਏ ਹਰਬਲ ਰੰਗ ਤੇ ਗੁਲਾਲ, ਪਿਚਕਾਰੀ, ਗੁਬਾਰੇ, ਚੰਦਨ, ਪੂਜਾ ਸਮੱਗਰੀ, ਕੱਪੜੇ ਤੇ ਹੋਰ ਵੱਡੀ ਗਿਣਤੀ ’ਚ ਵੇਚੇ ਜਾ ਰਹੇ ਹਨ। ਮਠਿਆਈਆਂ, ਸੁੱਕੇ ਮੇਵੇ, ਤੋਹਫ਼ੇ ਦੀਆਂ ਚੀਜ਼ਾਂ, ਫੁੱਲ ਤੇ ਫਲ, ਕੱਪੜੇ, ਫਰਨੀਚਰ ਫੈਬਰਿਕ, ਕਰਿਆਨੇ, ਐਫ਼ਐਮਸੀਜੀ ਉਤਪਾਦ ਤੇ ਖਪਤਕਾਰ ਟਿਕਾਊ ਸਮਾਨ ਸਮੇਤ ਕਈ ਉਤਪਾਦਾਂ ਦੀ ਭਾਰੀ ਮੰਗ ਹੈ। ਖਪਤਕਾਰਾਂ ਦੇ ਖਰਚੇ ਵਧਣ ਕਾਰਨ, ਕਈ ਵਪਾਰਕ ਖੇਤਰਾਂ ’ਚ ਹੋਲੀ ਤਿਉਹਾਰ ਦੀ ਵਿਕਰੀ ਵੱਧ ਰਹੀ ਹੈ। ਲੋਕ ਰੰਗਾਂ ਨਾਲ ਖੇਡਣ ਲਈ ਚਿੱਟੇ ਟੀ-ਸ਼ਰਟਾਂ, ਕੁੜਤਾ-ਪਜਾਮਾ ਅਤੇ ਸਲਵਾਰ ਸੂਟ ਦੀ ਮੰਗ ਕਰ ਰਹੇ ਹਨ। ਹੈਪੀ ਹੋਲੀ ਦੇ ਨਾਅਰੇ ਵਾਲੀਆਂ ਟੀ-ਸ਼ਰਟਾਂ ਦੀ ਵੀ ਬਾਜ਼ਾਰ ਵਿੱਚ ਬਹੁਤ ਮੰਗ ਹੈ। - ਹੋਲੀ ’ਚ ਪਿਚਕਾਰੀਆਂ ਦੇ ਰੇਟ ਵਧੇ ਛੋਟੀਆਂ ਪਾਣੀ ਦੀਆਂ ਪਿਚਕਾਰੀਆਂ 50 ਤੋਂ 80 ਵੱਡੀਆਂ ਪਾਣੀ ਦੀਆਂ ਪਿਚਕਾਰੀਆਂ 150 ਤੋਂ 250, ਗੁਲਾਲ 50 ਤੋਂ 80, ਹਰਬਲ ਗੁਲਾਲ 60 ਤੋਂ 80, ਪਾਣੀ ਦੇ ਗੁਬਾਰੇ 20 ਤੋਂ 50 ਦੇ ਹਿਸਾਬ ਨਾਲ ਮਿਲ ਰਹੇ ਹਨ। ਇਸ ਤੋਂ ਇਲਾਵਾ ਹਰਬਲ ਗੁਲਾਲ ਤੇ ਕੁਦਰਤੀ ਰੰਗ, ਪਾਣੀ ਦੀਆਂ ਪਿਚਕਾਰੀਆਂ, ਮਿਠਾਈਆਂ, ਸੁੱਕੇ ਮੇਵੇ, ਤਿਉਹਾਰੀ ਕੱਪੜੇ, ਜਿਵੇਂ ਕਿ ਚਿੱਟੀ ਟੀ-ਸ਼ਰਟ, ਕੁੜਤਾ-ਪਜਾਮਾ, ਸਲਵਾਰ ਸੂਟ, ਹੈਪੀ ਹੋਲੀ ਵਾਲੀਆਂ ਟੀ-ਸ਼ਰਟਾਂ ਆਦਿ ਵੀ ਵੀ ਡਿਮਾਂਡ ਵਧੀ ਹੈ।