ਫੇਸਬੁੱਕ ਦੋਸਤੀ ਪਈ ਮਹਿੰਗੀ: ਆਨਲਾਈਨ ਬਿਜ਼ਨੈੱਸ 'ਚ ਵੱਡੇ ਮੁਨਾਫ਼ੇ ਦਾ ਝਾਂਸਾ ਦੇ ਕੇ ਹਿਮਾਚਲ ਦੇ ਨੌਜਵਾਨ ਨਾਲ ਲੱਖਾਂ ਦੀ ਸਾਈਬਰ ਠੱਗੀ

31 ਮਾਰਚ ਨੂੰ ਫੇਸਬੁੱਕ ’ਤੇ ਉਸਦੀ ਪਛਾਣ ਈਸ਼ੂ ਸ਼ਰਮਾ ਨਾਮ ਦੀ ਇੱਕ ਲੜਕੀ ਨਾਲ ਹੋਈ। ਇਸ ਤੋਂ ਬਾਅਦ ਦੋਵਾਂ ਵਿਚਕਾਰ ਵਟਸਐਪ ’ਤੇ ਗੱਲਬਾਤ ਸ਼ੁਰੂ ਹੋ ਗਈ। ਕੁਝ ਸਮੇਂ ਬਾਅਦ ਲੜਕੀ ਨੇ ਉਸਨੂੰ ਆਨਲਾਈਨ ਬਿਜ਼ਨਸ ਅਤੇ ਨਿਵੇਸ਼ ਰਾਹੀਂ ਕਮਾਈ ਦਾ ਲਾਲਚ ਦਿੱਤਾ। ਦੋਸ਼ ਹੈ ਕਿ ਲੜਕੀ ਨੇ ਲੋਕੇਸ਼ ਨੂੰ ਟਿਕਟਾਕ ਆਨਲਾਈਨ ਸ਼ਾਪ ਨਾਮ ਪਲੇਟਫਾਰਮ ’ਤੇ ਬਿਜ਼ਨਸ ਕਰਨ ਦੀ ਸਲਾਹ ਦਿੱਤੀ ਅਤੇ ਉਸਨੂੰ ਇੱਕ ਲਿੰਕ ਭੇਜਿਆ ਗਿਆ। ਲੜਕੀ ਦੇ ਕਹਿਣ ’ਤੇ ਲੋਕੇਸ਼ ਨੇ ਵੈੱਬਸਾਈਟ ’ਤੇ ਆਪਣੀ ਆਈਡੀ ਬਣਾਈ। ਗੱਲਬਾਤ ਦੌਰਾਨ ਲੜਕੀ ਵਟਸਐਪ ਨੰਬਰ ਰਾਹੀਂ ਸੰਪਰਕ ਕਰਦੀ ਰਹੀ। ਲੋਕੇਸ਼ ਦੇ ਅਨੁਸਾਰ ਲੜਕੀ ਨੇ ਉਸਨੂੰ ਵਾਰ-ਵਾਰ ਨਿਵੇਸ਼ ਕਰਨ ਲਈ ਪ੍ਰੇਰਿਤ ਕੀਤਾ ਅਤੇ ਵੱਧ ਮੁਨਾਫੇ ਦਾ ਭਰੋਸਾ ਦਿਵਾਇਆ। ਇਸ ਕਾਰਨ ਉਸਨੇ ਅਪ੍ਰੈਲ 2026 ਦੌਰਾਨ ਕਈ ਕਿਸ਼ਤਾਂ ਵਿਚ ਰਕਮ ਟ੍ਰਾਂਸਫਰ ਕੀਤੀ। ਪੀੜਤ ਮੁਤਾਬਕ ਉਸਨੇ 15 ਅਪ੍ਰੈਲ ਤੋਂ 25 ਅਪ੍ਰੈਲ ਦੇ ਵਿਚਕਾਰ ਵੱਖ-ਵੱਖ ਟ੍ਰਾਂਜ਼ੈਕਸ਼ਨਾਂ ਰਾਹੀਂ ਕੁੱਲ 4 ਲੱਖ 39 ਹਜ਼ਾਰ 301 ਰੁਪਏ ਆਨਲਾਈਨ ਭੇਜ ਦਿੱਤੇ।