ਸਰਕਾਰ ਕਮਾਲਪੁਰ ਜੱਟਾਂ ਦੇ ਪ੍ਰਭਾਵਿਤ ਜ਼ਮੀਨਾਂ ਦਾ ਮੁਆਵਜ਼ਾ ਤੇ ਕਿਸ਼ਤੀਆਂ ਤੁਰੰਤ ਦੇਵੇ : ਸਰਹੱਦੀ ਕਿਸਾਨ

ਇਸ ਮੌਕੇ ਉਨ੍ਹਾਂ ਦੱਸਿਆ ਕਿ ਪਿੰਡ ਕਮਾਲਪੁਰ ਜੱਟਾਂ ਦੀ ਕਰੀਬ 1158 ਏਕੜ ਜ਼ਮੀਨ ਦਾ ਰਕਬਾ ਹੈ, ਜਿਸ ਵਿਚੋਂ 950 ਏਕੜ ਰਕਬਾ ਕੰਡਿਆਲੀ ਤਾਰ ਤੋਂ ਪਾਰ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਪਿੰਡ ਦੇ ਕਿਸਾਨਾਂ ਵੱਲੋਂ ਕਸਟੋਡੀਅਮ ਦੀ ਜ਼ਮੀਨ ਨੂੰ ਆਬਾਦ ਕਰਕੇ ਪਿਛਲੇ ਕਈ ਸਾਲਾਂ ਤੋਂ ਖੇਤੀ ਕੀਤੀ ਜਾ ਰਹੀ ਹੈ। ਕੰਡਿਆਲੀ ਤਾਰ ਤੋਂ ਪਾਰ 300 ਏਕੜ ਰਕਬੇ ਵਿੱਚ ਮਾਂਹ, 300 ਏਕੜ ਵਿੱਚ ਤਿੱਲ ਅਤੇ 400 ਏਕੜ ਦੇ ਕਰੀਬ ਝੋਨੇ ਦੀ ਬਜਾਈ ਕੀਤੀ ਗਈ ਸੀ। ਖਾਦਾਂ ਸਪਰੇਆਂ ਅਤੇ ਹੱਡ ਭੰਨ੍ਹਵੀ ਮਿਹਨਤ ਕਰਕੇ ਇਨ੍ਹਾਂ ਫ਼ਸਲਾਂ ਨੂੰ ਪਾਲਿਆ ਸੀ। ਜਦੋਂਕਿ ਦਰਿਆ 'ਤੇ ਵਧੇ ਪਾਣੀ ਕਾਰਨ ਉਨ੍ਹਾਂ ਦੀ ਸੋਨੇ ਵਰਗੀ ਫ਼ਸਲ ਤਬਾਹ ਹੋ ਗਈ ਹੈ।