ਏਂਜਲਸ ਪਬਲਿਕ ਸਕੂਲ ਦਾ ਵਿਦਾਇਗੀ ਸਮਾਰੋਹ ਯਾਦਗਾਰ ਬਣਿਆ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਪਠਾਨਕੋਟ : ਏਂਜਲਸ ਪਬਲਿਕ ਸਕੂਲ ਵੱਲੋਂ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਭਾਵਪੂਰਨ ਵਿਦਾਇਗੀ ਸਮਾਰੋਹ ਕਰਵਾਇਆ ਗਿਆ। ਇਸ ਮੌਕੇ 11ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਆਪਣੇ ਸੀਨੀਅਰਾਂ ਦੇ ਸਨਮਾਨ ਵਿੱਚ ਰੰਗਾਰੰਗ ਕਾਰਜਕ੍ਰਮ ਪੇਸ਼ ਕੀਤਾ। 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਵੀ ਭਾਸ਼ਣਾਂ ਰਾਹੀਂ ਸਕੂਲ ਨਾਲ ਜੁੜੀਆਂ ਆਪਣੀਆਂ ਭਾਵਨਾਵਾਂ ਸਾਂਝੀਆਂ ਕੀਤੀਆਂ। ਵਿਦਿਆਰਥੀਆਂ ਨੇ ਕਿਹਾ ਕਿ ਸਕੂਲ ਉਹ ਪਵਿੱਤਰ ਥਾਂ ਹੈ ਜਿੱਥੇ ਜੀਵਨ ਦੀ ਸਹੀ ਦਿਸ਼ਾ ਮਿਲਦੀ ਹੈ ਅਤੇ ਅੱਗੇ ਵਧਣ ਦੀ ਪ੍ਰੇਰਣਾ ਪ੍ਰਾਪਤ ਹੁੰਦੀ ਹੈ। ਸਮਾਰੋਹ ਦੌਰਾਨ ਹਿੰਦੀ ਗਾਇਨ, ਜੋਸ਼ੀਲਾ ਭੰਗੜਾ ਅਤੇ ਸੁਰੀਲੇ ਬੈਂਡ ਦੀਆਂ ਧੁਨਾਂ ਨੇ ਸਮਾਂ ਬੰਨ੍ਹ ਦਿੱਤਾ, ਜਿਸ ਨਾਲ ਸਕੂਲੀ ਜੀਵਨ ਦੀਆਂ ਯਾਦਾਂ ਤਾਜ਼ਾ ਹੋ ਗਈਆਂ। ਇਸ ਮੌਕੇ ਕ੍ਰਿਸ਼ਾਂਗ ਨੂੰ ਮਿਸਟਰ ਏਂਜਲਸ ਅਤੇ ਪਾਵਨੀ ਨੂੰ ਮਿਸ ਏਂਜਲਸ ਦੇ ਖਿਤਾਬ ਨਾਲ ਨਿਵਾਜਿਆ ਗਿਆ। ਹੋਰ ਖਿਤਾਬਾਂ ਵਿੱਚ ਹਾਰਦਿਕ ਮਹਾਜਨ ਨੂੰ ਮਿਸਟਰ ਇੰਸਪਾਇਰਿੰਗ ਪਰਸਨੈਲਟੀ, ਸਖ਼ਮ ਸਲਾਰੀਆ ਨੂੰ ਮਿਸਟਰ ਕਾਨਫੀਡੈਂਟ ਅਚੀਵਰ, ਨਿਹਾਲ ਅਹਿਮਦ ਨੂੰ ਮਿਸਟਰ ਵਰਸਾਟਾਈਲ ਸਟਾਰ, ਪਿਊਸ਼ਾ ਨੂੰ ਰੈਡੀਐਂਟ ਪਰਸਨੈਲਟੀ, ਪਰੀਕਸ਼ਿਤ ਨੂੰ ਮਿਸਟਰ ਕਰਿਸ਼ਮੈਟਿਕ ਜੈਂਟਲਮੈਨ, ਮੇਧਾ ਨੂੰ ਮਿਸ ਕਾਨਫੀਡੈਂਟ ਕਵੀਨ ਅਤੇ ਕਾਮਾਖੀ ਨੂੰ ਮਿਸ ਐਲੀਗੈਂਟ ਗਰੇਸ ਦੇ ਸਨਮਾਨ ਦਿੱਤੇ ਗਏ। ਸਕੂਲ ਦੇ ਚੇਅਰਮੈਨ ਗੁਰਕਿਰਪਾਲ ਸਿੰਘ ਢਿੱਲੋਂ ਅਤੇ ਪ੍ਰਿੰਸੀਪਲ ਸ਼ੀਤਲ ਕਟੋਚ ਨੇ ਵਿਦਿਆਰਥੀਆਂ ਨੂੰ ਸੈਸ਼ੇ ਤੇ ਤਾਜ ਪਹਿਨਾ ਕੇ ਸਨਮਾਨਿਤ ਕੀਤਾ। ਉਨ੍ਹਾਂ ਆਪਣੇ ਸੰਬੋਧਨ ਵਿੱਚ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰਦਿਆਂ ਕਿਹਾ ਕਿ ਮਿਹਨਤ, ਅਨੁਸ਼ਾਸਨ ਅਤੇ ਲਗਨ ਨਾਲ ਹੀ ਮਨੁੱਖ ਸਫਲਤਾ ਹਾਸਲ ਕਰ ਸਕਦਾ ਹੈ। ਉਨ੍ਹਾਂ ਸਾਰੇ ਵਿਦਿਆਰਥੀਆਂ ਨੂੰ ਆਉਣ ਵਾਲੀਆਂ ਪ੍ਰੀਖਿਆਵਾਂ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ।