ਦਿੱਲੀ ਤੋਂ ਹਲਵਾਰਾ ਵਿਚਕਾਰ ਉਡਾਣਾਂ ਨੂੰ ਲੈ ਕੇ ਲੁਧਿਆਣਾਵੀਆਂ ਦਾ ਵਧਿਆ ਕ੍ਰੇਜ਼, ਪਹਿਲੀ ਉਡਾਣ ਦਾ ਟਿਕਟ ਰੇਟ ਪਹੁੰਚਿਆ 7856 ਰੁਪਏ

ਜਾਸ, ਲੁਧਿਆਣਾ : 15 ਮਈ ਤੋਂ ਦਿੱਲੀ ਤੋਂ ਹਲਵਾਰਾ ਦੇ ਵਿਚਕਾਰ ਉਡਾਣਾਂ ਨੂੰ ਲੈ ਕੇ ਲੁਧਿਆਣਾਵੀਆਂ ਦਾ ਕ੍ਰੇਜ਼ ਵਧਦਾ ਜਾ ਰਹੀ ਹੈ। ਇਸ ਦਾ ਅੰਦਾਜ਼ਾ ਇਸ ਗੱਲ ਨਾਲ ਲਗਾਇਆ ਜਾ ਸਕਦਾ ਹੈ ਕਿ ਪਹਿਲੇ ਦਿਨ ਦਿੱਲੀ ਤੋਂ ਆਉਣ ਵਾਲੀ ਪਹਿਲੀ ਉਡਾਣ ਦਾ ਟਿਕਟ ਰੇਟ 7856 ਰੁਪਏ ਤੱਕ ਪਹੁੰਚ ਗਿਆ ਹੈ। ਇਸ ਉਡਾਣ ਵਿਚ ਬਿਜ਼ਨੈੱਸ ਕਲਾਸ ਦੇ ਟਿਕਟ ਖਤਮ ਹੋ ਚੁੱਕੇ ਹਨ। ਦੂਜੇ ਪਾਸੇ, ਦੁਪਹਿਰ ਦੇ ਸਮੇਂ ਦਿੱਲੀ ਤੋਂ ਹਲਵਾਰਾ ਆਉਣ ਵਾਲੀ ਦੂਜੀ ਉਡਾਣ ਦਾ ਟਿਕਟ ਰੇਟ ਵੀ 4136 ਰੁਪਏ ਹੋ ਗਿਆ ਹੈ, ਜਦਕਿ ਬਿਜ਼ਨੈੱਸ ਕਲਾਸ ਦਾ ਟਿਕਟ 19150 ਰੁਪਏ 'ਤੇ ਵਿਕ ਰਿਹਾ ਹੈ। ਇਹ ਰੇਟ ਆਉਣ ਵਾਲੇ ਦਿਨਾਂ ਵਿਚ ਹੋਰ ਵਧ ਸਕਦੇ ਹਨ। ਹਲਵਾਰਾ ਤੋਂ ਦਿੱਲੀ ਜਾਣ ਵਾਲੀ ਪਹਿਲੀ ਉਡਾਣ ਦਾ ਇਕਨਾਮਿਕ ਕਲਾਸ ਦਾ ਟਿਕਟ ਰੇਟ 7861 ਰੁਪਏ ਤੱਕ ਪਹੁੰਚ ਗਿਆ ਹੈ। ਜਦਕਿ ਦੁਪਹਿਰ 2:20 ਵਜੇ ਜਾਣ ਵਾਲੀ ਦੂਜੀ ਉਡਾਣ ਵਿਚ ਹਾਲੇ ਵੀ ਟਿਕਟ ਦਾ ਰੇਟ 4141 ਰੁਪਏ ਹੈ। ਇਸ ਤਰ੍ਹਾਂ, ਹਲਵਾਰਾ ਅਤੇ ਦਿੱਲੀ ਦੇ ਵਿਚਕਾਰ ਉਡਾਣਾਂ ਦੀ ਵਧਦੀ ਮੰਗ ਨੇ ਸਥਾਨਕ ਯਾਤਰੀਆਂ ਵਿਚ ਉਤਸ਼ਾਹ ਪੈਦਾ ਕਰ ਦਿੱਤਾ ਹੈ।