77ਵਾਂ ਮੁਫ਼ਤ ਬਲੱਡ ਸ਼ੂਗਰ ਚੈੱਕਅੱਪ ਕੈਂਪ ਲਗਾਇਆ

ਆਸ਼ੀਸ਼ ਸ਼ਰਮਾ ਪੰਜਾਬੀ ਜਾਗਰਣ ਫਗਵਾੜਾ : ਲੋਕ ਸੇਵਾ ਦਲ ਰਜਿ. ਨੇ ਮਨੀਸ਼ ਕਾਲੀਆ ਦੇ ਪਿਤਾ ਲੈਫਟੀਨੈਂਟ ਕੁਲਦੀਪ ਕਾਲੀਆ ਦੀ ਯਾਦ ਵਿਚ ਐਤਵਾਰ ਨੂੰ ਖੇੜਾ ਰੋਡ ਤੇ ਗੁਰੂ ਰਾਮਦਾਸ ਹਾਲ ਦੇ ਸਾਹਮਣੇ ਸਥਿਤ ਸੱਤਿਅਮ ਲੈਬ, ਫਗਵਾੜਾ ਵਿਖੇ 77ਵਾਂ ਮੁਫ਼ਤ ਬਲੱਡ ਸ਼ੂਗਰ ਚੈੱਕਅੱਪ ਕੈਂਪ ਲਗਾਇਆ। ਇਹ ਕੈਂਪ ਪ੍ਰਧਾਨ ਦਵਿੰਦਰ ਸਿੰਘ ਦੀ ਪ੍ਰਧਾਨਗੀ ਅਤੇ ਜਨਰਲ ਸਕੱਤਰ ਪਵਨ ਕਸ਼ਯਪ ਦੀ ਨਿਗਰਾਨੀ ਹੇਠ ਲਗਾਇਆ ਗਿਆ। ਇਸ ਦੌਰਾਨ 40 ਲੋਕਾਂ ਦੇ ਬਲੱਡ ਸ਼ੂਗਰ ਟੈਸਟ ਕੀਤੇ ਗਏ। ਪਵਨ ਕਸ਼ਯਪ ਨੇ ਹਾਜ਼ਰੀਨ ਦਾ ਧੰਨਵਾਦ ਕੀਤਾ ਤੇ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਸ਼ੂਗਰ ਇਕ ਆਮ ਬਿਮਾਰੀ ਬਣ ਗਈ ਹੈ। ਜੇਕਰ ਤੁਹਾਨੂੰ ਸ਼ੂਗਰ ਹੈ, ਤਾਂ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਸਮੇਂ ਸਿਰ ਟੈਸਟ ਕਰਵਾਉਣਾ ਬਹੁਤ ਜ਼ਰੂਰੀ ਹੈ। ਰੋਜ਼ਾਨਾ ਸੈਰ ਕਰੋ ਤੇ ਕਸਰਤ ਕਰੋ। ਆਪਣੇ ਆਲੇ-ਦੁਆਲੇ ਸਫਾਈ ਰੱਖੋ। ਸਾਫ਼ ਪਾਣੀ ਪੀਓ ਤੇ ਜੰਕ ਫੂਡ ਤੋਂ ਬਚੋ। ਤਲੇ ਹੋਏ ਭੋਜਨ ਨੂੰ ਸੀਮਤ ਕਰੋ। ਡਾਕਟਰ ਦੀ ਸਲਾਹ ਲਏ ਬਿਨਾਂ ਕੋਈ ਵੀ ਦਵਾਈ ਲੈਣ ਤੋਂ ਬਚੋ। ਇਹ ਸਾਵਧਾਨੀਆਂ ਇਸ ਬਿਮਾਰੀ ਨੂੰ ਰੋਕਣ ਵਿਚ ਮਦਦ ਕਰ ਸਕਦੀਆਂ ਹਨ। ਪ੍ਰਧਾਨ ਦਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਕੈਂਪ ਲੋਕ ਸੇਵਾ ਦਲ ਵੱਲੋਂ ਹਰ ਮਹੀਨੇ ਦੇ ਪਹਿਲੇ ਐਤਵਾਰ ਨੂੰ ਸਵੇਰੇ 8:00 ਵਜੇ ਤੋਂ ਦੁਪਹਿਰ 12:00 ਵਜੇ ਤੱਕ ਖੇੜਾ ਰੋਡ ਤੇ ਲਗਾਇਆ ਜਾਂਦਾ ਹੈ, ਜੋ ਬਿਲਕੁਲ ਮੁਫ਼ਤ ਹੈ। ਆਓ ਤੇ ਆਪਣੀ ਜਾਂਚ ਕਰਵਾਓ ਤੇ ਦੂਜਿਆਂ ਨੂੰ ਵੀ ਆਉਣ ਲਈ ਉਤਸ਼ਾਹਿਤ ਕਰੋ। ਇਸ ਮੌਕੇ ਪ੍ਰਧਾਨ ਦੇਵਿੰਦਰ ਸਿੰਘ, ਚੇਅਰਮੈਨ ਮਨਮੋਹਨ ਸਿੰਘ ਵਾਲੀਆ, ਡਾਇਰੈਕਟਰ ਵਰਿੰਦਰ ਸ਼ਰਮਾ, ਜਨਰਲ ਸਕੱਤਰ ਪਵਨ ਕਸ਼ਯਪ, ਅਮਰਜੀਤ ਸਿੰਘ ਢਿੱਲੋਂ, ਹੇਮਰਾਜ, ਅਸ਼ੋਕ ਦੁੱਗਲ, ਸੰਜੇ ਗੁਪਤਾ, ਡਾ. ਮਨੀਸ਼ ਕਾਲੀਆ, ਨੇਹਾ, ਸੁਖਵਿੰਦਰ ਕੌਰ, ਭਾਵਿਨ ਅਤੇ ਸੌਰਵ ਆਦਿ ਵੀ ਮੌਜੂਦ ਸਨ।