ਮਜ਼ਦੂਰ ਦਿਵਸ ਸਬੰਧੀ ਲੰਗਰ ਲਗਾਇਆ

ਲਖਵੀਰ ਸਿੰਘ ਲੱਖੀ, ਪੰਜਾਬੀ ਜਾਗਰਣ ਸੁਲਤਾਨਪੁਰ ਲੋਧੀ : ਮਜ਼ਦੂਰ ਦਿਵਸ ਦੇ ਸਬੰਧ ਵਿਚ ਅੱਜ ਸ਼ਿਵ ਮੰਦਰ ਚੌੜਾ ਖੂਹ ਵਿਖੇ ਪ੍ਰਮੁੱਖ ਸ਼ੈਲਰ ਉਦਯੋਗਪਤੀ ਈਸ਼ਾਨ ਨਾਗਪਾਲ ਨੇ ਵਿਸ਼ਾਲ ਲੰਗਰ ਲਗਾਇਆ। ਲੰਗਰ ਦੀ ਸੇਵਾ ਕਰਨ ਤੋਂ ਪਹਿਲਾਂ ਪੰਡਿਤ ਲਛਮਣ ਪ੍ਰਸ਼ਾਦ ਵੱਲੋਂ ਵਿਧੀਪੂਰਵਕ ਪੂਜਾ ਅਰਚਨਾ ਕੀਤੀ ਗਈ ਤੇ ਭਗਵਾਨ ਸ਼ੰਕਰ ਨੂੰ ਭੋਗ ਲਗਾ ਕੇ ਹਰ ਹਰ ਮਹਾਦੇਵ, ਜੈ ਸ਼ਿਵ ਸ਼ੰਕਰ ਦੇ ਜੈਕਾਰਿਆਂ ਦੀ ਗੂੰਜ ‘ਚ ਸੇਵਾ ਕਰਨ ਦਾ ਸ਼ੁਭ ਆਰੰਭ ਭ੍ਰਿਗੂ ਸ਼ਾਸਤਰ ਮੁਕੇਸ਼ ਪਾਠਕ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਲੋੜਵੰਦਾਂ ਦੀ ਸੇਵਾ ਲਈ ਸ਼ਿਵ ਮੰਦਰ ਚੌੜਾ ਖੂਹ ਤੋਂ ਲੰਗਰ ਰਾਹੀਂ ਸੇਵਾ ਕਰਨ ਦਾ ਉਪਰਾਲਾ ਪ੍ਰਧਾਨ ਨੀਟੂ ਵੱਲੋਂ ਜਿਹੜਾ ਕੀਤਾ ਜਾ ਰਿਹਾ ਹੈ ਉਸਦੀ ਮਿਸਾਲ ਮਿਲਣੀ ਮੁਸ਼ਕਿਲ ਹੈ। ਪ੍ਰਧਾਨ ਨੀਟੂ ਨੇ ਕਿਹਾ ਕਿ ਲੰਗਰ ਰਾਹੀਂ ਸਾਡੇ ਧਰਮ ਤੇ ਸੰਸਕ੍ਰਿਤੀ ਦੀ ਝਲਕ ਦਿਖਾਈ ਦਿੰਦੀ ਹੈ ਜਿਸ ਨੂੰ ਹਰੇਕ ਵਿਅਕਤੀ ਨੂੰ ਕਰਨ ਦੀ ਜ਼ਰੂਰਤ ਹੈ। ਇਸ ਮੌਕੇ ਈਸ਼ਾਨ ਨਾਗਪਾਲ, ਮੁਕੇਸ਼ ਪਾਠਕ, ਪ੍ਰਧਾਨ ਨੀਟੂ, ਖਜ਼ਾਨਚੀ ਡਿੰਪਲ ਟੰਡਨ, ਸੋਨੂੰ ਸ਼ਾਹ, ਗੋਰਾ ਗੁਜਰਾਲ, ਕੌਂਸਲਰ ਜੁਗਲ ਕਿਸ਼ੋਰ ਕੋਹਲੀ, ਪੰਡਿਤ ਲਛਮਣ ਪ੍ਰਸ਼ਾਦ, ਬਾਬਾ ਬਲੌਰੀ, ਭਜਨ ਚੁੰਨੀਆਂਵਾਲਾ ਆਦਿ ਹਾਜ਼ਰ ਸਨ।