ਸ਼੍ਰੀ ਬਾਲਾ ਮਹਾਰਾਜ ਦੀ ਚੌਂਕੀ ਸ਼ਰਧਾ ਸਹਿਤ ਸੰਪੂਰਨ

ਅਮਰੀਕ ਸਿੰਘ ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਭਗਵਾਨ ਸ਼੍ਰੀ ਬਾਲਾਜੀ ਦੀ ਪਹਿਲੀ ਵਿਸ਼ਾਲ ਚੌਂਕੀ ਪ੍ਰੋਗਰਾਮ ਲਾਹੌਰੀ ਗੇਟ ਵਿਖੇ ਸਥਿਤ ਪ੍ਰਾਚੀਨ ਸ਼ਿਵ ਮੰਦਿਰ ਬਾਗ਼ ਵਿਚ ਬਹੁਤ ਸ਼ਰਧਾ ਤੇ ਉਤਸ਼ਾਹ ਨਾਲ ਆਯੋਜਿਤ ਕੀਤੀ ਗਈ। ਇਸ ਧਾਰਮਿਕ ਸਮਾਗਮ ਨੇ ਇਲਾਕੇ ਦੇ ਸ਼ਰਧਾਲੂਆਂ ਨੂੰ ਸ਼ਰਧਾ ਤੇ ਆਸਥਾ ਨਾਲ ਭਰ ਦਿੱਤਾ। ਪ੍ਰੋਗਰਾਮ ਦੀ ਪ੍ਰਧਾਨਗੀ ਮੰਦਿਰ ਦੀ ਡਾਇਰੈਕਟਰ ਸ਼੍ਰੀਮਤੀ ਅਨੀਤਾ ਜੋਸ਼ੀ ਨੇ ਕੀਤੀ। ਮੰਦਿਰ ਦੇ ਸੇਵਕਾਂ ਨੇ ਇਸ ਸਮਾਗਮ ਨੂੰ ਸਫਲ ਬਣਾਉਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਸ਼ਰਧਾਲੂਆਂ ਦੀ ਵੱਡੀ ਹਾਜ਼ਰੀ ਨੇ ਪ੍ਰੋਗਰਾਮ ਦੀ ਸ਼ਾਨ ਨੂੰ ਹੋਰ ਵਧਾ ਦਿੱਤਾ। ਪ੍ਰੋਗਰਾਮ ਸ਼ੁਰੂ ਹੋਣ ਤੋਂ ਪਹਿਲਾਂ ਭਗਵਾਨ ਸ਼੍ਰੀ ਬਾਲਾਜੀ ਦੀ ਰਸਮੀ ਪੂਜਾ ਕੀਤੀ ਗਈ। ਇਸ ਤੋਂ ਬਾਅਦ ਪ੍ਰਸਿੱਧ ਭਜਨ ਗਾਇਕ ਆਤਿਸ਼ ਅਰੋੜਾ ਨੇ ਆਪਣੀ ਸੁਰੀਲੀ ਤੇ ਰੂਹਾਨੀ ਆਵਾਜ਼ ਵਿਚ ਭਜਨ ਪੇਸ਼ ਕੀਤੇ। ਭਗਤ ਭਜਨਾਂ ਤੇ ਨੱਚੇ ਤੇ ਪ੍ਰਭੂ ਦੀ ਭਗਤੀ ਵਿਚ ਡੁੱਬੇ ਹੋਏ ਦਿਖਾਈ ਦਿੱਤੇ। ਇਸ ਤੋਂ ਬਾਅਦ ਆਰਤੀ ਹੋਈ, ਜਿਸ ਵਿਚ ਸਾਰੇ ਸ਼ਰਧਾਲੂਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਆਰਤੀ ਤੋਂ ਬਾਅਦ, ਮਟਰ ਤੇ ਪਨੀਰ ਦਾ ਅਤੁੱਟ ਲੰਗਰ, ਰੁਮਾਲੀ ਰੋਟੀ ਤੇ ਕੜਾਹ ਪ੍ਰਸ਼ਾਦ ਸ਼ਰਧਾਲੂਆਂ ਨੂੰ ਵੰਡਿਆ ਗਿਆ। ਇਸ ਮੌਕੇ ਮੰਦਿਰ ਦੀ ਪ੍ਰਬੰਧਕ ਅਨੀਤਾ ਜੋਸ਼ੀ, ਵਿਧਾਇਕ ਰਾਣਾ ਗੁਰਜੀਤ ਸਿੰਘ, ਰਣਜੀਤ ਸਿੰਘ ਖੋਜੇਵਾਲ, ਵਿਵੇਕ ਸਿੰਘ ਸੰਨੀ ਬੈਂਸ, ਕੌਂਸਲਰ ਹਰਸਿਮਰਨਜੀਤ ਪ੍ਰਿੰਸ, ਕੌਂਸਲਰ ਸ਼ਮਾ ਹੰਸ, ਕੌਂਸਲਰ ਦੇਸ਼ ਬੰਧੂ, ਕੁਲਦੀਪ ਸਿੰਘ, ਚਰਨਜੀਤ ਹੰਸ, ਓਮਕਾਰ ਅਰੋੜਾ, ਪੰਡਿਤ ਪੀਤਮ ਰਾਮ, ਰੋਹਿਤ ਵਰਮਾ, ਭਗਵਾਨ ਦਾਸ ਬੌਬੀ, ਰਾਕੇਸ਼ ਕੁਮਾਰ, ਮੁਕੇਸ਼ ਕੁਮਾਰ, ਕੰਚਨ ਸ਼ਰਮਾ, ਅਜੈ ਕਨੌਜੀਆ, ਅਰੁਣ ਕੁਮਾਰ, ਵਿਕਾਸ ਚੌਹਾਨ, ਗਗਨਦੀਪ, ਭਰਤ ਕੁਮਾਰ, ਰਾਕੇਸ਼ ਸੋਨੀ, ਰਾਮ ਇਕਬਾਲ, ਸਾਹਿਲ ਵਰਮਾ, ਰਾਹੁਲ ਕਪੂਰ, ਬਲਵਿੰਦਰ ਬਬਲੂ, ਮਨੀ ਲੁਭਾਣਾ, ਅਜੈ ਮਹਿਰਾ, ਚਾਹਤ ਸੂਦ, ਪੰਕਜ ਬਜਾਜ, ਵਿਪਨ ਮਹਿਰਾ, ਸੁਨੀਲ ਭਾਵੀ, ਅਸ਼ਵਨੀ ਕੁਮਾਰ, ਸਾਹਿਲ ਮਹਿਰਾ, ਪਾਰਸ, ਅਸ਼ਵਨੀ ਮਹਿਰਾ, ਅਜੈ ਕਸ਼ਅਪ, ਮਨੀ ਮਹਿਰਾ, ਹਨੀ ਮਹਿਰਾ, ਵਿਸ਼ਾਲ ਸ਼ਰਮਾ, ਬੱਬਲੂ ਸ਼ਰਮਾ, ਮਯੰਕ ਸ਼ਰਮਾ, ਕੁਲਵਿੰਦਰ ਸਿੰਘ, ਮੁਕੇਸ਼ ਕਸ਼ਯਪ, ਸ਼ਿਵ ਸੈਨਾ ਦੇ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਬਾਲਾ ਸਾਹਿਬ ਠਾਕਰੇ ਸ਼ਿੰਦੇ ਗਰੁੱਪ, ਬਜਰੰਗ ਦਲ ਦੇ ਨਰੇਸ਼ ਪੰਡਿਤ, ਇਸ਼ਾਂਤ ਮਹਿਰਾ, ਰਾਜੇਸ਼ ਸ਼ਰਮਾ, ਐਡਵੋਕੇਟ ਮਾਕਲ, ਰਾਜ ਕੁਮਾਰ, ਅਸ਼ੋਕ ਮਾਹਲਾ, ਮਨਿਕ ਗਰੋਵਰ ਆਦਿ ਹਾਜ਼ਰ ਸਨ।