CM ਦੇ ਨਿਰਦੇਸ਼ਾਂ 'ਤੇ ਸਾਰੇ ਨਿਗਮ ਅਧਿਕਾਰੀ ਫੀਲਡ 'ਚ ਰਹੇ, ਕਮਿਸ਼ਨਰ ਵੱਲੋਂ ਸਵੇਰੇ 7 ਵਜੇ ਅਚਨਚੇਤ ਨਿਰੀਖਣ, ਸਫ਼ਾਈ ਵਿਵਸਥਾ ਜਾਂਚੀ

ਜਾਗਰਣ ਸੰਵਾਦਦਾਤਾ, ਜਲੰਧਰ: ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਨਿਰਦੇਸ਼ਾਂ 'ਤੇ ਨਗਰ ਨਿਗਮ ਕਮਿਸ਼ਨਰ ਸੰਦੀਪ ਰਿਸ਼ੀ ਨੇ ਸੋਮਵਾਰ ਸਵੇਰੇ 7 ਵਜੇ ਸਾਰੇ ਸੁਪਰਵਾਈਜ਼ਰਾਂ, ਸਫ਼ਾਈ ਕਰਮਚਾਰੀਆਂ ਅਤੇ ਸੈਨਿਟਰੀ ਇੰਸਪੈਕਟਰਾਂ ਦੀ ਹਾਜ਼ਰੀ ਚੈੱਕ ਕੀਤੀ। ਉਨ੍ਹਾਂ ਨੇ ਅਸਿਸਟੈਂਟ ਕਮਿਸ਼ਨਰ ਵਿਕਰਾਂਤ ਵਰਮਾ ਦੇ ਏਰੀਏ ਦੇ ਤਹਿਤ ਵਿਕਾਸਪੁਰੀ ਡੰਪ ਅਤੇ ਦੋਆਬਾ ਚੌਕ ਸਮੇਤ ਕਈ ਇਲਾਕਿਆਂ ਵਿੱਚ ਜਾ ਕੇ ਸਫ਼ਾਈ ਵਿਵਸਥਾ ਦਾ ਨਿਰੀਖਣ ਕੀਤਾ।

ਮੁੱਖ ਮੰਤਰੀ ਅਤੇ ਸਥਾਨਕ ਸਰਕਾਰਾਂ ਬਾਰੇ ਮੰਤਰੀ ਦੇ ਹੁਕਮਾਂ 'ਤੇ ਨਿਗਮ ਦੇ ਸਾਰੇ ਵੱਡੇ ਅਧਿਕਾਰੀ ਸਵੇਰੇ 7 ਵਜੇ ਤੋਂ ਹੀ ਫੀਲਡ ਵਿੱਚ ਉੱਤਰੇ ਹਨ। ਸੀਐਮ ਅਤੇ ਮੰਤਰੀ ਕਿਸੇ ਵੀ ਵੇਲੇ ਵੀਡੀਓ ਕਾਲ ਕਰਕੇ ਅਧਿਕਾਰੀਆਂ ਦੀ ਲੋਕੇਸ਼ਨ ਅਤੇ ਇਲਾਕੇ ਦੀ ਸਥਿਤੀ ਦੀ ਜਾਂਚ ਕਰ ਸਕਦੇ ਹਨ। ਸ਼ਹਿਰ ਨੂੰ ਸਫ਼ਾਈ ਦੇ ਲਿਹਾਜ਼ ਨਾਲ 11 ਜ਼ੋਨਾਂ ਵਿੱਚ ਵੰਡਿਆ ਗਿਆ ਹੈ। ਕਮਿਸ਼ਨਰ ਖ਼ੁਦ ਸਾਰੇ ਇਲਾਕਿਆਂ ਦੀ ਮਾਨੀਟਰਿੰਗ ਕਰ ਰਹੇ ਹਨ ਅਤੇ ਅਧਿਕਾਰੀਆਂ ਦੇ ਕੰਮ 'ਤੇ ਨਜ਼ਰ ਰੱਖ ਰਹੇ ਹਨ।