ਫਿਰੋਜ਼ਪੁਰ ਸਰਹੱਦ 'ਤੇ ਪੰਜਾਬ ਪੁਲਿਸ ਦਾ 'ਸੁਰੱਖਿਆ ਕਵਚ', 10 ਦਿਨਾਂ 'ਚ 14 ਡਰੋਨ ਢੇਰ ਅਤੇ 13 ਕਿੱਲੋ ਹੈਰੋਇਨ ਬਰਾਮਦ
ਪਾਕਿਸਤਾਨ ’ਚ ਸਰਗਰਮ ਨਸ਼ਾ ਤਸਕਰਾਂ ਨੇ ਹੁਣ ਅੰਮ੍ਰਿਤਸਰ ਅਤੇ ਤਰਨਤਾਰਨ ਦੇ ਨਾਲ ਹੀ ਫਿਰੋਜ਼ਪੁਰ ’ਚ ਵੀ ਇਕ ਵਾਰੀ ਫਿਰ ਤੋਂ ਨਸ਼ੇ ਅਤੇ ਹਥਿਆਰਾਂ ਦੀ ਤਸਕਰੀ ਦੇ ਯਤਨ ਸ਼ੁਰੂ ਕਰ ਦਿੱਤੇ ਹਨ। ਇਸਦਾ ਅੰਦਾਜ਼ਾ ਇਸ ਗੱਲ ਤੋ ਹੀ ਲਗਾਇਆ ਜਾ ਸਕਦਾ ਹੈ ਕਿ ਦਸ ਦਿਨਾਂ ’ਚ ਹੀ 14 ਡਰੋਨ ਅਤੇ 12 ਕਿੱਲੋ ਹੈਰੋਇਨ ਸਰਹੱਦੀ ਖੇਤਰਾਂ ਤੋਂ ਬਰਾਮਦ ਹੋ ਚੁੱਕੀ ਹੈ।
Posted By Sunita
Publish Date: Tue, 21 Apr 2026 09:06 AM (IST)
Updated Date: Tue, 21 Apr 2026 09:07 AM (IST)
ਡਾ. ਤਰੁਣ ਜੈਨ, ਜਾਗਰਣ, ਫਿਰੋਜ਼ਪੁਰ : ਪਾਕਿਸਤਾਨ ’ਚ ਸਰਗਰਮ ਨਸ਼ਾ ਤਸਕਰਾਂ ਨੇ ਹੁਣ ਅੰਮ੍ਰਿਤਸਰ ਅਤੇ ਤਰਨਤਾਰਨ ਦੇ ਨਾਲ ਹੀ ਫਿਰੋਜ਼ਪੁਰ ’ਚ ਵੀ ਇਕ ਵਾਰੀ ਫਿਰ ਤੋਂ ਨਸ਼ੇ ਅਤੇ ਹਥਿਆਰਾਂ ਦੀ ਤਸਕਰੀ ਦੇ ਯਤਨ ਸ਼ੁਰੂ ਕਰ ਦਿੱਤੇ ਹਨ। ਇਸਦਾ ਅੰਦਾਜ਼ਾ ਇਸ ਗੱਲ ਤੋ ਹੀ ਲਗਾਇਆ ਜਾ ਸਕਦਾ ਹੈ ਕਿ ਦਸ ਦਿਨਾਂ ’ਚ ਹੀ 14 ਡਰੋਨ ਅਤੇ 12 ਕਿੱਲੋ ਹੈਰੋਇਨ ਸਰਹੱਦੀ ਖੇਤਰਾਂ ਤੋਂ ਬਰਾਮਦ ਹੋ ਚੁੱਕੀ ਹੈ। ਖਾਸ ਗੱਲ ਇਹ ਹੈ ਕਿ ਪਾਕ ਤਸਕਰਾਂ ਨੇ ਚਾਹੇ ਫਿਰੋਜ਼ਪੁਰ ਵਿੱਚ ਤਸਕਰੀ ਦੇ ਯਤਨ ਤੇਜ਼ ਕੀਤੇ ਹੋਣ ਤਾਂ ਵੀ ਸੀਮਾ 'ਤੇ ਪੁਲਿਸ ਵੱਲੋਂ ਤੈਨਾਤ ਕੀਤਾ ਗਿਆ ਐਂਟੀ ਡਰੋਨ ਸਿਸਟਮ ਹਰ ਯਤਨ ਨੂੰ ਨਾਕਾਮ ਕਰਨ ’ਚ ਕਾਮਯਾਬ ਹੋ ਰਿਹਾ ਹੈ। ਇਹ ਸਿਸਟਮ ਜਿਵੇਂ ਹੀ ਕਿਸੇ ਸ਼ੱਕੀ ਡਰੋਨ ਨੂੰ ਭਾਰਤੀ ਸੀਮਾ ’ਚ ਪ੍ਰਵੇਸ਼ ਕਰਦੇ ਹੋਏ ਪਛਾਣਦਾ ਹੈ, ਉਸ ਨੂੰ ਤੁਰੰਤ ਨਕਾਰਾ ਕਰ ਦਿੰਦਾ ਹੈ।
ਪਾਕਿਸਤਾਨ ਦੀ ਸੀਮਾ ਨਾਲ ਲੱਗੇ ਜ਼ਿਲ੍ਹੇ ਵਿੱਚ ਡਰੋਨ ਰਾਹੀਂ ਹਥਿਆਰਾਂ ਅਤੇ ਨਸ਼ੇ ਦੀ ਤਸਕਰੀ ਪਹਿਲਾਂ ਵੀ ਹੁੰਦੀ ਰਹੀ ਹੈ ਅਤੇ ਇਨ੍ਹਾਂ ’ਚੋਂ ਕਈ ਹਥਿਆਰਾਂ ਅਤੇ ਨਸ਼ੇ ਦੀਆਂ ਖੇਪਾਂ ਨੂੰ ਪੁਲਿਸ ਅਤੇ ਬੀਐੱਸਐੱਫ਼ ਫੜਨ ’ਚ ਵੀ ਕਾਮਯਾਬ ਰਹੀ ਹੈ। ਇਨ੍ਹਾਂ ਹਥਿਆਰਾਂ ’ਚ ਟੀਐੱਫ਼ਆਈਐੱਮ ਬੰਬ, ਏਕੇ-47, ਹੈਂਡ ਗ੍ਰੇਨੇਡ ਅਤੇ ਪਿਸਤੌਲ ਅਤੇ ਕਾਰਤੂਸ ਤੱਕ ਸ਼ਾਮਿਲ ਹਨ। ਇਸ ਦੇ ਨਾਲ-ਨਾਲ ਵੱਡੀ ਮਾਤਰਾ ’ਚ ਹੈਰੋਇਨ ਵੀ ਬਰਾਮਦ ਹੋ ਚੁੱਕੀ ਹੈ। ਸੀਮਾ ਪਾਰ ਤੋਂ ਹੋ ਰਹੀ ਤਸਕਰੀ ਨੂੰ ਰੋਕਣ ਵਿੱਚ ਜਿੱਥੇ ਐਂਟੀ ਡਰੋਨ ਸਿਸਟਮ ਵੱਡਾ ਹਥਿਆਰ ਸਾਬਤ ਹੋ ਰਿਹਾ ਹੈ, ਉੱਥੇ ਪੁਲਿਸ ਅਤੇ ਬੀਐੱਸਐੱਫ਼ ਦਾ ਆਪਸੀ ਤਾਲਮੇਲ ਕਾਰਨ ਵੀ ਤਸਕਰ ਆਪਣੀ ਸਾਜਿਸ਼ ’ਚ ਕਾਮਯਾਬ ਨਹੀਂ ਹੋ ਰਹੇ।
ਪੁਲਿਸ ਦੀ ਜਾਂਚ ਵਿੱਚ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਪਾਕਿਸਤਾਨ ਤਸਕਰ ਅਤੇ ਵਿਦੇਸ਼ ਵਿੱਚ ਬੈਠੇ ਗੈਂਗਸਟਰ ਸੀਮਾ-ਵਾਰਤੀ ਪਿੰਡਾਂ ’ਚ ਰਹਿਣ ਵਾਲੇ ਬੇਰੋਜ਼ਗਾਰ ਨੌਜਵਾਨਾਂ ਨੂੰ ਮੋਹਰੇ ਵਜੋਂ ਵਰਤ ਰਹੇ ਹਨ। ਉਹਨਾਂ ਨੂੰ ਪੈਸਿਆਂ ਦੀ ਲਾਲਚ ਦਿੰਦੇ ਹਨ ਅਤੇ ਫਿਰ ਸੀਮਾ ਪਾਰ ਤੋਂ ਡਰੋਨ ਨਾਲ ਸੁੱਟੇ ਨਸ਼ਿਆਂ ਅਤੇ ਹਥਿਆਰਾਂ ਦੀ ਖੇਪ ਚੁੱਕਣ ਦਾ ਕੰਮ ਕਰਵਾਉਂਦੇ ਹਨ। ਪੁਲਿਸ ਨੇ ਕਈ ਤਸਕਰਾਂ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ ਅਤੇ ਉਹਨਾ ਨਾਲ ਪੁੱਛਗਿੱਛ ’ਚ ਇਹ ਗੱਲ ਸਾਹਮਣੇ ਆਈ ਕਿ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਅਤੇ ਵਿਦੇਸ਼ ਵਿੱਚ ਬੈਠੇ ਗੈਂਗਸਟਰਾਂ ਨੇ ਹੀ ਉਹਨਾਂ ਨੂੰ ਪੈਸਿਆਂ ਦੀ ਲਾਲਚ ਦੇ ਕੇ ਆਪਣੇ ਨਾਲ ਜੋੜਿਆ ਸੀ। 11 ਅਪ੍ਰੈਲ ਨੂੰ ਹਿਰੋਇਨ ਅਤੇ ਡ੍ਰੋਨ ਦੇ ਨਾਲ ਫੜੇ ਗਏ ਦੋ ਨੌਜਵਾਨਾਂ ਦੇ ਸਬੰਧ ਪਾਕਿਸਤਾਨ ਦੇ ਡਾਨ ਸ਼ਾਹਿਜਾਦ ਭੱਟੀ ਨਾਲ ਸਨ। ਸ਼ਾਹਜਾਦ ਭੱਟੀ ਨੇ ਸਰਹੱਦ ਨਾਲ ਲੱਗਦੇ ਪਿੰਡ ਦੇ ਇਨ੍ਹਾ ਦੋ ਨੌਜਵਾਨਾਂ ਨੂੰ ਪੈਸਿਆਂ ਦਾ ਲਾਲਚ ਦੇ ਕੇ ਆਪਣੇ ਨਾਲ ਜੋੜਿਆ ਸੀ।
ਐੱਸਐਸਪੀ ਭੂਪਿੰਦਰ ਸਿੰਘ ਨੇ ਦੱਸਿਆ ਕਿ ਐਂਟੀ-ਡਰੋਨ ਸਿਸਟਮ ਨਾਲ ਵੱਡੀ ਸਫਲਤਾ ਮਿਲ ਰਹੀ ਹੈ। ਜਿਵੇਂ ਹੀ ਕੋਈ ਡਰੋਨ ਸੀਮਾ ਵਿੱਚ ਦਾਖਲ ਹੁੰਦਾ ਹੈ, ਉਹ ਤੁਰੰਤ ਇਸ ਸਿਸਟਮ ਦੇ ਰਡਾਰ ’ਚ ਆ ਜਾਂਦਾ ਹੈ ਅਤੇ ਉਸਨੂੰ ਡੇਗ ਦਿੱਤਾ ਜਾਂਦਾ ਹੈ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਜ਼ਿਲੇ ਦੀਆਂ ਸਾਰੀਆਂ ਸੁਰੱਖਿਆ ਏਜੰਸੀਆਂ ਆਪਸੀ ਤਾਲਮੇਲ ਨਾਲ ਕੰਮ ਕਰ ਰਹੀਆਂ ਹਨ।