ਰੀਕ੍ਰੀਏਸ਼ਨ ਕਲੱਬ ਦੇ ਲਗਾਤਾਰ ਦੂਜੀ ਵਾਰ ਸਕੱਤਰ ਬਣੇ ਅਸ਼ੋਕ ਕਾਮਰਾ

ਕਪਿਲ ਜਸੂਜਾ.ਪੰਜਾਬੀ ਜਾਗਰਣ, ਫਾਜ਼ਿਲਕਾ : ਫਾਜ਼ਿਲਕਾ ਦੇ ਰੀਕ੍ਰੀਏਸ਼ਨ ਕਲੱਬ ਦੀ ਚੋਣ ਪ੍ਰਕਿਰਿਆ ਦੌਰਾਨ ਅਸ਼ੋਕ ਕਾਮਰਾ ਨੂੰ ਇੱਕ ਵਾਰ ਫਿਰ ਸਰਬਸੰਮਤੀ ਨਾਲ ਸਕੱਤਰ ਚੁਣਿਆ ਗਿਆ ਹੈ। ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਵੀ ਸਰਬਸੰਮਤੀ ਬਣੀ, ਜਿਸ ਅਨੁਸਾਰ ਰੂਬੀ ਕਠਪਾਲ ਪਹਿਲੇ ਸਾਲ ਲਈ ਅਤੇ ਪ੍ਰਦੀਪ ਗਰੋਵਰ ਬਿੱਲਾ ਦੂਜੇ ਸਾਲ ਲਈ ਚੁਣੇ ਗਏ ਹਨ। ਇਸ ਮੌਕੇ ਵਿਧਾਇਕ ਨਰਿੰਦਰਪਾਲ ਸਿੰਘ ਸਵਨਾ, ਸਰਪੰਚ ਮਨਜੋਤ ਪ੍ਰਿੰਸ ਖੇੜਾ, ਲਵੀਸ਼ ਚਾਵਲਾ ਅਤੇ ਚੇਅਰਮੈਨ ਸੁਰਿੰਦਰ ਕੰਬੋਜ ਕਲੱਬ ਅਹਾਤੇ ਵਿੱਚ ਪਹੁੰਚੇ ਅਤੇ ਨਵੇਂ ਚੁਣੇ ਗਏ ਅਹੁਦੇਦਾਰਾਂ ਨੂੰ ਵਧਾਈ ਦਿੱਤੀ। ਵਿਧਾਇਕ ਸਵਨਾ ਨੇ ਕਲੱਬ ਮੈਂਬਰਾਂ ਅਤੇ ਚੋਣ ਕਮੇਟੀ ਦੀ ਸਰਬਸੰਮਤੀ ਲਈ ਸ਼ਲਾਘਾ ਕੀਤੀ। ਹਾਲਾਂਕਿ ਖਜ਼ਾਨਚੀ ਦੇ ਅਹੁਦੇ ਲਈ ਸਥਿਤੀ ਦਿਲਚਸਪ ਬਣੀ ਹੋਈ ਹੈ। ਇਸ ਅਹੁਦੇ ਲਈ ਵਿਜੇ ਗਗਨੇਜਾ ਅਤੇ ਰਾਜੇਸ਼ ਨਾਗਪਾਲ ਬਿੱਟਾ ਮੈਦਾਨ ਵਿੱਚ ਹਨ। ਉਮੀਦਵਾਰ 2 ਮਈ ਤੱਕ ਆਪਣੀਆਂ ਨਾਮਜ਼ਦਗੀਆਂ ਵਾਪਸ ਲੈ ਸਕਦੇ ਹਨ। ਐਡਵੋਕੇਟ ਮਹਿੰਦਰ ਦੇਵ ਲੂਨਾ, ਸੰਜੀਵ ਭੂਸਰੀ, ਅਨਿਲ ਕੁਮਾਰ ਸੇਠੀ, ਵਿਨੋਦ ਸਚਦੇਵਾ ਅਤੇ ਕੁਮਾਰ ਸੌਰਭ ਸੰਨੀ ਝਾਂਬ ਇਸ ਕਮੇਟੀ ਦਾ ਹਿੱਸਾ ਹਨ। ਮੀਤ ਪ੍ਰਧਾਨ, ਸਕੱਤਰ ਅਤੇ ਖਜ਼ਾਨਚੀ ਅਹੁਦਿਆਂ ਲਈ ਵੋਟਿੰਗ 10 ਮਈ ਨੂੰ ਸ਼ਾਮ 4 ਵਜੇ ਤੋਂ ਰਾਤ 8 ਵਜੇ ਤੱਕ ਹੋਵੇਗੀ।