ਅਮਨਦੀਪ ਹਸਪਤਾਲ ਫਿਰੋਜ਼ਪੁਰ ਨੇ ਵਿਸ਼ਵ ਸਿਹਤ ਦਿਵਸ ਮਨਾਇਆ

ਅੰਗਰੇਜ਼ ਭੁੱਲਰ, ਪੰਜਾਬੀ ਜਾਗਰਣ ਫਿਰੋਜ਼ਪੁਰ : ਅਮਨਦੀਪ ਹਸਪਤਾਲ ਫਿਰੋਜ਼ਪੁਰ ਨੇ ਉਜਾਲਾ ਸਿਗਨਸ ਦੇ ਨਾਲ ਸਾਂਝੇਦਾਰੀ ਵਿਚ ਵਿਸ਼ਵ ਸਿਹਤ ਦਿਵਸ ਮਨਾਇਆ ਗਿਆ। ਇਸ ਦੌਰਾਨ ਸੀਨੀਅਰ ਡਾਕਟਰਾਂ ਨੇ ਨਿਵਾਰਕ ਸਿਹਤ ਦੇਖਭਾਲ ਤੇ ਆਧੁਨਿਕ ਚਿਕਿਤਸਾ ਇਲਾਜ ਵਿਚ ਤਰੱਕੀ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਮੁੱਖ ਹਾਜ਼ਰੀ ਡਾਕਟਰਾਂ ਵਿਚ ਡਾ. ਹਕੀਮ ਇਰਫਾਨ ਸ਼ੌਕਤ ਸੀਨੀਅਰ ਸਲਾਹਕਾਰ ਅਤੇ ਡਾਇਰੈਕਟਰ ਕੈਥ ਲੈਬ, ਡਾ. ਚੇਤਨ ਕੁਮਾਰ ਐੱਨਜੀ ਸੀਨੀਅਰ ਸਲਾਹਕਾਰ, ਪਲਮੋਨੋਲੋਜੀ ਅਤੇ ਕਰਿਟੀਕਲ ਕੇਅਰ, ਡਾ. ਆਰੀਫ ਹੁਸੈਨ ਸਰਮਸਤ ਸੀਨੀਅਰ ਸਲਾਹਕਾਰ, ਨਿਊਰੋ ਅਤੇ ਸਪਾਈਨ, ਡਾ. ਕਂਵਲਜੀਤ ਸਿੰਘ ਕਨਸਲਟੈਂਟ, ਜਨਰਲ ਸਰਜਰੀ ਅਤੇ ਡਾ. ਮੇਜਰ ਡੇਵਿਡ ਔਗਸਟਿਨ ਸੀਨੀਅਰ ਸਲਾਹਕਾਰ, ਬਾਲ ਰੋਗ ਅਤੇ ਨਿਓਨੇਟੋਲੋਜੀ ਸਨ। ਹਸਪਤਾਲ ਦੀ ਡਾਇਰੈਕਟਰ ਡਾ. ਅਮਨਦੀਪ ਕੌਰ ਨੇ ਕਿਹਾ ਕਿ ਇਸ ਸਾਂਝੇਦਾਰੀ ਨਾਲ ਅਧੁਨਿਕ ਤਕਨਾਲੋਜੀ ਅਤੇ ਵਿਸ਼ੇਸ਼ਜਤਾ ਦਾ ਲਾਭ ਮਿਲ ਰਿਹਾ ਹੈ, ਜਿਸ ਨਾਲ ਮਰੀਜ਼ਾਂ ਨੂੰ ਸਭ ਤੋਂ ਵਧੀਆ ਦੇਖਭਾਲ ਮਿਲਦੀ ਹੈ। ਫੈਸਿਲਿਟੀ ਡਾਇਰੈਕਟਰ ਡਾ. ਅਭਿਸ਼ੇਕ ਅਰੋੜਾ ਨੇ ਕਿਹਾ ਕਿ ਹਸਪਤਾਲ ਸਥਾਨਕ ਸਿਹਤ ਭਲਾਈ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਆ ਰਿਹਾ ਹੈ ਅਤੇ ਇਹ ਸਹੂਲਤ ਫਿਰੋਜ਼ਪੁਰ ਵਾਸੀਆਂ ਲਈ ਬਿਹਤਰ ਚਿਕਿਤਸਾ ਢਾਂਚਾ ਮੁਹੱਈਆ ਕਰਨ ਲਈ ਸਮਰਪਿਤ ਹੈ। ਅਮਨਦੀਪ ਹਸਪਤਾਲ ਕਾਰਡੀਓਲੋਜੀ, ਪਲਮੋਨੋਲੋਜੀ, ਨਿਊਰੋਲੋਜੀ, ਜਨਰਲ ਸਰਜਰੀ ਅਤੇ ਬਾਲ ਰੋਗ ਸਮੇਤ ਕਈ ਵਿਸ਼ੇਸ਼ ਸੇਵਾਵਾਂ ਪ੍ਰਦਾਨ ਕਰਦਾ ਹੈ।