ਫਰਜ਼ੀ ਆਈਏਐੱਸ ਵਿਪਰਾ ਖ਼ਿਲਾਫ਼ ਧੋਖਾਧੜੀ ਦੀਆਂ 5 ਹੋਰ ਐੱਫਆਈਆਰ

ਸਰਕਾਰੀ ਨੌਕਰੀ ਦਿਵਾਉਣ ਦੇ ਬਹਾਨੇ ਕਰਦਾ ਸੀ ਠੱਗੀ, 2 ਭੈਣਾਂ ਵੀ ਸ਼ਾਮਲ ਤਿੰਨਾਂ ਮੁਲਜ਼ਮਾਂ ਖ਼ਿਲਾਫ਼ 19 ਐੱਫਆਈਆਰ ਦਰਜ ਜਾਗਰਣ ਸੰਵਾਦਦਾਤਾ, ਬਰੇਲੀ: ਫਰਜ਼ੀ ਆਈਏਐੱਸ ਵਿਪਰਾ ਸ਼ਰਮਾ, ਉਸ ਦੀ ਭੈਣ ਸ਼ਿਖਾ ਤੇ ਦੀਕਸ਼ਾ ਨੇ ਧੋਖਾਧੜੀ ਦਾ ਰੈਕੇਟ ਫੈਲਾਇਆ ਹੋਇਆ ਸੀ। ਸ਼ਨੀਵਾਰ ਨੂੰ ਪੀਲੀਭੀਤ ਵਾਸੀ ਪੀੜਿਤਾ ਸਮੇਤ 5 ਲੋਕਾਂ ਨੇ ਦੋਸ਼ੀਆਂ ਖਿਲਾਫ ਐੱਫਆਈਆਰ ਦਰਜ ਕਰਵਾ ਦਿੱਤੀ। ਇਨ੍ਹਾਂ ਤਿੰਨਾਂ ਭੈਣਾਂ ਖਿਲਾਫ ਹੁਣ ਤੱਕ 19 ਐੱਫਆਈਆਰ ਪੁਲਿਸ ਗੈਂਗਸਟਰ ਨੂੰ ਗ੍ਰਿਫ਼ਤਾਰ ਕਰਨ ਦੀ ਵੀ ਤਿਆਰੀ ਕਰ ਰਹੀ ਹੈ। ਸੰਘ ਲੋਕ ਸੇਵਾ ਕਮਿਸ਼ਨ ਦੀ ਭਾਰਤੀ ਪ੍ਰਸ਼ਾਸਨਿਕ ਸੇਵਾ ਪ੍ਰੀਖਿਆ ’ਚ ਸਫਲਤਾ ਨਾ ਮਿਲਣ ਤੋਂ ਬਾਅਦ ਵਿਪਰਾ ਸ਼ਰਮਾ ਨੇ ਆਪਣੇ ਆਪ ਨੂੰ ਆਈਏਐੱਸ ਦੱਸ ਕੇ ਧੌਂਸ ਦਿਖਾਉਣੀ ਸ਼ੁਰੂ ਕਰ ਦਿੱਤੀ। ਉਸ ਨੇ ਸ਼ਿਖਾ ਤੇ ਦੀਕਸ਼ਾ ਨਾਲ ਮਿਲ ਕੇ ਬੇਰੁਜ਼ਗਾਰਾਂ ਨੂੰ ਠੱਗਣਾ ਸ਼ੁਰੂ ਕਰ ਦਿੱਤਾ। ਤਿੰਨਾਂ ਨੂੰ ਪਿਛਲੇ ਹਫ਼ਤੇ ਜੇਲ੍ਹ ਜਾਣ ਤੋਂ ਬਾਅਦ ਕਈ ਹੋਰ ਪੀੜਤਾਂ ਨੇ ਅੱਗੇ ਆਉਣਾ ਸ਼ੁਰੂ ਕਰ ਦਿੱਤਾ। ਸ਼ਨੀਵਾਰ ਨੂੰ ਪੀਲੀਭੀਤ ਦੀ ਰਹਿਣ ਵਾਲੀ ਹਿਨਾ ਨੇ ਐੱਫਆਈਆਰ ਦਰਜ ਕਰਵਾਈ ਸੀ ਕਿ ਵਿਪਰਾ ਨੇ ਸਰਕਾਰੀ ਨੌਕਰੀ ਦੇ ਬਹਾਨੇ 1.90 ਲੱਖ ਰੁਪਏ ਦੀ ਠੱਗੀ ਮਾਰੀ ਹੈ। ਅਭਿਸ਼ੇਕ ਮੌਰਿਆ ਨੇ 4 ਲੱਖ ਰੁਪਏ ਦੀ ਧੋਖਾਧੜੀ ਦੀ ਐੱਫਆਈਆਰ ਦਰਜ ਕਰਵਾਈ ਹੈ। ਉਸ ਨੇ ਦੋਸ਼ ਲਾਇਆ ਕਿ ਵਿਪਰਾ ਨੇ ਨਾ ਤਾਂ ਪੈਸੇ ਵਾਪਸ ਕੀਤੇ ਤੇ ਨਾ ਹੀ ਕੰਮ ਕਰਵਾ ਸਕੀ। ਦਿਲਪ੍ਰੀਤ ਨੇ 3.50 ਲੱਖ ਰੁਪਏ ਦੀ ਧੋਖਾਧੜੀ ਦੀ ਐੱਫਆਈਆਰ ਦਰਜ ਕਰਵਾਈ ਸੀ। ਉਸ ਨੇ ਦੱਸਿਆ ਕਿ ਵਿਪਰਾ ਉਸ ਵੇਲੇ ਉਸ ਦੇ ਦਫ਼ਤਰ ਆਈ ਸੀ ਜਦੋਂ ਉਹ ਇੱਕ ਬੀਮਾ ਕੰਪਨੀ ’ਚ ਕੰਮ ਕਰ ਰਿਹਾ ਸੀ। ਉਸ ਨੇ ਸਰਕਾਰੀ ਨੌਕਰੀ ਦੇਣ ਦਾ ਵਾਅਦਾ ਕੀਤਾ ਸੀ। ਇਸੇ ਤਰ੍ਹਾਂ ਫਰਹਤ ਨੇ 4 ਲੱਖ ਰੁਪਏ ਦੀ ਧੋਖਾਧੜੀ ਦੀ ਐੱਫਆਈਆਰ ਦਰਜ ਕਰਵਾਈ। ਉਸ ਨੇ ਦੱਸਿਆ ਕਿ ਉਹ ਇੱਕ ਬੀਮਾ ਕੰਪਨੀ ’ਚ ਕੰਮ ਕਰਦਾ ਸੀ ਤੇ ਵਿਪਰਾ ਆਪਣੇ ਕੰਮ ਲਈ ਆਈ ਹੋਈ ਸੀ। ਉਸ ਨੇ ਸਰਕਾਰੀ ਨੌਕਰੀ ਦਿਵਾਉਣ ਦਾ ਵਾਅਦਾ ਕਰ ਕੇ 11 ਲੱਖ ਰੁਪਏ ਮੰਗੇ। ਚਾਰ ਲੱਖ ਰੁਪਏ ਐਡਵਾਂਸ ਲੈ ਲਏ, ਜਿਸ ਤੋਂ ਬਾਅਦ ਉਹ ਟਾਲ-ਮਟੋਲ ਕਰਨ ਲੱਗੀ। ਅਜੈ ਨੇ ਦੋਸ਼ ਲਾਇਆ ਕਿ ਵਿਪਰਾ ਨੇ ਸਰਕਾਰੀ ਨੌਕਰੀ ਦਿਵਾਉਣ ਦੇ ਬਦਲੇ 6 ਲੱਖ ਰੁਪਏ ਮੰਗੇ ਸਨ। ਤਿੰਨ ਲੱਖ ਰੁਪਏ ਐਡਵਾਂਸ ਲੈ ਲਏ ਪਰ ਨੌਕਰੀ ਨਾ ਮਿਲ ਸਕੀ। ਸਾਰੀਆਂ ਪੰਜ ਐੱਫਆਈਆਰਜ਼ ਬਾਰਾਦਰੀ ਥਾਣੇ ’ਚ ਦਰਜ ਕੀਤੀਆਂ ਗਈਆਂ ਹਨ। ਪੁਲਿਸ ਨੂੰ ਖਦਸ਼ਾ ਸੀ ਕਿ ਪੀਲੀਭੀਤ ਵਾਂਗ ਵਿਪਰਾ ਤੇ ਉਸ ਦੀਆਂ ਭੈਣਾਂ ਦਾ ਰੈਕੇਟ ਹੋਰ ਨੇੜਲੇ ਜ਼ਿਲ੍ਹਿਆਂ ’ਚ ਵੀ ਫੈਲ ਸਕਦਾ ਹੈ।