ਤੂਫ਼ਾਨ ਕਾਰਨ ਨਹਿਰ ’ਚ 15 ਫੁੱਟ ਪਾੜ, 50 ਏਕੜ ਬਾਗ਼ ਪਾਣੀ ਹੇਠਾਂ

ਸਟਾਫ ਰਿਪੋਰਟਰ.ਪੰਜਾਬੀ ਜਾਗਰਣ, ਫਾਜ਼ਿਲਕਾ : ਖੈਰਪੁਰ ਪਿੰਡ ਨੇੜੇ ਸੁਖਚੈਨ ਮਾਈਨਰ ਨਹਿਰ ਵਿੱਚ ਰਾਤੀ ਆਏ ਤੇਜ਼ ਤੂਫ਼ਾਨ ਕਾਰਨ ਵੱਡਾ ਪਾੜ ਪੈ ਗਿਆ, ਜਿਸ ਨਾਲ ਲਗਭਗ 50 ਏਕੜ ਖੇਤੀਬਾੜੀ ਜ਼ਮੀਨ ਅਤੇ ਬਾਗ਼ ਪਾਣੀ ਹੇਠਾਂ ਆ ਗਏ। ਸੂਚਨਾ ਅਨੁਸਾਰ ਸਵੇਰੇ ਕਰੀਬ 12 ਵਜੇ ਖੈਰਪੁਰ ਸਟੇਸ਼ਨ ਨੇੜੇ ਨਹਿਰ ਵਿੱਚ ਕਰੀਬ 15 ਫੁੱਟ ਦਾ ਪਾੜ ਪਿਆ। ਇਸ ਕਾਰਨ ਆਲੇ-ਦੁਆਲੇ ਦੇ ਖੇਤਾਂ ਵਿੱਚ ਪਾਣੀ ਭਰ ਗਿਆ ਅਤੇ ਕਿਸਾਨਾਂ ਨੂੰ ਵੱਡਾ ਨੁਕਸਾਨ ਝੱਲਣਾ ਪਿਆ। ਪਿੰਡ ਵਾਸੀਆਂ ਮੈਨਪਾਲ, ਸੁਰੇਂਦਰ, ਲਾਲਚੰਦ, ਵਿਜੇ ਪਾਲ ਅਤੇ ਬਲਦੇਵ ਨੇ ਦੱਸਿਆ ਕਿ ਤੂਫ਼ਾਨ ਦੌਰਾਨ ਦਰੱਖਤਾਂ ਦੀਆਂ ਟਾਹਣੀਆਂ ਨਹਿਰ ਵਿੱਚ ਡਿੱਗਣ ਕਾਰਨ ਇਹ ਹਾਦਸਾ ਵਾਪਰਿਆ। ਸੂਚਨਾ ਮਿਲਦਿਆਂ ਹੀ ਨਹਿਰ ਵਿਭਾਗ ਦੇ ਜੇਈ ਹਾਰਦਿਕ ਅਤੇ ਸੌਰਭ ਗੁਪਤਾ ਸਮੇਤ ਮਾਲ ਵਿਭਾਗ ਦੀ ਟੀਮ ਮੌਕੇ ਤੇ ਪਹੁੰਚ ਗਈ ਅਤੇ ਜੇਸੀਬੀ ਮਸ਼ੀਨਾਂ ਨਾਲ ਪਾੜ ਨੂੰ ਭਰਨ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ। ਜੇਈ ਸੌਰਭ ਗੁਪਤਾ ਨੇ ਦੱਸਿਆ ਕਿ ਮੌਸਮ ਵਿਭਾਗ ਦੀ ਚੇਤਾਵਨੀ ਦੇ ਮੱਦੇਨਜ਼ਰ ਪਹਿਲਾਂ ਹੀ ਨਹਿਰ ਦੇ ਹੈੱਡ ਤੇ ਪਾਣੀ ਦਾ ਪੱਧਰ ਘਟਾ ਦਿੱਤਾ ਗਿਆ ਸੀ, ਪਰ ਤੂਫ਼ਾਨ ਦੀ ਤੀਬਰਤਾ ਕਾਰਨ ਇਹ ਹਾਦਸਾ ਹੋ ਗਿਆ।