ਪਾਣੀ ਦੀ ਲਾਈਨ ਵਿਛਾਉਣ ਕਾਰਨ ਚੰਡੀਗੜ੍ਹ ਦੇ ਕਈ ਰਸਤੇ ਰਹਿਣਗੇ ਬੰਦ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਚੰਡੀਗੜ੍ਹ : ਚੰਡੀਗੜ੍ਹ ਵਿੱਚ ਤੀਜੇ ਦਰਜੇ ਦੇ ਟ੍ਰੀਟਿਡ ਪਾਣੀ ਦੀ ਸਪਲਾਈ ਲਈ ਬਚੇ ਹੋਏ ਖੇਤਰਾਂ ਵਿੱਚ ਤੀਜੇ ਦਰਜੇ ਦੇ ਟ੍ਰੀਟਿਡ (ਟੀਟੀ) ਪਾਣੀ ਸਪਲਾਈ ਪ੍ਰਣਾਲੀ ਨੂੰ ਮਜ਼ਬੂਤ ਕਰਨ ਅਤੇ ਟੀਟੀ ਪਾਣੀ ਦੀਆਂ ਲਾਈਨਾਂ ਵਿਛਾਉਣ ਦਾ ਕੰਮ ਇਸ ਸਮੇਂ ਪ੍ਰਗਤੀ ’ਤੇ ਹੈ। ਇਸ ਪ੍ਰਾਜੈਕਟ ਦੇ ਲਾਗੂ ਹੋਣ ਸਬੰਧੀ ਤੀਜੇ ਦਰਜੇ ਦੇ ਟ੍ਰੀਟਿਡ (ਟੀਟੀ) ਪਾਣੀ ਦੀਆਂ ਲਾਈਨਾਂ ਵਿਛਾਉਣ ਲਈ ਸੜਕ ਕੱਟਣ ਦਾ ਕੰਮ ਵੱਖ-ਵੱਖ ਥਾਵਾਂ ’ਤੇ ਤੈਅ ਕੀਤਾ ਗਿਆ ਹੈ। ਸੈਕਟਰ-25/25-ਵੈ/38-ਵੈ ਧਨਾਸ ਵੱਲ ਲਾਈਟ ਪੁਆਇੰਟ ਵਾਲੀ ਸੜਕ 18 ਮਾਰਚ ਨੂੰ ਸਵੇਰੇ 10 ਵਜੇ ਤੋਂ ਰਾਤ 10 ਵਜੇ ਤੱਕ ਬੰਦ ਰਹੇਗੀ। ਇਸੇ ਤਰ੍ਹਾਂ ਸੈਕਟਰ-38/38 ਵੈ ਡੱਡੂ ਮਾਜਰਾ ਵੱਲ ਲਾਈਟ ਪੁਆਇੰਟ ਵਾਲੀ ਸੜਕ 19 ਮਾਰਚ ਨੂੰ ਸਵੇਰੇ 10 ਵਜੇ ਤੋਂ ਰਾਤ 10 ਵਜੇ ਤੱਕ ਬੰਦ ਰਹੇਗੀ। ਸੈਕਟਰ-25 ਵੱਲ ਲਾਈਟ ਪੁਆਇੰਟ ਸੈਕਟਰ-38/38 ਵੈ ਵਾਲੀ ਸੜਕ ਵੀ 20 ਮਾਰਚ ਨੂੰ ਸਵੇਰੇ 10:00 ਵਜੇ ਤੋਂ ਰਾਤ 10:00 ਵਜੇ ਤੱਕ ਬੰਦ ਰਹੇਗੀ। ਸੈਕਟਰ-38-ਵੈ ਦੀ ਸ਼ਾਂਤੀ ਮਾਰਗ ਤੋਂ ਐਂਟਰੀ ਸੜਕ 21 ਮਾਰਚ ਨੂੰ ਸਵੇਰੇ 10 ਵਜੇ ਤੋਂ ਰਾਤ 10 ਵਜੇ ਤੱਕ ਬੰਦ ਰਹੇਗੀ। ਚੰਡੀਗੜ੍ਹ ਨਗਰ ਨਿਗਮ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਸੜਕਾਂ ਬੰਦ ਹੋਣ ਦੌਰਾਨ ਲੋਕ ਆਪਣੀਆਂ ਮੰਜ਼ਿਲਾਂ ’ਤੇ ਜਾਣ ਲਈ ਬਦਲਵੇਂ ਰਸਤੇ ਅਪਣਾਉਣ ਤਾਂ ਜੋ ਉਨ੍ਹਾਂ ਦੀ ਯਾਤਰਾ ਵਿੱਚ ਕਿਸੇ ਤਰ੍ਹਾਂ ਦਾ ਵਿਘਨ ਨਾ ਪਵੇ।