ਹੋਲੀ ਦੇ ਜਸ਼ਨਾਂ 'ਚ ਪਿਆ ਮਾਤਮ : ਮੌਲੀ ਜਾਗਰਾਂ ਤੇ ਰਾਮਦਰਬਾਰ 'ਚ ਖੂਨੀ ਵਾਰਦਾਤਾਂ, 3 ਨੌਜਵਾਨਾਂ ਦੀ ਮੌਤ
ਪਿੰਡ ਮੱਖਣ ਮਾਜਰਾ ਦੀ ਕਬਾੜੀ ਮਾਰਕੀਟ ਵਿੱਚ ਹੋਲੀ ਦੇ ਮੌਕੇ 'ਤੇ ਅਰਵਿੰਦ, ਉਸ ਦਾ ਬੇਟਾ, ਬਾਬੀ ਅਤੇ ਹੋਰ ਰਿਸ਼ਤੇਦਾਰ ਕੱਪੜੇ ਪਾੜ ਕੇ ਹੋਲੀ ਮਨਾ ਰਹੇ ਸਨ। ਇਸ ਦੌਰਾਨ ਦੋਵਾਂ ਧਿਰਾਂ ਵਿਚਾਲੇ ਕਿਸੇ ਗੱਲ ਨੂੰ ਲੈ ਕੇ ਬਹਿਸ ਹੋ ਗਈ ਅਤੇ ਗਾਲੀ-ਗਲੋਚ ਸ਼ੁਰੂ ਹੋ ਗਈ। ਉਸ ਸਮੇਂ ਉੱਥੇ ਮੌਜੂਦ ਅੰਕਿਤ, ਉਸ ਦੇ ਪਿਤਾ ਅਤੇ ਕਰਨ ਨੇ ਵਿਚ-ਬਚਾਅ ਕਰਕੇ ਮਾਮਲਾ ਸ਼ਾਂਤ ਕਰਵਾ ਦਿੱਤਾ
Posted By alisha
Publish Date: Thu, 05 Mar 2026 04:45 PM (IST)
Updated Date: Thu, 05 Mar 2026 04:50 PM (IST)
ਜਾਸ, ਚੰਡੀਗੜ੍ਹ : ਰੰਗਾਂ ਅਤੇ ਖੁਸ਼ੀਆਂ ਦਾ ਤਿਉਹਾਰ ਹੋਲੀ ਇਸ ਵਾਰ ਖੂਨ ਨਾਲ ਰੰਗਿਆ ਗਿਆ। ਚੰਡੀਗੜ੍ਹ ਸ਼ਹਿਰ ਵਿੱਚ ਹੋਲੀ ਵਾਲੇ ਦਿਨ ਦੋ ਵੱਖ-ਵੱਖ ਥਾਵਾਂ 'ਤੇ ਚਾਕੂਆਂ ਨਾਲ ਹਮਲਾ ਕਰਕੇ ਤਿੰਨ ਨੌਜਵਾਨਾਂ ਦਾ ਕਤਲ ਕਰ ਦਿੱਤਾ ਗਿਆ। ਪੁਲਿਸ ਨੇ ਦੋਵਾਂ ਮਾਮਲਿਆਂ ਵਿੱਚ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਮੁਲਜ਼ਮਾਂ ਦੀ ਭਾਲ ਜਾਰੀ ਹੈ।
ਪਹਿਲੀ ਘਟਨਾ: ਪਿੰਡ ਮੱਖਣ ਮਾਜਰਾ (ਮੌਲੀ ਜਾਗਰਾਂ)
ਪਹਿਲੀ ਘਟਨਾ ਮੌਲੀ ਜਾਗਰਾਂ ਥਾਣੇ ਦੇ ਅਧੀਨ ਪੈਂਦੇ ਪਿੰਡ ਮੱਖਣ ਮਾਜਰਾ ਵਿੱਚ ਵਾਪਰੀ। ਇੱਥੇ ਹੋਲੀ ਦੌਰਾਨ ਦੋ ਪਰਿਵਾਰਾਂ ਵਿਚਕਾਰ ਹੋਏ ਵਿਵਾਦ ਵਿੱਚ ਇੱਕ ਨੌਜਵਾਨ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ, ਜਦੋਂ ਕਿ ਮ੍ਰਿਤਕ ਦਾ ਪਿਤਾ ਅਤੇ ਇੱਕ ਰਿਸ਼ਤੇਦਾਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਮ੍ਰਿਤਕ ਦੀ ਪਛਾਣ 21 ਸਾਲਾ ਅੰਕਿਤ ਵਜੋਂ ਹੋਈ ਹੈ, ਜੋ ਮੂਲ ਰੂਪ ਵਿੱਚ ਬਿਹਾਰ ਦੇ ਗੋਪਾਲਗੰਜ ਦਾ ਰਹਿਣ ਵਾਲਾ ਸੀ। ਮ੍ਰਿਤਕ ਦੇ ਪਿਤਾ ਭਗਵਾਨ ਸਾਹਨੀ ਅਤੇ ਰਿਸ਼ਤੇਦਾਰ ਕਰਨ ਜ਼ਖ਼ਮੀ ਹਨ।
ਪੁਲਿਸ ਨੇ ਅਰਵਿੰਦ, ਬਾਬੀ ਅਤੇ ਉਨ੍ਹਾਂ ਦੇ ਹੋਰ ਸਾਥੀਆਂ ਖ਼ਿਲਾਫ਼ ਕਤਲ ਦਾ ਮਾਮਲਾ ਦਰਜ ਕੀਤਾ ਹੈ।
ਕਿਵੇਂ ਵਾਪਰੀ ਵਾਰਦਾਤ
ਪਿੰਡ ਮੱਖਣ ਮਾਜਰਾ ਦੀ ਕਬਾੜੀ ਮਾਰਕੀਟ ਵਿੱਚ ਹੋਲੀ ਦੇ ਮੌਕੇ 'ਤੇ ਅਰਵਿੰਦ, ਉਸ ਦਾ ਬੇਟਾ, ਬਾਬੀ ਅਤੇ ਹੋਰ ਰਿਸ਼ਤੇਦਾਰ ਕੱਪੜੇ ਪਾੜ ਕੇ ਹੋਲੀ ਮਨਾ ਰਹੇ ਸਨ। ਇਸ ਦੌਰਾਨ ਦੋਵਾਂ ਧਿਰਾਂ ਵਿਚਾਲੇ ਕਿਸੇ ਗੱਲ ਨੂੰ ਲੈ ਕੇ ਬਹਿਸ ਹੋ ਗਈ ਅਤੇ ਗਾਲੀ-ਗਲੋਚ ਸ਼ੁਰੂ ਹੋ ਗਈ। ਉਸ ਸਮੇਂ ਉੱਥੇ ਮੌਜੂਦ ਅੰਕਿਤ, ਉਸ ਦੇ ਪਿਤਾ ਅਤੇ ਕਰਨ ਨੇ ਵਿਚ-ਬਚਾਅ ਕਰਕੇ ਮਾਮਲਾ ਸ਼ਾਂਤ ਕਰਵਾ ਦਿੱਤਾ ਪਰ ਕੁਝ ਦੇਰ ਬਾਅਦ ਅਰਵਿੰਦ, ਬਾਬੀ ਅਤੇ ਉਸ ਦਾ ਨਾਬਾਲਗ ਬੇਟਾ ਆਪਣੇ ਸਾਥੀਆਂ ਨਾਲ ਦੁਬਾਰਾ ਉੱਥੇ ਪਹੁੰਚੇ ਅਤੇ ਅੰਕਿਤ ਦੇ ਪਰਿਵਾਰ 'ਤੇ ਚਾਕੂਆਂ ਨਾਲ ਹਮਲਾ ਕਰ ਦਿੱਤਾ।
ਜ਼ਖਮੀਆਂ ਨੂੰ ਸੈਕਟਰ-32 ਦੇ GMCH ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਅੰਕਿਤ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਅੰਕਿਤ ਦੇ ਪੇਟ 'ਤੇ ਚਾਕੂ ਦੇ ਕਈ ਵਾਰ ਕੀਤੇ ਗਏ ਸਨ । ਹਮਲੇ ਵਿੱਚ ਭਗਵਾਨ ਸਾਹਨੀ ਦਾ ਕੰਨ ਕੱਟ ਗਿਆ ਅਤੇ ਸਰੀਰ ਦੇ ਕਈ ਹਿੱਸਿਆਂ 'ਤੇ ਚਾਕੂ ਦੇ ਜ਼ਖ਼ਮ ਹਨ, ਜਦਕਿ ਕਰਨ ਦੇ ਹੱਥ 'ਤੇ ਅੱਠ ਟਾਂਕੇ ਲੱਗੇ ਹਨ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਸਾਰੇ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋ ਗਏ। ਮੌਲੀ ਜਾਗਰਾਂ ਥਾਣਾ ਪੁਲਿਸ ਨੇ ਜ਼ਖਮੀਆਂ ਦੇ ਬਿਆਨਾਂ ਦੇ ਅਧਾਰ 'ਤੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਫ਼ਰਾਰ ਮੁਲਜ਼ਮਾਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।