JEE Mains Result 2026 : ਜੇਈਈ ਮੇਨਜ਼ ਪ੍ਰੀਖਿਆ 'ਚ ਟ੍ਰਾਈਸਿਟੀ ਦੇ ਹੋਣਹਾਰਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ, ਆਰੁਸ਼ ਸਿੰਘਲ 100 ਫ਼ੀਸਦੀ ਨਾਲ ਬਣੇ ਟਾਪਰ

ਤਰੁਣ ਭਜਨੀ, ਚੰਡੀਗੜ੍ਹ : ਦੇਸ਼ ਦੇ ਟਾਪ ਇੰਜੀਨੀਅਰਿੰਗ ਸੰਸਥਾਵਾਂ ਵਿੱਚ ਦਾਖਲੇ ਲਈ ਕਰਵਾਈ ਜਾਣ ਵਾਲੀ ਜੇਈਈ ਮੇਨ ਪ੍ਰੀਖਿਆ ਵਿੱਚ ਟ੍ਰਾਈਸਿਟੀ ਦੇ ਨੌਜਵਾਨਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਦੇਰ ਸ਼ਾਮ ਜੇਈਈ ਮੇਨ ਦਾ ਨਤੀਜਾ ਐਲਾਨਿਆ ਗਿਆ।

ਚੰਡੀਗੜ੍ਹ ਦੇ ਆਰੁਸ਼ ਸਿੰਘਲ ਨੇ 100 ਫ਼ੀਸਦੀ ਪ੍ਰਾਪਤ ਕਰਕੇ ਆਲ ਇੰਡੀਆ ਰੈਂਕ 8 ਹਾਸਲ ਕੀਤਾ ਹੈ। ਅਰਨਵ ਗਾਂਧੀ ਨੇ 100 ਫ਼ੀਸਦੀ ਪ੍ਰਾਪਤ ਕਰਕੇ ਆਲ ਇੰਡੀਆ ਰੈਂਕ 22 ਹਾਸਲ ਕੀਤਾ। ਨਿਸ਼ਕਰਸ਼ ਵਰਮਾ ਨੇ 99.999 ਪਰਸੈਂਟਾਈਲ ਪ੍ਰਾਪਤ ਕਰਕੇ ਆਲ ਇੰਡੀਆ ਰੈਂਕ 46 ਹਾਸਲ ਕੀਤਾ। ਯਜਤ ਸਿੰਘਲ ਨੇ 99.996 ਪਰਸੈਂਟਾਈਲ ਨਾਲ ਆਲ ਇੰਡੀਆ ਰੈਂਕ 100 ਹਾਸਲ ਕੀਤਾ।

ਜੇਈਈ ਮੇਨ ਨਤੀਜੇ ਵਿੱਚ ਸ਼੍ਰੀ ਚੈਤਨਿਆ ਇੰਸਟੀਚਿਊਟ ਦੇ ਚਾਰ ਵਿਦਿਆਰਥੀਆਂ ਨੇ 2026 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਦੇ ਉੱਚ ਅੰਕ ਉਨ੍ਹਾਂ ਦੀ ਅਕਾਦਮਿਕ ਸ਼੍ਰੇਸ਼ਠਤਾ ਨੂੰ ਦਰਸਾਉਂਦੇ ਹਨ ਅਤੇ ਭਵਿੱਖ ਦੇ ਵਿਦਿਆਰਥੀਆਂ ਲਈ ਪ੍ਰੇਰਣਾ ਦਾ ਸਰੋਤ ਹਨ।

ਆਰੁਸ਼ ਸਿੰਘਲ ਚੰਡੀਗੜ੍ਹ ਦੇ ਭਵਨ ਵਿਦਿਆਲਯ ਦੇ ਵਿਦਿਆਰਥੀ ਹਨ ਅਤੇ ਉਹ ਸ਼੍ਰੀ ਚੈਤਨਿਆ ਦੇ 6 ਸਾਲਾ ਕਲਾਸਰੂਮ ਪ੍ਰੋਗਰਾਮ ਨਾਲ ਜੁੜੇ ਰਹੇ ਹਨ। ਉਨ੍ਹਾਂ ਦਾ ਟੀਚਾ ਇੰਡੀਅਨ ਇੰਸਟੀਟਿਊਟ ਆਫ ਬੰਬਈ ਤੋਂ ਇੰਜੀਨੀਅਰਿੰਗ ਦੀ ਡਿਗਰੀ ਹਾਸਲ ਕਰਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇੱਕ ਟੀਚੇ ‘ਤੇ ਫੋਕਸ ਕਰਕੇ ਤਿਆਰੀ ਕਰਨ ਨਾਲ ਹੀ ਸਫਲਤਾ ਮਿਲਦੀ ਹੈ।

ਉਨ੍ਹਾਂ ਨੇ ਦੱਸਿਆ ਕਿ ਉਹ ਛੋਟੇ-ਛੋਟੇ ਪ੍ਰਭਾਵਸ਼ਾਲੀ ਅਧਿਐਨ ਸੈਸ਼ਨਾਂ ਵਿੱਚ ਪੜ੍ਹਾਈ ਕਰਦੇ ਹਨ ਅਤੇ ਵਿਚਕਾਰ ਛੋਟੇ ਬ੍ਰੇਕ ਲੈ ਕੇ ਨਿਰੰਤਰਤਾ ਬਣਾਈ ਰੱਖਦੇ ਹਨ। ਉਹ ਰੋਜ਼ਾਨਾ ਕਲਾਸਾਂ ਅਤੇ ਚਰਚਾਵਾਂ ਦੇ ਨਾਲ ਲਗਪਗ 6–8 ਘੰਟੇ ਸਵੈ-ਅਧਿਐਨ ਕਰਦੇ ਹਨ। ਆਰੁਸ਼ ਨੇ ਓਲੰਪਿਆਡ ਵਿੱਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਇਨਮੋ , ਇੰਫੋ , ਇੰਕੋ ਅਤੇ ਈਨਾਓ ਲਈ ਕਵਾਲੀਫਾਈ ਕੀਤਾ ਅਤੇ ਓਸੀਐੱਸਸੀ ਕੈਂਪ ਵਿੱਚ ਹਿੱਸਾ ਲਿਆ।

ਉਨ੍ਹਾਂ ਨੇ ਆਪਣੀ ਸਫਲਤਾ ਦਾ ਸਿਹਰਾ ਨਿਯਮਿਤ ਪ੍ਰੈਕਟਿਸ ਟੈਸਟਾਂ ਅਤੇ ਅਧਿਆਪਕਾਂ ਦੇ ਲਗਾਤਾਰ ਮਾਰਗਦਰਸ਼ਨ ਨੂੰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਉਹ ਹਮੇਸ਼ਾਂ ਵਿਸ਼ੇ ਦੇ ਬੇਸਿਕ ਸਮਝ ਕੇ ਉਸਦੀ ਪ੍ਰੈਕਟਿਸ ਕਰਦੇ ਰਹੇ, ਜਿਸ ਦਾ ਉਨ੍ਹਾਂ ਨੂੰ ਲਾਭ ਮਿਲਿਆ। ਹੁਣ ਉਨ੍ਹਾਂ ਦਾ ਧਿਆਨ ਜੇਈਈ ਐਡਵਾਂਸਡ ਅਤੇ ਆਈਈਟੀ ਬਾਮਬੇ ਵਿੱਚ ਦਾਖਲਾ ਲੈਣ ‘ਤੇ ਹੈ।

ਉਨ੍ਹਾਂ ਦੇ ਮਾਤਾ-ਪਿਤਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਰੁਸ਼ ਦੀ ਮਿਹਨਤ ਅਤੇ ਅਨੁਸ਼ਾਸਨ ‘ਤੇ ਮਾਣ ਹੈ। ਉਸਦੀ ਮਿਹਨਤ ਅਤੇ ਸਪਸ਼ਟ ਟੀਚੇ ਨੇ ਉਸ ਨੂੰ ਇਹ ਸਫਲਤਾ ਦਿਵਾਈ ਹੈ।

ਅਰਨਵ ਗਾਂਧੀ ਨੇ ਆਲ ਇੰਡੀਆ 22ਵੀਂ ਰੈਂਕ ਹਾਸਲ ਕੀਤੀ ਹੈ। ਉਹ ਭਵਨ ਵਿਦਿਆਲਯ, ਪੰਚਕੂਲਾ ਦੇ 12ਵੀਂ ਕਲਾਸ ਦੇ ਵਿਦਿਆਰਥੀ ਰਹੇ ਹਨ। ਉਨ੍ਹਾਂ ਨੇ ਜੇਈਈ ਮੇਨ 2026 ਵਿੱਚ 300 ਵਿੱਚੋਂ 295 ਅੰਕ ਪ੍ਰਾਪਤ ਕੀਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਤਿਆਰੀ ਦੌਰਾਨ ਉਨ੍ਹਾਂ ਨੇ ਨਿਯਮਿਤ ਪ੍ਰੈਕਟਿਸ ਅਤੇ ਮੌਕ ਟੈਸਟਾਂ ‘ਤੇ ਫੋਕਸ ਕੀਤਾ, ਜਿਸ ਨਾਲ ਉਨ੍ਹਾਂ ਨੂੰ ਬਹੁਤ ਲਾਭ ਮਿਲਿਆ।

ਅਰਨਵ ਰੋਜ਼ਾਨਾ 6 ਤੋਂ 8 ਘੰਟੇ ਪੜ੍ਹਾਈ ਕਰਦੇ ਹਨ ਅਤੇ ਇੰਡੀਆਂ ਇੰਸਟੀਟਿਊਟ ਆਫ ਬੰਬਈ ਤੋਂ ਕੰਪਿਊਟਰ ਸਾਇੰਸ ਇੰਜੀਨੀਅਰਿੰਗ ਕਰਨ ਦਾਟੀਚਾ ਰੱਖਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਜੇਈਈ ਵਰਗੀ ਪ੍ਰੀਖਿਆ ਲਈ ਗਲਤੀਆਂ ਦਾ ਵਿਸ਼ਲੇਸ਼ਣ ਕਰਕੇ ਉਨ੍ਹਾਂ ਨੂੰ ਸੁਧਾਰਨਾ ਬਹੁਤ ਜ਼ਰੂਰੀ ਹੈ।

ਨਿਸ਼ਕਰਸ਼ ਵਰਮਾ ਨੇ ਆਲ ਇੰਡੀਆ ਵਿੱਚ 46ਵੀਂ ਰੈਂਕ ਹਾਸਲ ਕੀਤੀ ਹੈ। ਉਹ ਵੀ ਭਵਨ ਵਿਦਿਆਲਯ, ਪੰਚਕੂਲਾ ਦੇ ਵਿਦਿਆਰਥੀ ਹਨ। ਉਨ੍ਹਾਂ ਨੇ ਕਿਹਾ ਕਿ ਸ਼ੁਰੂ ਵਿੱਚ ਉਹ ਇੱਕ ਆਮ ਵਿਦਿਆਰਥੀ ਸਨ, ਪਰ ਮੇਹਨਤ ਅਤੇ ਪ੍ਰੈਕਟਿਸ ਨਾਲ ਉਨ੍ਹਾਂ ਨੇ ਮੈਥਸ ਅਤੇ ਸਾਇੰਸ ਵਿੱਚ ਗਹਿਰੀ ਰੁਚੀ ਵਿਕਸਿਤ ਕੀਤੀ। ਉਨ੍ਹਾਂ ਨੇ 10ਵੀਂ ਬੋਰਡ ਵਿੱਚ 96.4 ਫੀਸਦੀ ਅੰਕ ਹਾਸਲ ਕੀਤੇ। ਵਧੀਆ ਨਤੀਜੇ ਲਈ ਉਹ ਰੋਜ਼ਾਨਾ 8–10 ਘੰਟੇ ਪੜ੍ਹਾਈ ਕਰਦੇ ਸਨ।