ਮੋਹਾਲੀ ਦੇ ਫੋਰਟੀਜ਼ ਹਸਪਤਾਲ ਤੇ ਸਕੂਲਾਂ ਨੂੰ ਮਿਲੀ ਬੰਬ ਨਾਲ ਉਡਾਉਣ ਦੀ ਧਮਕੀ, CM ਪੰਜਾਬ ਹਨ ਦਾਖਲ

ਰਣਜੀਤ ਸਿੰਘ ਰਾਣਾ,ਐਸ ਏ ਐਸ ਨਗਰ; ਅੱਜ ਸਵੇਰੇ ਮੋਹਾਲੀ ਦੇ ਫੋਰਟੀਜ਼ ਹਸਪਤਾਲ ਅਤੇ ਕੁਝ ਨਾਮੀ ਸਕੂਲਾਂ ਨੂੰ ਈਮੇਲ ਰਾਹੀਂ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ ਜਿਸ ਵਿੱਚ ਲਿਖਿਆ ਗਿਆ ਹੈ ਕਿ ਹਸਪਤਾਲ ਵਿੱਚ ਦਾਖਲ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਬੰਬ ਨਾਲ ਉਡਾ ਦਿੱਤਾ ਜਾਵੇਗਾ ਅਤੇ ਇਸ ਈਮੇਲ ਵਿੱਚ ਬੱਚਿਆਂ ਨੂੰ ਸਕੂਲ ਨਾ ਭੇਜਣ ਦੀ ਗੱਲ ਵੀ ਕਹੀ ਗਈ ਹੈ । ਪੁਲਿਸ ਵੱਲੋਂ ਇਤਿਹਾਤ ਦੇ ਤੌਰ ਤੇ ਨਫਰੀ ਵਧਾ ਦਿੱਤੀ ਗਈ ਹੈ ਅਤੇ ਚੈਕਿੰਗ ਜਾਰੀ ਹੈ ।

ਦੱਸਣ ਯੋਗ ਹੈ ਕਿ ਪਹਿਲਾਂ ਚੰਡੀਗੜ੍ਹ ਫਿਰ ਮੋਹਾਲੀ ਅਤੇ ਅੱਜ ਦੁਬਾਰਾ ਫੇਰ ਕੁਝ ਨਾਮੀ ਸਕੂਲਾਂ ਨੂੰ ਈਮੇਲ ਕਰਕੇ ਬੰਬ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ । ਇੱਥੇ ਸੀਬੀਐਸਈ ਅਤੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦਾ ਦਸਵੀਂ ਦਾ ਪਹਿਲਾ ਪੇਪਰ ਹੈ ਅਤੇ ਕੁਝ ਨਾਮੀ ਸਕੂਲਾਂ ਵਿੱਚ ਸੈਂਟਰ ਬਣੇ ਹੋਏ ਹਨ । ਇਸ ਦੀ ਪੁਸ਼ਟੀ ਕਰਦੇ ਹੋਏ ਡੀਐਸਪੀ ਸਿਟੀ 2 ਹਰਸਿਮਰਨ ਸਿੰਘ ਬੱਲ ਨੇ ਦੱਸਿਆ ਕਿ ਸਕੂਲਾਂ ਨੂੰ ਈਮੇਲ ਆਈ ਹੈ ਪਰ ਪਹਿਲਾਂ ਵਾਂਗ ਸਕੂਲ ਖਾਲੀ ਨਹੀਂ ਕਰਵਾਏ ਜਾ ਰਹੇ ਕਿਉਂਕਿ ਅੱਜ ਦਸਵੀਂ ਦਾ ਪਹਿਲਾ ਪੇਪਰ ਹੈ ਅਤੇ ਬੱਚਿਆਂ ਦੇ ਭਵਿੱਖ ਦਾ ਸਵਾਲ ਹੈ । ਉਹਨਾਂ ਕਿਹਾ ਕਿ ਪਰ ਇਤਿਹਾਤ ਦੇ ਤੌਰ ਤੇ ਡੋਗ ਸਕੁਇਡ ਅਤੇ ਹੋਰ ਟੀਮਾਂ ਸਰਚ ਕਰ ਰਹੀਆਂ ਹਨ ।