ਬਲਾਕ ਪ੍ਰਾਇਮਰੀ ਖੇਡਾਂ ’ਚ ਮਨੂ ਵਾਟਿਕਾ ਸਕੂਲ ਨੇ ਜਿੱਤੀ ਓਵਰਆਲ ਟਰਾਫੀ

ਚਤਰ ਸਿੰਘ, ਪੰਜਾਬੀ ਜਾਗਰਣ ਬੁਢਲਾਡਾ : ਮਨੂ ਵਾਟਿਕਾ ਸਕੂਲ ਦੇ ਨੰਨ੍ਹੇ-ਮੁੰਨੇ ਬੱਚਿਆਂ ਨੇ ਬਲਾਕ ਪ੍ਰਾਇਮਰੀ ਖੇਡਾਂ ’ਚ ਜਿੱਤ ਵਾਲਾ ਝੰਡਾ ਕਾਇਮ ਰੱਖਿਆ, ਜਿਸ ਵਿੱਚ ਨੈਸ਼ਨਲ ਕਬੱਡੀ ਗੋਲਡ, ਹੈਂਡਵਾਲ ਗੋਲਡ, ਕਰਾਟੇ ਗੋਲਡ, ਕੁਸ਼ਤੀਆਂ ਗੋਲਡ, ਬੈਡਮਿੰਟਨ ਗੋਲਡ ਮੁੰਡੇ ਕੁੜੀਆਂ, ਜਿਮਨਾਸਟਿਕ ਵਿੱਚ ਮੁੰਡੇ ਕੁੜੀਆਂ ਗੋਲਡ, ਸ਼ਤਰੰਜ ਮੁੰਡੇ ਕੁੜੀਆਂ ਗੋਲਡ, ਤੇ ਸੁੱਟ ਪੁੱਟ ਗੋਲਡ ਮਨੂ ਵਾਟਿਕਾ ਨੇ ਵੱਖ-ਵੱਖ ਕਲੱਸਟਰ ਦੇ ਖਿਡਾਰੀਆਂ ਨੂੰ ਮੁਕਾਬਲੇ ਵਿੱਚ ਹਾਰ ਕੇ ਹਰ ਸਾਲ ਦੀ ਤਰ੍ਹਾਂ ਓਵਰਆਲ ਟਰਾਫੀ ਮਨੂ ਵਾਟਿਕਾ ਦੇ ਨਾਂ ਕਰ ਦਿੱਤੀ। ਇਸ ਸਬੰਧੀ ਸਕੂਲ ਪ੍ਰਬੰਧਕ ਕਮੇਟੀ ਦੇ ਚੇਅਰਮੈਨ ਭਾਰਤ ਭੂਸ਼ਨ ਸਰਾਫ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਸਕੂਲ ਦੇ ਵਿਦਿਆਰਥੀ ਖੇਡਾਂ ਦੇ ਨਾਲ ਨਾਲ ਸਿੱਖਿਆ ਦੇ ਖੇਤਰ ਵਿੱਚ ਪਿੱਛੇ ਨਹੀਂ ਹਨ, ਜੋ ਸ਼ਟੇਟ ਅਤੇ ਨੈਸ਼ਨਲ ਪੱਧਰ ਤਕ ਮੀਲ ਪੱਥਰ ਸਥਾਪਿਤ ਕਰ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਸਕੂਲ ਅੰਦਰ ਖੇਡਾਂ ਪ੍ਰਤੀ ਲਗਨ ’ਤੇ ਚਲਦਿਆਂ ਮਾਹਿਰ ਕੋਚਾਂ ਦੀ ਮਿਹਨਤ ਨਾਲ ਸਕੂਲ ਦੀ ਵਿਦਿਆਰਥਣ ਵੀਰਪਾਲ ਕੌਰ ਚੀਨ ਦੀ ਧਰਤੀ ਤੇ ਸਕੂਲ ਦਾ ਨਾਂ ਅਤੇ ਆਪਣੇ ਮਾਪਿਆਂ ਦਾ ਨਾਂ ਰੋਸ਼ਨ ਕਰੇਗੀ। ਇਸ ਮੌਕੇ ਪ੍ਰਿੰਸੀਪਲ ਉਮੇਸ਼ ਗਰਗ, ਸਤੀਸ਼ ਸਿੰਗਲਾ, ਮਨੂ ਤ੍ਰਿਵੇਦੀ ਅਤੇ ਖੇਡ ਵਿਭਾਗ ਦੇ ਮੁੱਖੀ ਅਮਨਦੀਪ ਸਿੰਘ ਸਿੱਧੂ ਆਦਿ ਮੌਜੂਦ ਸਨ।